Samuɛlə dɔlɔɔ 10:1 - Yálá laawoo hɛɓɛ (dc)

¹ Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Yálá laawoo hɛɓɛ

¹ Samuɛlə ə nwulɔ kpowo həɠə, ə bu Saulə nwuɔ̨, ə nɛ̨nɛ̨ɓo, yɛ mą: «Yai-Laa ka tii aa ə́ həɠə, ə gɛ, ə́ kɛ a gwɛlin ɲąąwooɓomun.

Bible

¹ Gɛ́ɛ díi kɛ́-nuui a líi, Samia è ɔle wulɔ sane loŋ sìɣe é ŋ̀úlɔ pú Sɔ̂ɔ ŋûa é ǹá-gbɔ see ma ǹyɛɛ m̀ai, “Yâwɛɛ a ísiɣe zu a ŋɔnûai láa túɛ-nuu da dímɛi nuu.

Samuɛlə dɔlɔɔ 10:1 Iomraidhean Croise

Samia Veerɛi 1:14

Davidə yɛ mą: «Ə́ həɠə ləi yaai, hvo ɲɔw li, yɛ́ li ə́ yee pɛlɛi nui Yai-Laa ə dɔɔ wulɔ hiɛ mą, yɛ́ baa?»

Samia Veerɛi 19:39

Tɔɔmun yɛ mą: «Ee! Ŋą́ą́ hvaa mą, kwa Kimhamə ni ku kaa lii, yii lɔpee ə́ kaa bɔ, ya ɓə gáá lii gɛi ma. Yii lɔpee a laa a ə́ lii, ya ɉuhvɛli mą́ą́, ya ɓə gáá lii gɛi ma, ə́ laa hu.»

Samia Veerɛi 20:19

Kuɔ taai kaa a liilaa taa, dɛɛ Israɛlə taaɠaa kəlee ɓa, ya ɓə ə́ kaa bɔ ə́ daai ŋɛ̨i hu nuą kəlee nwun na pili! Ə́ Israɛlə taa walawalai ŋɛ̨i wolo! Lə mɛ̨nį ɓa, ə́ kaa bɔ ə́ Yai-Laa kwɛlin ɉukala?»

Samia Veerɛi 5:2

Saulə nwɔ tɔɔlaa yələi, yɛ́ ɓə kɛi tɔɔ Israɛlə ɲɛ̨i tɔwɔ kaa li, kaa pa. Ya ɓə Yai-Laa ə kɛ yɛ́: ‹Yɛ́ ɓə pai Israɛlə nwɔ́ nu huwui ŋaakɔn ɉii, ɛlɛɛ, yɛ́ ɓə pai kɛi Israɛlə nwun na.›»

Tɔɔɓɛlaa dɔlɔɔ 1:34

Ka li laa, ɉaláá laa həli mun Sadɔkə da Yálá kwəi mɛ̨nį hukulɔ mun Natan di dɔɔ wulɔ lɔ nwun ma, di mąąti, ə kɛ a dɔɔmun Israɛlə nuą kəlee nwun na. Nąąlɔwai ka dulú hvɛɛ, kaa diɛ: ‹Tɔɔmun Salomɔn yíi ə kwɛa!›

Tɔɔɓɛlaa dɔlɔɔ 19:18

Kɛlaa, gáá pai nu kpəli wolo lɛɛi Israɛlə a nu waa mɛ̨ihveelɛ diɛi di hvo ta pɛlɛ li di liiɓa, di hvo kwɛli hvilɛn Baalə ɓa.»

Tɔɔɓɛlaa veelɛ 20:5

yɛ mą: «Pənə ə́ li yɛ́ nwɔ́ lɔi Israɛlə nwun nąmu Ezekiasə ɓa: mɛ̨nįi Yai-Laa ə mo ya ka, yaai gaa a ə́ nąn Davidə nwɔ Yálá: ‹Ŋáá ə́ wɔ hvɛli ɓo woo mɛ̨n, ŋą́ą́ ə́ ɲɛ̨iya kaa, yili ɓa, gáá ə́ kulɔi ɲɔ̨n ŋɛ̨i hu. Hvóló haaɓa tɛɛ pulu, ə́ kaa pai lii Yai-Laa yəi bɛlɛ́n.

