Piɛrə dɔlɔɔ 2:4 - Yálá laawoo hɛɓɛ (dc)

⁴ 'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Yálá laawoo hɛɓɛ

⁴ 'Ká ká mąąlɛɠɛ mą, yai a gwɛnį hvulúmąą, ya ɓə nu kanŋaa di bili, kɛlaa, ya ɓə Yálá ə ɉəɠə ɉu, ɛlɛɛ, mąą mɛ̨nį nwąnąą ɲɛ̨i ɓa.

Bible

⁴ Ka pá ǹúui pɔ gáa a vúlu-laa-kɔnii nyíi núu-kpune è ǹyée kùla mu, kɛ́lɛ, ǹɛ́lɛɛi Ɣâla ŋɛ́i, maa-mɛni kpanaŋɔɔi.

Piɛrə dɔlɔɔ 2:4 Iomraidhean Croise

Azaya 28:16

Kɛlaa, mɛ̨nįi Nąmu Yálá kaa moi, ya ka: Gáá pai pɛlɛ́ kɔ́wɔ hvilɛn gwɛni laai Siɔn, a kwɛni mąą mɛ̨nį nwąnąą, yai daa mąąkpɛɛ, a bɛlɛ́ nwun ɉon gwɛni; nui a gilitɔɔ mą, gwəi hva pili mą.

Azaya 42:1

Nwɔ́ tímun ga, yai dɔ́ɔ́ bulu, ŋą́ ɉəɠə mɛlaa lɔwai, gbíni ɓa mun ni, ya ɓə ŋą́ nwɔ́ Nį́i too ɉu, gaa pai hįį takpɛliɠaa di wɔ kiti mɛ̨nį kulɔi pɔ̨nɔ̨ŋą.

Azaya 55:3

'Ka ka wəli tɔɔ, 'ka pa bɔ́ pələ; 'ka ka wəli tɔɔ, ka ɓalo, gáá pai mįnɛ̨ laai gwa kaa ni gu lɔwai, a hvóló kəlee da nwɔɔ; mɛ̨inɛ̨ɛ̨ɠaai ŋį́ di laakwɛlanmo Davidə ɓa, gɛ́ di kɛ.

Ɉeremi 3:22

'Ka pənə! 'Ka pa! Ká kwɛli tee lonŋaa tii, gáá bɔ ŋį́ ka ɲaba lɔ kulɔ ka yee pɔ kpɔ tɛ̨ɛ̨tɛ̨ɛ̨. Kuɔ ka! Kwaa pa ə́ pɔ! A tɛ̨ą, yɛ́ ɓə a Yai-Laa kuɔ Yálá.

Danîa 2:34

Ə́ ɲɛ̨i ə lɛɛ lɔ ɉɛn tii ɓa, nąąlɔwai, kwɛni kpuwulu kɛnɛ̨ ta, yii nu yee hvo kɛ mą, ə pa, ə kɛlɛ mąąnįnįn ɉaɠaa tii kɔ́wɔ hu, ə ɉɛn tii naa kəlee hunwɔ kpɔ yɛ muluun gbala.

Danîa 2:45

Gwɛni ŋɛ̨i həɠə ɲee ɓa yɛ yɛɛ nu ta yee hvo kɛ mą, ə pa ə gwɛli tii wolo da mala kwɛli, nəɠipɔlɔ da nwali kwɛli ə mą kɛ ɉɛni tii, gwɛni tii kaa a dɔɔlaai tii maa pɔɔ kɔ́ɔn. Yálá yii gaa hɛn gəlee nwun mɛ̨i, mɛ̨nį pai kɛi, ya ka tii aa nɛ tɔɔmun ma. Ɉiin tii ə́ gaa, gaa a tɛ̨ą, mąąnɛ̨ɛ̨ nu ə laa mukulaa la.»

Zakari 3:9

Gwɛnii gáá dɛɛi Ɉosue pɔ, ka gaa, ɲɛ̨ikɔw mɛ̨ihveelɛ ɓə gwɛni tɔ̨nɔ̨i tii ɓa, ɲą́ą́ gbínii gáá pai mąą pɛ̨ɛ̨i, Yai-Laa Mɛ̨nį Kəlee ŋą Hééɓomun woo li; ɛlɛɛ, gáá pai nɔi nwɔ nɛ̨ŋɛ̨n gulɔi mą a hvoló tɔ̨nɔ̨.

Zakari 4:7

«Yɛ́i ŋɛ̨i a ɲee tɔɔi, ə́ kaa kpɔ a lə? Yáá lɛɛ kpɔ a nɛ̨ɲɛ̨ lɔi Zorobabɛlə ɲɛ̨i tɔwɔ, nąą ɓə gwɛni kɛnɛ̨ɛ̨ kaa pai kulɔi laa nuą diɛ mąątɛ̨nɛ̨.»

