Piɛrə dɔlɔɔ 3:11 - Yálá laawoo hɛɓɛ (dc)

¹¹ Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Yálá laawoo hɛɓɛ

¹¹ Ə bulu tɔɔ mɛ̨nį ɲɔ̨n ma, ə mɛ̨nį lɛlɛɛ kɛ, ə vaŋąlɔ ə liilaa kwɛli ɛlɛɛ, ə hvilɛn bulu.

Bible

¹¹ Fɛ̂ɛ é bôlu fé mɛni nyɔ́mɔɔ ma é mɛni lɛ́lɛɛ kɛ́. É lii-sêe kɔ̂ri é lɛ́ɛ zu é zɔ̀lɔ ƃo.

Piɛrə dɔlɔɔ 3:11 Iomraidhean Croise

Zôo 1:1

Nu ta ə wɔlɔ kɛ Usə lɔi hu, a hulɔnu ta, diɛ kɛ mą: Ɉobə. Ə kɛ a nui dúwɔ́ pələ lɛlɛɛ, nwɔ mɛ̨nį haŋąą; yɛ ɲɔw Yálá ɓa, ɛlɛɛ, yɛ mąą kwɛa mɛ̨nį ɲɔ̨n ma.

Zôo 2:3

Yai-Laa ə mąąnikɛ, yɛ mą: «Ə́ nwɔ́ tímun Ɉobə kaa? Ɲɔ̨wɔ̨mąn və lɔi mɛ̨i; gaa a nui dúwɔ pələ lɛlɛɛ, ɉaŋąą, yɛ ɲɔw Yálá ɓa, yɛ mąą kwɛa mɛ̨nį ɲɔ̨n dɔwɔ. Aa tɔɔ kpąąn nwɔ túwɔ́ pələ lɛlɛ laa hu, kpɛli kpɔ ka ti ə́ gɛ, ə gɛ, ŋį́ mɛ̨nį nwąnąą laa mą.»

Zôo 28:28

Yili pulu, ə mo nu kanŋaa diɛ, yɛ diɛ: «Nu a ɲɔw Nąmu Yálá ɓa, yili kaa a kilimąą mɛ̨nį! Nu a mąą kwɛa mɛ̨nį ɲɔ̨n ma, yili kaa a mɛ̨nį kɔ́lɔn ŋąą!»

Mąątɛ̨nɛ̨ 125:4

Yai-Laa, nui ɉɔn nɛlɛɛ, ɉon a nɛlɛɛ, a nui ti gwəi kwəlɛɛi.

Mąątɛ̨nɛ̨ 34:14

Mąą nu ə nɛ̨n ɉon gan mɛ̨nį ɲɔ̨n dɔwɔ, ə ɲee kɛ naaləi ɓa, hvo laa mąąhiɛ kɛ.

Mąątɛ̨nɛ̨ 37:27

'Hvó kɛ ə́ kaa mɛ̨nį ɲɔ̨n gɛi, mɛ̨nį lɛlɛɛ kɛ; akɛtii, yá ə́ heei hɔlɔɓo a yələ kəlee mɛ̨nį.

Hanwon 16:17

Nu haŋąąɠaa kpaalə ɓaa, di di mąą kwɛa mɛ̨nį ɲɔ̨n ma. Mąąhɔlɔɓo, nu túwɔ́ pələ yɛlɛ kɛɛ a nu nwɔ yɛnɛ̨ɛ̨ mɛ̨i kaa.

Hanwon 16:6

Ɲɛ̨imąąwɛli kaa da lɛɛ nwoomulaa da nɛ̨ŋɛ̨n nwaa, Yai-Laa nwɔ ɲɛ̨i ɲɔw mąąlaa yɛ nu pulu tɔɔ mɛ̨nį ɲɔ̨n ma.

Hanwon 3:7

'Hvó kɛ ə́ kpɔwɔ ɲɛ̨i ɓa a kilimąą mun, ɲɔw Yai-Laa ɓa, ə́ ə́ pulu tɔɔ mɛ̨nį ɲɔ̨n ma.

Maafîu 5:45

Ya ɓə a gɛ, ka kɛ a ka Ną́n Yálá yii gaa yələkɔlɔn ɉu nonni. Mąąhɔlɔɓo, nwɛi, a yələ ɓɔ nu kəlee mɛ̨i. Nu túwɔ́ pələ lɛlɛɛ ə mą kɛ nu túwɔ́ pələ ɲɔ̨nwɔ̨ɔ̨, a gəlee kɔ́ a tulɔ.

Maafîu 5:9

Nwun na nɛ̨ɛ̨ nuą ɓaa nuąi da hvaa kpɛɛ. Mąąhɔlɔɓo, Yálá a di təli a nonni!

Maafîu 6:13

Hvo ku lɛɛ laa ku hvo too ɲąą hɛn mɛ̨nį hu. Kɛlaa, ku kulɔ mɛ̨nį ɲɔ̨n ɉu. Mąąhɔlɔɓo, ə́ pɔɔ ɓa tɔɔlaa, da heeɓolaa da mąąwiɛ, əlɛɛ la ɉu wɔ. Mįįną.›

Markə 14:7

Mąąhɔlɔɓo, ka yeehowolo nuą ka káá lɔ ka kee ɓa a yələ kəlee, ka pɛli ka mɛ̨nį nɛ̨ɛ̨ kɛ diɛ a lɔwai lɔpee ka káá la bɔ. Kɛlaa nwɛ́i, və́ pai kɛi ka pɔ a yələ kəlee.

