Piɛrə dɔlɔɔ 2:6 - Yálá laawoo hɛɓɛ (dc)

⁶ Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

Yálá laawoo hɛɓɛ

⁶ Mąąhɔlɔɓo, bɛ̨ɛ̨i ɉɛɓɛ́ hu, diɛ kɛ: «Gáá pai pɛlɛ́ kɔ́wɔ hvilɛn gwɛni laai Siɔn, a kwɛnii daa ɉəɠə ɉu, mąą mɛ̨nį nwąnąą, ɛlɛɛ, nui a gilitɔɔmą, gwəi hva pili mą.»

Bible

⁶ Kpɛ́ni fêi, gáa Ŋ̀âla-kɔlɔi su, “Ka gáa, ŋ́gaa kɔni lâai Zãiyɔŋ su, nyíi gáa a zonoŋ su-kɔni nyíi ŋá nɛ̀ maa-mɛni kpanaŋɔɔ mai. Ǹúui a lâa lai vé pâi ŋumɛ̂i.”

Piɛrə dɔlɔɔ 2:6 Iomraidhean Croise

Zɛnɛse 49:24

Kɛlaa, a nwɔ kilɛn hon gbɔ pin pin; a Ɉakɔbə nwɔ hu walawalai hɛn da hva tɔɔ na, Israɛlə mɛ̨i kaa kwɛni laa hu.

Mąątɛ̨nɛ̨ 40:14

Yai-Laa, hvaamą ə́ gúlɔ ɉu, 'pa kilɛ mą́ą́, Yai-Laa.

Mąątɛ̨nɛ̨ 89:19

Ku mąąkpɛ gbala kaa ə́ yee, Yai-Laa! Ku wɔ tɔɔmun ə ɓo, Israɛlə nwɔ Mąąhəɠə mun yee kɔ́nma.

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 41:11

Nuąi kpɔ tii kɛ di liikələnŋąą di kwəi ə́ pɔ, di kaali, di kaa pai nwumɛ̨i, di ɓɛlɛ yɛ kpɛɛ diɛ, di kaa pai lɛɛi a nu kpoloonŋąą, diɛ haa, diɛi kpɔ tii kɛi hvaa pɛlɛ yɛ́i.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 46:13

Gáá nwɔ́ tələnmolaai mąą lɛɠɛi kaa, mąą hvo kɛa kwɛa li kaa, ɛlɛɛ, ka ɓalo mɛ̨nį ɲə́i, ɉu hva kɛa kwɛa, gáá pai nwɔ́ nwun mąąɓo mɛ̨nįi heei Siɔn, ŋą́ nwɔ́ ɲɛ̨i pɔ̨nɔ̨ hee Israɛlə.

Azaya 50:7

Nąmu Yai-Laa ɓə mą́ą́ kpɔnmąąɓoi, yili ɓə a gɛ, vá nwún gulɔ laanɔ̨nwɔ̨ mu, yili ɓə a gɛ, gɛ́ ɲɛ̨́ilai nwala wala, yɛ kwɛni kwəleen, gíli kaa ɉu gɛ́, və́ pai nwumɛ̨i.

Azaya 54:4

Hvo ɲɔw, mąąhɔlɔɓo, di hvo kɛa pai nwumɛ̨ tɛi a yɛ́, 'Hvo ə́ kpɔwɔ koloon, di hvo kɛa pai ə́ ɲɛ̨i mąą luwui, nwumɛ̨ mɛ̨nįɠaai laa yɛ́ a ə́ kpəla yələ, ə kaa pai lɛ̨ąi diɛ; yɛ́lɛ́i nuą di kɛi mo yɛ́ ə́ wɔ kalanin nąąlɔwai, yili kili hvo kɛa pai lɛɛi ə́ ŋą.

Danîa 10:21

Kɛlaa, yii bɛ̨ɛ̨ tɛ̨ą hɛɓɛ́ hui, ya ɓə gáá naa həlii yɛ́, nui lɔpee ta hvo pai kpɔmąą tɛɛ bɔ́ kwa malakaɠaai tii ku wɔ kɔ́i hu, hvo kɛli Misɛlə yii gaa a Israɛlə nu huwu mɛ̨i kaa malaka.»

Zakari 10:4

Ɉuda huwu hu ɓə bɛlɛ́ hvilɛn gwɛni kaa pai kulɔi laa, da ɉəɠə pɛlɛ́ hvilɛn nwulu, da gɔ-kɔ kilɛn. Nąą ɓə nɔi ɲąąwooɓonuą kəlee kaa pai kulɔi laa.

