Piɛrə dɔlɔɔ 3:16 - Yálá laawoo hɛɓɛ (dc)

¹⁶ Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Yálá laawoo hɛɓɛ

¹⁶ Kɛlaa, 'ká gɛ mąąwiɛlaa hu, da liinɛ̨ɛ̨ gwəi laa, əgɛ, nuą daa kɛi ká wɔɔ tuwɔ pələ lɛlɛ laa bələ ɓo Kristə hu, mɛ̨nįi da kɛ ká laa mąą hiɛi ɉu, ká laa mąą hiɛ nuą tii, di nwumɛ̨.

Bible

¹⁶ Kákili-ŋa-siai é kɛ́ a maa waa a gɛɛ nûa da lòno kâa, diai da lòno kâa kátûa-pere-lɛ̂lɛi mɛni ma Kôrai kponôi, dí ŋumɛ.

Piɛrə dɔlɔɔ 3:16 Iomraidhean Croise

Danîa 6:4

Daniɛlə kpinį tii, nwɔ mɛ̨nį kɔ́lɔn ŋąą tɛɛi kɛ nɔi nwun nąmįnąa da nɔi nu kpɛa-kpɛaɠaa diɛ, mąąhɔlɔɓo, gili kɛnɛ̨i kɛ, ə lɛɛ, tɔɔmun ə giliŋąhiɛ yɛ: ə ɉee nwɔ lɔi kəlee nwun na.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Gɛlaɠaa 24:16

Yili mąą mɛ̨nį ɓa, ŋį́ gbinįlee, ŋą́ tɔɔ a nwąnąi gɛ́ níi laa hɔnmo, mąąkulɔi hva kɛ mą, Yálá da nu kanŋaa di ɲɛ̨i ɓa.

Gɛlaɠaa 28:22

Kɛlaa, yii ə́ kwəi, ku kaa bɔ ku mɛ̨n ə́ la. Mąąhɔlɔɓo, ə́ wɔɔ kpɔn tii nwɛi, da mąą hɛatoo kɛɛnąą lɔpee gəlee ɓa.»

Lomaŋ 9:1

Kristə hu, tɛ̨ą ɓə gáá moi, və́ lɛɛ kɛi, ŋą́ gbɔ́ɔ́ mąą kɛla hvaaɓo a yili, Kili-Mąąhəɠɛɛ háálai, və́ lɛɛ kɛi.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 4:2

Nwumɛ̨ mɛ̨nįɠaai noɔ, kwaa lənə yiliɠaa diɛ, ku hva túwɔ́ a nuą ɓowo pələ, ɛlɛɛ, ku hvo nwɔ̨nɔ̨ Yálá laawoo mąąhvalin, kɛlaa yaamun, nwumɛ̨ mɛ̨nį, kwaa yiliɠaai lɛɛ laa, ku hvo gbąnąlaa túwɔ́ ɓoi, ku hvo Yálá lawoo ɲɛ̨ilaai mąą hvalin Ɉii. Kɛlaa yaamun, tɛ̨ą yii gaa ɉu, ya ɓə kwa nɛ a ɉuponoɔ, ə gɛ, nu kəlee di kilitɔɔ mąą laa hɔlɔɓo Yálá ɲɛ̨i ɓa.

Timote dɔlɔɔ 1:19

a laa na laa da kili lɛlɛɛ. Nu tamąą daa di yee kulɔ mu, diɛn, di wɔɔ laa na laa aa lɛɛ yái.

Timote dɔlɔɔ 1:5

Diɓoi ti ŋį́ dɛɛ ə́ pɔ, nwun gaa mą, ya ɓaa a wɛlikɛmąąlaai a kulɔ lii lɛlɛɛ hu, kili lɛlɛɛ hu, da laa na laa kpɔ-kpɔ.

Timote veelɛ 1:3

Yálá ŋɛ̨i gáá tíi mą, a gwə́i kwɛlɛɛ, vílɛnŋąą gáláɓɔlɔni pɔɔ ɲą, ŋą́ nwɔɔ mɛ̨inɛ̨ɛ̨ɠaa hukɔlɔn gbɔ kɛnɛ̨, ɉú pələ, ɓɛlɔwai lɔpee, ə kɛ a kpinį, ə kɛ a hvóló, nwɔ́ Yálá hvɛli pələ kəlee, ŋą́ ə́ laa too ɉu.

Taitɔ 2:8

ə́ hvaa woo mąąhəɠɛɛ mąąkulɔi hvo mą, əgɛ, gu yowo hvo dɔɔi hɔlɔɓo, hvo woo ɲɔ̨n mo gu laa mɛ̨i, nwumɛ̨ ə yɛɛ a nwun.

Hebreu 13:18

'Ká kɛ Yálá hvɛlii kuɔ, mąąhɔlɔɓo, ku kilaa ponoɔi kpɔ a nɛlɛɛ, ku kwəi kwɛlɛɛ, ku kaa bɔ, ku túwɔ́ a nɛlɛɛ mɛ̨nį lɔpee gəlee hu.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Piɛrə dɔlɔɔ 2:12

Ká túwɔ́ pələ ə kɛ a nɛlɛɛ, hali pulu nuą lɔwai, ə mą kpɛli kɛ di kaa ká laamąą hiɛi yɛ tuwɔ pələ ɲɔ̨n gulɔ nuą, ká wɔ tuwɔ pələ lɛlɛɠaa ə di kilaa pono, ɛlɛɛ, diɛ Yálá mąąwiɛ a yələi gaa pai di nąą kaai la.

Piɛrə dɔlɔɔ 2:15

Mąąhɔlɔɓo, Yálá liiɓa ɓaa, ká kɛli mɛ̨nį lɛlɛɛ kɛ, ɓowo nuąi di tɛɠii, káá di kilaa pono.

Piɛrə dɔlɔɔ 2:19

Mąąhɔlɔɓo, mɛ̨nį lɛlɛɛ ɓaa, nu ə niikpələ hvulu mɔ̨nɔ̨ mu Yálá mąą mɛ̨nį ɓa.

Piɛrə dɔlɔɔ 3:21

Ɲąi tii kaa a mąąwaaɓoi aa ká ɓalo yiihu, gɔɔn mąą, hvo a kɔhɔɓoi ká kɔlɔ ɓa, nwaa hɛn, kɛlaa, yili kaa a nu kpɔwɔ kwɛlɛɛ Yálá ɓa, ə́ kili hu pələ, a ká ɓalo, Jesus Kristə nwun ə mo haa yəi ɉáálai,

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.