Tɔɔɓɛlaa veelɛ 9:1

Yálá kwəi mɛ̨nį hukulɔ mun Elise ə nwɔ kalan non dɔ̨nɔ̨ təli, yɛ mą: «Ə́ hąą yili, ə́ nwulɔ kpowo həɠə, ə́ li la Ramotə Galaadə lɔi hu.

Tɔɔɓɛlaa veelɛ 9:12

Di pənə diɛ mą: «Ə́ kaa lɛɛ kɛi! Ə́ woo kəlee hukulɔ kuɔ.» Ɉehu yɛ diɛ: «Mɛ̨nįi ə mo mą́ą́, ya ka; yɛ Yai-Laa woo ka: ‹Nwulɔi ŋɛ̨i gáá ɉiɛi yɛ́ ɉaalai, ŋą́ą́ ə́ kɛ a Israɛlə tɔɔmun.›»

Mąątɛ̨nɛ̨ 135:4

Mąąhɔlɔɓo Yai-Laa ə Ɉakɔbə həɠə ɉu a nwɔɔ, Ə Israɛlə kɛ a gwɛlin nɔi.

Mąątɛ̨nɛ̨ 2:12

'Ka mąąwiɛ tɛɛ Non bɔ, hvo pa nəi níiholi, ka nwun na hvo nee pili bələi, nwɔ liiholi a kulɔ lɔ tanɔ̨n. Nui a mąąkilɛ nįnįn mu, mąą nu nwun na nɛ̨ɛ̨i ɓə.

Mąątɛ̨nɛ̨ 78:71

ə kɛ taatɛlɛɛɠaa pulu, yɛ dəli, əgɛ a nwɔ nu huwui Ɉakɔbə, da ɉɔlɔɓo lɔi Israɛlə di ɲąąkɔnmun.

Lɛɛ gbɔwɔ ɓa 30:23

«Wulɔ kun nɛ̨ɛ̨ɠaa həɠə a ɉuwu tamąą, diɛ ɓaa: Mirə wulɔ gəgən ɉu lɔɔli, sinamomə wulu kɔlɔ kilə hveelɛ da gbulɔ, hvəən gunnɛ̨ɛ̨ kilə hveelɛ da gbulɔ;

Ɉeremi 10:16

Kɛlaa, Ɉakɔbə nwɔ Yálái hvo tii; ya ɓə hɛn gəlee pɛli, Israɛlə ə ɓo a gwɛlin nɔi; naa ɓaa: Yai-Laa Mɛ̨nį Kəlee ŋą Hééɓomun.

Izikiɛ 16:13

Ə́ mąą yili hɛnŋąąi tii di kɛ a hɛni da wali; ə́ mąąyili həɠəɠaa di ɓo a həɠə ɓɛla huwu lɛlɛɛɠaa, gwəlɛɛ pə-pə, a həɠə ɓɛla hɔ̨nwɔ̨ kpɛa kpɛa, di mąą puɔ. Kɔ̨nɔ̨n ɉu yɛɠɛɛ ɓə ə́ kɛi mįi, da kwɛ́in nwulɔ, da wulɔ; ə́ lɛlɛ kpɔ kɛa a gɔn bulu pələ. Ə́ həli tɔɔlaa ɓa.

Osia 13:2

Ɛlɛɛ, ə mą kɛ yiihu, di yee kaa lɔ nɛ̨ŋɛ̨n ɉu, da di yəi wali həɠeen, diɛ haliɠaa pɛli la, a yɛlɛ; yɛlɛ kɛ nuą kɛ kólo lɔ li. Di mąą mɛ̨nį ɓə da kɛ kɛi la diɛ: «Da nu kanŋaa kulɔ a haláá, diɛ kwɛli hvilɛn nįŋɛ̨ lon ɉaliɠaa diɛ.»

