Piɛrə dɔlɔɔ 3:18 - Yálá laawoo hɛɓɛ (dc)

¹⁸ Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Yálá laawoo hɛɓɛ

¹⁸ Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Nįį-Mąąhəɠɛɛ ə gɛ a vulú.

Bible

¹⁸ Kpɛni fêi, Kôrai máŋ è sàa sɔnyɔ̂ŋ mɛni ma zu tɔnɔɔ. Dɔ̃yâ-nuui è sàa kúai kúkaa a zɔnyɔ̂ŋ-ƃelai kúmɛni ma a gɛɛ é pá a kúa Ɣâla pɔ́. Dí gbonoi pàa, kɛ́lɛ, è kɛ̀ a vúlu mɔ̂leŋ su.

Piɛrə dɔlɔɔ 3:18 Iomraidhean Croise

Danîa 9:26

Gwɛlan pow mɛ̨ida kɔ́w hveelɛi heei gwɛlan mɛ̨ihveelɛi tii tɛɛ pulu, hulɔnu ta yii Yálá aa ɉəɠə ɉu ə mąątí, di kaa pai baai, dɔɔ bulu kɛ mun hva hɔlɔɓo nuą lɔwai. Yili pulu, nwun nąmu ta ka pai muhəɠəi, da nwɔ kɔlaɠaɠaai, di daa lee wolo, ə mą kɛ Yálá hee pɛlɛ́. Ə mą kɛ tii, Yálá nwɔ líiɲąnwąną kaa pai pui nui tii mɛ̨i, ə nwɔ yɛnɛ̨ɛ̨ ŋaakpɛɛ. Kɛlaa, gɛɛ hvo pa kɛ haai, gaa pai kɛɛ kalai kɔ́kɔ́ɔ hu, yɛ pələi di mɛ̨nį tii gbən dee la.

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lonon mo 7:15

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Maafîu 27:19

Ɓɛlɔwai Pilatə ə kɛ heeni la gití tee kpəlin ɉu, nɛ̨ą ə wəlɛɛ tɔɔ yɛ di moi mą, diɛ mą: «Ə́ laa kulɔ nu haŋąą ŋɛ̨i mąą mɛ̨nį hu, hvo mɛ̨nį lɔpee ta kɛ la. Mąąhɔlɔɓo, ŋį́ háá mɔ̨nɔ̨ mį́į́ kpɔ kɛnɛ̨, a kpinį hįį pələ mąą mɛ̨nį hu.»

Maafîu 27:24

Yii kɛa Pilatə ə gaa yɛ diɛ, mɛ̨nįi gaa moi, di hvo nwoo hon ɉi, kɛlaa yaamun, nuą huluun nwoo lɔ ɓə ɉu ə kɛi kɛnɛ̨; ə ya həɠə, ə ɲəi waa nu kəlee ɲɛ̨i ɓa, yɛ diɛ: «Nui ŋɛ̨i hɔn və mą, ɲə́ə́ hvo baa mɛ̨nį hu gɔ́wɔ́ hvo ɉu; ka nwuɔ̨ tiɛ̨ li.»

Ɉaan 16:10

Yii hvilɛn na tələnmo mɛ̨nį ɓa, gáá lii Ną́n pɔ, ka hvo kɛa pai gáái.

Gɛlaɠaa 22:14

Yɛ nwɔ̨nɔ̨ mą́ą́: ‹Gu nąnni di wɔ Yálá ə gbɛa ə́ həɠə ɉu, ə ə́ kɛ a niiɓa kɔ́lɔn mun; ə́ dələnmomun ti kaa, ə́ nwoo mɛ̨n.

Gɛlaɠaa 3:14

Ká lənə Mąąhəɠəmun tələnmoɔ ɓa, ɛlɛɛ, kaamun ká kɛɛkalamun ɉu hvɛli, di dɛɛ ka pɔ.

Lomaŋ 1:4

Kɛlaa, di gu Ną́mu Jesus Kristə laa hee a Yálá Lon, Kili-Mąąhəɠɛɛ nwɔ hvaŋąi haalai, yai nwun, ə gulɔ haa yəi.

Lomaŋ 4:25

Ya pa, gu wɔ mɔ̨nɔ̨ɠąąi ka tii ə ɉəɠə, ə haa, ə nwun gu mąąhəɠə mɛ̨nį ɓa.

