Zɔ̂ŋ Maa-ŋuŋ 4:4 - Yálá laawoo hɛɓɛ (dc)

⁴ Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Yálá laawoo hɛɓɛ

⁴ Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Bible

⁴ Nîa-pɛlɛɛ, kákaa a Ɣâla pɔ́ɔ. Ka díyee mɛi ɣále. Kpɛ́ni fêi, ǹúui gáa kákponôi, gɛ́tɛ̂i é tɛɛ ǹúui mâ gáa ǹɔii sui.

Zɔ̂ŋ Maa-ŋuŋ 4:4 Iomraidhean Croise

Ɉaan 12:31

Yiihu, ɲɛnɛ̨ɛ̨ ŋɛ̨i kiti teei lɔwai a həli, di kaa pai gití kalai ɉu tɔɔmun ma, di gbɛ.

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 16:11

Yii hvilɛn na gití mɛ̨nį ɓa, ɲɛnɛ̨ɛ̨ ŋɛ̨i hu tɔɔmun nwɛi, gití a gbɛa tee.

Ɉaan 17:23

Kwa diɛni ku kɛ ɉu tɔ̨nɔ̨, yɛ pɛlɛi gu kaa la ɉu tɔ̨nɔ̨, ə gɛ, di wɔ yee lɔ gee hu laa ə kɛ tɔ̨nɔ̨, yɛnɛ̨ɛ̨ nuą di gɔlɔn diɛ: yɛ́ ɓə dɔ́ɔ́, ə lɛɛ, yáá di wɛli la kɛ, yɛ pələi ə́ nwɛ́li la kɛ la.

Lomaŋ 8:31

Lə mɛ̨nį ɓə gwa pɛli nwɔ̨nɔ̨ moi? Akɛ Yálá tɔɔi gu pulu, gbɛɛ ɓə a pɛli kɔ́ pɛlɛi guɔ?

Lomaŋ 8:37

Kɛlaa, yili kəlee hu, yeetɛɛmąąlaa kaa ku yəi, nui ku wɛlila kɛ ɉaalai.

Korɛntə dɔlɔɔ 2:12

Gu wɛi, gu hvo kɛ yɛnɛ̨ɛ̨ kili hɔlɔɓo li, kɛlaa, kilii a həɠə Yálá pɔ; ə gɛ, gu pɛli Yálá nwɔ nɛ̨ɛ̨laa yəi mɛ̨inɛ̨ɛ̨ɠaa kɔlɔn ɉii.

Korɛntə dɔlɔɔ 6:13

«Kɔ̨nɔ̨n gaa a koo lon nwɔɔ, koo lon yaan, kɔ̨nɔ̨n mɛ̨nį ɓə gaa la nu ɓa.» Tɛ̨ą li, kɛlaa, koo lon da kɔ̨nɔ̨n, gəlee kaa a kala hɛn Yálá ɲɛ̨i ɓa. Kɛlaa, nu kpįnį nwɛi, hvo a túwɔ́ pələ ɲɔ̨n gulɔ nwɔɔ, nu kpįnį kaa a gu Nąmu nwɔɔ, gu Ną́mu yɛ ɓo a nu kpįnį nwɔɔ.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Korɛntə veelɛ 6:16

Bɛlɛ gee ɓa lə kɛɛ ɓə a pɛli kɛi Yálá hee pɛlɛ́ da haliɠaa di lɔwai? Gbala ə tɔɔ, guɔ ɓə gu kaa a Yálá hvulúmąą hee pɛlɛ́; yɛ pələi Yálá ə mo la, yɛ kɛ diɛ: «Gáá pai heei di lɔwai, gɛ́ hiɛ laa, Ŋį́ ɓo a di wɔ Yálá, diɛn, di ɓo a nwɔ́ nu huwu.»