Maafîu 12:18

«Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Markə 12:10

Yili pulu, Jesus ə mo diɛ, yɛ diɛ: «Akɛti, mɛ̨nį Yálá laawoo hɛɓɛ́ ə mo, ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lənə mą ya gaa a bɛlɛ nwun ɉon gwɛni leelee.

Lukə 20:17

Kɛlaa, Jesus ə ɲɛ̨i hee diɛ yɛ diɛ: «Nwoo ŋɛ̨i Yálá laawoo hɛɓɛ́ ə mo mukulaa ɓaa lə? Yai ə kɛ mą: «‹Gwɛnii pɛlɛ́ tɔɔ nuą di lənə mą, yaamun mə a bɛlɛ kɔ́wɔ hvilɛn gwɛni leelee.›

Lukə 23:35

Nu kpului tii kəlee di kɛ tɔɔ ni di ɲɛ̨i həɛ laa. Ɉuifə kalanɉonŋąa diɛ yɛlɛ kulɔ Jesus hu, diɛ kɛ mą: «Aa kɛ nu tamąą nwun mąąɓo, ə gbɔwɔ nwun mąąɓo kani kɛa, akɛ Nwun mąąɓomun Yálá ə naakwɛlanmo, yii ɲɛɠɛɛ ɉu yaa li.»

Ɉaan 7:38

Nui a laa ná yɛ bələi Yálá laawoo ə mo la a kɛ a yɛnɛ̨ɛ̨ hva kpɛɛ yalee nwun gulɔi.»

Gɛlaɠaa 1:16

«Ną́n nonnii, mɛ̨nįi Kili-Mąąhəɠɛɛ ə mo ɉɛɓɛ́ mąąhəɠɛɛ hu, hvo kɛli kɛ bɔ mɛ̨nį ə kɛ, yai ə bu Davidə la yɛ hvilɛn na Ɉudasə ɓa, yaai tɔɔ nuą tɔwɔ diɛ pa Jesus hon ɉii.

Lomaŋ 10:11

Hvó gaai, Yálá lawoo hɛɓɛ́ yɛ diɛ: «Nui lɔpee a laa ná hva nwumɛ̨.»

Ifisiɛŋ 1:4

Kristə hu ɓə, Yálá ə gbɛa gu həɠə laa ɉu, gɛɛ hvo yɛnɛ̨ɛ̨ pɛli, ə gɛ, gu kɛ a nwɔ nuąi hɔn və diɛ, yaa ɲɛ̨i ɓa, wɛlikɛmąąlaa hu.

Ifisiɛŋ 2:20

Daa ká lɔ bɛlɛ́i tii tɔɔ mɛ̨nį hu, yai gɔwɔ hvilɛn ɉɛn ɓaa: Gɛlaɠaa, Yálá kwəi mɛ̨nį hukulɔ nuą, ɛlɛɛ, da Jesus Kristə kpinį lee, yai a nwun ɉon gwɛnį.

Timote veelɛ 3:16

Ɉɛɓɛ́ mąąhəɠɛɛ hu wooɠaa kəlee di həɠə Yálá pɔ, da pɛli nu mąąkwɛlii, diɛ nu ɲąątɔɔ a mɛ̨nį lɛlɛɛ kɛɛ, diɛ nu hutɔɔ, diɛ nu hvilɛn tələnmo pələ mɛ̨i,

Piɛrə dɔlɔɔ 2:4

'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Piɛrə dɔlɔɔ 2:8

gaa nwɔ̨nɔ̨ a nu kɔwɔ tuwɔ kwɛnį, a kwɛni kpuwui a nu too. Da di kɔ́wɔ tuwɔi mą, mąąhɔlɔɓo, di hvo gɛ li di hvo laa Yálá laa woo la, ɛlɛɛ, yili ɓə kɛ naa di tɔwɔ.

Piɛrə veelɛ 1:20

Ka gɔlɔn kaa diɛ: Mɛ̨nį ɓoɔ gɛɛ tɔwɔ wooi gaa Yálá lawoo hɛɓɛ́ hu, nu hva pɛli hvo ɉukulɔ a gbɔwɔ kiliŋąhiɛ.

Piɛrə veelɛ 3:16

Yili ɓə ə bɛ̨ɛ̨ nwɔ hɛɓɛ́ɠaai hu, yɛ hvilɛn na mɛ̨nįi ŋɛ̨i ɓa. Kɛɛnaa tamąą kaa Polə nwɔ hɛɓɛ́ɠaai hu, yii nuąi di hva mɛ̨nį kpaɠala kaa, ə lɛɛ, di hvo kalan ni, da nwoo mąąpənə, yɛ pələi da kɛ gɛi la a Yálá lawoo naa taɠaa. Da gɛ ti di kpɔɔ nwun napili mɛ̨nį ɓa.