Piɛrə dɔlɔɔ 5:10 - Yálá laawoo hɛɓɛ (dc)

¹⁰ Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Yálá laawoo hɛɓɛ

¹⁰ Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Bible

¹⁰ Kámɛni-soli-kaai pôlu ma nàa kuro à kɛ̀ tí, m̀ɛlɛ-see kélee-Ɣalai nyíi a kátoli ŋɔwɔlɔ-wɔlɔ fólo-laai ma Kôrai kponôi, ǹyaa kpîŋ a pâi kámaa waâi, é kátɔɔ̂i kpanaŋ, é kákponôi kpanaŋ.

Piɛrə dɔlɔɔ 5:10 Iomraidhean Croise

Mąątɛ̨nɛ̨ 119:28

Liikələn gwəi aa ɲɛ̨́iyá yɛɛ mą́ą́, 'múhəɠə, yɛ bələi ə́ naakwɛlanmo la.

Mąątɛ̨nɛ̨ 138:7

Ŋą́ kɛ laanɔ̨nwɔ̨ kɛnɛ̨ hu, yá pənə ə́ nwɔ́ yɛnɛ̨ɛ̨ pu nįnɛ̨ koloi, yá ə́ yee hulɔ pɛlɛ ɲówóɠaa diɛ, ə́ ɓa-mįi-yee yɛ málo.

Mąątɛ̨nɛ̨ 86:15

Kɛlaa Ə́ wɛi, nwɔ mɛ̨nį Nąmu, liinɛ̨ɛ̨ gwəi Yálá ɓaa a yɛ́, mɛ̨inɛ̨ɛ̨ kɛ Yálá ɓaa a yɛ́, Ə́ lii hva holi ɉa, Ə́ ɓo lɔ a wɛlikɛmąą, da tɛ̨ą.

Mąątɛ̨nɛ̨ 86:5

Nwɔ́ mɛ̨nį Nąmu, yɛ́i ə́ wɔ mɛ̨nį lɛlɛɛ, yɛ́ nu mąąhvaalɛɛ; Ə́ wɔ ɲɛ̨imąąwɛlikaa hu kɛnɛ̨i, nuąi da ə́ hvɛli di mąą mɛ̨nį ɓa.

Zakari 10:12

Yai-Laa ɓə pai kɛi a di hvaŋą, naa hu ɓə di kaa pai kɛi hiɛi laa. Yai-Laa woo li.

Zakari 10:6

Gáá pai Ɉuda nwɔ pɛlɛ́i hvaŋą tɛi, gɛ́ Ɉosɛfə nwɔ pɛlɛ́i nwun mąąɓo, Ŋą́ pənə ŋį́ di pu di nįnɛ̨ kɔ́lɔi, mąąhɔlɔɓo, gáá pai di mąąwɛli kaai, yɛ ŋą́ wala ta ɲə́ə́ kulɔ di mu, mąąhɔlɔɓo, gáá a Yai-Laa, a di wɔ Yálá. Gáá pai ɲə́ə́ heei di woo mu.

Lukə 22:32

Kɛlaa, ŋą́ą́ Yálá hvɛli yɛ́, əgɛ, ə́ wɔ kilitɔɔmąą hvo kulɔ ə́ yəi. Yɛ́n, yá pənə yá pai, ə́ ləɠəni hvaŋąlɔ.»

Lomaŋ 15:13

Gɛ́, Ɲálái gu kilitɔɔi mą, ə ká pilɛ a kwəinɛ̨ɛ̨ da liilaa laa na laa hu, ə gɛ, Kili-Mąąhəɠɛɛ nwɔ hvaŋą ə ká pilɛ kilitɔɔmąąlaa hu.

Lomaŋ 15:5

Gɛ́ Yálái niikpəlɛɛ, niilaa ə nɛ̨ɛ̨laa lɔ ka lɔwai, yɛ bələi Jesus Kristə kaa la bɔ.