Lomaŋ 5:2

Ɉaalai, gwa pɛli kɛa gu mąą lɛɠɛ Yálá ɓa, laa na laa pɔ pələ, nwɔ mɛ̨inɛ̨ɛ̨ hu ɓə, gwa gu kpɔwɔɲąą kɛnɛ̨, a kilitɔɔmąąlaa Yálá mąąwiɛ pələ hu.

Lomaŋ 8:11

Akɛ Yálá nwɔ Kilii ŋɛ̨i Jesus nwun haa ɓɛlaa lɔwai, gaa ka hui, Yaa ti lɔ Jesus Kristə nwun yɛ gulɔ haa nuą lɔwai, yaa lɔ ɓə pai yɛnɛ̨ɛ̨ tɛɛi ká kɔlɔi ŋɛ̨i haa mɛ̨nį pɛ̨ɛ̨i nwuɔ̨, bɔ; nwɔ Kilii ti ka hu, ɉáálai.

Lomaŋ 8:3

Mɛ̨nįi tɔ́n hva pɛli kɛ gɛi, mąąhɔlɔɓo, nu nwɔ hviikpɛɛlaa aa gɛ vaŋą kpɛɛ ɉu, Yálá aa yili kɛ: Aa nɛ̨ŋɛ̨n gití tee nu kɔ́lɔ hu, a gbɔwɔ lon dɛɛi ə mo, ə pa, ə kɛ a nu, ə gbɔwɔ kulɔ a haláá nɛ̨ŋɛ̨n mąą mɛ̨nį ɓa, ə nɛ̨ŋɛ̨n nwun na pili kɔ́lɔ hu.

Korɛntə veelɛ 1:24

Ə kɛ ŋɛ̨i yɛ kwa hee ká wɔɔ kalan mɛ̨į, ya hvəə, kɛlaa, ku yee pɛlɛ ɓə ku kaa moi ká wɔɔ kwəinɛ̨ɛ̨ ɓa, hvo gaai, galan mɛ̨nį nwɛi, ká yee kaa mą a nwalawalaa.

Korɛntə veelɛ 13:4

A tɛ̨ą di gbanwo kolɔwa ɓa, nwɔ hviikpɛɛlaa hu, kɛlaa, gaa a vulú, Yálá nwɔ huwalawala laa háálai. Ɛlɛɛ, kuɔ kpɛlimąn, ku hvįikpɛɛi Kristə hu, kɛlaa, ku kaa pai kɛi a ku hvulúmąą kwa diɛni, Yálá nwɔ huwalawala laa háálai ká pɔ pələ.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 3:12

Laa na laa háálai, Kristə hu, lɛɛgbɔwɔ ɓa laa kaa ká gu yəi guɔ pɛli lɛɠɛi la Yálá ɓa kilitɔɔmąą laa hu.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zĩi 5:6

Káá kiti kala nuą diɛ, káá tələnmomun baa, hva mąąkɔ̨nwɔ̨ ká yəi.

Piɛrə dɔlɔɔ 3:19

Yaa tii ɓə li, ə nwɛlɛɛ lɛlɛɛ laa həli nįįɠaai kɛ gaho ŋą diɛ,

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

Piɛrə dɔlɔɔ 4:6

Yili mąą mɛ̨nį ɓə gɛ, diɛi tii a haa nuą nwɛlɛɛ lɛlɛɛ laa ə həli diɛ, əgɛ, nu kanŋaa di di kiti tee di kɔlɔ hu pələ, ɛlɛɛ, di yɛnɛ̨ɛ̨ kɛ Kili-Mąąhəɠɛɛ háálai, Yálá pɔ pələ.

Zɔ̂ŋ Maa-ŋuŋ 1:9

Akɛ gwa hvaa gu wɔ nɛ̨ŋɛ̨nŋaa diɛ, kulɔ nwoo ɓa laa da tələnmo laa hu, yɛ Yaa, a gu wɔ nɛ̨ŋɛ̨nŋaa mąąhvaalɛɛ, ɛlɛɛ, yɛ gu wɔ tuwɔ pələ ɲɔ̨nŋaa kəlee waa guɔ.