Gɛlaɠaa 13:21

Nąąlɔwai di tɔɔmun ɉu hvɛli, Yálá ə Kisə lon Saulə tɛɛ di pɔ, yai a Bɛnɉamɛn huwu ta, ə kwɛlan bow nąąn dɔɔlaa kɛ di mɛ̨i.

Dutɛrɔnome 32:9

Kɛlaa Yai-Laa nwɛi ɓaa a nwɔ nu huwui, Ɉakɔbə ə lɛɛ a gwɛlin.

Tɛsalonikə dɔlɔɔ 5:26

'Ká gu nąn nonnii kəlee túwɔ́ɓo kpɔ kpąą a túwɔ́ mąąhəɠɛɛ.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

M̀ɛni-lɛɛi 5:8

Yii kɛa ə ɉɛɓɛ́ hon, ɉuwɔ nąąn tii, ɛlɛɛ da galanɉon pow-hveelɛ-kɔw nąąn tii, di gwɛli hvilɛn Mɛlaa Lon mą. Gəlee tɛitɛi, gwɛnįn ə ɓo di yəi, ɛlɛɛ, da hɛni kpələ kɔwɔɠaa, naahvɛɛ a wulɔ kun-nɛ̨ɛ̨, yai a nu mąąhəɠɛɛɠaa di wɔ hvɛli woo.

Samuɛlə dɔlɔɔ 12:3

Ɲą́ą́ ka tɔɔni ka lííla Yai-Laa ɲɛ̨i ɓa da nwɔ nui ə ɉəɠə ɉu, nui ɉɔ́n gaa gwəi, ə mo. Gbɛɛ ɓə ŋą́ Nįŋɛ̨ ɲəi? Gbɛɛ ɓə ŋą́ hoohvaalən ɉəɠə ɲəi? Gbɛɛ ɓə ŋą́ ɲéé pənə ɉu? Gbɛɛ ɓə ŋą́ too mɛ̨i hɛn ɉəɠə ɲəi? Gbɛɛ ɓə ŋą́ wali həɠə ɲəi a gili ŋapɛlɛ pələ? Nui ŋą́ yili kɛ la, mąą nu ə hvaa, ŋą́ pənə ŋą́ dɛɛ bɔ.»

Samuɛlə dɔlɔɔ 13:14

Kɛlaa, yii laai hu, ə́ wɔ tɔɔlaai hvo pai lamuni ɉu. Yai-Laa aa nu kwɛli mą a niiɓa mun, ɛlɛɛ, Yai-Laa aa ɉee a nwɔ nu huwui ɲąąwooɓo mun. Hvo gaai, mɛ̨nįi Yai-Laa ə kɛ yɛ ə gɛ, hvo gɛ li.»

Samuɛlə dɔlɔɔ 15:1

Samuɛlə yɛ Saulə ɓa: «Ɲą́ą́ ɓə Yai-Laa ə dɔ́ɔ́, gɛ́ dɔɔlaa hee wulɔ hiɛ yɛ́, yɛ́ kɛ a tɔɔmun Israɛlə nuą nwun na. Ə́ wəli tɔɔ kɛa Yai-Laa woo ɓa.

Samuɛlə dɔlɔɔ 15:17

Samuɛlə yɛ mą: «Pələi mąn hvo kɛnɛ̨ li la ə́ kpɔɔ ɲɛ̨i ɓa, hvo mɔ̨ɔ̨ heeni Israɛlə nuą kəlee nwun na? Yai-Laa ə́ ə́ mąątí, ə́ ə́ kɛ a Israɛlə tɔɔmun.

