Piɛrə dɔlɔɔ 3:19 - Yálá laawoo hɛɓɛ (dc)

¹⁹ Yaa tii ɓə li, ə nwɛlɛɛ lɛlɛɛ laa həli nįįɠaai kɛ gaho ŋą diɛ,

Yálá laawoo hɛɓɛ

¹⁹ Yaa tii ɓə li, ə nwɛlɛɛ lɛlɛɛ laa həli nįįɠaai kɛ gaho ŋą diɛ,

Bible

¹⁹ È lì mɔ̂leŋ sú é Ɣâla-woo ƃó mɔ̂leŋ-ŋai dîa kpini-pɛrɛ mu,

Piɛrə dɔlɔɔ 3:19 Iomraidhean Croise

Nehemi 9:30

«Kwɛlan damąą yee mu, ə́ mɔ̨nɔ̨ mįi di mu, ə́ kɛi di təli ə́ pɔ pələ, ə́ wɔ Kilii haalai yai kɛ ə́ wɔ loloɓo nuą hu. Kɛlaa, di hvo gə di hvo di wəli tɔɔ ə́ woo ɓa. Yili ɓə gə, yɛ́ di kwɛlɛ lɔi takpɛliɠaa diɛ.

Azaya 42:7

Yɛ́ ɲɛ̨ipu nuą ɲɛ̨i hvólóon, yɛ́ gaho nąmįną kulɔ di wɔ gahoi ŋą, nuąi kpinį pɛlɛ́ mu kpono ŋą, yɛ́ di kulɔ laa.

Azaya 49:9

Yɛ́ kɛ gaho nąmįną diɛ: «'Ka kulɔ!» Yiiɠaai kɛ kpinį, yɛ́ kɛ diɛ: «'Ka kulɔ bono ŋą!» Di kaa pai laamii hɛn ɉɔlɔɓoi pələ kəlee pɔ, diɛ di kɔ̨nɔ̨n gaa yee lɔwai kəlee ɓa.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.

Piɛrə dɔlɔɔ 4:6

Yili mąą mɛ̨nį ɓə gɛ, diɛi tii a haa nuą nwɛlɛɛ lɛlɛɛ laa ə həli diɛ, əgɛ, nu kanŋaa di di kiti tee di kɔlɔ hu pələ, ɛlɛɛ, di yɛnɛ̨ɛ̨ kɛ Kili-Mąąhəɠɛɛ háálai, Yálá pɔ pələ.

M̀ɛni-lɛɛi 19:10

Ya ɓə, ŋą́ pɛlɛ gɔ́wɔ mu, gɛ́ kɛ ŋį́ gwɛli hvilɛn mą, kɛlaa, yɛ mą́ą́: «'Hvo kɛ ə́ kaa gɛi tii! Gáá lɔ a tímun, ə́ mąą mɛ̨nį ɓa, ɛlɛɛ, da ə́ nąn nonnii, diɛi di yee kąnąnŋąą Jesus ŋą kɛla wooi ɓa.» Yálá ɓə mąąnɛ̨ɛ̨i ə́ gwɛli hvilɛn mą, gbala ə tɔɔ, Jesus ŋą kɛla wooi, ya ɓaa a mɛ̨nįi pai kɛi ŋą kili.

M̀ɛni-lɛɛi 20:7

Gwɛlan nwaa-tɔ̨nɔ̨i tii laa a pa kulɔi, di kaa pai ɓilihi kulɔi gaho ɲą.