Piɛrə dɔlɔɔ 1:10 - Yálá laawoo hɛɓɛ (dc)

¹⁰ Malo mɛ̨nįi tii ɓə, Yálá kwəi mɛ̨ni hukulɔ nuą di kɛli gwɛli, diɛ mąą mɛ̨nį ɓo, ɓɛlɔwai di kɛli pələ ɓo la yɛ hvilɛn na, nɛ̨ɛ̨laai di ɉee ká tɔwɔ, mą;

Yálá laawoo hɛɓɛ

¹⁰ Malo mɛ̨nįi tii ɓə, Yálá kwəi mɛ̨ni hukulɔ nuą di kɛli gwɛli, diɛ mąą mɛ̨nį ɓo, ɓɛlɔwai di kɛli pələ ɓo la yɛ hvilɛn na, nɛ̨ɛ̨laai di ɉee ká tɔwɔ, mą;

Bible

¹⁰ Ɣâla ŋɔlóno-kɛ-ƃelai nyíi-ŋai mɛlɛ-seei maa-mɛni ƃò nàa tuɛi, mɛlɛ-seei nyíi kɛ̀ pâi kɛ̂i a kápɔɔi, dí m̀álo-laai ŋí kɔ̀ri dí m̀aa-mare-kɛɛ kɛ́.

Piɛrə dɔlɔɔ 1:10 Iomraidhean Croise

Zɛnɛse 49:10

Tɔɔ tunwɔ̨n hva kulɔ Ɉuda yəi, dɔɔhvili hva kulɔ ə́ yəi bɛlɛ́n, ə lɛɛ ɉu, nui Ɉeeɓolaa kaa a nwɔɔ yɛ pa. A yai tii, hį́i kəlee kaa pai lɛɛi nwoo mu.

Hanwon 2:4

Akɛ yá gwɛli yɛ bələi da hɛn gwɛli la, ə́ gwɛli pələ kɛ yɛ hɛn gɔw yii noɔ,

Danîa 2:44

Dɔɔɓɛlaaɠaai tii di wɔ lɔwai hu, Yálá kaa pai tɔɔ ta heei yii hva taɠa, ə lɛɛ, dɔɔlaai tii hva tɛɛ hįi takpɛli pɔ. Dɔɔlaai tii ɓə pai dɔɔlaagaai tii kəlee ŋąą yɛɛi, yaa kpinįi leelei tii, a lɛɛ kɛa laa a yələ kəlee.

Danîa 9:3

Ŋą́ hin nɔ, ŋą́ mąąwɛli heeɓo yɛ haa a too nu ɓa, gɛ́ ɲee laa hee Yálá ɓa, gɛ́ vɛli, gɛ́ nɛ̨ɛ̨mąą hvo mą.

Egaa 2:7

Yai-Laa Mɛ̨nį Kəlee ŋą Hééɓomun yɛ nwɔ̨nɔ̨ diɛ: Gáá pai hį́i kəlee tumoi, di yəi hɛnŋąą walawalaɠaa da di yəi hɛn gɔwɠaa kəlee kaa pai ɓɛ, ɉéé pɛlɛ́i ŋɛ̨i nwɔ mąąwiɛ kaa pai kɛnɛ̨i.

Zakari 6:12

'Yɛ́ mą: ‹Yai-Laa Mɛ̨nį Kəlee ŋą Hééɓomun woo ka, yɛ: «‹Nu ta ka ŋɛ̨i, naa ɓaa wulu ɓɔn, yɛnɛ̨ɛ̨ kaa pai ɓɔn ɉii gɔwɔ pɔɔ hu. Gaa pai Yai-Laa hvɛli pɛlɛ́ tɔɔi.

Maafîu 13:17

Gáá tɛ̨ą ɓoi kaa, Yálá nwɔ́ kwəi mɛ̨nį hukulɔ nuą tamąą ə mą kɛ tələnmo nuą tamąą di kɛ bɔ, mɛ̨nįɠaai ka káá gai, da yiiɠaai ka káá mɛ̨n ɉi, di gaa, əlɛɛ, di mɛ̨n. Kɛlaa di hvo gaa li, əlɛɛ, di hvo mɛ̨n ni.»

Maafîu 26:24

Nu Lon kaa pai haai yɛ bələi bɛ̨ɛ̨ la Yálá laawoo hɛɓɛ́ hu. Kɛlaa, nui ɉaa mɛ̨nį wulu kaa pai lɛɛi nwuɔ̨i, kpalɔ ɓɛlaai mąą nu ɓa. Mąą nui tii ə mą kɛ kpɛli nee hvo gaa li kɛ, yili hviɛlaɓoɔi kɛ.»

Lukə 10:24

A tɛ̨ą kpɔ-kpɔ gáá moi kaa, Yálá kwəi mɛ̨nį hukulɔ nuą tamąą, da nu haŋąaɠaa tamąą, di kɛ bɔ, mɛ̨nį ka káá gaai, di gaa. Kɛlaa, di hvo ga. Mɛ̨nįi ka káá mɛ̨n ɉi, di mɛ̨n. Kɛlaa, di hvo mɛ̨n.»

