Piɛrə dɔlɔɔ 3:4 - Yálá laawoo hɛɓɛ (dc)

⁴ kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Yálá laawoo hɛɓɛ

⁴ kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Bible

⁴ Kɛ́lɛ, kálɛlɛ-laai é kúla kákponôi é kɛ́ a kátûa-perei nyíi maa-yeŋɔɔ̂i mɛi saai, nyíi ǹɛ́lɛɛ̂i Ɣâla ŋɛ́i-tuɛ yɛ̂ɛ kɔni mɛni kpanaŋɔɔ̂i.

Piɛrə dɔlɔɔ 3:4 Iomraidhean Croise

Mąątɛ̨nɛ̨ 131:2

Kɛlaa yaamun, ŋą́ nííɓa mɛ̨nįɠaa kɔ́lɔ haa mą, bələi lɔ lokolo kaa la nee yəi, bələ ɓə gíliŋąhiɛ pələ kaa la yɛ nokoloi tii.

Mąątɛ̨nɛ̨ 147:6

Yai-Laa a ɲee pu nuąi da di nwun mąą yɛɛ, di mu, yɛ nwąnąlɔ nuą yee pɛlɛ lɔi ɓa.

Mąątɛ̨nɛ̨ 149:4

Mąąhɔlɔɓo Yai-Laa a tɔɔ nwɔ nuąi pulu, nuąi hvaŋą hvo di yəi, a kɔ́ nɛ̨ɛ̨ diɛ.

Mąątɛ̨nɛ̨ 25:9

Nuąi da di kpɔwɔ mąą yɛɛ, a di tɛ̨nɛ̨ndɔɔ tələnmolaa ɓa, nuąi di hva di nwun dɛ, a nwɔ pələi lɛ diɛ.

Mąątɛ̨nɛ̨ 45:13

Akɛtii, Tirə nuą, a ɉɛn gɔw lɔi tii hu nuą, di kaa pai ə́ mąąpui a mɛ̨inɛ̨ɛ̨ kpɛa kpɛa.

Mąątɛ̨nɛ̨ 51:6

Ŋą́ą́ nɛ̨ŋɛ̨n ɉəɠə yɛ́, yɛ́ kɔw taanɔ̨n gbən, yɛ́ kpɔ ɓə, mɛ̨nįi ɲɔ̨nwɔ̨ɔ̨ ə́ ɲɛ̨i mu, ŋą́ą́ gɛ; yili ɓa, yá kɛi ɉɔ́n mo, yɛ́ tɛ̨ą mɛ̨nį li, yá kɛi ɉútɔɔ, tɛ̨ą kaa ə́ pɔ, ɛlɛɛ, yɛ́ kitii mąą kulɔi hvo mą.

Azaya 11:4

A mąąwɛli nuą mąą mɛ̨nį hutɔɔ a tɛ̨ą, yee hvowolo nuąi nɔi, a di mąą mɛ̨nį ɓo a ɉaŋąą. Nwoo kaa pai kɛi yɛ hváɠá, yɛ toomɛ̨i kɛ nuą kɛlɛ la, yɛ nwąnąlɔ nuą paa a naa wəleen.

Azaya 29:19

Yili pulu, kpɔwɔ mąąyɛɛ nuą diɛ di kwəinɛ̨ɛ̨ Yai-Laa laa hu, ɛlɛɛ yeehowolo nuą diɛ ɓələn, Israɛlə nwɔ Mąąhəɠəmun mąą mɛ̨nį ɓa.

Azaya 57:15

Mąąhɔlɔɓo, nui kpɔ gaa yələi kwɛala, mɛ̨nįi gaa moi ya ka, yai gaa laa a yələ kəlee, ɛlɛɛ naa kaa a mąąhəɠɛɛ. Gáá yələi kwɛaala, mą́ą́həɠɛɛ, ŋą́ ɓo lɔ nwɔ̨nɔ̨ a nui daa hee mɛ̨i, dɔɔ bulu, yai a kɛ giliɲąhiɛi, yɛ kɛ daa mɛlɛ kpɛɛ mą, nuąi yiiɠaai di kaa di nwumɛ̨i, gɛ́ di hvąŋąlɔ, nuąi daa di lii yali di kwəi, gɛ́ di nįįlɔ.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Ɉeremi 51:59

