Zɔ̂ŋ Maa-ŋuŋ 5:7 - Yálá laawoo hɛɓɛ (dc)

⁷ Di kaa haaɓa diɛ mɛ̨nįi tii mąą kɛla hvaa ɓo,

Yálá laawoo hɛɓɛ

⁷ Di kaa haaɓa diɛ mɛ̨nįi tii mąą kɛla hvaa ɓo, yələ kɔlɔn ɉu: Nąn, Woo, da Nįį-Mąąhəɠɛɛ. Gəlee haaɓai woo tɔɔi kaa tanɔ̨n.

Bible

⁷ Mɔ̂leŋ ƃa zere-faa kɛ̀, kpɛ́ni fêi, Mɔ̂leŋ ƃa dɔ̃yâi.

Zɔ̂ŋ Maa-ŋuŋ 5:7 Iomraidhean Croise

Mąątɛ̨nɛ̨ 33:6

Yai-Laa ə yələkɔlɔn bɛli a naa woo, ə ɉu hɛnŋąą kəlee kɛ lɔ a naa wəleen.

Azaya 61:1

Mɛ̨nį kəlee ŋą Hééɓomun Yálá nwɔ Kilii kaa mɛ̨́i, mąąhɔlɔɓo, Yai-La aa gɛ́ a nwɔ tímun, aa dɔ́ɔ́, nwɛlɛɛ lɛlɛɛ ɓo mɛ̨nį ɓa, nuąi daa di nwumɛ̨, diɛ, nuąi di lii yalia di kwəi, di hali kɛ mɛ̨nį ɓa, gaho nąmįną nwunn mąąɓo mɛ̨nį ɓa, yiiɠaai gaho ŋą di kulɔ mɛ̨nį ɓa.

Maafîu 17:5

Ə lɛɛ lɔ moi tii, tulɔ kpinįn ɉu ponoɔ̨ ta ə yɛɛ di mɛ̨i; woo ta ə kulɔ ɉu yɛ mą: «Nííɓa lon ga ŋɛ̨i, ya ɓə ŋą́ą́ mą́ą́ mɛ̨nįɠaa kəlee lɛɛ ma. Mąąnɛ̨ɛ̨ ka ka wəli tɔɔ nwoo ɓa!»

Maafîu 18:16

Awala ɉɔn gɔlɔn, li ə́ doo nu tɔ̨nɔ̨ a wala kɛ tii nu hveelɛ ɓa. Ya ɓə a gɛ, mɛ̨nįi tii ə ɓo nu hveelɛ Ɉaaɓa nwɔ kɛla hvaa mɛ̨i, yɛ pələi Yálá laawoo hɛɓɛ́ kaa moi la, yɛ kɛ mą: ‹Nu hveelɛ ɉaaɓa di wɔ kɛla hvaa kaa a tɛ̨ą.›

Maafîu 28:19

'Ka li yɛnɛ̨ɛ̨ nąą kəlee, ka nu kəlee kalan, ka di kɛ a nwɔ́ kalan nɛa. Ka di mąąwaa Ną́n Yálá da Non da Kili-Mąąhəɠɛɛ laa hu.

Ɉaan 1:1

Gɛɛ Yálá hvo yɛnɛ̨ɛ̨ pɛli, tɔlɔɔ, woo ə gbɛa kɛ laa. Nwoo tii, ə kɛ Yálá pɔ, gaa a Yálá.

Ɉaan 10:30

Kwa ną́n Yálá ku kaa tɔ̨nɔ̨.»

Ɉaan 12:28

Ną́n, ə́ laa mąąwiɛ!» Nąąlɔwai woo ta ə kulɔ yələi, yɛ diɛ: «Ŋą́ą́ náá mąąwiɛ, gáá nwɔ̨nɔ̨ pai mąąwiɛi.»

Ɉaan 14:17

Yálá nwɔ Kilii tii ɓə gaa a tɛ̨ą kili, yai yɛnɛ̨ɛ̨ nuą di hva di yee hee mu. Mąąhɔlɔɓo, di hva gaa, ɛlɛɛ, di hvo gɔlɔn. Kɛlaa, ka wɛi, ka gɔlɔn, mąąhɔlɔɓo, gaa ka pɔ, yɛ ɓo ka nįį hu.

Ɉaan 15:26

«Ka mąąkɔ̨nwɔ̨mun a pa kɛa pai, yai gáá pai dɔɔi yɛ həɠə Ną́n bɔ, yai a tɛ̨ą Kili, ya ɓə pai mą́ą́ kɛla hvaa ɓoi.

Ɉaan 5:26

Mąąhɔlɔɓo, bələi lɔ yɛnɛ̨ɛ̨ kaa la Nąn ɉu, bələ lɔ ɓə Ə mąąlaa tɛɛ la Non bɔ.

Ɉaan 8:18

Ŋą́ gbɔ́wɔ́ mąą kɛla hvaa ɓo, Ną́n Yálá ŋɛ̨i dɔ́ɔ́, yaa kpɛli yɛ mą́ą́ kɛla hvaa ɓo.»

Ɉaan 8:54

Jesus ə di woo pulu pənə yɛ diɛ: «Ŋą́ kɛi gbɔ́ɔ́ mąąwiɛ ɲą́ą́ gbíníí, nwɔ́ɔ́ mąąwiɛ hva kɛ a hɛn da. Ną́n mə gaa mą́ą́wiɛi, a yaa ŋɛ̨i ka káá kɛi diɛ: ‹Kuɔ Yálá lii.›

Gɛlaɠaa 2:33

Ə tɛ ə hee Yálá yee lɛlɛɛ mɛ̨i, Yálá ə nwɔ Kili-Mąąhəɠɛɛ tɛɛ bɔ yɛ bələi ə naakwɛlan mo la, ə gbɛŋąn gu mɛ̨i yɛ pələi ka káá gaai la, ɛlɛɛ, kaa mąą mɛ̨nį mɛ̨n na.

Gɛlaɠaa 5:32

Ku kaa a mɛ̨nįɠaa ti kəlee mąą kɛla, kuɔ, kwa Kili-Mąąhəɠɛɛ ti Yálá ə dɛɛ nuąi lɛɛ woo mu, di pɔ.»

Dutɛrɔnome 6:4

Israɛlə! Ə́ wəli tɔɔ! Yai-Laa gu wɔ Yálái woo ɓa, Yai-Laa kaa tanɔ̨n.

Zɔ̂ŋ Maa-ŋuŋ 1:1

Yii wɔlɔ kɛ laa a gɔwɔ tɔɔ yələ yai ku mɛ̨n, yai ku gaa a ku ɲɛ̨i kɔw, yai ku mąąkpɛɛ, ɛlɛɛ, ku yee ə tunwɔ̨n mą, yai a Wooi a yɛnɛ̨ɛ̨ tɛɛ,

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

Zɔ̂ŋ Maa-ŋuŋ 5:8

Kili-Mąąhəɠɛɛ, yá, da ɲąmą, ɛlɛɛ, gəlee haaɓai, di woo tɔɔi kaa tanɔ̨n, gɛla hvaa tanɔ̨n tii hu.

M̀ɛni-lɛɛi 19:13

Həɠə kwɛaa ta ə kɛ gwąną, daa nɔ ɲąmą hu, ɛlɛɛ, naa ɓaa kɛ a: «Yálá laawoo.»