Lomaŋ 16:25

Nui a pɛli ka huwalawalai, yɛ bɛli nwɛlɛɛ lɛlɛɛi gáá naa həlii mą, yai vilɛn ŋąą Jesus Kristə ɓa, yɛ bələi mąą mɛ̨nį lowuɔ kaa la, a wɔlɔ-wɔlɔ mɛ̨nį,

Lomaŋ 9:11

Bələi mąn tii, nɛapɛlɛɛ di hvo ni kɛ hɔlɔɓo li la, gu hvomun kɛ, mɛ̨nį lɛlɛɛ da mɛ̨nį ɲɔ̨nwɔ̨ɔ̨ di kulɔɉu kɔlɔn mɛ̨nį di yəi; əgɛ, Yálá wooi ə gwɛlɛ ə lɛɛ dɔwɔ ɓa, yɛ bələi yaa kpinįi ə naala gwəi,

Lomaŋ 9:24

Hvó gaai, guɔ ɓə aa gu həɠə ɉu, Ɉuifəɠaa da huwu takpɛliɠaa di lɔwai.

Korɛntə dɔlɔɔ 1:10

Kɛlaa, ną́n nonni, gáá ka liɛwoo ɓoi gu Ną́mu Jesus Kristə laa hu, gɛ́: Ká woo ə kɛ ɉu tanɔ̨n, ɓɛlaɓo hvo kɛ ká lɔwai. 'Ká yili ka kii ɓa kili tɔ̨nɔ̨ hu kiliŋąhiɛ tanɔ̨n ɉu.

Korɛntə dɔlɔɔ 1:9

A kulɔ nwoo ɓa, a Yálái ti ká təli, yɛ ka non Jesus Kristə ni ká yee lɔ gii hu, yai a gu Nąmu.

Korɛntə veelɛ 13:11

Yiihu kɛa, Ną́n nonni, ká kɛ kwəinɛ̨ɛ̨ hu, 'ká kóló kɛ, ə gɛ, ká mąą mɛ̨nį yɛ pɛli ɉu; 'ká ká keeni hvaŋąlɔ, woolaamąą ə kɛ ká lɔwai, ká ká wɔɔ yɛnɛ̨ɛ̨ kɛ liilaa hu, ə gɛ, wɛlikɛmąąlaa da liilaa Yálá yɛ pɛli kɛi ká pɔ.

Korɛntə veelɛ 4:17

Hvo gaai, mɔ̨nɔ̨ logolo tiikpɛi ŋɛ̨i pai kpɛɛi, gaa a ɲɛ̨i pono kɛnɛ̨ɛ̨i kpɛɛ hvo mą, heɛ nuą tɔwɔ.

Filipə 4:13

Kristə háálai, ŋą́ pɛli ŋį́ nííkpələ mɛ̨nįɠaai ti kəlee hu.

Kolosə 2:7

'Ká hamu ə hvilɛn kani Kristə mɛ̨i kpɔ kpąą, ká hu ə walawala a laa na laai di ká mąąkwɛli mą, ɛlɛɛ, káá ɓo la tii, a mɛ̨inɛ̨ɛ̨ hukɔlɔn nuą.

Tɛsalonikə dɔlɔɔ 2:12

Ku ká hvaŋąlɔ, ku ká liikpələ, ku ká liɛwoo ɓo, kuɔ: 'ká túwɔ́ pələ ə Yállá lii hon, yai ka təli, ŋą tɔɔlaai ɓa da ŋą mąąwiɛlaa.

Tɛsalonikə veelɛ 2:14

Yili ɓə ə ká təli mą, nwɛlɛɛ lɛlɛɛ ŋɛ̨i ku naa həli káá, ɉaalai, káá pɛli ká wɔɔ nąą hɔlɔɓoi gu Ną́mu Jesus Kristə nwɔ mąąwiɛlaa hu.

Tɛsalonikə veelɛ 2:17

Ə ká liilaa, ə ká hvaŋąlɔ ká kɛ mɛ̨nįɠaa kəlee hu, da mɛ̨nį lɛlɛɛɠaai ká mo, gəlee hu.