Maafîu 11:28

«Ka pa bɔ́, kaai ka káá mɔ̨nɔ̨ mį́į́ ka nwuɔ̨ tiɛ̨ mu, da ka hviikpɛɛ, ŋą hvįįtɔɔ tɛɛ ka pɔ.

Maafîu 12:18

«Nwɔ́ kólo kɛmun ŋá ɉəɠə ɉu, ya ka. Nwɛli kaa mą́ą́ kpɔ a gbɔ-kpɔɔ, ya ɓə ŋá mą́ą́ mɛ̨nįɠaa kəlee lɛɛ mą. Gáá pai nwɔ́ Kilii tɛɛi bɔ; yɛ mɛ̨nį haŋą́ą́ laa həli hį́i kəlee ɓa.

Maafîu 21:42

Yili pulu, Jesus ə mo diɛ yɛ diɛ: «Akɛti, mɛ̨nį Yálá laawoo hɛɓɛ́ ə mo ka hvo ta mɔ̨ɔ̨ yili kalan ni? Yaai ə kɛ mą: «‹Gwɛnii bɛlɛ́ tɔɔ nuą di lɛnɛ mą, ya ɓə kɛ a bɛlɛ́ tɔɔ kwɛni kpɔ-kpɔɔ. Yili ɓə Ną́mu Yálá ə gɛ, gaa gu ɲɛ̨i ɓa a kwəi pili mą mɛ̨nį.›»

Ɉaan 14:19

Ɉu hvo kɛa kwɛa li, yɛnɛ̨ɛ̨ nuą di hvo pai kɛa gáái, kɛlaa, ka wɛi, ka káá pai gáái mąąhɔlɔɓo, gáá a vúlú, kaa kpɛli ka káá pai kɛi a ka hulu.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Ɉaan 5:40

Kɛlaa, ə mą kɛ tii, ka hva gɛ, ka hvo pa bɔ́, ka hvo yɛnɛ̨ɛ̨i kpɛɛ hvo mą hɔlɔɓo.

Ɉaan 6:37

Nuą lɔpee Ną́n a di tɛɛ bɔ́, di kaa pai pai bɔ́. Vá lənə dɔ̨nɔ̨ kpɛli ɓa.

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Korɛntə dɔlɔɔ 3:11

Yii ɓaa gɔwɔ hvilɛnŋąą nwɛi, nu hva pɛli nįnɛ̨ hvilɛn ɉii, ə kulɔ yii laa bulu, ya ɓaa: Jesus Kristə.

Kolosə 3:4

Ɓɛlɔwai Kristə, yai a ká wɔ yɛnɛ̨ɛ̨, a pa pai la, káá kpɛlimąn, ká pa ka diɛni mąąwiɛlaa hu.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Piɛrə dɔlɔɔ 1:7

əgɛ, ká wɔ laa na laai ɉu aa waa, yai viɛlaɓoɔ dɛɛ hɛnii da ɉu waa a nwɔ̨n mą, ə mą kɛ tii, ɉɛnii tii a kala lɔ, ká wɔɔ laa na laa tii, ə mąątɛ̨nɛ̨ laa, mąąwiɛlaa da ɓɛlɛlaa hɔlɔɓo, a ɲələi Jesus Kristə kaa pai gbɔwɔ lɛi la,

Piɛrə dɔlɔɔ 2:7

Káái ɓaa laa na nuą, ɓɛlɛlaa li káá, kɛlaa, kili walawala nuą di wɛi, gwɛnii bɛlɛ́ tɔɔ nuą di lənə ma, aa kɛ a bɛlɛ́ kɔ́wɔ hvilɛn gwɛni leelee,

Piɛrə veelɛ 1:1

Ɲą́ą́ Simɔn Piɛrə, Jesus Kristə nwɔ luwɔ da nwɔ kɛla, gáá ɉɛɓɛ́i ŋɛ̨i tɛɛi nuąi daa laa na laa hɔlɔɓo yii viɛlaɓoɔ yɛ bələi ŋɛ̨i ku wɛi kaa la, diɛi ɉɔlɔɓo guɔ Yálá da gu Nwun mąąɓomun Jesus Kristə di wɔ tələnmolaa hu, diɛ.

Piɛrə veelɛ 1:4

Yili ɓə gɛ, ə mɛ̨inɛ̨ɛ̨ lɛlɛɛɠaa da mɛ̨nį kpɛa-kpɛaa naa kwɛlanmo guɔ, ə gɛ, mįnɛ̨ həɠɛɛ ti haalai, ka pɛli kulɔi kiliŋąhiɛ ɲɔ̨nwɔ̨ɔ̨ yee mu yii gaa tɔɔlaa kɛi yɛnɛ̨ɛ̨. Ə gɛ, ka ka wɔ naa hɔlɔɓo nwɔ Yálá laa hu.