Piɛrə dɔlɔɔ 1:19 - Yálá laawoo hɛɓɛ (dc)

¹⁹ kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Yálá laawoo hɛɓɛ

¹⁹ kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Bible

¹⁹ Kɛ́lɛ, Kôrai è kámaa tèe a ŋɔŋãa-mɛni kpanaŋɔɔi yɛ̂ɛ ƃála-loŋ nyíi pɔ́ɔ kélee da fé kɛ́ ní mài.

Piɛrə dɔlɔɔ 1:19 Iomraidhean Croise

Lɛɛ gbɔwɔ ɓa 12:5

Mɛlaa lon, di kaa pai gɛi la, mąąnɛ̨ɛ̨ ə kɛ a ɉilɛ, aa kwɛlan dɔ̨nɔ̨ kɛ, kpɛɠii hvo kɛ mą, gɔlɔi pɔ̨nɔ̨ɔ̨, ka pɛli ka ɉəɠə ɓɛlaa lonnii, awala kɛ tii, ɓolu lonnii lɔwai.

Azaya 44:22

Ŋą́ą́ yɛ́ kulɔ nwoomulaa waa yɛ tulɔ kpinįn a waa yələi, ŋą́ą́ yɛ́ túwɔ́ pələ ɲɔ̨nŋąąi taɠa, yɛ bələi nąląąn a taɠa la: pɛ̨nɛ̨ ə́ pa bɔ́, mąąhɔlɔɓo, ŋą́ą́ ə́ nwun mąąɓo.

Azaya 53:7

Di naanɔ̨nwɔ̨ ɓo, kɛlaa ə gbɔwɔ mąąyɛɛ, pələ ta hvo kulɔ na, ə kɛ yɛ ɓɛlaa lon di kaa lii baai, yɛ ɓɛlaa haai gaa nəɠa tee nuą yəi, naa pilaa lɔ kɛ, hvaa hvo kulɔ na.

Danîa 9:24

Daa mąąhəɠɛɛi ŋɛ̨i, da ə́ wɔ nuąi, mɛ̨nį ta aa ɓo di laa mɛ̨i, yii gaa pai həli diɛ lɔwai pow mɛ̨ihveelɛ heei kwɛlan mɛ̨ihveelɛ yee mu. Nąąlɔwai kaa a lɔwai yii viɛlaɓoɔ, ə gɛ, di kulɔ nwoo mu laa kpɛɛ, nąąlɔwai ɓə di mɛ̨nį ɲɔ̨n gbɛɛ la, di di wɔ nɛ̨ŋɛ̨nŋaa mąąhvaalɛɛ, tələnmolaa yii kpɛɛ hvo mą, di gulɔ pɔ̨nɔ̨ ŋą, hįi kaaɠaa da mɛ̨nįi Yálá kwəi mɛ̨nį hukulɔ mun ə mo naa ə hon. Ɛlɛɛ, nui mąąhəɠɛɛ nu mąąhəɠɛɛɠaa diɛ, di mąątí.

Levetekɔ 1:10

«Akɛ, taatɛlɛɛ pɛlɛɛ ta ɓə di paa la a Yálá kɔ́ hɛn, diɛ gəlee kələn, ə kɛ a ɓɛlaa, ə kɛ a ɓolu, mąąnɛ̨ɛ̨ ə kɛ a ɉilɛ, nąą ta hvo kɛ mą.

Levetekɔ 22:20

Ka hvo taatɛlɛɛ ta laa həli, yii kpɛɠii kaa mą, a kɛ tii, di hva di ɲɛ̨i lɛlɛɛ hee kaa.

Zakari 13:7

Yai-Laa Mɛ̨nį Kəlee ŋą Hééɓomun woo ka, yɛ: Kɔ-kɔ ɓɔwa, 'ə́ muhəɠə nwɔ́ ɓɛlaa pulumun pɔ, a mɛ́lanmun nwalaai tii. Daatɛlɛɛ pulu mun, 'gɛlɛ, mɛlaahaaɠaa di taɠa. Ɲéé kaa pai yálii bulu, yɛ bɛlɛɛ pɛlɛɛɠaa kɛlɛ.

