Piɛrə dɔlɔɔ 4:16 - Yálá laawoo hɛɓɛ (dc)

¹⁶ Kɛlaa, aa kɛli mɔ̨nɔ̨ mįi, mąąhɔlɔɓo, gaa a kristalon, hvo nwumɛ̨, yaamun, ə Yálá mąmąɓo. Mąąhɔlɔɓo, naa tii kaa mą.

Yálá laawoo hɛɓɛ

¹⁶ Kɛlaa, aa kɛli mɔ̨nɔ̨ mįi, mąąhɔlɔɓo, gaa a kristalon, hvo nwumɛ̨, yaamun, ə Yálá mąmąɓo. Mąąhɔlɔɓo, naa tii kaa mą.

Bible

¹⁶ É máŋ kɛ́ tí, à kɛ̀ núu à mɛni-soli kàa yɛ̂ɛ Kôrai-nuu, maa-ŋumɛ fé kɛ́ mà, kɛ́lɛ, tɔɔ é Ɣâla ŋɔfólo-laai maa tɛ́ ǹáai tí mu.

Piɛrə dɔlɔɔ 4:16 Iomraidhean Croise

Azaya 24:15

Di kaa Yai-Laa mąąwiɛi hvóló mɛlai pələ, diɛ Yai-Laa, Israɛlə nwɔ Yálái mąąwiɛ, gboloyá hɛ̨ąi lɔiɠaa hu.

Azaya 50:7

Nąmu Yai-Laa ɓə mą́ą́ kpɔnmąąɓoi, yili ɓə a gɛ, vá nwún gulɔ laanɔ̨nwɔ̨ mu, yili ɓə a gɛ, gɛ́ ɲɛ̨́ilai nwala wala, yɛ kwɛni kwəleen, gíli kaa ɉu gɛ́, və́ pai nwumɛ̨i.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Gɛlaɠaa 11:26

Ɓɛlɔwai ə gaa la, ə ɉəɠə da yaa di pa Antiɔsə. Da yaa di kwɛlan dɔ̨nɔ̨ kɛ laa, di gbɔn ti mąąkwɛli kpɔ kpaan a Yálá mɛ̨nį. Antiɔsə daai ɓə di kalan nɛa laa hee laa tɔlɔɔ, a: Kristalɛa.

Gɛlaɠaa 26:28

Agripa yɛ Polə ɓa: «Nąą wolo aa lɛɛ kpɔlɔ tikpə, yɛ ə́ gɛ́ a Kristalon.»

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Filipə 1:20

Yɛ bələi ɲɛ̨́i kaa la dɔwɔ a nwalawalaa, gílitɔɔ la mą, və́ pai nwumɛ̨i, kəlee, nwɔ́ kilitɔɔmąą laa kaa kpɔlɔɔ ɲee tɔ̨nɔ̨ mɛ̨i, yiihu, ə mą kɛ, a yələ kəlee, Kristə laa kaa pai tɛi ŋą́ yɛnɛ̨ɛ̨ hu, a pɛli ə kɛ, vúlú kɔwɔ ɲą, awala kɛ tii, a ɉáá mɛ̨nį.

Filipə 1:29

Mąąhɔlɔɓo, Yálá háálai ɓə ka kɛ la a Kristə nwɔ tínuą, ka laa mɛ̨nį na yaa tɔ̨nɔ̨ lɔ hvəə, kɛlaa, ə gɛ ka mɔ̨nɔ̨ mį́į́ mąą mɛ̨nį ɓa.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Zĩi 2:7

Kɛlɛi diɛ lɔ ɓə da kɛ, Naa lɛlɛɛ ká kɛ vɛlii, mąą kun ɲɔ̨n vaa ɓoi-e?

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 4:11

Nu ta a kɛli pələ ɓo, ə kɛ a Yálá laa woo laa həli mɛ̨nį; nu ta a kɛli ə́ wɔɔ mąątíi kɛ, gɛ a hvaŋąi Yálá a dɛɛ bɔ, ya ɓə a gɛ, Jesus Kristə háálai, Yálá ə mąąwiɛ laa hɔlɔɓo kpɔ a neelee, yai, mąąwiɛ laa, hee mɛ̨i laa kaa a nwɔɔ a yələ kəlee mɛ̨nį. Yálá ə kɛ ti!

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Piɛrə dɔlɔɔ 4:19

Yili ɓa, nuąi di kaa mɔ̨nɔ̨ mįi yɛ bələi Yálá liiɓa kaa la, mąąnɛ̨ɛ̨ di di nįį kalihvaɓo hɛn gəlee pɛlimun, a kulɔ nwoo ɓa, mą, a mɛ̨nį lɛlɛɛ kɛɛ.