Piɛrə dɔlɔɔ 4:14 - Yálá laawoo hɛɓɛ (dc)

¹⁴ Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.

Yálá laawoo hɛɓɛ

¹⁴ Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Nįį, a Yálá nwɔ Nįį, gaa ka pɔ.

Bible

¹⁴ À kɛ̀ kálaa nyɔ́mɔɔ à kɛ̀ nûa lá Kôrai láai mɛni ma, lûwa káa kâa, kpɛ́ni fêi, vólo-laa da ŋ̀wála-wala Mɔleŋ, nyíi gáa a Ɣâla Ŋɔmɔ̂leŋ, káa kámɛi.

Piɛrə dɔlɔɔ 4:14 Iomraidhean Croise

Tɔɔɓɛlaa dɔlɔɔ 10:8

Ə́ wɔ nuąi nwun na nɛ̨ɛ̨i, ə́ yee pɔ nuą nwun na nɛ̨ɛ̨. Diɛi di kaa lɔ tɔɔni ə́ lííla a yələ kəlee diɛ ə́ wɔ mɛ̨nį kɔ́lɔn gili wooɠaai mɛ̨n.

Tɔɔɓɛlaa veelɛ 2:15

Yálá kwəi mɛ̨nį hukulɔ nuą di wɔ kalan nɛa ŋɛ̨i kɛ Ɉeriko, yii kɛa di gaa tii, diɛ di kee ɓa: «Yálá nwɔ Kilii ŋɛ̨i kɛ Eli yəi, yɛ Yálá kwəi mɛ̨nį ɓo la, aa lɔ Elise hu.» Di nɛɛ mą, di pa, di Elise laakwiɛn, di pɛlɛ nɔi ɓa di kwɛli hvilɛn mą;

Mąątɛ̨nɛ̨ 146:5

Nui Ɉakɔbə nwɔ Yálá tɔɔ bulu, nwun na nɛ̨ɛ̨ ɓə, a nui tii a gilitɔɔ Yai-Laa ɓa, yai a nwɔ Yálái.

Mąątɛ̨nɛ̨ 49:9

Ə mą kɛ, nu aa wali kɛnɛ̨ kwɛlɛ nu nįį mɛ̨nį ɓa, nwɔ yɛnɛ̨ɛ̨ kaa lɔ pai kpɛɛi a yələ ta.

Mąątɛ̨nɛ̨ 89:51

Nwɔ́ mɛ̨nį Nąmu, ə́ wɔ tí nuąi di wɔ laanɔ̨nwɔ̨ hu, ə́ kili lɛɛ di hu, ə pɛlɛ la nu kpului ŋɛ̨i kəlee di mąą mɛ̨nį hɛlɛn ŋąą mą́ą́i, diɛ.

Azaya 11:2

Yai-Laa nwɔ Kilii kaa pai kɛi a naa mɛ̨i a yələ kəlee mɛ̨nį, gaa a mɛ̨nį hukpɛ kili da mɛ̨nį ɲąą kaa, yə ɓo a liɛwoo kili, da huwalawala kili, ya ɓə a Yai-Laa lɛ nuą diɛ, diɛ ɲɔw mą mąąwiɛ laa hu.

Azaya 25:8

Gaa pai haa nwun na pilii a yələ kəlee mɛ̨nį, Nąmu Yálá kaa pai nu kəlee ɲɛ̨iyá kələi ɲɛ̨i, yɛ nwɔ nuąi di wɔ laa nɔ̨nwɔ̨ mɛ̨nį həɠə di mɛ̨i, lɔi kəlee hu, Yai-Laa yaa kpinįi ɓə mo.

Azaya 51:7

Kaai tələnmolaa kɔ́lɔn, 'ka ka wəli tɔɔ nwóó ɓa, kaai a nu huwui nwɔ́ tɔ́n kaa ɉui, ka hvo ɲɔwnuą di wɔ yɛlɛ mąą laa ɓa, da kɛi ka lalan, yili hvo ka hviikpɛɛ,

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Maafîu 5:16

Bələ ɓə mąąnɛ̨ɛ̨ ka wɔ kɛɛpono ə kɛ la nuą lɔwai, ə gɛ nuą di ka wɔ túwɔ́ pələ lɛlɛɛ kaa, di mąąwiɛ tɛɛ ka Nąn Yálá pɔ, yai gaa yələi.»

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Ɉaan 15:21

Kɛlaa, di kaa pai mɛ̨nįɠaa tii kəlee kɛi a kaa, náá mąą mɛ̨nį ɓa. Mąąhɔlɔɓo, nui dɔ́ɔ́ di hvo gɔlɔn.

Ɉaan 8:48

Ɉuifəɠaa di nwoo pulu pənə, diɛ mą: «Akɛ tii, tɛ̨ą kaa ku pɔ, kuɔ kɛ yɛ: Samari mun mąą a yɛ́, ɛlɛɛ, ɲį́nɛ̨n gaa ə́ pulu.»

