Piɛrə dɔlɔɔ 3:9 - Yálá laawoo hɛɓɛ (dc)

⁹ 'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Yálá laawoo hɛɓɛ

⁹ 'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Bible

⁹ Káfe mɛni nyɔ́mɔɔ su tòo a mɛni nyɔ́mɔɔ, kpaa máŋ ka larâŋ pɔ́ɔ kúla a larâŋ. Kɛ́lɛ, nyíi ka pɔ̂ri gɛ̂i, ǹyaa ƃa ká lûwa láa mà, kpɛ́ni fêi, da kátoli nyíŋi ma, a gɛɛ ká lûwa sɔlɔ ƃó.

Piɛrə dɔlɔɔ 3:9 Iomraidhean Croise

Zɛnɛse 42:25

Yili pulu, miíɠaai di paa la, di naahvɛɛ, di nwaliɠaa lɔ mɛ̨i di yəi. Ɉosɛfə ə mo, di bələ pɔ kɔ̨nɔ̨n dɛɛ niɛni pɔ.

Hanwon 17:13

Nui a mɛ̨nį lɛlɛɛ kwələ kulɔ a mɛ̨nį ɲɔ̨nwɔ̨ɔ̨, mɛ̨nį ɲąąnwąnąą hva tee ɲəi bɛlɛ́n.

Hanwon 20:22

'Hvó kɛ diɛ: «Mɛ̨ni ɲɔ̨n di naa mą́ą́, gáá gwələ kulɔi.» Ə́ kilitɔɔ lɔ Yai-Laa ɓa, gaa pai ə́ ɓaloi.

Hanwon 28:10

Nui a nu haŋąą lan, yɛ vilɛn pələ ɲɔ̨nwɔ̨ɔ̨ mɛ̨i, nɔwai tii ə dee, ɉunwɛ̨i ɲąmą a pu ɉu, Kɛlaa, nuąi di túwɔ́ pələ haŋąą, da nwun na nɛ̨ɛ̨ hɔlɔɓo a di kwɛlin.

Maafîu 19:29

Ə lɛɛ, nui lɔpee a nwɔ pɛlɛ́i lɛɛ, ə nąn nonni hinąą da nąn nonni nɛ̨ą lɛɛ, ə nąn a wala kɛ tii ə nee lɛɛ, ə nonni da nwɔ hihɛn ɉaa kəlee lɛɛlaa náá mąą mɛ̨nį ɓa, a gbulu kɛnɛ̨ hɔlɔɓo, ə yɛnɛ̨ɛ̨ kpɛɛ hvo mą hɔlɔɓo Yálá yəi.

Maafîu 25:34

Nąąlɔwai, tɔɔmun a mo mamįiyee hu nuą diɛ yɛ diɛ: ‹Kaa yiiɠaai a Ną́n nwɔ lúwɔ́ lonnii, ka pa ka lɔ nwɔ tɔɔlaai hu, ɓɛi aa kɛ nąą pɛli ka mąą mɛ̨nį ɓa gɛɛ yɛnɛ̨ɛ̨ kɔ́wɔ hvo tɔɔ.

Maafîu 5:39

Kɛlaa, nwɛ́i gáá moi kaa, nui a mɛ̨nį ɲɔ̨n gɛ a kaa, ka hvo ka nwąną kulɔ mą. Nu a ə́ ɓa-mįi-yee wəli lɔwa, kɔ́ɓɛyee wəli tinɛ̨n ə nowa.

Maafîu 5:44

Nwɛ́i gáá moi kaa, ka ka yowo wɛli la kɛ, nuąi da ɓɛlɛkpɛɛ kaa, ka Yálá hvɛli diɛ.

Markə 10:17

Jesus kɛɛ kɛa bələ pɔ, hulɔnu ta a pa ə too gɔwɔ mu, yɛ mą: «Mąąkwəli kɛmun nɛlɛɛ, lə ɓə mąąnɛ̨ɛ̨ ŋį́ gɛ, ə gɛ, yɛnɛ̨ɛ̨i kpɛɛ hvo mą ŋį́ Ɉɔlɔɓo?»

Lukə 10:25

Tɔ́n galamɔ̨ɔ̨ ta ə muhəɠə, əgɛ, ə Jesus hon vaa woo hu, ə mąąni kɛ yɛ mą: «Kalamɔ̨ɔ̨! Lə ɓə ŋą pɛli gɛi, ŋą yɛnɛ̨ɛ̨ hva kpɛɛi hɔlɔɓo Yálá-taa?»

