Piɛrə dɔlɔɔ 2:1 - Yálá laawoo hɛɓɛ (dc)

¹ 'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Yálá laawoo hɛɓɛ

¹ 'Ká ká yee kulɔ kani nwąnąlɔɔ mɛ̨nį kəlee hu, gbąną mɛ̨nį kəlee, lɛɛ mɛ̨nį kəlee, hɛn nwɛli laa da laa pələ ɓo.

Bible

¹ Mɛni ma ka tée lii-ŋwana kélee ma da wôya-mɛni kélee. Ka kɛ́ a tɔ̃yâ-ƃela. Ka tée tólo ma da laa-kara-mɛni kélee.

Piɛrə dɔlɔɔ 2:1 Iomraidhean Croise

Zôo 36:13

Nɛ̨ŋɛ̨n ɉəɠə nuąi da kanąn líiholi ɓa, di hva di woo laa, ɓɛlɔwai da kɛ la yɔwɔn ŋą.

Mąątɛ̨nɛ̨ 32:2

Nui Yai-Laa hva ɉɔn gaa mą, mąą nu nwu na nɛ̨ɛ̨i ɓə, ɛlɛɛ yaan, nwɔ kiliŋąhiɛ hva li hvulu mɛ̨nį pɔ.

Mąątɛ̨nɛ̨ 34:13

Gbɛɛ ɓə lamun yɛnɛ̨ɛ̨ wɛli kaa mą? Gbɛɛ ɓə gaa bɔ ə nwunnąnɛ̨ɛ̨ yɛnɛ̨ɛ̨ kaa?

Mąątɛ̨nɛ̨ 37:1

Davidə nwɔ wələ woo. 'Ə́ líi hvo kələn ə́ kwəi nu ɲɔ̨nwɔ̨ɔ̨ɠaa pɔ, 'Hvó tolo kulɔ a piɛn doo nuą.

Mąątɛ̨nɛ̨ 73:3

Mąąhɔlɔɓo, ɲɛ̨́i ə kɛi kulɔ hɛn nąmįną pɔ, a nɛ̨ŋɛ̨n ɉəɠə nuą di wɔ nwunnąnɛ̨ɛ̨ kaai ŋį́ kɛi moi.

Hanwon 14:30

Líílaa kaa a nu kɔlɔi pɔ̨nɔ̨ hɛn, Kɛlaa, tolo kaa a kolo yɛ nu kɔ́w mįi.

Hanwon 24:1

'Hvó nwąnąlɔ kulɔ nuą pɔɔ kɔ́ɔn, nąą wɛli hvo too yɛ́. Di wɔ hiɛ gee pulu laa wɛli hvo too yɛ́.

Hanwon 24:19

Ə́ líi hvo kələn ə́ kwəi, nu ɲɔ̨nwɔ̨ɔ̨ɠaa mąą mɛ̨nį ɓa. Ə́ ɲɛ̨i hvo kulɔ di túwɔ́ pələ pɔ.

Hanwon 3:31

Ə́ ɲɛ̨i hvo kulɔ mɛ̨nį ɲɔ̨n gɛmun bɔ, 'hvó kpɛli dúwɔ́ pələ ta pɔɔkɔɔn.

Azaya 2:20

Ɲələi tii a həli, ɉaliɠaai di bɛli a wali da hɛni, diɛ kwɛli hvilɛn mą, da nɛɛ kpəɠəiɠaa da lɔwɠaa di yəi.

Azaya 30:22

Mąą nįnįn ɉaɠaaɠaai da kɛ nwali ya pui diɛ, da yiiɠaai kwɛli yɔw nuą da bu, diɛ ɉɛni-yá pu diɛ, mąąnɛ̨ɛ̨ ka gəlee kaa a hɛn mąąliɓiɛɠaa, ka di pili, yɛ bələi da hɛn ɲɔ̨nwɔ̨ɔ̨ pili la ɛlɛɛ, yɛ́ diɛ: 'Ka kulɔ ɓɛ!

Maafîu 15:7

Ka tɛ ɲɛ̨i mɛ̨nį kɛ nuąi ŋɛ̨i, kaa kpɔ ɓə Yálá ə kɛi ka mąą mɛ̨nį gwəi mɛ̨nį hukulɔ mun Esai laaləi yɛ kɛ mą:

Maafîu 23:28

Pələ kpɔlɔ ɓə ka káá la. Ka ka kpɔɔ lɛ nuą diɛ, a nu haŋąąɠaa a mɛ̨nį gɛ, tɛ ɲɛ̨i mɛ̨nį kɛ laa da mɛ̨nį ɲɔ̨n giliŋąhiɛ lɔ ɓə gaa kaa.»

Maafîu 24:51

A pa, a góló kɛmun tii hon ə doo gaho ŋą, ɓɛi nui ti da mɛ̨nį ɲɔ̨n gɛ nuą di wɔ laanɔ̨nwɔ̨ a kɛ laa a bɛliɛ, wɔlɔ da ɲį́n ɲa mįi hu.»

