Piɛrə dɔlɔɔ 2:24 - Yálá laawoo hɛɓɛ (dc)

²⁴ yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Yálá laawoo hɛɓɛ

²⁴ yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Bible

²⁴ Ǹyaa kpîŋ è kúsɔnyɔ̂ŋ-ŋai síɣe gbonôi zaa-wurii ma, a gɛɛ kú kpera kúɣeniɛi kɛ́ɛ ma sɔnyɔ̂ŋ mɛni ma, kú kúɣeniɛi kɛ́ tɔ̃yâ-laa mɛni ma. Ǹókwa-pala-ŋai dí káƃàlo.

Piɛrə dɔlɔɔ 2:24 Iomraidhean Croise

Zɛnɛse 22:6

Abrahamə ə gwɛi yili həɠə ə nąą non Isaakə nwuɔ̨, yaa kpinį tii, ə mowa həɠə, ə bɛlɛ nwɔ̨n ma, diɛ li. Di kɛɛ lii di nu hveelɛi,

Mąątɛ̨nɛ̨ 147:3

Nuąi di lii yalia di kwəi, a di ɓalo, yɛ di wɔ palaɠaai waa.

Mąątɛ̨nɛ̨ 38:4

Ə́ wɔ líiholii aa kulɔ ną́ą́ kəlee, aa gbóną. A tɛ̨ą, gɔ́w kəlee kponąąi ɉú, a gɛ́ nɛ̨ŋɛ̨n naa pɔɔ!

Lɛɛ gbɔwɔ ɓa 28:38

Ɉɛn tii ɓə pai kɛi Aarɔn tɔwɔla, ɓɛlɔwai a kɛ pai la ɲą́ą́ Yai-Laa nííla. Ɉɛn tii haalai, haláá hɛnŋąąi Israɛlə lonnii da naa həli mą́ą́, ŋą́ ɲéé hee mu, ə mą kɛ daa hɔn ɲɔ̨n da kɛ, níí holiɛ ɉu.

Hanwon 20:30

Nu haɠa pɔɔ kaa a mɛ̨nį ɲɔ̨n ɉali, kɛlɛ ɓo ə ɓo lɔ tii, nu kwəi mɛ̨nįɠaa diɛ.

Azaya 53:11

Mɔ̨nɔ̨i tii laa mɛ̨i mąą mɛ̨nį ɓa gaa pai kɛɛpono kaai, ɛlɛɛ yɛ lamu la yɛnɛ̨ɛ̨, yai tii gɔlɔn ŋąą a təlimo mun, gaa pai nuą kɛi a təlimonuą, yai tii a nwɔ́ tí mun, nu kpulu kɛnɛ̨ɛ̨ yɛ dɔ̨nɔ̨ hɔlɔɓo, mąąhɔlɔɓo, ə nwun ɉee di wɔ kwɛli tee laa kəlee mu.

Levetekɔ 16:22

Mɛ̨nį ɲɔ̨nŋąąi tii kəlee da lɛɛ molu hilɛi tii ɓa, ə li la nɔi pun ɉu pələ. «Ɓɛlɔwai da li la a molui tii nɔi pun ɉu pələ,

Levetekɔ 22:9

«Mąąnɛ̨ɛ̨ di di yee kɛ nwɔ́ tɔ́n nwooɠaai diɛ, di hvo di kpɔwɔ too nɛ̨ŋɛ̨n ɉu kɔ̨nɔ̨n mɛ̨nį hu. Da nwɔ́ɔ́ tɔ́n nwooɠaai mąą kala, da nəi haa. Ɲą́ą́ ɓə gáá a Yai-Laa, yai a di mąąhəɠə.

Lonon mo 18:22

A kɛ tii, Israɛlə lonnii di hva kɛa lɛɠɛ gee kaa kələ ɓa, ə gɛ di hvo pa nee nɛ̨ŋɛ̨n ɉəɠə di hvo haa.

Lonon mo 7:15

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Maafîu 27:26

Nąąlɔwai Pilatə ə tee Barabasə ɓa, ə Jesus tɛɛ di gɛlɛ a hvaɠa, ə dɛɛ diɛ li gbanwoi.

Maafîu 5:20

Gáá moi kaa, akɛ ka wɔ tələnmolaa a wala kɛnɛ̨ hvo tɛɛ dɔ́n galamɔ̨ɔ̨ɠaa da Farisiɛ̨ɠaa di wɛi ɓa, ka hva pɛli lɔi Yálá-taa tɔɔlaa hu.

