Samuɛlə dɔlɔɔ 1:15 - Yálá laawoo hɛɓɛ (dc)

¹⁵ Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Yálá laawoo hɛɓɛ

¹⁵ Anə yɛ mą: «Nwɔ́ mɛ̨nį nąmu, və́ ɓaa wəlii kpɔlɔ mun, nɛ̨ɛ̨nu mąąwɛliɛ ɓaa a ɲą́ą́, və́ lɔɔ kpələ li, da hɛn a nu kɛlɛ. Gwə́i pili mąą mɛ̨nį ɓə gáá moi Yai-Laa ɓa.

Bible

¹⁵ Kɛ́lɛ Ana è ŋ̀óo su tòo ǹyaa m̀ai, “Kpao, ŋánuu-namui, fa lɔɔ sîi da kélee kpèle, ńii nɔ́ ƃé doɔ̂ɔi pôlu, ǹyaŋ ŋa ŋ́gbîŋ tɛɛ̂i Yâwɛɛ pɔ́.

Samuɛlə dɔlɔɔ 1:15 Iomraidhean Croise

Zôo 30:16

Nwɔ́ yɛnɛ̨ɛ̨ kaa kulɔi ɲə́i yiihu kɛa, mɔ̨nɔ̨ hvóloɠaa daa yili mą́ą́.

Mąątɛ̨nɛ̨ 143:6

Gáá ɲə́ə́ hąŋąi ə́ pɔ pələ, ɲą́ą́ ka ɲɛ̨i ə́ lííla, yɛ lɔi ɉu aa kpala a yá wɛli.

Mąątɛ̨nɛ̨ 42:4

Kpinį da hvóló, gáá lɔ ɲɛ̨́iyá hu, gɔ̨nɔ̨n nɔ li, a yələ kəlee; da kɛ kɛi mą́ą́: «Ə́ wɔ Yálái kaa mįnɛ̨?»

Mąątɛ̨nɛ̨ 62:8

Málo mɛ̨nį, da ɲɛ̨́i pɔ̨nɔ̨ mɛ̨nį, gəlee kaa Yálá yəi. Yálá ɓə a mą́ą́kɔ̨nwɔ̨ kwɛni walawala, a mą́ą́kilɛi.

Mąątɛ̨nɛ̨ 62:9

'Ka ka kilitɔɔ mą, a yələ kəlee, kaai a nɔi lonnii! 'Ka ka kwəi mɛ̨nį kəlee hukulɔ mą. Yálá kaa gu yəi, a gu mąąkilɛi!

Hanwon 14:10

Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Hanwon 15:1

Woo ɲąąpənə lɛlɛɛ, a líi holi kpɛla bələi. Kɛlaa, woo ɲɔ̨n moɔ nu ɓa, a líi holi ta pɛlɛ mą.

Hanwon 25:15

Liikpələ ɓə ɲee tɛɛ kiti teemun ma, yɛ bələi woo nɛ̨ɛ̨-nɛ̨ɛ̨ a liikələn gwəi hu haa la.

Woolaa 2:19

'Hvó kpɛla wɔlɔɔ ɓa da ə́ woo laa ɓa kpįnį kəlee yeemu; Ə́ yee laa kwələ hee Yai-Laa ɓa, ə́ kwəi mɛ̨ni hu lɛ mą, ə́ lonnii di wɔ yɛnɛ̨ɛ̨ mąą mɛ̨ni ɓa, diɛi pulu kaa di paai bələɠaa nwun na.

Samuɛlə dɔlɔɔ 1:16

Hvo ə́ wɔ luwɔ nɛ̨ą kaa yɛ túwɔ́ pələ ɲɔ̨n gulɔ nɛ̨ɛ̨nu, nwɔ́ mɔ̨nɔ̨ kɛnɛ̨ pələ da nwɔ́ lii kələn gwəi ka tii aa gɛ ŋą́ą́ lamun hvaai.»

Samuɛlə dɔlɔɔ 7:6

Di di ŋąąkpɔn Mispa daai, di ɲálaɠi laa da Yai-Laa ni di lɔwai, di hinnɔ a volói tii, di mo gɛɛnąą tii, diɛ kɛ diɛ: Kwaa nɛ̨ŋɛ̨n ɉəɠə Yai-Laa ɓa. Di Samuɛlə hee a Israɛlə ɲąąwooɓomun Mispa.