Seraya, yai kɛ a Neriya lon, ə ɓo a Maseya mąnįn, mɛ̨nį Yálá kwəi mɛ̨nį hukulɔ mun Ɉeremi ə dí la, ya ka; ɓɛlɔwai Ɉuda tɔɔmun Sedesiasə ni di kɛi li la Babilonə, a nwɔ tɔɔlaa gwɛlan nąąn nɔwai. Seraya ə kɛ ɉiɛ mɛ̨nį nwun na.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 21:5

«Ka mo Siɔn nuą diɛ kaa diɛ: ‹Ka wɔ tɔɔmun nwɔ mɛ̨nį lɛlɛɛ kaa pai ka pɔ, ɉeɛ hoohvaalən non mɛ̨i.›»

Maafîu 23:26

Farisiɛ̨ɠaa ka ɲɛ̨ipuɔi! Ka gbɛa nii gbələ kɔ́wɔ da gəgən ɉu pələ waa, a kɛ tii, gɔlɔ ɓa a pɛli lɛlɛ.

Maafîu 5:5

Nwun na nɛ̨ɛ̨ nuą ɓaa nuąi di wɔ mɛ̨nį lɛlɛɛ. Mąąhɔlɔɓo, mɛ̨nįi Yálá ə naakwɛlanmo nwɔ nuą diɛ, huwuɠaa diɛ, di ka pai ɉɔlɔɓoi!

Lukə 11:40

Ka hva mɛ̨nį ŋąą kaa! Nui gɔlɔ ɓa pɛli, yaa lɔ ɓə ɉu pələ pɛli.

Lukə 16:15

Jesus ə mo diɛ, yɛ diɛ: «Ka kɛ ka kpɔɔ kɛi a nu haŋąąɠaa nuą ɲɛ̨i ɓa. Kɛlaa, Yálá ə ka kwəi kiliŋąhiɛ kɔ́lɔn. Mąąhɔlɔɓo, yii mąąwia nuą ɲɛ̨i ɓa, mɛlɛkpɛɛi ma Yálá ɲɛ̨i ɓa.

Lomaŋ 1:23

Diɛmun, di hvo gɛ li, Yálá ŋɛ̨i a vulúmąą, di hvo kɛnɛ̨ pələ mąąwiɛ. Daa li diɛmun, diɛ haa hɛnŋąa mąąwiɛ, yɛ pələi: Nu kan gaa la, nwɛ̨nį, ɛlɛɛ, huwɔɠaa da tala-hɛnŋąa.

Lomaŋ 2:29

Kɛlaa, yii nu hu pələ, noɔ, ya ɓə a nu kɛ a Ɉuifə mun neelee, ɛlɛɛ, kɛ́nɛ̨lonnaa ɓaa, yii nu kili ɓa pələ yɛ bələi Yálá kaa la bɔ, ya hvaa yii ɉɛɓɛ́ hu. Mąą nu ŋą mąąwiɛ hva həɠə nuą pɔ pələ, kɛlaa a həɠə Yálá pɔ.

Lomaŋ 6:6

Mąąnɛ̨ɛ̨ ka gu mɛ̨nį ŋɛ̨i kpaɠala kaa a nɛlɛɛ: Gu kɛ pələ pɔlɔi wɔlɔ gu kɛ ɉu, yili ka ti gu nɛɛ Kristə ɓa yɛ haa la wulu ɓa. Ə gɛ nɛ̨ŋɛ̨n gɔlɔi ti hu ə kala, ə lɛɛ, gu hvo kɛa kɛ a nɛ̨ŋɛ̨n nwɔ luwɔɠaa.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Korɛntə veelɛ 10:1

Ɲą́ą́ Polə, ɲą́ą́ gbínįlee ɓə ká mąąnɛ̨ɛ̨i Kristə ŋą liinɛ̨ɛ̨ gwəilaa da ŋą wɛlikɛmąąlaa hu, ɲą́ą́ ŋɛ̨i ŋą́ kɛ ká ɲɛ̨i ɓa, gɛ́ gbɔ́wɔ́ koloon ká lɔwai, kɛlaa, ŋą́ kɛ kwɛaa la, níikpəlɛɛ káá,

Korɛntə veelɛ 4:16

Yili ɓə a gɛ, ku hvįi hva kpɛɛ, ə mą kɛ, ku kili kaa ɉu, ku kɔlɔ kaa lii haa pɔ pələ, ku nįį hu pələ nwɛi, gaa lɔ yɛ pu nįnɛ̨ kɔlɔi a yələ kəlee da nwɔɔ.