Maafîu 8:17

Yili ə kɛ tii, ə gɛ, mɛ̨nį Yálá kwəi mɛ̨nį hukulɔ mun Esai ə mo mąą ə hvɛɛ, yai ə kɛ mą: «Yaa ɓə ku kpɛɠiɠaa həɠə kuɔ, ə ku wɔ ɲɔ̨nŋąai həɠə a nwuɔ̨ tiɛ̨.»

Markə 15:15

Pilatə ə kɛ bɔ ə nu kpului tii kwəinɛ̨ɛ̨, ya ɓə gɛ ə Barabasə kulɔ gaho ŋą; ə mo di Jesus kɛlɛ a kwɛli hvaɠa, yili pulu, ə dɛɛ di pɔ, diɛ li gbanwoi kolɔwa ɓa.

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 19:1

Nąąlɔwai, Pilatə ə mo di Jesus kɛlɛ a galakpa.

Gɛlaɠaa 10:35

Nui lɔpee a ɲɔw mą, yɛ tələnmo yíiɓo a ɲɛ̨i lɛlɛɛ hee mą.

Gɛlaɠaa 10:39

Mɛ̨nįɠaai kpɔ ə gɛ Ɉuifəɠaa di wɔ lɔi hu da Ɉerusalɛmə, ku kaa a yili mąą kɛla. Di ɉon, di gbanwo wulu.

Gɛlaɠaa 13:29

Ɛlɛɛ, mɛ̨nįɠaa kpɔ di mo a naa, di gəlee pɔ mɛ̨nį kɛ, di gulɔ nwulu ɓa di naa kámą hu.

Gɛlaɠaa 5:30

Jesus ŋɛ̨i ka ɉon ka gbanwo kolɔwa ɓa, ə haa, ka nąnni pɔlɔɠaa di wɔɔ Yálá, ə gulɔ haaɓɛlaa lɔwai ə gɛ a vulú.

Lomaŋ 6:11

Kaa kpɛli mɛ̨n, ka ka kpɔɔ kaa yɛ ka haa nɛ̨ŋɛ̨n ma, ka yɛnɛ̨ɛ̨ kɛ Yálá ɓa Jesus Kristə laa hu.

Lomaŋ 6:13

Ka hvo ka tɔɔ-tɔɔiɠaa ta lɛɛ laa hvo kɛ a nɛ̨ŋɛ̨n nwɔ tiɓo kɛhɛn, yii a kɛ mɛ̨nį ɲɔ̨n gɛi la. Kɛlɛɛ yaamunn, ka ka kpɔɔ tɛɛ Yálá pɔ yɛ nuąi daa kulɔ haa hu daa kɛ a di húlu. Ka ka kɔ́lɔ nąą kəlee lɔ nwɔ tiɓo hu, ə gɛ, yii gaa a tələnmo mɛ̨nį ka yili kɛ.

Lomaŋ 6:16

Ka hvo gɔlɔn kaa diɛ akɛ ya kɛi tiɓo kɛ nu ɓa ə gɛ ə́ nwoo hon, ə́ kaa ɲəi yɛ luwɔ. Yili ɓaa yɛ: Nɛŋɛ̨n yii a nu lɔ haa hu, a wala kɛti, Yálá woo honŋąa yɛnɛ̨ɛ̨ kpɛɛ hvo mą a nu lɔ tələnmo laa hu.

Lomaŋ 6:2

Gɛ́ diɛ: Kpaa! Akɛ gwaa haa nɛ̨ŋɛ̨n ma, gwa pɛli nwɔ̨nɔ̨ yɛnɛ̨ɛ̨ kɛ pələ kɛi ləi nɛ̨ŋɛ̨n Ɉu?

Lomaŋ 6:22

Kɛlɛɛ yiihu kɛa, kaa kulɔ nɛ̨ŋɛ̨n nwɔ luwɔlaa hu. Kaa kɛ a Yálá nwɔ luwɔɠaa; tɔ̨nɔ̨ yii gaa ɉu ya ɓaa: Kaa kɛ a Yálá liiɓa mɛ̨nį kɛ nuą, yili ɲąąkpɛɛi ɓaa yɛnɛ̨ɛ̨ kpɛɛ hvo mą.

Lomaŋ 6:7

Mąąhɔlɔɓo, nui aa haa, nwun mąą a ɓo nɛ̨ŋɛ̨n ɲəi.

Lomaŋ 7:6

Kɛlaa yiihu kɛa, gwaa kulɔ dɔ́n mu. Mąąhɔlɔɓo, hɛn kɛi gu kɛ a haa ŋą hon, gwaa haa, gwaa kulɔ mu. Gwa pɛli kɛa gu gu wɔ yɛnɛ̨ɛ̨ pu nįnɛ̨ kɔlɔi, a tíi gwa mo Yálá ɓa, Kili-Mąąhəɠɛɛ hu, kɛlaa, hva kɛ kɛa yɛ dɔ́n nwooi a kala.