Lonon mo 7:27

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Lonon mo 7:39

nįŋɛ̨ hilɛ tɔ̨nɔ̨, ɓɛlaa hilɛ tɔ̨nɔ̨, kwɛlan dɔ̨nɔ̨ ɓɛlaa lon dɔ̨nɔ̨ a haláái da gəlee kələn gulɔ hɛn.

Maafîu 20:28

Yili ɓə gaa mą, Nu lon ə pa, ə gɛ, ə kɛ a nuą di wɔ kólo kɛmun, ə gɛ ə gbɔwɔ kwɛlɛ nu kpulu kɛnɛ̨ nwun mąąɓo mɛ̨nį ɓa.»

Maafîu 26:28

Mąąhɔlɔɓo, yii kaa a ɲą́mą yii gaa a mįnɛ̨ nįnɛ̨ ɲąmą, yii gaa pai pui nu taamąą di wɔ nɛ̨ŋɛ̨nŋaa mąąhvaalɛɛ mɛ̨nį ɓa.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Gɛlaɠaa 20:28

'Ka ká kpɔɔ mɛ̨i kaa, nu kpului ŋɛ̨i Kili-Mąąhəɠɛɛ aa ká hee a mɛ̨i kaa nuą, 'ka ká kili kɛ ɉu, 'ká gbɔn ɲąąkɔn a nɛlɛɛ, yai ə ɲá a gbɔkpɔɔ ɲąmąi.

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Kolosə 1:14

Non ti háálai ɓə gwaa kulɔ la haa hu, aa gu wɔɔ nɛ̨ŋɛ̨nŋąa mąąhvaalɛɛ.

Piɛrə dɔlɔɔ 1:2

diɛi di həɠɛɛ ɉu yɛ bələi gu Nąn Yálá ə mąą kili tee la gwəi, di kɛ a Kili-Mąąhəɠɛɛ nwɔ mąąhəɠə nuą, diɛ lɛɛ la tii Jesus Kristə woo mu, ɛlɛɛ, ɲąmą ta yɛ taɠa diɛ. Mɛ̨inɛ̨ɛ̨ da liilaai ə kɛ káá kpɔ kɛnɛ̨!

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 14:1

Ɛlɛɛ, ŋą́ ɲɛ̨́i hee lɔ, ŋį́ Mɛlaa Lon gaa tɔɔni Siɔn yee nwuɔ̨, ɛlɛɛ, da nu waa-nwun-dɔ̨nɔ̨-ɲee-nąąn-kɔw-nąąn (144.000) diɛi naa, da Nąn naa pɛ̨ɛ̨i di tɔwɔla.

M̀ɛni-lɛɛi 14:5

ɛlɛɛ, lɛɛ mɛ̨nį hvo kulɔ li di la, hon nɔpee hvo diɛ.

M̀ɛni-lɛɛi 5:6

Ə kɛ lɔ tii, ŋį́ ɲɛ̨́i hee, dɔɔkpəlin ɉu, ɛlɛɛ, ɉuwɔ nąąn tii lɔwai, galanɉonŋaa lɔwai, ŋį́ ɓɛlaa lon da kaa tɔɔni, yɛ ɓo yɛ da gulɔ a haláá. Mįnɛ̨ ə ɓo nwuɔ̨ mɛ̨ihveelɛ, ɛlɛɛ, ɲɛ̨i kɔw ə ɓo mɛ̨ihveelɛ, diɛi a Yálá ŋą nįį mɛ̨ihveelɛi, yai ə di tɔɔ yɛnɛ̨ɛ̨ nąą kəlee.

M̀ɛni-lɛɛi 5:9

Diɛ wələ nįnɛ̨ too, diɛ kɛ mą: «Yɛ́ ɓə ə́ mąąnɛ̨ɛ̨ ə́ ɉɛɓɛ́i ŋɛ̨i hon, ɛlɛɛ, ə́ gɔlɔn ɉɛnɠaa kulɔ mą, gbala ə tɔɔ, Yɛ́ ɓə di ə́ kulɔ a haláá, ɛlɛɛ, yáá nu huwu tamąą, híiwoo tamąą, lɔi lonnii, ɛlɛɛ, da lɔi tamąą nwun mąąɓo a Yálá nwɔɔ, a ə́ ɲąmą

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.