Piɛrə dɔlɔɔ 3:15 - Yálá laawoo hɛɓɛ (dc)

¹⁵ Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Yálá laawoo hɛɓɛ

¹⁵ Kɛlaa, 'ká Kristə mąąhəɠə ká nįį hu, yai a gu Nąmu. 'Ká hɛ̨ą ə kɛ lɔ a ɲiliɛ a yələ kəlee, káá pɛli ká wɔɔ kilitɔɔmąą laa hukulɔi nuąi da ka mąąni kɛ diɛ.

Bible

¹⁵ Kɛ́lɛ, ka Kôrai siɣe kálii su a maa-waa yɛ̂ɛ Nuu-namui. Ka kɛ́ a kákpɛtɛɛ a tãi kélee a gɛɛ ká kákpîŋ maa kɔ̃ɔ núu kélee yêei nyíi a kátoli a gɛɛ ká kákili-kɛ-zui maa-sapoi lɛ̂i, é máŋ kɛ́ tí ka gɛ́ a maa-yeŋ-pere yao-ma-pere su.

Piɛrə dɔlɔɔ 3:15 Iomraidhean Croise

Mąątɛ̨nɛ̨ 119:46

Gáá pai kɛi ə́ wɔ tiɓoɠaai hukulɔi tɔɔɓɛlaa ɲɛ̨i ɓa, hvə́ pai nwumɛ̨i yili kɛi.

Hanwon 15:28

Tələnmomun a gwəi kwɛli, hvo tɛɠa kɛ nu woo pulu pənəi, Kɛlaa, nwąnąlɔ nuą da di laa tee lɔ ɓowo mɛ̨nįɠaa ɓa po.

Hanwon 22:21

Yiliɠaai da gɛ ə́ kili ə pu tɛ̨ą mɛ̨nį hu, yɛ́ pɛli kili pələ ɓoi ə́ kwɛlɛ nuą diɛ a tələnmolaa.

Azaya 1:18

Yai-Laa yɛ diɛ: 'Ka pa, gu gu keeni woo ŋąą kaa, Akɛ ka kɛ nɛ̨ŋɛ̨n gbɔluɔ yɛ ɲąmą, a kwələ yɛ yeehunwɔ̨. Ka kɛ nɛ̨ŋɛ̨n a kɛ a gbɔluɔ mutɛɠiɛ, a kwələ yɛ wiɛ hunwɔ̨.

Azaya 29:23

Mąąhɔlɔɓo, yii ŋį́ gɛ diɛ, da gaa, nonnii kaa pai Náá mąąhəɠəi, di kaa pai Ɉakɔbə nwɔ Mąąhəɠəmun laa mąąhəɠəi; di kaa pai kpɛlin ɉii Israɛlə nwɔ Yálái lííla.

Azaya 41:21

Yai-Laa yɛ diɛ: 'Ka pa ka ka wɔ mɛ̨nįi too, Ɉakɔbə nwɔ tɔɔmun yɛ diɛ; 'ka pa ka ka woo hukulɔ.

Azaya 5:16

Yai-Laa Mɛ̨nį Kəlee ŋą Hééɓomun laa kaa pai tɛi, nwɔ kiti tee pələ hu, Yálá mąąhəlɛɛ kaa pai gbɔwɔ lɛi a mąąhəɠɛɛ ɉaŋą pələ hu.

Azaya 8:12

«Mɛ̨nii lɔpee nu huwui ŋɛ̨i a kɛ mą: ɲaba lɔ mɛ̨nį, ka hvo kɛ mą ɲaba lɔ mɛ̨nį, mɛ̨nįi da ɲɔw mą, ka hvo ɲɔw yili ɓa, hvo ɲinɛ̨n ɲinɛ̨n doo ka hu.»

Lonon mo 20:12

Yai-Laa yɛ Moisə da Aarɔn diɛ: «Yii ka hvo laali ná, kaa pɛli nwɔ́ mąąwiɛ kulɔi pɔ̨nɔ̨ŋą Israɛlə lonnii ɲɛ̨i ɓa; yili mąą mɛ̨nį ɓa, ka hvo pai nu kpului ŋɛ̨i lɔi ɓɛi ŋɛ̨i ŋį́ naakwɛlanmo diɛ ɉu.»

Lonon mo 27:14

Mąąhɔlɔɓo, Sin lɔi pun ɉu, ɓɛlɔwai Israɛlə nuą di hvaa pɛlɛ la mą́ą́, ka kulɔ nwóó mu, a ka tíi ŋį́ mo gɛ́ ka nwɔ́ mąąhəɠə laa lɛ nuą diɛ di gaa, a yá kulaa a kpalo mɛ̨nį.» Yili hvilɛn ŋąąi Meriba yá mɛ̨nį ɓa, yii kɛ Kadɛsə, Sin nɔi pun ɉu.