Lukə 24:44

Yili pulu ə mo diɛ, yɛ diɛ: «Mɛ̨nįɠaai ŋį́ kɛi mo kaa, ɓɛlɔwai gu kɛ la gu kee pɔ ya ka; ŋį́ kɛ kaa: mɛ̨nįɠaai kpɔ kɛ bɛ̨ɛ̨ náá mɛ̨i Moisə nwɔ tɔ́n ɉɛɓɛ́i hu, Yálá kwəi mɛ̨nį hukulɔ nuą, da Yálá Mąątɛnɛ Wələɠaa hu, hvo kɛli gəlee laa ə hvɛɛ.»

Ɉaan 5:39

Ka kɛ Yálá nwɔ hɛɓɛ́i hupilii, ə ɓo ka kwəi kaa, ka káá pai yɛnɛ̨ɛ̨i kpɛɛ hvo mą hɔlɔɓoi a yili, yaan, ɉɛɓɛ́i tii ɓə mą́ą́ kɛla hvaa ɓoi.

Ɉaan 7:52

Mɛlaa diɛ mą: «Yɛ́ kpɛli, Galilemun mąą a yɛ́? Yɛ́ kpinįi ya kɛ Yálá laawoo hɛɓɛ́ ɓoi, ə́ gɔlɔn kpɔ yɛ́ diɛ, Yálá kwəi mɛ̨nį hukulɔ mun hva pɛli kulɔi Galile lɔi hu.»

Gɛlaɠaa 10:43

Yaa ti ɓə Yálá kwəi mɛ̨nį hukulɔ nuą di mąą kɛla hvaa ɓo, diɛ kɛ mą: Nui lɔpee a mąą mɛ̨nį kaa a tɛ̨ą, mąą nui ŋą nɛ̨ŋɛ̨n mąą hvaa a lɛɛ Naa hu.»

Gɛlaɠaa 17:11

Yiliɠaa lii lɛlɛɛi kɛ di kwəi, ə tɛɛ Tesalonikə Ɉuifəɠaa diɛ. Di di yee hee Yálá lawoo mu a di kwəi kwəlɛɛ, ɛlɛɛ, hvóló tɛitɛi yee mu, di kɛli Yálá lawoo hɛɓɛ́ mąą kpɛɛ, akɛ, mɛ̨nįi di kaa nɛi diɛ, gaa kpɔ ti a tɛ̨ą.

Gɛlaɠaa 28:23

Da diɛni di kuu hee, ɲələ həliɛ, di pa ɲəi bɛlɛ́n a di kpulu kɛnɛ̨. Gɛɛ nwoo hukulɔi, ə Yálá ŋą tɔɔlaai mąą kɛla hvaa ɓo, yɛ gɛ pələ kwɛli mą, ə gɛ, di yee hee Jesus mąą mɛ̨nį mu. Ə gɔwɔ tɔɔ Moisə nwɔ tɔ́n ɉɛɓɛ́i ɓa, da Yálá kwəi mɛ̨nį hukulɔ nuą di wɛiɠaa; di tuwɔ ɉu, ə həɠə yələwala pɔ ɓa, ə həli la yələwulii pɔ ɓa.

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Hebreu 11:13

Nuą ti kəlee di lɛɛ laa na laa hu, di haa, mɛ̨nįɠaai di naakwɛlanmo diɛ, di hvo naa honŋąą kaa li. Kɛlaa, ə mą kɛ tii, di gaa kwɛaala, di nɛ̨nɛ̨ɓo, di di kpɔwɔ kɔlɔn a nwɛ̨ąą, da hiɛ kulɔ nuą ɓɛ lɔi mɛ̨i.

Hebreu 11:40

Hvo gaai, Yálá ə mɛ̨nį lɛlɛɛ mąą kili tee gwəi nwɔ̨nɔ̨ a gu wɔɔ, ya ɓaa, mąą hvo nɛ̨ɛ̨li, di hvo həli mɛ̨nį kəlee laa kulɔi ɓa, gu tɔwɔ.

Piɛrə dɔlɔɔ 1:11

Kristə nwɔ Kilii kɛ di hu, yɛ, mɔ̨nɔ̨ɠaa da mąąwiɛlaai kɛi pa həlii Kristə ɓa mąą mɛ̨nį ɓo, ɲələ tɔwɔ, ya ɓə di kɛli ɲələ da guui ə ɉee, gwɛli.

Piɛrə dɔlɔɔ 1:13

Yili ɓə gaa mą, yii kani ká kili aa nwun, mɛ̨nį hukpɛ mɛ̨nį ɓa, 'ká kɛ gili-gili, ká kilitɔɔ mɛ̨inɛ̨ɛ̨ tii pai tooi pono ɲą a Jesus Kristə pa yələ, mą.