Zɔ̂ŋ Maa-ŋuŋ 5:19 - Yálá laawoo hɛɓɛ (dc)

¹⁹ Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Yálá laawoo hɛɓɛ

¹⁹ Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Bible

¹⁹ Kú gɔ̀lɔŋ kúkaa a Ɣâla pɔ́ɔ, ǹyaŋ ǹɔii kélee káa ŋ̀wana-lɔ̂ɔ-nuui ŋɔwala-walai yée mu.

Zɔ̂ŋ Maa-ŋuŋ 5:19 Iomraidhean Croise

Lukə 4:6

Yɛ Jesus ɓa: «Ŋą́ pɛli ŋą dɔɔlaaɠaa ŋɛ̨i kəlee di wɔ huwalawala da ɉu hɛn gɔw tɛɛ ə́ pɔ, gəlee kaa a ɲą́ą́ nwɔ́, nui ŋą kɛ bɔ, ya ɓə ŋą dɛɛ bɔ.

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Ɉaan 17:15

Və́ Ə́ hvɛli ə gɛ ə́ di həɠə yɛnɛ̨ɛ̨ ɓɛ, kɛlaa, gɛ́ ə́ di kihiɓo Mɛ̨nį Ɲɔn ma.

Lomaŋ 8:16

Gilii tii yaa kpinįi ɓə a nɛ gu nįį pɔ, yɛ gu kaa a Yálá lonnii.

Korɛntə veelɛ 1:12

Ku ɲɛ̨i pono mɛ̨nį ɓaa, ku kwəi kili ŋą kɛla wooi a mo kuɔ, ya ɓaa: Ku túwɔ́ yɛnɛ̨ɛ̨ hu, gəlee ə mą kɛ ləi, ká mąą mɛ̨nį hu, a kwəi kwələlaa da mąąhəɠəlaai a həɠə Yálá pɔ, hvo kɛli kɛ a nu kan ŋą kilikɛɲəi laa, kɛlaa, ə kɛ a Yálá ŋą nɛ̨ɛ̨laa.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 5:1

Mąąhɔlɔɓo, ku kili kaa ɉu kuɔ, bɛlɛ́i ŋɛ̨i ku kaa mu ɓɛ yɛnɛ̨ɛ̨, gaa lɔ a ɓuwu, a pa kalai, pɛlɛ́ kpɔ-kpɔɔ kaa ku yəi, yai Yálá kpinįi ə dɔɔ, yələkɔlɔn ɉu pɛlɛ́ li, nu yee hvə dɔɔ li;

Galatə 1:4

gu Nąmui tii ɓə gbɔwɔ kulɔ a haláá gu wɔɔ nɛ̨ŋɛ̨nŋaa mąą mɛ̨nį ɓa, ə gɛ, ə gu kulɔ ɲɛnɛ̨ɛ̨ ŋɛ̨i hu mɛ̨nį ɲɔn ɲee kɔnma, yɛ bələi Yálá liiɓa kaa la, yai a gu Nąn.

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Timote veelɛ 1:12

Yili mąą mɛ̨nį ɓa ɓə, gáá mɔ̨nɔ̨ɠaa ŋɛ̨i mįi la, a liikpələ laa. Kɛlaa, yili ŋą nwumɛ̨ hvo mą́ą́, mąąhɔlɔɓo, nui ŋį́ gílítɔɔ mą, ŋį́ gɔlɔn, ɛlɛɛ, náái na, gɛ́, mɛ̨nį ŋɛ̨i ə galihvaɓo mą́ą́, a pɛli ə ɲee kąnąn mą, ə lɛɛ la ɉu, ɲələi tii ə ɉəli.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zĩi 4:4

Ká kwəi hvo kwələ li! Ká hvo gbaɠala kɔlɔn, káá kɛ, yɛnɛ̨ɛ̨ wɛli la kɛɛ, kaa a kɔ́ pɛlɛɛ Yálá ɓa? Nui a yɛnɛ̨ɛ̨ wɛlila kɛ, gaa a Yálá ɲowo.

Zɔ̂ŋ Maa-ŋuŋ 3:14

Gu wɛi, gu kili kaa ɉu guɔ gwaa kulɔ haa hu, gwaa lɔ yɛnɛ̨ɛ̨ hu, hvó gaai, gwa gu nąn nonnii wɛlilakɛ. Nui wɛlikɛmąąlaa hvo ɉu gaa ni haa hu.

Zɔ̂ŋ Maa-ŋuŋ 3:24

Nui a ɲee kąnąn díɓoɠaa tii diɛ, aa ɉeei kulɔ Yálá hu, ɛlɛɛ, Yálá yaa kpɛlimąn aa ɉeei kulɔ ɉu. Yili pɔ pələ ɓə gwa gɔlɔn na, guɔ gaa gu hu, nwɔ Kilii tii ə dɛɛ gu pɔ ɉáálai.

Zɔ̂ŋ Maa-ŋuŋ 5:10

Nui a laa Yálá Lon na, gɛla hvaa tii kaa mąą nu kpinį hu. Nui a wala laa Yálá la, aa gɛ a lɛɛmun, mąąhɔlɔɓo, gɛla hvaai ɓo, hvo laa li na, yai Yálá ə mo Non mąą manį hui.

Zɔ̂ŋ Maa-ŋuŋ 5:13

Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.

Zɔ̂ŋ Maa-ŋuŋ 5:15

Ɛlɛɛ, yii kani, gu kili kaa ɉu guɔ a nwəli tɔɔ gu woo ɓai, gu kili ə pu kan ɉu, guɔ, yii lɔpee gwa vɛli mą, gaa kɛa gu yəi.

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

Zɔ̂ŋ Maa-ŋuŋ 5:20

Gu gbaɠala kɔlɔn guɔ Yálá Lon ə pa ɛlɛɛ, ə kili tɛɛ gu pɔ, ə gɛ, gu Dɛ̨ą kɔlɔn. Ɛlɛɛ, gu kaa kɛa Dɛ̨ą hu, Non Jesus Kristə hu. Yaa tii ɓə a Dɛ̨ą, yaa ɓə a Yálá, ɛlɛɛ, a yɛnɛ̨ɛ̨i kpɛɛ hvo mą.

M̀ɛni-lɛɛi 12:9

Mąąɲɔw-hɛn gɛnɛ̨i tii, di bili, yai a gaaləi wɔlɔ kɛi, a yai naa ɓaa: nąnį, ɛlɛɛ, ɓilihi, yai a yɛnɛ̨ɛ̨ kəlee ɲąąhɛnmun, di bili ə yɛɛ lɔi mɛ̨i da ɲee pɔɠaa.

M̀ɛni-lɛɛi 20:3

Ə bili nowa kpon gwɛaa hu, ə naa kpulu a gwɛli, ɛlɛɛ, ə gɔlɔn ɉɛn naa bulu, ə gɛ, hvo pa hįi lɔiɠaa ɲąąhɛn, ə lɛɛ ɉu gwɛlan nwaa tɔ̨nɔ̨i tii laa ə kulɔ. Yili pulu, hvo kɛli di pənə di gulɔ, woloɓo.