Ifisiɛŋ 2:2

Ká kɛi ká wɔɔ yɛnɛ̨ɛ̨ kɛ nɛ̨ŋɛ̨n ɉu, a hvilɛn ká mo, ɲɛnɛ̨ɛ̨ ŋɛ̨i nwɔ yálá pulu, a yai ɉeɛ yələkɔlɔn da lɔi di lɔwai, a gilii tii yiihu a kɛ kulɔ nwoo mu nuą ɲąąhɛn ɉi.

Ifisiɛŋ 3:17

Ə gɛ Kristə ə ɉeei kaa ká nįį pɔ, laa na laa hu, ká hamu ə kɛ a vilɛnŋąa, dɔɔ a nwalawala wɛlikɛmąąlaa mɛ̨i.

Ifisiɛŋ 6:10

Nwóó laa kulɔ woo ka, ká gu Nąmu ŋą huwalawalalaai kɛ a ka mąąkɔ̨nwɔ̨ kwɛli hɛn, yai vaŋą kɛnɛ̨.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Zɔ̂ŋ Maa-ŋuŋ 2:13

Nąnni gáá ɉɛɓɛ́ ŋɛ̨i tɛɛi káá, nui wɔlɔ kɛ laa gɛɛ yɛnɛ̨ɛ̨ kɔɔ hvo tɔɔ, ká gɔlɔn. Muhəɠə nįnɛ̨ɠaa, gáá ɉɛɓɛ́ ŋɛ̨i tɛɛi káá, ká yee aa tɛɛ mɛ̨nį ɲɔn nwun nąmu ɓa.

Zɔ̂ŋ Maa-ŋuŋ 3:20

mąąhɔlɔɓo, gu lii a gu hɔnmo, Yálá kɛnɛ̨i dɛɛ gu lii ɓa, ɛlɛɛ, a mɛ̨nį kəlee hukpɛ.

Zɔ̂ŋ Maa-ŋuŋ 3:24

Nui a ɲee kąnąn díɓoɠaa tii diɛ, aa ɉeei kulɔ Yálá hu, ɛlɛɛ, Yálá yaa kpɛlimąn aa ɉeei kulɔ ɉu. Yili pɔ pələ ɓə gwa gɔlɔn na, guɔ gaa gu hu, nwɔ Kilii tii ə dɛɛ gu pɔ ɉáálai.

Zɔ̂ŋ Maa-ŋuŋ 4:13

Yili pɔ pələ ɓə, gwa gbaɠala kɔlɔn na guɔ, gu kaa yaa tii ɉu, ɛlɛɛ, yɛ ɓo gu hu: aa nwɔ Kilii tɛɛ gu pɔ.

Zɔ̂ŋ Maa-ŋuŋ 4:16

Ɛlɛɛ, ku wɛi, ku gaa, ku laai na, nwɛlikɛmąąlaai Yálá ə nɛ gu lɔwai yaa li. Yálá kaa a wɛlikɛmąą, nui gaa wɛlikɛmąą laa hu, gaa Yálá hu, ɛlɛɛ, Yálá yɛ ɓo ɉu.

Zɔ̂ŋ Maa-ŋuŋ 4:6

Gu wɛi, gu kaa a Yálá nwɔɔ. Nui Yálá kɔlɔn gili kaa mą, a nwəli tɔɔ guɔ. Nui hvo a Yálá nwɔɔ, hva nwəli tɔɔ guɔ. Yili pɔ pələ ɓə gwa pɛli tɛ̨ą Kili da lɛɛ kili di kulɔ ɉu kɛi la.

Zɔ̂ŋ Maa-ŋuŋ 5:19

Gu gbaɠala kɔlɔn guɔ Yálá nwɔɔ ɓaa a guɔ, kɛlaa, yɛnɛ̨ɛ̨ nąą kəlee kaa Mɛ̨nį-ɲɔn ɲee kɔnma.

Zɔ̂ŋ Maa-ŋuŋ 5:4

hvó gaai, nui a Yálá lon, ɲee aa tɛɛ yɛnɛ̨ɛ̨ ɓa. Ɛlɛɛ, yeetɛɛmąą laai yɛnɛ̨ɛ̨ hon, ya ɓə a gu wɔɔ laa na laa.

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.