Samuɛlə dɔlɔɔ 1:10 - Yálá laawoo hɛɓɛ (dc)

¹⁰ Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.

Yálá laawoo hɛɓɛ

¹⁰ Anə ə Yai-Laa hvɛli a liikələn gwəi, yɛ wɔlɔ kpɔ a mąąwɛliɛ.

Bible

¹⁰ Ana líi è kɛ̀ a doɔ́ɔ pôlu a ŋ̀ánaa gɛ́ wɔ̀lɔ gɛ́ Yâwɛɛ fɛli.

Samuɛlə dɔlɔɔ 1:10 Iomraidhean Croise

Zɛnɛse 30:1

Ɓɛlɔwai kɛa Rasɛlə ə gaa la yɛ hva pɛli lon ɉɔlɔɓoi, yɛ kɛa tóló kulɔ a niɛ, yɛ ɉilɛ Ɉakɔbə ɓa: «Lón dɛɛ bɔ́ ɲą́ą́ gbɛli, a wala kɛ tii, gáá haai.»

Zɛnɛse 50:10

Di həliɛ kɛa Atadə gwɛni gbaha ŋą ɲąąləngbɔlɔ hu, Ɉurdɛn pulu pələ, di pənə nwɔ̨nɔ̨ di Ɉakɔbə haa wɔlɔ ta ɓo laa a mąąwiɛ pələ. Ɉosɛfə ə hvóló mɛ̨ihveelɛ kɛ laa, yɛ nąn ɉaa wɔlɔ ɓo.

Samia Veerɛi 13:36

Ə lɛɛ lɔ nwoo laa kulɔi, tɔɔmun nonnii diɛ lɔ, di pola a wɔlɔ, tɔɔmun da ɲeepɔ nuą kəlee diɛ kpɛli di wɔlɔ kpɔ kɛnɛ̨.

Samia Veerɛi 17:8

Absalɔn, yɛ kpįnįi ə́ ə́ nąn gɔlɔn da nwɔ nuąi di kaa a kulaaɠaa, ə lɛɛ, niikpələi gaa di hu, gaa yɛ kwɛli lon a pili ɲəi yɛ gwɛli. Ə́ nąn gaa a kɔ́kuláá, da nuąi tii di hvo pai yii kɛɛnąą tɔ̨nɔ̨.

Tɔɔɓɛlaa veelɛ 20:3

«Ee kə Yai-Laa! Bələi ŋą́ hiɛ la ə́ ɲɛ̨i ɓa a ɉaŋąą, yili kaa, níí lɛlɛɛ kɛ gwə́i, gɛ́ hiɛ, ə lɛɛ, mɛ̨nįi nɛlɛɛ yɛ́ ə́ ɲɛ̨i ɓa, ya ɓə ŋą́ gɛ!» Ezekiasə ɲɛ̨iya ə yɛɛ kpɔ mą kɛnɛ̨.

Zôo 10:1

Yɛnɛ̨ɛ̨ a ɓaɠi lii tɛ a ɲą́ą́, Və́ pai náá pilɛi nwóólaa mɛ̨nį ɓa. Gáá lɔ pai kɛi hvaai lii kələn gwəi hu.

Zôo 7:11

Yili ɓa, və́ pai pɛlii náá pilɛi; nwɔ́ mɔ̨nɔ̨ mįi lɔwai, gáá pai kɛi lɔ nwóó hukulɔi. Gáá lɔ pai kɛi nwóó laai, nwɔ́ mɔ̨nɔ̨ mįi pələ ɓa.

Zôo 9:18

Hva kpɛli nɛ́ɛ́ laa, və́ nɔ̨́ɔ̨ yala tanɔ̨n, kɛlaa, a náá hvɛɛ a mɛ̨nį ɲąąnwąnąą,

Mąątɛ̨nɛ̨ 50:15

Ɛlɛɛ, ɲələi yá kɛ la kanąn ɉu, də́li, ŋą́ ə́ kulɔ ɉu, ə gɛ ə́ mą́ą́wiɛ.

Mąątɛ̨nɛ̨ 91:15

A də́li, ŋą́ nwoo mu hon, gáá pai kɛi bɔ, mɔ̨nɔ̨ hu; ŋą́ nwun mąąɓo, ŋą́ naa tɛ.

Hanwon 14:10

Nu kili a gbɔwɔ nwɔ liiɲąnwąną kɔ́lɔn, ɛlɛɛ, da nu ta di hva kpɔn nwɔ kwəinɛ̨ɛ̨ ɓa.

