Samuɛlə dɔlɔɔ 1:21 - Yálá laawoo hɛɓɛ (dc)

²¹ Ɉilɛ Ɛlkana da ɲəi bɛlɛ́n nuą də li, ə gɛ, di haláá kulɔ Yai-Laa ɓa, a haláá yii di kɛi gulɔ kwɛlan gəlee yee mu; nwooi ə mo ə bɔ mɛ̨nį kɛ.

Yálá laawoo hɛɓɛ

²¹ Ɉilɛ Ɛlkana da ɲəi bɛlɛ́n nuą də li, ə gɛ, di haláá kulɔ Yai-Laa ɓa, a haláá yii di kɛi gulɔ kwɛlan gəlee yee mu; nwooi ə mo ə bɔ mɛ̨nį kɛ.

Bible

²¹ Naa pôlu ma Ɛɛkena da ŋɔpɛ́rɛi mu-ƃelai kélee dí ŋɔ́nɔ lì a gɛ́ɛ dí góraŋ salai kúla Yâwɛɛ ma. Ɛɛkena è lì a zâla-laa soŋ-nuui sãai nyíi è góno tèe la Yâwɛɛ yêei.

Samuɛlə dɔlɔɔ 1:21 Iomraidhean Croise

Zɛnɛse 18:19

Abrahamə ŋɛ̨i ɓə ŋą́ ɉəɠə ɉu, da non, ə mą kɛ non ɉuwuhu nuą, əgɛ, di nwɔ́ tɔ́nŋąąi hon, ya ɓə a gɛ, diɛi tii di wɔ tələnmolaa da di wɔ mɛ̨nį haŋąą pɔ, ŋą́ mįnɛ̨ pɔ mɛ̨nį kɛ diɛ.»

Mąątɛ̨nɛ̨ 101:2

Gáá bɔ ŋą́ hiɛ kwəi kwələ laa hu, lə yələ ɓə Yá paa la bɔ́ pələ? Gáá pai hiɛi a gwə́i kwɛlɛɛ ɲə́i bɛlɛ́n.

Dutɛrɔnome 12:11

Akɛ ti gɛɛnąąi Yai-Laa ka wɔ Yálái kaa pai ɲee kpuwɔ lɛi mą, yɛ naa hee nąą ɓa, nąą ɓə ka káá pai kɛi lii laa a ka wɔ Yálá kɔ́ haláá yii da gəlee kələn, nɛ̨ɛ̨yɔwɔ laa haláá, a ka wɔ hihɛnŋąą má bow nąą, ɉɛnŋąą ka káá pai lɛɛi ka kpɔwɔ ɓa kaa Yálá kɔ́ la; ɉɛnŋąą ka káá pai kɛi di laakwɛlanmoi Yai-Laa ɓa.

Dutɛrɔnome 12:6

Nąą ɓə ka káá pai kɛi lii laa a ka wɔ haláá hɛnŋąąi da gəlee kələn, da ka wɔ nɛ̨ɛ̨yɔwɔ laa haláá, ə mą kɛ, ka wɔ hihɛnŋąą má bow nąą, ə mą kɛ, ɉɛnŋąąi ka káá pai kɛi lɛɛi ka kpɔɔ ɓa, kaa Yálá kɔ́ la, ə mą kɛ, yiiɠaai ka káá pai kɛi di laakwɛlanmoi, yɛ bələi: ka wɔ nįŋɛ̨ lonnii dɔlɔɔɠaa kaa la, da mɛlaa lonnii dɔlɔɔɠaa.

Zasua 24:15

Akɛ awala laa a ka lii, ka hvo tí Yai-Laa ɓa, ka ka liiɓa həɠə háákələi! Akɛ ɉaliɠaa ŋɛ̨i wɔlɔ ka nąnni di kɛi kwɛli hvilɛn mą ɲá lee pulu pələ ya ɓə, awala kɛ tii, Amɔrə nuą di wɔ lɔi ŋɛ̨i ka káá heeni ɉu, di wɔ haliɠaa. Nwɛ́i, ɲą́ą́ kwa ɲə́ bɛlɛ́n nuą, ku kaa tíi Yai-Laa ɓa.»

Samuɛlə dɔlɔɔ 1:3

Kwɛlan ɉəli pələ kəlee, Ɛlkana ə kɛi həɓə bɔ taai yɛ li Silo daai, əgɛ, ə kwɛli hvilɛn Mɛ̨nį Kəlee ŋą Hééɓomun Yai-Laa ɓa, ə haláá kulɔ mą. Nuąi kɛ laa a Yai-Laa nwɔ haláá laa həli nuą, diɛ ɓaa; Eli lon ɉinąą hveelɛi; Hɔfni da Pinasə.

Samuɛlə dɔlɔɔ 2:19

Nee ə kɛi bɛli mąą həɠə kɛ, yɛ li la bɔ a kwɛlan gəlee, ɓɛlɔwai da ɉilɛ di kɛi li la gwɛlan ɲeemu haláá kulɔ mɛ̨nį ɓa.