Korɛntə dɔlɔɔ 15:3

Tɔlɔɔ, yii ŋį́ ɉɔlɔɓo ɲą́ą́ gbinįi, ya ɓə ŋį́ naa həli káá; gɛ́ kaa: Gu wɔɔ nɛ̨ŋɛ̨nŋaa mąą mɛ̨nį ɓə Kristə ə haa la, yɛ bələi bɛ̨ɛ̨i la;

Korɛntə veelɛ 6:17

Yili ɓə gɛ, gu Nąmu Yálá yɛ kɛ diɛ: «'Ká kulɔ kani nuą ti lɔwai, 'ká diɛni 'ká ká ɓɛla ɓo, ka hvo tunwɔ̨n hɛn gɔhɔɓoɔ ɓa, ká gɛ ti, ŋą́ ɲéé hee ká mu.

Galatə 3:13

Kristə aa gu nwun mąąɓo dɔ́n ŋą nɛ̨ŋɛ̨n naa yəi a hɔ̨nwɔ̨ kɛnɛ̨, a yaa kpinįi ti kɛi ə mo a nɛ̨ŋɛ̨n naa gu mąą mɛ̨nį ɓa. Mąąhɔlɔɓo, bɛ̨ɛ̨i ɉɛɓɛ́ hu, yɛ mą: «Nui daa ɉɛlɛn wulu ɓa, nɛŋɛ̨n naai!»

Ifisiɛŋ 5:9

Ɛlɛɛ, kɛɛ pono ɓá ɓaa: Lii nɛ̨ɛ̨ gwəi laa, tələnmo laa da tɛ̨ą.

Filipə 1:11

yili ɓə a gɛ, ká pilɛ kɛa a tələnmolaai a həɠə Jesus Kristə yəi, yɛ pa gu pɔ, guɔ Yálá mąąwiɛ la, guɔ Naa tɛ.

Kolosə 2:14

mɛ̨nįɠaa kpɔ dɔ́n nwoo ə kɛi gu kalamąɓo la, yɛ giti kala guɔ, ə yili kəlee lɛɛ guɔ a kpɛli; aa nwaa kpɔ laa hva-hva, ə gbanwo kolɔwa ɓa.

Kolosə 2:20

Yii kɛa ká Kristə ni kaa haa, ɛlɛɛ, káá kulɔ yɛnɛ̨ɛ̨ hɛnŋaa yəi. Lə mɛ̨nį ɓa, ká dɔn bɔ yíiɓo, yɛ ká kɛ ni, a ká hɛlɛnŋąą yɛnɛ̨ɛ̨ ɓa?

Kolosə 3:3

Káá haa, ɛlɛɛ, ká wɔɔ yɛnɛ̨ɛ̨ da Kristə di lowɔi Yálá hu.

Hebreu 10:10

Yálá lii ɓai tii hu ɓə, Jesus Kristə ə gbɔwɔ kulɔ la a haláá, lɔ tii taanɔ̨n gbən, gu mąąhəɠə mɛ̨nį ɓa.

Hebreu 10:5

Yili ɓə gɛ, ɓɛlɔwai Kristə ə kɛi pa la yɛnɛ̨ɛ̨, ə mo, yɛ mą: «Haláá hɛn da kɔ́ɓo hɛn lɔpee ta wɛli hva ə́ hon, kɛlaa ə́ kɔlɔ ta tɛ mą́ą́.

Hebreu 12:13

ɛlɛɛ, 'ká ká hiɛ pələɠaa haŋą, ə gɛ, lɔwnuą di hvo pa kpɛlɛɠɛlɛn, kɛlaa yaamun, di ɓalo.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Zĩi 5:16

'Ká hvaa ka wɔ nɛ̨ŋɛ̨nŋaa ɓa ká kee ɲɛ̨i ɓa, 'ká Yálá hvɛli ká kee ɓa, ə gɛ, ká kɔ́lɔi ə pono. Tələnmomun ŋą hvɛli woo kaa a ɲɔ̨n ɉali walawala.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

M̀ɛni-lɛɛi 22:2

Daa-lee tii hu, ɛlɛɛ, da ɲálee nwonwo hveelɛi hu, nąą ɓə yɛnɛ̨ɛ̨ kɛ wulu ə kɛ laa, yɛ ɓá gee mɛ̨i pow-kɔw-hveelɛ. Ɲąnįn dɛitɛi yee mu, a ɓá, ɛlɛɛ, naa ə ɓo a hįi lɔiɠaa kɔlɔi pono hɛn.