Lukə 18:18

Ɉuifə kalanɉon da ə Jesus mąąni kɛ, yɛ mą: «Mąąkwɛli kɛmun nɛlɛɛ, lə ɓə mąąnɛ̨ɛ̨ ŋą gɛ, əgɛ, ŋą yɛnɛ̨ɛ̨ kpɛɛ hvo mą hɔlɔɓo?»

Lomaŋ 12:14

Nuąi da mɔ̨nɔ̨ɓo, 'ká, lúwɔ́ too diɛ. Ká hvo nu ta nɛ̨ŋɛ̨n naa, ka lúwɔ́ too nu kəlee ɓa.

Lomaŋ 12:17

Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n. Ka mɛ̨nį lɛlɛɛ mąą kiliŋąhiɛ kɛ nu kəlee ɓa.

Lomaŋ 8:28

Gu gɔlɔn nwɔ̨nɔ̨ guɔ diɛ: Nuąi da Yálá wɛlilakɛ, di mąąkpɔnmąą ɓo mɛ̨nį kaa mɛ̨nį kəlee hu; a diɛi tii ə di həɠə ɉu, yɛ bələi nwɔ mɛ̨nį pɛliɛ kaa la.

Lomaŋ 8:30

Nuąi ə di təli, ə gbɛa di həɠə ɉu, yiiɠaai ə di təli, ə di kɛ a tələnmo nuą, nuąi ə di kɛ a tələnmo nuą, ə mąąɲįnɛ̨n gɛ lɔ nwɔ̨nɔ̨ diɛ.

Galatə 3:14

Yili ə kɛ ti, ə gɛ, núwɔ́i Yálá ə naakwɛlanmo Abrahamə ɓa, huwu takpɛliɠaa di da hɔlɔɓo, Jesus Kristə hu pələ, ɛlɛɛ, a kɛ tii, laa na laa háálai, Gilii kɛ naakwɛlanmo, gu ɉɔlɔɓo.

Ifisiɛŋ 4:32

'Ká kɛ a ká liinɛ̨ɛ̨ ká kwəi, ká keeni pɔ, 'ká ká keeni mąąwɛli kaa, 'ká ká keeni mąąhvaalɛɛ, yɛ bələi Yálá ə ká mąąhvaalɛɛ la Kristə hu.

Tɛsalonikə dɔlɔɔ 5:15

Ka gɛ a nɛlɛɛ, nu ta hvo mɛ̨nį ɲɔ̨n gwələ kulɔ a mɛ̨nį ɲɔ̨n, kɛlaa, ka túwɔ́ a nɛlɛɛ ká kee lɔwai, ə mą kɛ, a nui lɔpee gəlee.

Hebreu 12:17

Mąąhɔlɔɓo, káá kpinįi ká gbaɠala kɔlɔn káá, ɉu kwɛa kɛa, ɓɛlɔwai ə kɛ la bɔ, di lúwó too mą, naa hvo mun kɛa laa ɉu, ɛlɛɛ, yili mąą hvo pɛli hvalin ɉii, bələi mąn ə ɉuhvɛli la a ɲɛ̨iyá wɔlɔ, hvo ɉɔlɔɓo.

Hebreu 6:14

yɛ mą: «A tɛ̨ą, gáá pai ə́ pilɛi lúwɔ́ hu, ŋą́ ə́ huwu hu ɓɛlɛ.»

Piɛrə dɔlɔɔ 5:10

Mɛ̨inɛ̨ɛ̨ kəlee Nąmu Yálá, yai ká təli Kristə hu a ŋą mąąwiɛlaai hva kpɛɛ mą, yaa ɓə pai ká heei kulɔi, ká kpɛɛ a mɔ̨nɔ̨ tawolo mįɛ, a ká huwalawala, ə ká hvaŋą kɛnɛ̨, ə ká tɔɔ gbilin, túmo hva kɛ káá.

Samuɛlə dɔlɔɔ 26:11

Yai-Laa ə gɛ́ a hɔn maa mun, akɛ ŋą́ ɲéé pɛlɛ nui Yai-Laa ə ɉee a tɔɔmun ma. Gbalai tii gwɛlɛ, da nwɔ ya pu hɛn həɠə gwə li.»