Tɛsalonikə veelɛ 3:3

Gu Ną́mu a kulɔ nwoo ɓa, ya ɓə pai ká hvaŋąlɔi, yɛ ká mąąkɔ̨nwɔ̨ mɛ̨nį ɲɔ̨n ɲəi.

Timote dɔlɔɔ 6:12

Laa na laa mąą kɔ́ lɛlɛɛ kɔ́, yɛnɛ̨ɛ̨ hva kpɛɛi ə́ təliɛi mą, 'gwɛli, yɛ bələ ə́ gɔlɔn na, ɛlɛɛ, ə́ mąą kɛla hvaa ɓo a laa na laa, nu kpulu kɛnɛ̨ɛ̨ ɲɛ̨i ɓa.

Timote veelɛ 1:9

Yai gu nwun mąąɓo, ə gu təli, a təli ɓo mąąhəɠɛɛ; yili hvo kulɔ, gu wɔɔ túwɔ́ pələ lɛlɛ laa hvan ɉu, kɛlaa ə kulɔ, yaa kpinį lee ŋą mɛ̨nį pɛliɛ, da ŋą nɛ̨ɛ̨laa hu. Nɛ̨ɛ̨laa tii, ə gbɛa gɛ guɔ Jesus Kristə hu, gɛɛ hvo yɛnɛ̨ɛ̨ pɛli,

Timote veelɛ 2:10

Yili ɓə gaa mą, gáá nííkpələi mɛ̨nį kəlee mu, nuąi Yálá aa di həɠə ɉu, di mąą mɛ̨nį ɓa, əgɛ, diɛ kpɛlimąn di ɓalo hva kpɛɛ hɔlɔɓo, yai gaa Jesus Kristə hu, ə pɛlɛ la, mąąwiɛlaa hva kpɛɛ, mą.

Hebreu 9:15

yili ɓə gɛ, gaa a mįnɛ̨ nįnɛ̨ laamun, a mįnɛ̨ nįnɛ̨ hukɔw. Ə haa, əgɛ, ə nu kanŋaa nwun mąąɓo di wɔɔ nɛ̨ŋɛ̨nŋaa yəi, yai di ɉəɠə mįnɛ̨ tɔlɔɔ tii yee mu; yili pɔ pələ ɓə, nuąi Yálá aa di təli, da pɛlimą kɛa, mɛ̨nį nɛ̨ɛ̨ɠaa naakwɛlanmoɔ, di ɉɔlɔɓo a yələ kəlee mɛ̨nį.

Piɛrə dɔlɔɔ 1:15

kɛlaa, yɛ bələi nui ká təli mąąhəɠɛɛi la, káá kpɛlimąn, 'ká mąą ə həɠə tii, ká tuwɔ́ pələ kəlee hu,

Piɛrə dɔlɔɔ 4:10

'Ká tí ká kee ɓa, bələi Yálá ə mąą laa tɛɛ la nu tɛitɛi pɔ a gulaa gee mu, 'ká ká keeni mąąkpɔnmąą ɓo tii.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə veelɛ 1:3

Yiiɠaa kpɔ bɛliɛ guɔ yɛnɛ̨ɛ̨ kɛ hɛn ma, Ną́mu nwɔ huwalawala aa gəlee tɛɛ ka pɔ, guɔ kanąn Yálá ɓa laa hu, yaai gu təli, ə gɛ, gu guɔ naa hɔlɔɓo nwɔ mąąwiɛ, da nwɔ mɛ̨inɛ̨ɛ̨ hu.

Zɔ̂ŋ Maa-ŋuŋ 2:25

Ɛlɛɛ, yii yaa kpinįi ə naakwɛlanmo guɔ, ya ɓaa a, yɛnɛ̨nɛ̨i kpɛɛ hvo mą.

Zûu 1:24

Yálá, yai a pɛli ə kpɔnmąą tɛɛ ka pɔ ka hva too, ə ɲɛ̨i kɛ kaa, ə ka həli nwɔ mąąwiɛ hvolói ɓa a nuąi hɔn və diɛ kwəinɛ̨ɛ̨ hu,