Zɔ̂ŋ Maa-ŋuŋ 5:3 - Yálá laawoo hɛɓɛ (dc)

³ Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Yálá laawoo hɛɓɛ

³ Mąąhɔlɓo, bələi Yálá ŋą wɛlikɛmąąlaa kaa la, bələ ka: Ya ɓaa, gwa gu yee kąnąn nwɔ tíɓoɠaai diɛ. Ɛlɛɛ yaan, ŋą tíɓoɠa tii di hvo a tíɛ̨ wia,

Bible

³ Ɣâla ŋɔwɛli-kɛ-maai ká ŋí a gɛɛ kú ŋɔtɔ̂ŋ-ŋai mɛi káa. Ŋɔtɔ̂ŋ-ŋai dífe wiɛ ni.

Zɔ̂ŋ Maa-ŋuŋ 5:3 Iomraidhean Croise

Tɔɔɓɛlaa veelɛ 18:6

Ɛlɛɛ, ə ɲee ganąn Yai-Laa ɓa, hvo həɠə bulu. Dɔ́n nwooɠaai Yai-Laa ə di tɛɛ Moisə pɔ, ə ɲee kanąn gəlee diɛ.

Mąątɛ̨nɛ̨ 119:140

Ə́ laawoo mąą kulɔi tai lɔpee hvo mą, nwɛli kaa ə́ wɔ tímun ma.

Mąątɛ̨nɛ̨ 119:45

Ŋą́ nwɔ́ yɛnɛ̨ɛ̨ kɛ nɛ̨́ɛ̨́ hu, mąąhɔlɔɓo ə́ wɔ tɔn nwooiɠaai ɓə gáá bɔ.

Lɛɛ gbɔwɔ ɓa 20:6

Kɛlaa, nuąi da nwɛ́lila kɛ diɛ lɛɛ nwɔ́ tɔ́n nwooɠaa pulu, ŋą́ mɛ̨inɛ̨ɛ̨ kɛ di lonnii diɛ, da di mąnįn bulu mąnįnŋąą diɛ gee mɛ̨i waa tamąą.

Hanwon 3:17

A nu tənən dɔɔ pələ lɛlɛɛ mɛ̨i, yɛ hiɛ ɉu a kili la tee.

Danîa 9:4

Ŋą́ kɛi Yálá hvɛli, gɛ́ hvaa gɛ́ nɛ̨ŋɛ̨nŋaa diɛ Yálá ɲɛ̨i ɓa, gɛ́ kɛ mą: «Éé Ną́mu Yálá, ə́ kɛnɛ̨, ə́ yee wia, nuąi da ə́ wɔ tɔ́nŋaai hon, ə́ wɔ mįnɛ̨ həɠɛɛ a kɛ di pɔ, nuąi da ə́ wɛli la kɛ, ə́ wɔ tələnmolaa yɛɛ ɓo di mɛ̨i.

Mise 6:8

Ə kə hulɔnu! Mɛ̨nįi nɛlɛɛi, yii Yai-Laa kaa gwɛlii ə́ yəi, daa nɛ yɛ́, hɛn da kpɛli hvəi, túwɔ́ a tɛ̨ą kpaalə, lɛɛ nwoo pulu laa wɛli la kɛ, kɛ gili-gili yɛ́ ka Yálá ka lɔwai mɛ̨nį hu,

Maafîu 23:4

Da tiɛ̨ wiɛ pɛli, di ɉee nuą nwuɔ̨, di hva di laa hon gbɛli tiikpə.

Ɉaan 14:15

«Akɛ ka nwɛ́li la kɛ, ka nwɔ liɛwooɠaa hon,

Ɉaan 15:10

Akɛ ka nwɔ́ liɛwooɠaai pɔ mɛ̨nį kɛi, ka ka pai lɛɛi nwɔ́ wɛlikɛmąąlaa hu.

Ɉaan 15:14

Yii ŋį́ ka tí la, ka gɛi, kɛ tii mɛ̨́laa ɓaa kaa.

Lomaŋ 7:12

Yili ɓa, dɔ́n mąąhəɠɛɛi, bɔ liɛwoo mąąhəɠɛɛ, ɉaŋąą, nɛlɛɛ.

Lomaŋ 7:22

Gbala ə tɔɔ, nwɔ́ nu kili hu pələ, ŋą́ nííɓa mɛ̨nį kaa Yálá nwɔ tɔ́n hu.

Dutɛrɔnome 5:10

Kɛlaa, nuąi da nwɛ́lilakɛ, diɛ di yee kanąn nwɔ́ tíɓoɠaai diɛ, Ŋą́ di wɛlilakɛ, ə həli la di wɔ mąnįn bulu mąnįn waa tamąą ɓa.

Dutɛrɔnome 7:9

Mąąnɛ̨ɛ̨ ka kili ə pu ɉu kaa diɛ, Yai-Laa ka wɔ Yálái ɓə gaa a Yálá kpɔ-kpɔɔ. A Yálái a kulɔ nwoo ɓa. Nuąi da nwɛlilakɛ, diɛ nwɔ tíɓoɠaa kɛ, a lɛɛ nwɔ mįnɛ̨i pulu di mąą mɛ̨nį ɓa; yɛ di wɛli la kɛ kwɛlan nwaa tamąą yee mu.

Hebreu 8:10

Gu Ną́mu yɛ mą: Mįnɛ̨i gwá Israɛlə pɛlɛ́i ku kaa pai ɉəɠəi, a mąą yələɠaa, di lii hu, da di wɔ kiliŋąhiɛ hu ɓə gáá pai nwɔ́ tɔ́n nwooɠaai pɛ̨ɛ̨i laa, gɛ́ kɛ a di wɔ Yálá, diɛn, di kɛ la a nwɔ́ nu huwu.

Zɔ̂ŋ Maa-ŋuŋ 2:3

Ɛlɛɛ, yili ɓə gwa gaa la, guɔ, gu gɔlɔn: akɛ gwa nwɔ tíɓoɠaai pɔ yíiɓo.

Zɔ̂ŋ Veerɛi 1:6

ɛlɛɛ, wɛlikɛmąą ɓaa: Gu hiɛ yɛ bələi nwɔ tíɓoɠaa kaa la. Díɓoi tii ɓə ká mąą mɛ̨nį mɛ̨n, a gɔwɔ tɔɔ yələ, əgɛ, ká hiɛ gbaaləi tii hu.