Maafîu 7:5

Lɛɛmun! Gbɛa ni ə́ wɔ wulukpiɛn kulɔ ə́ ɲɛ̨i. Yili pulu, yá pɛli kɛa ə́ ɓɛlan nwɔ kalai mąą kpɛɛi ə́ gulɔ a nɛlɛɛ.

Markə 12:15

Kɛlaa, Jesus ə gɔlɔn gɛ yɛ, tɛ̨ą kaa di kwəi, diɛ now mą. Ə mo diɛ, yɛ diɛ: «Lə mɛ̨nį ɓa ka káá bɔ ka ŋą́ą́hɛŋi? Ni kɔ́wi tii ka kɛ nįįhɔ̨nwɔ̨ kulɔi la, ka pa a da bɔ́ ŋį́ gaa.»

Lukə 11:44

Kpalo ɓɛlaai kaa! Ka káá yɛ kámą yii gɔlɔn ɉɛn vo mą, yii nuą da tɛ mɛ̨i di hva gbaɠala kaa!»

Lukə 12:1

Nąąlɔwai tii hu, nu kpulu kɛnɛ̨ di di ŋąąkpɔn Jesus kwɛlɛ, diɛ tɛ di kee ni kɔ́wɔ mɛ̨i. Jesus ə ɲɛ̨i haŋą tɔlɔɔ nwɔ kalan nɛai diɛ, yɛ diɛ: «Ka ka kpɔɔ mɛ̨i kaa Farisiɛ̨ɠaa di wɔ lɛɠɛ tɛ hɛn mąą mɛ̨nį ɓa. Yili mukulaa ɓaa: di wɔ hu hveelɛ laa.

Lukə 6:42

A wala kɛ tii, ya pɛli ə́ kɛ ləi nu ɓa: ‹Mə́lan, tɔɔ galai gaa ə́ ɲɛ̨i, ŋį́ gulɔ laa›; akɛ yɛ́ mun, nwulu gbiɛi gaa ə́ ɲɛ̨i, hva gaa? Ə́ woo hveelɛ mun ŋɛ̨i, gbɛa nii nwulu gbiɛi gaa ə́ ɲɛ̨i gulɔ; yili pulu, ya pɛli ə́ ə́ ɓɛlan nwɔ kalai kaa a nɛlɛɛ, ə́ gulɔ.»

Ɉaan 1:47

Ɓɛlɔwai Natanaɛlə ə kɛi paa la, Jesus ə gaa, ə mo Natanaɛlə laa mɛ̨i yɛ diɛ: «Ŋą́ą́ Israɛlə lon neelee kaa! Hulu mɛ̨nį tɔ̨nɔ̨ kpɛli hvə nwɔ kiliŋąhiɛ hu.»

Lomaŋ 1:29

Di laa hvɛɛ a mɛ̨nį ɲɔ̨n ɉuwɔ lɔpee gəlee: nwąną lɔɔ, ɲɛ̨i kulɔ bɔ ɲɔ̨nwɔ̨ɔ̨, nu paa mɛ̨nį, tolo ɲɔ̨nwɔ̨ɔ̨, hvaa kɛɛ, gbana laa ɲɔ̨nwɔ̨ɔ̨, di hva di kiliŋąhiɛ a nɛlɛɛ nu ta ɓa, ə lɛɛ, di laa kpɔn və hee li.

Korɛntə dɔlɔɔ 14:20

Ną́n nonnii, yii hvilɛn na mɛ̨nį hutɔɔ ɓa, 'ká kɛ yɛ lɛapɛlɛɛ, yii ɓaa mɛ̨nį ɲɔ̨n nwɛi, 'ká kɛ ɉu, a lɛapɛlɛɛ, kɛlaa, mɛ̨nį hutɔɔ mɛ̨nį hu, 'ká kɛ a nu mąąpɔlɔɔɠaa.

Korɛntə dɔlɔɔ 5:8

Yili ɓa, ká gu gu wɔɔ hɛli pu kan, hvo kɛ a lɛɠɛi dɛ hɛn bɔlɔ pɔlɔ, hvo kɛ a kili ɲɔ̨nwɔ̨ɔ̨ da túwɔ́ pələ ɲɔ̨n. Kɛlaa, ká gu gɛ a lɛɠɛ yii gala hɛn və ɉu, kwəi kwələlaa hu da tɛ̨ą hu.

Korɛntə veelɛ 12:20

Ɲɔw kaa ɉú, gɛ́ kɛ ŋą́ pa, və́ pa ká kaa yɛ bələ, gáá la bɔi; ɛlɛɛ, kaan káá gáá yɛ bələi ká la bɔ və́ kɛ la. Gáá ɲɔwi, kiti hvo pa kɛ ká lɔwai, tolo, lííholi, hvaa, laa kala, laa pələ ɓo, tɛɠɛɓo ɉu, da mɛ̨nį yɔhɔ-yɔhɔɠaa.

Ifisiɛŋ 4:31

Woo ɲɔ̨n, liikələn gwəi, lííholi, lii ɲąnwąną, háŋąmąą da lalan, mɛ̨nįɠaa tii di mąą hvo nɛ̨ɛ̨li ká lɔwai, da nwąnąlɔɔ huwui lɔpee gəlee.

