Zɔ̂ŋ Maa-ŋuŋ 4:9 - Yálá laawoo hɛɓɛ (dc)

⁹ Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Yálá laawoo hɛɓɛ

⁹ Bələi Yálá ə ŋą wɛlikɛmąąlaa too la pono ɲą gu lɔwai bələ ka: Yálá ə non gɔw tanɔ̨n gbən dɛɛ yɛnɛ̨ɛ̨, əgɛ, gu yɛnɛ̨ɛ̨ hɔlɔɓo, ɉáálai.

Bible

⁹ Berei-sii ŋí ƃe Ɣâla è ŋɔwɛli-kɛ-maai lɛ̀ naa kûa. È Ǹóŋ tɔnɔi tɛ̀ɛ ǹɔii su a gɛɛ fulu-laa é kɛ́ kúyêei zarâi.

Zɔ̂ŋ Maa-ŋuŋ 4:9 Iomraidhean Croise

Zɛnɛse 22:2

Yálá yɛ Abrahamə ɓa: «Ə́ lon ɉulɔnu kɔ́w tɔ̨nɔ̨i ɲɛ̨i a Isaakə, yai ŋɛ̨i nwɛli kaa yɛ́i, kpɔ kɛnɛ̨i, ɉəɠə ə́ li la Moriya lɔi hu, yee ta ɓa yii gáá pai nɛi yɛ́. Ya həli laa, ə́ Isaakə kulɔ laa mą́ą́ a haláá.»

Mąątɛ̨nɛ̨ 2:7

Mɛ̨nįi Yai-Laa ə mąą kili tee gwəi, 'ka tɔɔ ŋą́ mo, ə kɛ mą́ą́: «Nón maa yɛ́, ɲą́ą́ kpɔ ɓə ə́ kaa háákələi.

Markə 12:6

Nu tɔ̨nɔ̨ gbən lɔ ɓə kɛa lɛɛ ɉulɔnui tii yəi; ya ɓaa a non ɉulɔnu tɔ̨nɔ̨ gbən yii nwɛli ə kɛ mą. Yili ɓə kɛa ə dɛɛ a gbəli. Ə kɛi giliŋąhiɛ yɛ kɛ diɛ: ‹Gbɛli hu, di kaa lii ɲɔ̨wi mą, di mąąwiɛ, mąąhɔlɔɓo, nón ni.›

Lukə 4:18

«Ną́mu nwɔ Kilii laai mɛ̨́i, aa ɉə́ɠə́ ɉu, əgɛ, ŋą wɛlɛɛ lɛlɛɛ laa həli mąąwɛli nuą diɛ. Ə dɔ́ɔ́, əgɛ, ŋą gaho nąmįną di wɔ nwun mąąɓo mɛ̨nį laa həli diɛ, əgɛ, ŋą ɲɛ̨ipu nuą ɲɛ̨i hvólón, əgɛ, nuąi di laanɔ̨nwɔ̨ ɓoɔ ŋą di nwun mąąɓo,

Ɉaan 10:10

Nwuɔ̨mun nwɛ́i, a pa lɔ, ə gɛ, ə nwuɔ̨ kɛ, ə paa ɓo kɛ, ə lɛɛ, ə kɛɛ kala. Nwɛ́i, ŋį́ pa, ə gɛ, mɛlaaɠaa di yɛnɛ̨ɛ̨ kpɛɛ hvo mą hɔlɔɓo, di ɉɔlɔɓo kpɔ kɛnɛ̨.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 3:16

Mąąhɔlɔɓo, Yálá aa yɛnɛ̨ɛ̨ nuą wɛli la kɛ kpɔ kɛnɛ̨, hvo kɛli ə Non ɉulɔnu tɔ̨nɔ̨ gbən kwɛlɛ, ya ɓə ə gɛ, nui lɔpee a laa na, nwun na hva pili. Kɛlaa, a yɛnɛ̨ɛ̨ kpɛɛ hvo mą hɔlɔɓo Yálá yei.

Ɉaan 3:18

Nui a laa Yálá lon na, kiti hvo mąą nu ɓa, kɛlaa, nui a wala laa na, mąą nu kiti tɛɛi kɛa. Mąąhɔlɔɓo, hvo kɛ laa li Yálá Lon tɔ̨nɔ̨ gbən na.

Ɉaan 5:23

Yili ɓə a gɛ, nu kəlee diɛ Non mąąwiɛ, yɛ bələi da Nąn mąąwiɛ la. Nui hva Non mąąwiɛ, hva Nąn gbɛli mąn mąąwiɛ, yai Non dɔɔi.

