Samuɛlə dɔlɔɔ 1:22 - Yálá laawoo hɛɓɛ (dc)

²² Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Yálá laawoo hɛɓɛ

²² Kɛlaa, Anə hvo li, mąąhɔlɔɓo, ə mo ɉilɛ ɓa, yɛ mą: «Gu nąą mąąkpɔn, di nokolo laa kulɔ ɲįnį ɓa, nąąlɔwai, kwa yaa kwali di naa həli Yai-Laa ɓa, ə lɛɛ kɛa laa a yələ kəlee.»

Bible

²² Kɛ́lɛ Ana fé lì ní. È mò ŋɔsurɔ̂ŋ ma ǹyɛɛi, “Ŋa gbàa kpɔ́ nɔ́ ǹolôŋ kúla ŋíni ma, ŋa pâi pâi la a gɛ́ɛ kú dɛɛ Yâwɛɛ pɔ́ é kɛ́ ŋɔpɛ́rɛi mu wɔ́lɔ-wɔlɔ da wɔlɔ-wɔlɔ.”

Samuɛlə dɔlɔɔ 1:22 Iomraidhean Croise

Mąątɛ̨nɛ̨ 110:4

Yai-Laa aa gwɛla, hvo pai gələn ma, yɛ mą: «Ə́ kaa a haláá laa həli mun a yələ kəlee mɛ̨nį, yɛ bələi Mɛlkisedɛkə kaa la.»

Mąątɛ̨nɛ̨ 23:6

A tɛ̨ą, nwun na nɛ̨ɛ̨ da wɛlikɛmąąlaa di hvilɛnŋąąi bɔ́, nwɔ́ yɛnɛ̨ɛ̨ kəlee yee mu, ŋą́ lɔ Yai-Laa yəi bɛlɛ́n, ŋą́ hee laa nwɔ́ yɛnɛ̨ɛ̨ kəlee yee mu.

Mąątɛ̨nɛ̨ 27:4

Mɛ̨nį tɔ̨nɔ̨ ɓə ŋą́ vɛli Yai-Laa ɓa, a mɛ̨nįi kpɔ gáá gwɛlii, ya ɓaa: Ŋą́ hee Yai-Laa yəi bɛlɛ́n, nwɔ́ yɛnɛ̨ɛ̨ kəlee yeemu, gɛ́ Yai-Laa nwɔ lɛlɛ laa kaa; gɛ́ nwɔ pɛlɛ́i ɲąąnɛ̨ɛ̨ kulɔ.

Lɛɛ gbɔwɔ ɓa 21:6

Nąmu a li la Yálá pɔ, ə dɔɔ bɛlɛ́ laaləi gbon ma, a wala kɛ ti, gbon gwɛlɛ, ə nwəli ɓɔ a kwɛli. Da gɛ ti a kɛ kɛa tíi nąmu ɓa a yələ kəlee.

Azaya 9:7

Yálá ə haŋąi Ɉakɔbə nu huwu ɓa, nwoo aa həli Israɛlə nuą diɛ.

Levetekɔ 25:23

«Ka lɔi tɔlaa hee nu ta ɓa, mąą hvo nɛ̨ɛ̨li dɔlaa hvo haa. Mąąhɔlɔɓo, lɔi kaa a nwɔ́ɔ́, ka káá lɔ nwɔ́ lɔi tii mɛ̨i yɛ nwɛ̨ą, yɛ tɛɛ nuą.

Lukə 2:22

Yili pulu, ɓɛlɔwai mąąnɛ̨ɛ̨ kɛ di Mari da non di mąą haláá kulɔ la, əgɛ, di mąą ə həɠə yɛ bələi Moisə ə bɛ̨ɛ̨ la dɔ́n ɉɛɓɛ́ hu, ɲələ ə ɉəli, Ɉosɛfə da Mari də li Ɉerusalɛmə Yálá hee pɛlɛ́ mu; nąąlɔwai ɓə di nokoloi tii laakwɛlanmo la Ną́mu Yálá ɓa.

Dutɛrɔnome 16:16

Kwɛlan dɛitɛi ye mu, hinąą kaa pai kɛi lii Yai-Laa ka wɔ Yálái lííla gee mɛ̨i haaɓa; gɛɛnąą tii gaa pai ɲeekpiɛ lɛi laa, ɓɛlɔwai ka káá pai kɛi lɛɠɛ yii dɛ hɛn və ɉu nwɔ hɛli pui la, da nɔwɔ mɛ̨ihveelɛ tɛɛ pulu hɛli, ɛlɛɛ, da gələ hɛli pu yələ. Nu ta lɔpee hvo kɛ gaa pai Yai-Laa ka wɔ Yálá lííla a ɲeehowolo.

Zasua 4:7

Ka di woo ɲąąpənə, kaa diɛ: ‹Ɉurdɛn yá ə tɔɔ, ɓɛlɔwai Yai-Laa nwɔ mįnɛ̨ kəhi ə kɛi tɛɛ la ɓɛ Ɉurdɛn yá hu, gwɛniɠaai ŋɛ̨i kaa a gbalo mɛ̨nį tii gili lɛɛ ɉu hɛn.›»

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:28

Ɲą́ą́n gáá pənəi ŋą́ dɛɛ Yai-Laa pɔ, ə lɛɛ Yai-Laa yəi a yələ kəlee mɛ̨nį.» Anə ə pɛlɛ niiɓa ə kwɛli hvilɛn Yai-Laa ɓa.

Samuɛlə dɔlɔɔ 13:13

Samuɛlə yɛ Saulə ɓa: «Yáá túwɔ́ yɛ ɓowo mun. Hvo Yai-Laa ə́ wɔ Yálá nwɔ tiɓoi kɛ li, a yai ə naa ə́ nwuɔ̨i, ə li kɛ túwɔ́ tii, Yai-Laa ə li ə́ wɔ tɔɔlaai huwalawala Israɛlə mɛ̨i a yələ kəlee.

Samuɛlə dɔlɔɔ 2:11

Ɛlkana ə li bɔɔli Rama, nokolo nwɛi, ə kɛi tí Yai-Laa ɓa, ɉaláá laa həli mun Eli ɲɛ̨i ɓa.

Samuɛlə dɔlɔɔ 2:18

Samuɛlə nwɛi, ə kɛi nwɔ kólói kɛ Yai-Laa lííla, ə kɛ kɛa a hulɔnon, kilɛn ɉəɠə kwɛlɛɛ ə ɓo mą.

Samuɛlə dɔlɔɔ 28:2

Davidə yɛ Akisə ɓa: «Mɛ̨nįi ə́ wɔ tíɓo kɛ mun kaa pai gɛi, ə́ kaa pai gaai.» Akisə yɛ Davidə ɓa: «Yɛ́ ɓə pai kɛi mą́ą́kpɛi a yələ kəlee.»

Samuɛlə dɔlɔɔ 3:1

Nokolo Samuɛlə yee ə kɛ Yai-Laa nwɔ kólói ɓa, Eli yee mu. Yai-Laa hvo kɛi hvaa kɛlɛ-kɛlɛ nuą pɔ, ə lɛɛ hvo kɛi gbɔwɔ lɛ nuą diɛ nąąlɔwai.