Samuɛlə dɔlɔɔ 16:1

Yai-Laa yɛ Samuɛlə ɓa: «Ə kaa pai lɛɛi Saulə mąą wɔlɔ ɓoi, ə lɛɛ la ɉu mįnɛ̨ lɔwai? Ɲą́ą́ gbinįi ɓə nɛɛ laa, hvo kɛa a Israɛlə tɔɔmun. Ə́ wɔ huwɔ mįnɛ̨i həɠə, ə́ wulɔ pu vɛɛ. Gáá ə́ tɔɔi Ɉɛse pɔɔli, yai gaa a Bɛtleɛmə daai mun; mąąhɔlɔɓo, nonnii lɔwai, ŋą́ą́ da kaa laa, yii mąąnɛ̨ɛ̨ ŋą́ gɛ a tɔɔmun.»

Samuɛlə dɔlɔɔ 16:13

Samuɛlə ə nɛɛ mą, ə nwulɔ həɠə, ə ɉulɔnon tii mąątí la niɛni lɔwai, Yai-Laa nwɔ Kilii ə pa Davidə pɔ a volói tii, ə həɠə ɲələ ɓa yɛ li la tɔwɔ pələ. Samuɛlə ə həɠə ə hvilɛn bələ ɓa, yɛ li Rama daai.

Samuɛlə dɔlɔɔ 2:10

Yai-Laa ɲowoɠaa hu kaa pai yalii. Gaa pai lɛɛi yələkɔlɔn ɉu yɛ nwɔ yələgbąnąą ɓɛla di mɛ̨i. Yai-Laa kaa pai lɔi pilɛɛ gee mɛ̨i kiti teei, gaa pai heeɓo laa tɛɛi nwɔ tɔɔmun bɔ. Nui a dɔɔi, ə́ mąątí a dɔɔ wulɔ, yɛ ɲɛ̨i pɔ̨nɔ̨.

Samuɛlə dɔlɔɔ 24:6

Kɛlaa, yili pulu, Davidə lii ə kulɔ ma, mąąhɔlɔɓo, aa kɛ Saulə nwɔ həɠəi ta tee mą.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»

Samuɛlə dɔlɔɔ 26:9

Davidə yɛ Avisai ɓa: «Hvo baa. Nui Yai-Laa ə tɔɔ wulɔ lɔ mą, gbɛɛ ɓə a pɛli ɲee tunwɔ̨n ɉii mą, nu a yili kɛ, hvo kɛ li di mąą nu hutɔɔ.»

Samuɛlə dɔlɔɔ 8:19

Kɛlaa, nuą di hvo gɛ di hvo di wəli tɔɔ Samuɛlə woo ɓa, diɛ mą: «Hvo pai kɛi tii, tɔɔmun mə ku kaa bɔ.

Samuɛlə dɔlɔɔ 8:9

Yii hu, ə́ wəli tɔɔ di woo ɓa, kɛlaa, di kilaa pɔ̨nɔ̨, dɔɔmu tii pai di ɲąąwooɓoi, bələi gaa pai di hon ɉii la, bələ lɛ diɛ.»

Samuɛlə dɔlɔɔ 9:16

«Tínąą ɓɛlɔwai ɲɔ̨nwɔ̨mąn, gáá pai Bɛnɉamɛn lɔi hu mun da tɛɛi yɛ́, ə́ nwulɔ mąąhəɠɛɛ lɔ ma, ə́ gɛ a nwɔ́ nu huwu Israɛlə ɲąąwooɓomun, ya ɓə pai nwɔ́ nu huwui kulɔi Filisti nuą yee mu. Ŋą́ą́ nwɔ́ nu huwui kaa, nwɔlɔ woo aa həli mą́ą́.»

Samuɛlə dɔlɔɔ 9:27

Di kulaa kɛa ɉíín pulu, Samuɛlə yɛ Saulə ɓa: «'Mo ə́ pɔ mun ma, ə mąątɛ tɔwɔ pələ, ə́ wɛi, kpɛla ə́ tɔɔ, ə́ ə́ wəli tɔɔ, nwooi Yálá ə mo, ŋį́ mo yɛ́.»