Ɉaan 6:29

Jesus ə di woo pulu pənə yɛ diɛ: «Yii Yálá ka gwɛli ka yei, ya ɓaa, nui ŋɛ̨i ə dɔɔ, ka laa na.»

Ɉaan 6:51

Ɲą́ą́ ɓə gáá a kɔ̨nɔ̨n vúlu mąą, yai həɠə yələi. Nui a da mįi, a yɛnɛ̨ɛ̨ hva kpɛɛ hɔlɔɓo. Yaan, gɔ̨nɔ̨n ŋį́ dɛɛ nuą pɔ ya ɓaa a gbį́nį́, yai ŋį́ gwɛlɛ yɛnɛ̨ɛ̨ nuą ɓola mɛ̨nį ɓa.»

Ɉaan 6:57

Ną́n Yálá ŋɛ̨i dɔ́ɔ́ gaa a vulú, gáá yɛnɛ̨ɛ̨ kɛi ɉaalai. Yili ɓə gaa mą, nui a ɉúwɔ mįi, a kɛ a vulú ɲą́ą́ ɉaalai.

Ɉaan 8:29

Nui dɔ́ɔ́, gaa bɔ́, hvo kɛ ɲą́ą́ dɔ̨nɔ̨ nɛ́ɛ́ li. Mąąhɔlɔɓo, niiɓa lɔ ɓə gáá gɛi a yələ kəlee.»

Ɉaan 8:42

Jesus yɛ diɛ: «Akɛ ka nąn ɓaa a Yálái, ka li nwɛ́li la kɛ. Mąąhɔlɔɓo, ŋą́ həɠə Yálá pɔ, naa hu ɓə gáá la ɓɛ. Və́ kɛ pa li gbɔ́wɔ́ ɓa, kɛlaa, yaa tii ɓə dɔ́ɔ́.

Ɉaan 9:3

Jesus ə di woo pulu pənə yɛ diɛ: «Yaa mąŋoo, gaa nuą-oo di ta hvo nɛ̨ŋɛ̨n ɉəɠə li. Kɛlaa, ə kɛ tii, əgɛ, Yálá kɛ mɛ̨nįɠaa di kulɔ pono ɲą a mąą mɛ̨nį.

Lomaŋ 8:32

Yai ti hvo gbɔ-kpɔɔ lon mąąwɛli kaa li, kɛlaa, ə gwɛlɛ gu mąą mɛ̨nį ɓa, lə kpɔɔ ɓə hva pɛli dɛɛi gu pɔ non ɉaalai?

Hebreu 1:5

Malakaɠaa tii, nɛlɛ ɓə aa ta kɛ mą: «Nón maa yɛ́, ɲą́ą́ kpɔ ɓə ə́ kaa háákələi.» Ə lɛɛ nwɔ̨nɔ̨, yɛ kɛ mą: «Ɲą́ą́n, gáá pai kɛi a ə́ nąn, ɛlɛɛ, yɛ ɓo pai kɛi a nón?»

Zɔ̂ŋ Maa-ŋuŋ 3:16

Bələi kɛa gwa wɛlikɛmąąlaa kɔlɔn na, bələ ka: Yaa tii a Jesus ə nwɔ yɛnɛ̨ɛ̨ tɛɛ gu mąą mɛ̨nį ɓa; guɔ kpɛlimąn, gu mąąnɛ̨ɛ̨i gu gu wɔ yɛnɛ̨ɛ̨ tɛɛ gu nąn nonnii mąą mɛ̨nį ɓa.

Zɔ̂ŋ Maa-ŋuŋ 4:10

Nwɛlikɛmąą laa tii ka: Guɔ hvəə Yálá wɛlila kɛ, Yaa tii ɓə gu wɛlila kɛ, ɛlɛɛ, ə Non dɛɛ a gu wɔ nɛ̨ŋɛ̨nŋaa waa halaa hɛn.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zɔ̂ŋ Maa-ŋuŋ 5:11

Gɛla hvaa tii ka: Yálá aa yɛnɛ̨ɛ̨ hva kpɛɛ tɛɛ gu pɔ, ɛlɛɛ, ɲɛnɛ̨ɛ̨ tii kaa Non ɉu.

Zɔ̂ŋ Maa-ŋuŋ 5:13

Ŋą́ mɛ̨nįɠaa tii kɛ a hɛɓɛ́, ŋą́ dɛɛ káá, əgɛ, ká kili ə pu ɉu káá, yɛnɛ̨ɛ̨ hva kpɛɛ kaa ká yəi, a káái kaa laa na laa hɔlɔɓo Yálá Lon naa hu.