Zɔ̂ŋ Maa-ŋuŋ 4:7 - Yálá laawoo hɛɓɛ (dc)

⁷ Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Yálá laawoo hɛɓɛ

⁷ Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Bible

⁷ Ŋáwɛli-kɛ-maa-ƃelai, kwaa kúkîe-ni wɛ́li. Kpɛ́ni fêi, wɛli-kɛ-maa káa a Ɣâla pɔ́ɔ, ǹyaŋ ǹúui wɛli-kɛ-maa káa gbonôi, gáa a Ɣâla ǹóŋ, gɛ ƃô a Ɣâla kɔ́lɔŋɔɔ.

Zɔ̂ŋ Maa-ŋuŋ 4:7 Iomraidhean Croise

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Ɉaan 17:3

Yaan, yɛnɛ̨ɛ̨ hva kpɛɛ ɓaa, di ə́ kɔ́lɔn a Yálá tanɔ̨n, yai a kpɔ-kpɔ, da Jesus Kristə yai Ə́ dɔɔ.

Korɛntə dɔlɔɔ 8:3

Kɛlaa, nui Yálá wɛli kaa mą, mąą nu kɔ́lɔnŋąąi Yálá yəi.

Korɛntə veelɛ 4:6

Mąąhɔlɔɓo, Yálá ŋɛ̨i kɛ diɛ: 'Kɛɛ ə pono kpinį hu! Yaa ti lɔ ɓə kɛ a kɛɛ pono ku lii hu, yɛ ŋą mąąwiɛlaa kɔ́lɔn gili tɛɛ ka gu pɔ, yai lən ɉii Kristə ɲɛ̨ilaai.

Galatə 4:9

Kɛlaa, yiihu kɛa, yii kɛa káá Yálá kɔ́lɔn, a wala kɛti, yɛ bələi aa ká kɔ́lɔn na, ká tɔɔ pələ kɛ ləi nwɔ̨nɔ̨, káá pənə káá li ɉɛn vįikpɛɛɠaa ti pɔ pələ; a diɛi tii di hvɛɠɛɛi, káá nwɔ̨nɔ̨ lɔ di yee mu, luwɔlaa nįnɛ̨ hu?

Galatə 5:22

Kɛlaa, Kili-Mąąhəɠɛɛ yee pɔ mɛ̨nį ɓaa a: Wɛlikɛmąąlaa, kwəinɛ̨ɛ̨, liilaa, liikpələ, túwɔ́ pələ lɛlɛ, kilikɛɲəi mɛ̨nį, laa na laa,

Dutɛrɔnome 30:6

«Yai-Laa ka wɔ Yálá yaa kpinįi gaa pai ka lii mąąhəɠəi, kaa, ka ka huwuhu nuą kəlee, kaa pɛli Yai-Laa ka wɔ Yálá wɛli la kɛi a ka lii kəlee da ka wɔ yɛnɛ̨ɛ̨ kəlee.

Timote veelɛ 1:7

Mąąhɔlɔɓo, ɲɔw kili hvəə Yálá ə gu kɔ la, kɛlaa, ə kɛ a: huwalawala kili, a wɛlikɛmąą kili, a yee pɛli gbɔwɔ ɓa kili.

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zɔ̂ŋ Maa-ŋuŋ 2:10

Nui nąn non nwɛli kaa mą, gaa kɛɛ pono hu, ɛlɛɛ, hɔn da hvo mą, yɛ pɛli dooi.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 2:3

Ɛlɛɛ, yili ɓə gwa gaa la, guɔ, gu gɔlɔn: akɛ gwa nwɔ tíɓoɠaai pɔ yíiɓo.

Zɔ̂ŋ Maa-ŋuŋ 2:4

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Zɔ̂ŋ Maa-ŋuŋ 2:7

Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Zɔ̂ŋ Maa-ŋuŋ 3:9

Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.

Zɔ̂ŋ Maa-ŋuŋ 4:11

Nwɛ́likɛmąą nuą, akɛ Yálá aa gu wɛlila kɛ pələ kɛ ti, guɔ kpɛlimąn, mąąnɛ̨ɛ̨ gu gu keeni wɛlila kɛ.

Zɔ̂ŋ Maa-ŋuŋ 4:12

Nui lɔpee ta hvo ta Yálá kaa li. Akɛ gwa gu keeni wɛlila kɛi, akɛ tii Yálá kaa gu hu, ɛlɛɛ, nwɔ wɛlikɛmąąlaai gu hu, naa kulaai.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

Zɔ̂ŋ Maa-ŋuŋ 4:8

Nui wɛlikɛmąąlaa hvo ɉu, hvo ni Yálá kɔlɔn, mąąhɔlɔɓo, Yálá kaa a wɛlikɛmąą.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Zɔ̂ŋ Veerɛi 1:5

Yiihu kɛa, Bɛlɛ́-lee-nɛ̨ą, və́ tíɓo nįnɛ̨ mąą mɛ̨nį pɛ̨ɛ̨i, gɛ́ dɛɛ yɛ́, kɛlaa yii gaa kɛ gu yəi a gɔwɔ tɔɔ yələ, yaa lɔ ɓə, gáá ɉu vɛlii yɛ́, 'ká gu gu keeni wɛlila kɛ,