Gɛlaɠaa 21:39

Polə ə nwoo ɲąąpənə yɛ mą: «Ɲáá, Ɉuifə mun maa a ɲą́ą́, ŋį́ həɠə Tarsə, Silisi lɔi hu, gáá a kaalon, a taai kɔlɔn gaa mą, ɉu lon, nɛ̨ɛ̨mąą yɛ́, nɛɛ laa ŋį́ pələɓo nuą diɛ.»

Gɛlaɠaa 24:25

Kɛlaa, yii kɛa nono woo ə hvilɛn, tələnmo yíí ɓa, da nu kpɔwɔ huhon mɛ̨nį, ɛlɛɛ, gitii gaa nuą tɔwɔ; Felisə ə ɲɔw, yɛ mą: «'Li kɛa, gáá pai ə́ təlii a yələ takpɛli.»

Kolosə 1:23

Kɛlaa, hvo kɛli, laa na laa háálai, ká kanąn mą, 'ká ɉon kpɔ kpąą, 'ká hvo nɛɛ laa, di hvo ká mąąkwɛa nwɛlɛɛ lɛlɛɛ ŋą kilitɔɔmąą laa ɓa, yai ká mɛ̨n; a yai, di naa həli pɛli-hɛn gəlee ɓa yələkɔlɔn mu nąą kəlee, yaa tii ɓə, ɲą́ą́ Polə ŋą́ kɛ a ŋą tímun.

Kolosə 1:27

Bələ ɓə ə kɛ la tii bɔ, ə mɛ̨nįi tii ŋą yəi-kɛnɛ̨laa da ŋą mąąwiɛlaa lɛ la huwu takpɛliɠaa lɔwai, a Kristə kɛ mɛ̨nį ká lɔwai, a kilitɔɔmąą laa, a mąąwiɛlaa!

Kolosə 1:5

Gilitɔɔmąą laai gaa ká mąąkpɔn ɉii yələkɔlɔn ɉu, mąą kilitɔɔmąą laai tii ɓə di naa həli káá, a tɛ̨ą woo, ya ɓaa, nwɛlɛɛ lɛlɛɛ,

Kolosə 4:6

'Ká lono woo ə nɛ̨ɛ̨ nuą wəlii a yələ kəlee, yɛ pɛli nɛ̨ɛ̨laa pələ laa ɓoi nuą lɔwai, 'ká nu tɛitɛi woo pulu pənə, a ɲąą pənə pələ.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Hebreu 3:6

Kɛlaa, Kristə nwɛi, gaa a bɛlɛ́n non, yɛ ɓo ŋą pɛlɛ́i mɛ̨i. Ŋą pɛlɛ́i, ya ɓaa a guɔ, akɛ mɛ̨nįi gu kaa mąąkpɔn ɉii, a ɲɛ̨i pono, a kilitɔɔmąą laa, gwa gu yee kąnąn mą kpąą.

Hebreu 6:1

Yili ɓa, nu mąąkwɛli mɛ̨nį dɔlɔɔɠaai vilɛnŋąąi Kristə ɓa, ká gu yiliɠaa lɛɛ kɛa laa, ká gu nu pɔlɔ-pɔlɔ mɛ̨nįɠaa kɛ, gu hvo pənə nwɔ̨nɔ̨ gu hvo pa mɛ̨nį pɔlɔɠaa mɛ̨i, yɛ bələi: nu pulu tɔɔ haa ŋą túwɔ́ pələɠaa diɛ, laa Yálá la mɛ̨nį,

Piɛrə dɔlɔɔ 1:17

Ɛlɛɛ, akɛ nui hva nu huyɛɠɛ, yɛ nu kəlee kiti tee yɛ bələi a tuwɔ la, ká vɛli yɛ ká Nąn, yíi-kuui gaa ká yəi lɔi mɛ̨i, 'ká gɛ ɲɔw mąą laa hu,

Piɛrə dɔlɔɔ 3:2

diɛ ká tuwɔ pələ mąąhəɠɛɛ tii mąąwiɛ.

Piɛrə dɔlɔɔ 3:4

kɛlaa, ə kɛ a liinɛ̨ɛ̨ gwəi laai noɔ ká hu pələ, yai a mąąyili hɛn hva kala, a lii lɛlɛɛ, a kpɔwɔ hu hon naa; yili ɓə mɛlɛ kaa mą Yálá ɲɛ̨i ɓa.

Samuɛlə dɔlɔɔ 12:7

Ka tɔɔ kɛa yiihu Yai-Laa lííla, mɛ̨nįnɛɛɠaa ə di kɛ kaa, da ka nąn ni diɛ, gáá di hukulɔi ka ɲɛ̨i ɓa.