Ɉaan 9:28

Farisiɛ̨ɠaa di nalan, diɛ mą: «Yɛ ɓə ə́ kaa a nwɔ kalan non, kɛlaa, ku wɛi, Moisə nwɔ kalan nɛa ɓaa a kuɔ.

Ɉaan 9:34

Diɛ mą: «Yɛ́i di ə́ kaa, ə́ ɓo a nɛ̨ŋɛ̨n dee teei, yɛ́ ɓə yɛ́ ə́ ku kalan?» Di di yee hee mą, di bili ɲɛnɛ̨ɛ̨ pələ.

Gɛlaɠaa 13:45

Yii kɛa Ɉuifəɠaa di nu kpului ti kaa, di kɛli hvɛɛ a lííholi, diɛ Polə laa hɛatoo, diɛ nalan.

Gɛlaɠaa 18:6

Di tɔɔ pələ na, diɛ nalan, Polə ə nwɔ həɠəi hu kpɛŋɛ̨n diɛ, yɛ diɛ: «Ká ɲąmą wulu a lɛɛ ká nwuɔ̨, nwulu hva lɛɛ nwúɔ; ɛlɛɛ, ə həɠə kɛa yiihu ɓa, nuąi di hvo a Ɉuifəɠaa, diɛ ɓə gáá lii di pɔ pələ.»

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»

Gɛlaɠaa 5:41

Gɛlaɠaai di həɠə dɔ́n vili nąmįną lííla a di kwəinɛ̨ɛ̨, diɛ li, mąąhɔlɔɓo, Yálá aa hvaa mą daa kɛ a nuąi mąąnɛ̨ɛ̨ di di mɔ̨nɔ̨ɓo Jesus laa mąą mɛ̨nį ɓa.

Korɛntə veelɛ 12:10

Akɛtii kani, gwə́inɛ̨ɛ̨ mɛ̨nį ɓaa nwɔ́ hviikpɛɛlaa, lalanŋaa, wɛa mɛ̨nįɠaa, mɔ̨nɔ̨ɠaa, da liikələn gwəi a həli mą́ą́, Kristə mąą mɛ̨nį ɓa. Mąąhɔlɔɓo, vįi a kɛ a gbɛɛ, akɛtii ɉúwalawalaa li.

Korɛntə veelɛ 4:10

A yələ kəlee, mɔ̨nɔ̨ɠaa Jesus ə mįi, ku kaa di mįi ku kɔlɔ hu, ɲɛ̨n deei hvo kɛ mą, ə gɛ, Jesus ŋą yɛnɛ̨ɛ̨ yɛ pɛli tooi pono ŋą ku kɔ́lɔ hu.

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Galatə 1:24

ɛlɛɛ, diɛ Yálá hɛɠɛɛɓo mą́ą́ mɛ̨nį hu.

Hebreu 11:26

Ə Kristə ŋą mɔ̨nɔ̨i kaa a hɛn viɛlaɓoɔ ə tɛɛ Eziptə hɛn gɔw ɓa. Mąąhɔlɔɓo, ɲɛ̨i heɛi kɛ hvɛla kulɔ ɓa.

Zĩi 1:12

Nwun na nɛ̨ɛ̨mun maa, nui a tɔɔ a nwalawalaa hukɔ́ɔn mɛ̨nį hu, mąąhɔlɔɓo, nui daa mąąkpɛɛ tii, a wala too, a yɛnɛ̨ɛ̨ hva kpɛɛ hɔlɔɓo a nwun ma ɓɔlɔ, yai, naakwɛlanmoɔi Yálá wɛli la kɛ nuą diɛ.

Zĩi 5:11

Ká kaa gaai, nuąi liikpələ laa kulɔ, gu kaa di mąątɛ̨nɛ̨i; ká Ɉobə nwɔ liikpələ laa mąą pələ mɛ̨n, ɛlɛɛ, bələi gu Nąmu ə nwɔ yɛnɛ̨ɛ̨ laa kulɔ la, ká gaa; mąąhɔlɔɓo, Ną́mu ŋą mɛ̨nį lɛlɛɛi, ɲee laahvɛɛi a mɛ̨inɛ̨ɛ̨.

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 3:14

Akɛmun, káá kɛli mɔ̨nɔ̨ mįi tələnmolaa mąą mɛ̨nį ɓa, ká nwun na nɛ̨ɛ̨i. 'Ká hvo ɲɔw nui lɔpee ta ɓa, 'ká mąą hvo kpɛlin.

Piɛrə dɔlɔɔ 3:16

Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Piɛrə dɔlɔɔ 4:16

Kɛlaa, aa kɛli mɔ̨nɔ̨ mįi, mąąhɔlɔɓo, gaa a kristalon, hvo nwumɛ̨, yaamun, ə Yálá mąmąɓo. Mąąhɔlɔɓo, naa tii kaa mą.

Piɛrə veelɛ 2:2

Nu tamąą kaa pai hvilɛn ɉi di túwɔ́ pələ ɲɔ̨nŋąa ti pulu, diɛi ti di mąą mɛ̨nį ɓa, nu tamąą kaa pai kɛi həɠəi tɛ̨ą pulu.