Piɛrə dɔlɔɔ 2:21 - Yálá laawoo hɛɓɛ (dc)

²¹ Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Yálá laawoo hɛɓɛ

²¹ Yaan, yili ɓə di ká təli mą, mąąhɔlɔɓo, Kristə yaa kpɛlimąn, ə mɔ̨nɔ̨ mįi ká mąą mɛ̨nį ɓa, ə kɛ, a ká wɔ yɛnɛ̨ɛ̨ kɛ pələ gɔɔnmąą, káá hvilɛn na bɔɔ ɲą:

Bible

²¹ Da kátoli nyíŋi ma, kpɛ́ni fêi, Kôrai ǹyaa máŋ è mɛni-soli kàa kámɛni mà, é ŋɔmɛni-kɔɔŋ-maai lɛ́ɛ káyêei, a gɛɛ ká lɛ́ɛ ŋɔtûa-perei su.

Piɛrə dɔlɔɔ 2:21 Iomraidhean Croise

Mąątɛ̨nɛ̨ 85:13

Yai-Laa yaa kpinįi ɓə nwun nąnɛ̨ɛ̨ tɛɛi, ɛlɛɛ, ku wɔ lɔi yɛ ɉihɛnŋaa lɛlɛ.

Maafîu 10:38

Nui a wala nwɔ kolɔwa həɠə hvo hvilɛn búlú, a kɛ tii nwɔ́ nui ta hvəli.

Maafîu 11:29

Ka ka nwun ɉee nwɔ́ tiɛ̨i mu, həɠə ka nwɔ́ liɛwooɠaa hon. Mąąhɔlɔɓo, níí laai, kaa kpɛli, ka hvii tɔɔ hɔlɔɓo ka lii ə laa.

Maafîu 16:24

Nąąlɔwai, Jesus ə mo nwɔ kalan nɛai diɛ, yɛ diɛ: «Nui gaa bɔ ə hvilɛn búlú, hvo kɛli ə lənə gbɔwɔ ɓa. Ə gbɔwɔ haa wulu həɠə ə hvilɛn búlú.

Lukə 24:26

Hvo kɛli kɛ Nwun mąąɓomun Yálá ə naakwɛlanmo, ə mɔ̨nɔ̨ mį́į́ tii, hvo tɛɠa kɛ lɔi nwɔ mąąwiɛ kɛnɛ̨ɛ hu.»

Ɉaan 13:15

Mɛ̨nį kɔ́ɔn mąą ka tii ŋą́ nɛ kaa. Bələi ŋą́ gɛ la a kaa, kaa kpɛlimąn ka gɛ tii a ka kee.

Ɉaan 16:33

Gáá mɛ̨nįɠaa tii ɓoi kaa, kaa pɛli liilaa hɔlɔɓoi ɲə́i. Ka káá pai mɔ̨nɔ̨ mįi yɛnɛ̨ɛ̨, kɛlaa, ka ka lii kpələ, ɲéé aa tɛɛ yɛnɛ̨ɛ̨ ɓa.»

Gɛlaɠaa 14:22

Di kɛli laa na nuąi ti kɛ laa, di hvaŋąlɔ gɛɛnąąɠaa ti ɓa, diɛ di liɛwooɓo di kanąn mɛ̨nį ɓa laa na pələ ɓa. Di kɛli kɛ diɛ: «Hvo kɛli gu mɔ̨nɔ̨ tamąą mįi, guɔ pɛli lɔi Yálá ŋą tɔɔlaai hu.»

Gɛlaɠaa 17:3

Ə gɔwɔ hvilɛn Yálá laawoo hɛɓɛ́ mɛ̨i, yɛ ɉukulɔ diɛ, yɛ diɛ: Mąąnɛ̨ɛ̨ kɛ Nwun mąąɓomun Yálá ə naakwɛlanmo, ə mɔ̨nɔ̨ mįi, ə haa, ə pənə ə nwun ə kulɔ haa nuą lɔwai, ɛlɛɛ, ə kɛli kɛ diɛ, nwun mąąɓomun tii ɓaa a Jesus ŋɛ̨i gáá mąą mɛ̨nį ɓoi káá.