Galatə 5:23

lii nɛ̨ɛ̨ gwəilaa, nu yee pɛliɛɛ gbɔwɔ ɓa, mɛ̨nįɠaai ti nwɛi, tɔ́n və tɔɔ li da ɓa.

Ifisiɛŋ 4:2

a ká kpɔwɔ mąą yɛɛ pələ, a liinɛ̨ɛ̨ gwəi laa, a liilaa, 'ká ká liikpələ ká keeni hɔn mu a wɛlikɛmąą laa;

Kolosə 3:12

Yii kani kɛa Yálá aa ká həɠə ɉu, aa ká mąąhəɠə, ká wɛli ə ɓo mąi; mąąnɛ̨ɛ̨: ɲɛ̨imąąwɛli kaa, liinɛ̨ɛ̨ gwəilaa, kpɔwɔ mąą yɛɛ laa, mɛ̨nį lɛlɛɛ kɛɛ, da liikpələ laa di kɛ ká yəi.

Kolosə 3:3

Káá haa, ɛlɛɛ, ká wɔɔ yɛnɛ̨ɛ̨ da Kristə di lowɔi Yálá hu.

Tɛsalonikə dɔlɔɔ 4:11

'Ká ká wɔ yɛnɛ̨ɛ̨ kɛ, a yíi-la-nɛ̨ɛ̨, 'nu kəlee ə ɲɛ̨i lɛɛ gbɔwɔ mɛ̨nį ɓa, ɛlɛɛ, ə kóló kɛ a gbɔwɔ yee, yɛ bələi ku ká tí la,

Tɛsalonikə veelɛ 3:12

Yili mąą nuąi tii, mɛ̨nįi ku kaa moi diɛ, kuɔ di liɛwoo kɛ la, gu Nąmu Jesus Kristə hu, ya ɓaa: di kóló kɛ a di kpɔwɔ yee, di di kɔ̨nɔ̨n ɉɔlɔɓo, diɛ mįi.

Timote dɔlɔɔ 2:2

diɛ gɛ lɔ tii, tɔɔɓɛlaa da nuąi ɲąąwooɓolaa kaa di yəi di mąą mɛ̨nį ɓa, əgɛ, gu ɲɛnɛ̨ɛ̨ kɛ a gɔlɔ haamą, liilaa hu, kulɔ nwoo ɓa laa hu, a ɉaŋąą.

Timote veelɛ 2:25

Nuąi da kɛ naa hɛatooi, yɛ di woo ɲąąpənə a liinɛ̨ɛ̨ gwəi laa. Gbɛɛ ɓə gɔlɔn, akɛ, Yálá hvo pai kili tɛɛi di pɔ, diɛ pɛli di ɲɛ̨i tínɛ̨n ɉii, diɛ ɉee tɛ̨ą pɔ pələ?

Taitɔ 3:2

Di hvo nu ta lalan, di hvaa kɛ mɛ̨nį mąąlaa, di kɛ a di liinɛ̨ɛ̨ di kwəi, di liinɛ̨ɛ̨ gwəi laa kɛ nu kəlee ɓa, a yələ kəlee.

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.

Piɛrə dɔlɔɔ 3:15

Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Samuɛlə dɔlɔɔ 16:7

Kɛlaa, Yai-Laa yɛ Samuɛlə ɓa: «Hvo ə́ kili lɛɛ nui ŋɛ̨i koloon ma, da dɔɔmɛ̨i, yili hvəi gáá bɔ. Yii nuą da gaa, yili hvəi; nuą di wɛi, da nu kɔ́lɔ ɓa kaa, Yai-Laa yɛ nu líí hu kaa.»