Azaya 38:15

Ŋą́ pɛli kpɔ kɛi lə, yɛ́ pɛli nwoo mu hon ɉi, mąąhɔlɔɓo, ya kpinįi ɓə mɛ̨nį kɛi? Gáá pai nwɔ́ kwɛlan gəlee kɛi, a niikələn gwəi ŋɛ̨i aa hee mą́ą́i.

Azaya 54:6

Mąąhɔlɔɓo, ə́ kaa yɛ nɛ̨ɛ̨nui nu hvo mą, mąąwɛliɛ, Yai-Laa kaa pənəi yɛ ə́ təli, yɛ kɛ diɛ: «Nu hva pɛli gili kulɔi nąŋą yələ nɛ̨ɛ̨nu hu.»

Ɉeremi 13:17

Ka wala ka wəli tɔɔ niɛwoo ŋɛ̨i ɓa, gáá pai mąąwɛli hee ɓoi honwon ɉu, gbɔwɔ ɲąą kɛnɛ̨ taaləi tii mąą mɛ̨nį ɓaa, gɛ́ wɔlɔ, ɲɛ̨́i ya yɛ laa a yalon. Mąąhɔlɔɓo, Yai-Laa nwɔ kpului kaa lii luwɔlaa hu.

Ɉeremi 22:10

Nui a haa, ka hvo ɉaa wɔlɔ ɓo, ka hvo haa mɛ̨nį ta kɛ mą; kɛlaa nui lii luwɔlaa hu, ka nwɔlɔ ɓo; Mąąhɔlɔɓo, hva kɛa pənə hvo ɲɛ̨i tɔɔ gaa lɔi ɓa.

Woolaa 3:15

Aa góó laahvɛɛ a kala nwąną nwąną aa ɉón.

Lukə 22:44

Ə kɛ yɛ nu a kɛ ɉaa kɔ́wɔ ŋą, yɛ Yálá hvɛli kpɔ a mɔlɔɔ. Hvɛnɛ̨ yɛ kulɔ mą yɛ ŋąmą, yɛ hvilɛn nɔi ɓa.

Hebreu 5:7

Jesus tii ɓə, gɛɛ ɓɛ lɔi mɛ̨i, ə kɛli Yálá hvɛli, yɛ mąąnɛ̨ɛ̨ ɲɛ̨iyá hu, yɛ tomą, nui a pɛli gulɔi haa yəi, bɔ pələ; ɛlɛɛ, nwɔ hvɛliwoo laa ə hon a nwɔ lɛɛ nwoo mu laa.

Nwun mąąɓo 21:2

Nu kpulu ə pənə ə pa Betɛlə daai, di lɛɛ heeni Yálá lííla, ə lɛɛ la ɉu yələwulii. Di kəlee di di woo kulɔ, di wɔlɔ, diɛ di woolaa a nąą mąąwɛliɛ.

Rutə 1:20

Kɛlaa, Naomi ə mo diɛ yɛ diɛ: «'Ká hvo kɛa də́li a Naomi laa; 'ká kɛ mą́ą́ Mara, mąąhɔlɔɓo, Huwalawala Kəlee Nąmu Yálá aa mɛ̨nį ɲąąnwąnąą laa mą́ą́.

Samuɛlə dɔlɔɔ 1:11

Ə nwoo kwɛlɛ yɛ diɛ: «Ee kə Yai-Laa Mɛ̨nį Kəlee ŋą Hééɓomun! Yɛ́i ə́ yee a pɛli mɛ̨nį kəlee ɓa, a laa a ə́ lii, ə́ ə́ ɲɛ̨i pili ə́ wɔ luwɔ nɛ̨ą nwɔ mɔ̨nɔ̨i mɛ̨i, ə́ ə́ kiliŋąhiɛ mą, yá lon ɉulɔnu tɛɛ bɔ́, ŋą́ tinɛ̨n ŋą́ dɛɛ Yai-Laa pɔ, nwɔ yɛnɛ̨ɛ̨ kəlee yee mu, nwun bu kwɛli hva tɛɛ nwuɔ̨.»

Samuɛlə dɔlɔɔ 1:9

Kpɛɛi di mo a kɔ̨nɔ̨n mįi, di di kpələ Silo, Anə ə muhəɠə, ɉaláá laa həli mun Eli ə kɛ heeni Yai-Laa hee pɛlɛ́ laaləi ɲəi gbəlin ɉu, dunwɔ̨n ŋąą.