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Lomaŋ 8:29

Mąąhɔlɔɓo, nuąi ə gbɛa di kɔ́lɔn, aa gbɛa kɛ di həɠə ɉu, diɛ kɛ yɛ non, ə gɛ, yili yɛ kɛ a nu kpulu tamąą di liɛ.

Korɛntə dɔlɔɔ 11:1

'Ká kɛ a bɔ́ɔ́ kɔ́ɔn nuą yɛ bələi gáá Kristə pɔɔ kɔ́ɔn ɉii la.

Ifisiɛŋ 5:2

'Ká ɲɛnɛ̨ɛ̨ kɛ wɛlikɛmąąlaa hu, yɛ bələi Kristə ə gu wɛlila kɛ la, ə gbɔwɔ kulɔ a halaa, mąą kun nɛ̨ɛ̨ Yálá ɓa, gu mąą mɛ̨nį ɓa.

Filipə 2:5

Mąąnɛ̨ɛ̨ ka wɔ kiliŋąhiɛ ə kɛ lɔ yɛ pələi Kristə nwɛi ə kɛ la.

Tɛsalonikə dɔlɔɔ 3:3

əgɛ, nu ta hu hvo pa pu mą, háákələi mɔ̨nɔ̨ɠaa ŋɛ̨i hu, gbala ə tɔɔ, ká kili kaa ɉu káá, yili ɓə naa gu tɔwɔ.

Tɛsalonikə dɔlɔɔ 4:2

Káá kpinįi mɛ̨nįi ku ká mąąkwɛli mą yɛ həɠə gu Nąmu Jesus pɔ, ká gɔlɔn.

Timote veelɛ 3:12

Ɛlɛɛ mun, nuąi da di wɔ yɛnɛ̨ɛ̨ Yálá yee kɔnmą Jesus Kristə hu, diɛ ɓə da di laanɔ̨nwɔ̨ɓo.

Hebreu 2:10

Bələ ɓə, ə nɛ̨ɛ̨ la tii, nui hɛn gəlee pɛli, yai hɛn gəlee kaa ɲəi, mą, ə hvaa mą, ə pələ kulɔ a lon damąą, ə di lɔ mąąwiɛlaa hu, ə mɛ̨nį kəlee laa kulɔ a nui ɓalo mɛ̨nį bələ kulɔ, ŋą mɔ̨nɔ̨.

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Piɛrə dɔlɔɔ 3:9

'Ká hvo mɛ̨nį ɲɔ̨n gwələ kulɔ a mɛ̨nį ɲɔ̨n, 'ká hvo lalan gwələ kulɔ a lalan; kɛlaa yaamun, 'ká kɛ a lúwɔ́ too nuą, mąąhɔlɔɓo, yili ɓə di ká təli gɛ mɛ̨nį ɓa, ya ɓə a gɛ, ká lúwɔ́ hɔlɔɓo a ká kwɛlin.

Piɛrə dɔlɔɔ 4:1

Yili ɓa, yɛ bələi Kristə ə mɔ̨nɔ̨ mįi la kɔ́lɔ hu, káá kpɛlimąn, giliŋąhiɛ tanɔ̨n tii ə kɛ káá; nui a mɔ̨nɔ̨ mįi kɔ́lɔ hu, a kɛ ti, da nɛ̨ŋɛ̨n daa di hvalaɓo,

Piɛrə dɔlɔɔ 4:13

Kɛlaa yaamun, ká ká kwəinɛ̨ɛ̨, mąąhɔlɔɓo, mɔ̨nɔ̨i ti Kristə ə mįi, ká wɛi ka ti aa həli káá. Yili ɓə a gɛ, ɓɛlɔwai nwɔ mąąwiɛ laa kaa pai tooi la ponoŋą, kaa kpɛlimąn, ká wɔ kwəinɛ̨ɛ̨ laa ə kulɔ.

Zɔ̂ŋ Maa-ŋuŋ 2:6

Nui a kɛ diɛ gaa ɉu, hvo kɛli mąą nu a hiɛ a bələi yaa tii a Jesus ə hiɛ la.

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.