Tɛsalonikə dɔlɔɔ 2:3

Ku wɔ kalan nwoo kɔwɔ hvo pa hvilɛn ni lɛɛ mɛ̨nį mɛ̨i, hvo kulɔ li kili ɲɔ̨nwɔ̨ɔ̨ hu, hvo nwɔ̨nɔ̨ a gbąnąlaa woo.

Timote dɔlɔɔ 3:11

Nɛ̨ąąi da kɛ a gbɔn ɉu mɛ̨nįɠaa ɲɛ̨i kulɔ nɛ̨ąą diɛ kpɛlimąn, mąąnɛ̨ɛ̨i di kɛ a nu mąąwiaɠaa, di hvo kɛ a laa pələɓo kɛ nuą, di ɲąąlaa, diɛ kulɔ di woo ɓa mɛ̨nį kəlee hu.

Taitɔ 2:3

'Mo nwɔ̨nɔ̨, palaanɛ̨ąɠaa diɛ kpɛlimąn diɛ, di wɔ yɛnɛ̨ɛ̨ kɛ pələ ə kɛ a ɉaŋąą: di hvo kɛ a laamąąhiɛ kɛ nuą, di hvo di kpɔwɔ tɛɛ lɔɔ pɔ, diɛ nuą mąąkwɛli mɛ̨nį lɛlɛɛ ɓa,

Hebreu 12:1

Yili ɓa tii kani, guɔ kpɛlimąn, gu mąątinɛ̨nŋąąi a gɛla kpulu kɛnɛ̨ɛ̨, tiɛ̨ wiɛ da nɛ̨ŋɛ̨nŋaai da pɛli di gu kɔ́wɔ la yili, gu ɓo yiliɠaa diɛ, 'gu bu. Ɛlɛɛ, 'gu tɔɔ a gu nwąnąi, gu gu liikpələ, gilɛi ŋɛ̨i gaa gu kɔwɔ ɲą, gu ɉəɠə, gu həli la naa kulɔi;

Zĩi 1:21

Yili ɓa tii, 'ká ká yee kulɔ mąąliɓi mɛ̨nįɠaa hu, da lííholi mɛ̨nįɠaa, Nwoo ŋɛ̨i ɉinŋąą ká hui, yai a pɛli ə ká ɓaloi, 'ká ká yee hee mu a lii nɛ̨ɛ̨ gwəilaa.

Zĩi 3:14

Kɛlaa, tolo a kɛ ká hu, da wɛlikpɛɛmąą laa, ká hvo ká kpɔwɔ ɲąąkɛnɛ̨, ɛlɛɛ, ká hvo lɛɛ pɛlɛ tɛ̨ą ɓa a ká túwɔ́ pələ.

Zĩi 4:11

'Ká hvo mɛ̨nį ɲɔ̨n mo a ká kee laa, ną́n nonnii. Nui a mɛ̨nį ɲɔ̨n mo a nu ta laa, a wala kɛ tii, ə gití tee, aa mɛ̨nį ɲɔ̨n mo a dɔ́n naa, ɛlɛɛ, aa dɔn gití tee. Kɛlaa, yɛ́n, yá dɔn giti teei, yáá kɛ a kití teemun, ɛlɛɛ hvó kɛli a dɔ́n bɔ yíiɓomun.

Zĩi 4:5

A wala kɛ ti, gaa ka kwəi, mɛ̨nį ŋɛ̨i ɉɛɓɛ́ ə mo gaa a kpɛli-kpɛli, yai ə kɛ mą: «Kilii Yálá ə doo gu hu, a mąą tolo kulɔ?»

Zĩi 5:9

Ną́n nonnii, ka hvo ka woolaa ka kee yəi, əgɛ, di hvo nəi pa ká kiti tee. Ká nąą kaa, giti tee mun kaa kɛa tɔɔni bɛlɛ́ laaləi.

Piɛrə dɔlɔɔ 2:16

'Ká tuwɔ́ yɛ nuąi di kaa di gbɔwɔ ɓa, 'ká hvo nɛɛ gbɔwɔ ɓa laai tii kaa a mɛ̨nįi ká laa ɉu, káá nwąnąlɔɔ túwɔ́ ɓo la, kɛlaa, 'ká túwɔ́ yɛ Yálá ŋą tínuą.

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 3:10

Hvó gaai, moɔi yɛ mą: «Gbɛɛ ɓə lamun yɛnɛ̨ɛ̨ wɛli kaa mą? Ɛlɛɛ, gaa bɔ ə nwunnąnɛ̨ɛ̨ yɛnɛ̨ɛ̨ kaa? Mąąnɛ̨ɛ̨ ə nɛ̨n dɔɔ gani vaa woo tɔwɔ, ə ɲee kɛ naaləi ɓa, ɛlɛɛ, nu ɓowo woo hvo kulɔ na,

Piɛrə dɔlɔɔ 4:2

ɲíi kuui aa lɛɛ ɲəi yɛ gɛ kɔlɔ hu, hva gɛ yɛ bələi nuą di wɔ ɲɛ̨i kulɔ bɔ kaa la, a gɛ Yálá liiɓa hu.

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.