Piɛrə dɔlɔɔ 2:25 - Yálá laawoo hɛɓɛ (dc)

²⁵ Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Yálá laawoo hɛɓɛ

²⁵ Mąąhɔlɔɓo, ká kəlee ká lanŋąąi kɛ yɛ ɓɛlaaɠaa, kɛlaa yiihu kɛa, káá ká ɲɛ̨i tínɛ̨n ká mɛ̨ikaamun bɔ pələ, yai a ɲɛ̨i kɛ ká nįiɠaa diɛ.

Bible

²⁵ Kpɛ́ni fêi, ká kɛ̀ yɛ̂ɛ ƃála-ŋa nyíi-ŋai kɛ̀ pâi lánîi, kɛ́lɛ, ka nâa pá pôlu M̀ála mɛi-kaa-nuui pɔ, ǹúui a kámɔ̂leŋ mɛi kâai.

Piɛrə dɔlɔɔ 2:25 Iomraidhean Croise

Mąątɛ̨nɛ̨ 119:176

Gáá lɔ lia li nwún ma, yɛ ɓɛlaa haai aa pili, 'hvilɛn, ə́ ə́ wɔ tímun kwɛli, mąąhɔlɔɓo, və́ lɛ̨ą li ə́ wɔ tíɓoɠaai diɛ.

Mąątɛ̨nɛ̨ 80:1

Nwələ ɲɛ̨itɔwɔ mun, Yágbudɛn vələ mɛ̨i. Asafə nwɔ kɛla hvaa a wələ.

Azaya 13:14

Nąąlɔwai tii kɛa, nu kəlee kaa pai lii nwɔ nuą pɔ, nu kəlee yɛ pu yɛ li nwɔ lɔi pɔ pələ, diɛ laŋin yɛ lomąi di kaa gbɛi, yɛ taatɛlɛɛ kpului ɲąąkpɔn mun və mą.

Azaya 40:11

Gaa yɛ ɓɛlaa mɛ̨ikaa mun, ɲɛ̨i kaa nwɔ ɓɛlaaɠaai diɛ, a ɲee haŋą lɔ nwɔ ɓɛlaaɠaai di lɛɠɛ di kee ɓa, yɛ mɛlaa lonnii pɛlɛ ɲee kɔ̨nwɔ̨n ɉu, yɛ mɛlaa kɔ̨nwɔ̨leeɠaa pɛlɛ kɛɛnąą ɲąąlaɠiɛ ɓa.

Azaya 53:5

Ya pa di mɔ a gu wɔ kulɔ nwoo mu laa laa pɔɔ, di giin gu wɔ kwɛlitee laa mąą mɛ̨nį ɓa, gɛlɛɓoi mąąnɛ̨ɛ̨ kɛ ə liilaa tɛɛ gu pɔ, ya ɓə ə həli mą, ɛlɛɛ vaɠa palaɠaai tii ɓə kɛ a gu kɔ́lɔi pɔ̨nɔ̨ hɛn.

Azaya 53:6

Gu kəlee gwaa kɛ lan yɛ ɓɛlaaɠaa, nu kəlee ə kɛi li a niiɓa pələ, ya ka tii Yai-Laa ə gu kəlee gu wɔ túwɔ pələ ɲɔ̨n nwulu lɛɛ nwuɔ̨.

Ɉeremi 23:2

Yili mąą mɛ̨nį ɓa, Yai-Laa Israɛlə nwɔ Yálái kaa mɛ̨nįi ŋɛ̨i ɓoi, nwɔ taatɛlɛɛ ɲąąkɔn nuą diɛ, yɛ diɛ: «Kaa nwɔ́ ɓɛlaaɠaai lɛɛ laa diɛ taɠa taɠa, diɛ pili, ka hvo di mɛ̨i kaa li, nwɛ́i gáá pai ɲéé pɛlɛi kaa, ka túwɔ́ pələ ɲɔ̨nwɔ̨ɔ̨ɠaa mąą mɛ̨nį ɓa.» Yai-Laa woo li.

Izikiɛ 34:6

Nwɔ taatɛlɛɛ kpului kaa lɔ lii nwun ma, ɲeeɠaa kəlee nwuɔ̨; yee kpu kpu kəlee nwuɔ̨. Nwɔ taatɛlɛɛ kpului hu a taɠa nɔi kɔ́lɔ kəlee, ɛlɛɛ, nu hvo mą, yɛ di kwɛli; nu hvo mą, yɛ hvilɛn di pulu.

Izikiɛ 37:24

Nwɔ́ tí mun Davidə ɓə pai kɛi tɔɔlaa kɛi di mɛ̨i; di kəlee di mɛ̨i kaa mun ə ɓo tanɔ̨n. Di kaa pai kɛi hiɛi a nwɔ́ lɔi hu yíi ɓo pələ, diɛ lɛɛ nwɔ́ tɔ́n nwooɠaa pulu, diɛ di pɔ mɛ̨nį kɛ.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Maafîu 18:12

«Gáá ka mąąni kɛi, akɛ ɓɛlaa nwun dɔ̨nɔ̨ a kɛ ka ta yəi, dɔ̨nɔ̨ a pili ɉu, hva mɔ̨ɔ̨ bow-mɛ̨inąąn-kɔw mɛ̨inąąn tii lɛɛ laa yɛ li dɔ̨nɔ̨i tii kwɛlii?

Maafîu 9:36

Yii kɛa Jesus ə nu kpulu kɛnɛ̨i tii kaa, di mąą wɛli ə ɉon. Mąąhɔlɔɓo, di kɛ pələ ə kɛ yɛ ɓɛlaaɠaai di pulu mun və mą, di hviikpɛɛ, di taɠa-taɠaa.

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Hebreu 13:20

Yálá ɓə a liilaa tɛɛ gu pɔ; yai, gu Ną́mu Jesus, mɛlaa-pulumun gɛnɛ̨ɛ̨ nwun ə gulɔ haa yəi, ŋą haláá ɲąmąi haláái, mįnɛ̨ nįnɛ̨ kaa gwa Yálá ni gu lɔwai kpɛɛ hvo mą,

Hebreu 3:1

Yili ɓa tii kani, Kristalɛa mąąhəɠɛɛɠaa, káái Yálá aa ká təli, 'ká ká ɲɛ̨i hee Jesus ɓa, yai a ká wɔɔ laa na laa nwun, a kɛla, da ɉaláá laa həli mun gɛnɛ̨i;

Hebreu 5:2

Ɉaláá laa həli mun gbinįi tii, vįikpɛɛi, a pɛli mą, nuąi di tɛɠii, nuąi da lan di mąą mɛ̨nį kpaɠala kaai,

Piɛrə dɔlɔɔ 3:20

a diɛi tii wɔlɔ kalapili laa kulɔ a ɲələɠaa tii Yálá ə niilaa la, Noe yɛ gələn bɛli, a yai nu tamąą hvo gɛ hvo lɔ ɉu, nu mɛ̨ihaaɓa lɔ ɓə ə di nwun mąąɓo ɲá yəi.

Piɛrə dɔlɔɔ 5:4

Ɓɛlɔwai gbɔn mɛ̨i kaamun gɛnɛ̨ɛ̨ kaa pai pai la, ká káá pai mąąwiɛ ɓɔlɔ hɔlɔɓoi, yai hva haɠa.