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Lukə 6:35

Yaamun, ka ka yowoɠaa wɛli la kɛ, ka mɛ̨inɛ̨ɛ̨ kɛ diɛ, ka kwələ tɔɔ diɛ ka hvo gbɛ. Akɛti, ka wɔ hvɛla kulɔ kaa pai kɛnɛ̨i, ə lɛɛ, ka kɛ a Yálá lonni. Mąąhɔlɔɓo, nuąi di hvo mɛ̨inɛ̨ɛ̨ kɔ́lɔn, a mɛ̨inɛ̨ɛ̨ kɛ diɛ; ə mą kɛ túwɔ́ pələ ɲɔ̨n gɛ nuą.

Lukə 6:9

Yili pulu Jesus ə mo tɔ́n galamɔɔɠaa da Farisiɛ̨ɠaa diɛ, yɛ diɛ: «Gáá ka mąąni kɛi, akɛti guɔ tɔ́n yɛ lə? Akɛti, yɛ gu mɛ̨nį lɛlɛɛ kɛ a háákələi yələ, a wala kɛti gu mɛ̨nį ɲɔ̨n gɛ? Gu nuą nwun mąąɓo, a wala kɛti gu di nwun na pili?»

Ɉaan 17:15

Və́ Ə́ hvɛli ə gɛ ə́ di həɠə yɛnɛ̨ɛ̨ ɓɛ, kɛlaa, gɛ́ ə́ di kihiɓo Mɛ̨nį Ɲɔn ma.

Lomaŋ 12:18

Akɛ pɛli mąą a kɛ ɉu, ká hvaa mą ɓə-o, liilaa ə kɛ ka nu kəlee ka lɔwai.

Lomaŋ 14:17

Mąąhɔlɔɓo, Yálá-taa tɔɔlaa hvo a kɔ̨nɔ̨n da kpələ hɛn, bələi gaa la, bələ ka: gaa a, tələnmolaa, liilaa da kwəinɛ̨ɛ̨i Kili-Mąąhəɠɛɛ a dɛɛ gu pɔ.

Lomaŋ 14:19

Yili ɓə gaa mą, ká gu liilaa hee pələ kwɛli gu kee lɔwai.

Lomaŋ 5:1

Laa na laa háálai, gwaa kɛ a tələnmo nuą Yálá ɲɛ̨i ɓa. Liilaa aa kɛ gwa diɛ ni gu lɔwai gu Nąmu Jesus Kristə laa hu.

Lomaŋ 7:19

Mąąhɔlɔɓo, mɛ̨nį lɛlɛɛ ŋą́ kɛ bɔ ŋį́ gɛ, yili hvəə ŋą́ gɛ, ɲɔ̨nwɔ̨ɔ̨ yii və́ bɔ, yili ɓə ŋą́ gɛ.

Lomaŋ 7:21

Ŋą́ą́ mɛ̨nį ta kaa nwɔ́ kɛ pələ hu, ɓɛlɔwai mɛ̨nį lɛlɛɛ kɛ kili a too la ɲą́, mɛ̨nį ɲɔ̨n mə a tɛ ɲéé hu, gɛ́ gɛ.

Lomaŋ 8:6

Nu liiɓa kɛɛ a haa tɛɛ nu pɔ, kɛlaa, Kili-Mąąhəɠɛɛ liiɓa kɛɛ, a yɛnɛ̨ɛ̨ da liilaa tɛɛ nu pɔ.

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Galatə 6:10

Yili ɓa, yii kpɔ gu kaa nii gu hvulú kɔwɔ ɲą, 'ká gu kolo kɛ, dɔlɔ ə həli nu kəlee ɓa, gəlee ə mą kɛ, nuąi di lɛɠɛɛ guɔ, laa na la hu.

Kolosə 3:15

Gɛ́! Kristə nwɔ liilaa yii Yálá ə ka təli mą, əgɛ, ka kɛ a nu tɔ̨nɔ̨, ə ɉeei kaa ka nįį hu, 'ká kɛ a mɛ̨inɛ̨ɛ̨ hu kɔ́lɔn nuą.

Timote dɔlɔɔ 6:18

'Di yee ə kɛ mɛ̨nį lɛlɛɛ kɛɛ ɓa, di yee ə kɛ diɛ hvɛa-hvɛa, diɛ nu takpɛliɠaa kɔ a di yəi hɛn.

Hebreu 12:14

'Ká tɔɔ a ká nwąnąi, liilaa ə kɛ ká nu kəlee ká lɔwai, ɛlɛɛ, ká mąąhəɠəlaa kwɛli, yai ə kulɔ bulu, nu hva pɛli Yálá ɲɛ̨ilaai kaai.

Hebreu 13:16

'Ká gu hvo lɛ̨ą mɛ̨nį lɛlɛɛ kɛɛ ɓa, ɛlɛɛ, guɔ kpɔnmąą tɛɛ gbɔn ɉu lonnii pɔ, mąąhɔlɔɓo, ɉaláá hɛn taaləi tii ɓə a Yálá liihon.

Zĩi 4:17

Yili ɓa nui mɛ̨nį lɛlɛɛ kɛ pələ kɔ́lɔn, a wala gɛ, a kɛ ti a nɛ̨ŋɛ̨n ɉəɠə.

Piɛrə dɔlɔɔ 3:12

Mąąhɔlɔɓo, gu Ną́mu Yálá ɲɛ̨i kaa tələnmo nuą mɛ̨i, ɛlɛɛ, nwəli tɔɔ di wɔ hvɛli woo ɓa; kɛlaa, gu Nąmu Yálá a ɲɛ̨i ɲɔ̨nwɔ̨ɔ̨ hee mɛ̨nį ɲɔ̨n gɛ nuą diɛ.»

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.

Nwun mąąɓo 11:14

Ɉɛfte ə pənə ə wɛlɛɛ nįnɛ̨ tɔɔ Amɔn tɔɔmun bɔɔli,