Zɔ̂ŋ Maa-ŋuŋ 3:9 - Yálá laawoo hɛɓɛ (dc)

⁹ Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.

Yálá laawoo hɛɓɛ

⁹ Nui lɔpee Yálá aa gaa a lon, hva nɛ̨ŋɛ̨n ɉəɠə, gbala ə tɔɔ, ŋą híhɛn gɔwi ta kaa ɉu; ɛlɛɛ, hva pɛli kɛa nɛ̨ŋɛ̨n ɉəɠəi, mąąhɔlɔɓo, Yálá aa gaa a lon.

Bible

⁹ Ǹúui kélee gáa a Ɣâla ǹóŋ, va sɔnyɔ̂ŋ kɛ̀, kpɛ́ni fêi, Ɣâla káa gbonôi. Va pɔ̂ri sɔnyɔ̂ŋ kɛ̀i, kpɛ́ni fêi, gáa a Ɣâla ǹóŋ.

Zɔ̂ŋ Maa-ŋuŋ 3:9 Iomraidhean Croise

Zôo 19:28

Ka káá kɛi mą: «Nui ŋɛ̨i, lə mɛ̨nį takpɛli ɓə kwa pɛli ku naa mą, kuɔ pɛli nwɔ mɔ̨nɔ̨i nwun gɔlɔn ɉii?»

Mąątɛ̨nɛ̨ 119:3

Diɛi di yee hvo mɛ̨nį ɲɔ̨n ɉu, diɛ hiɛ nwɔ pələi mɛ̨i.

Levetekɔ 11:37

Di ta powa a too hihɛn ɉuwu ta mɛ̨i, ɉihɛn ɉuwui tii, tɔ́n va kɛ mą.

Maafîu 7:18

Wulu lɛlɛɛ hva pɛli ɓa ɲɔ̨nwɔ̨ɔ̨ ɓoi, wulu ɲɔ̨nwɔ̨ɔ̨ hva pɛli ɓa lɛlɛɛ ɓoi.

Ɉaan 1:13

Yiliɠaai di hvo kɛ li a Yálá lonni, yɛ pələi nu nwɔ kiliŋąhiɛ kaa la, a wala kɛ tii, yɛ pələi nu a lon ɉɔlɔɓo la. Kɛlaa, Yálá ɓə yɛnɛ̨ɛ̨ kɛ pələ nįnɛ̨ tɛɛ di pɔ.

Ɉaan 3:3

Jesus ə nwoo pulu pənə yɛ mą: «Gáá moi yɛ́ a tɛ̨ą, akɛ nu a wala kɛ a nu nįnɛ̨, hva pɛli lɔi Yálá-taa tɔɔlaa hu.»

Gɛlaɠaa 4:20

Kɛlaa, ku wɛi yii ku mɛ̨n, yii ku gaa, ku hvo pai lənəi yili ɓo mɛ̨nį ɓa.

Lomaŋ 6:2

Gɛ́ diɛ: Kpaa! Akɛ gwaa haa nɛ̨ŋɛ̨n ma, gwa pɛli nwɔ̨nɔ̨ yɛnɛ̨ɛ̨ kɛ pələ kɛi ləi nɛ̨ŋɛ̨n Ɉu?

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Taitɔ 1:2

kilitɔɔmąą laa hu, a ɓálo hva kpɛɛ, yai, Yálái hva lɛɛ kɛ, ə gbɛa naakwɛlanmo gɛɛ hvo yɛnɛ̨ɛ̨ pɛli;

Piɛrə dɔlɔɔ 1:23

káái daa ká hɔlɔɓo a lon nįnɛ̨ɠaa, hvo kɛli a híhɛn gɔwi kala kaa mą, kɛlaa gaa a híhɛn gɔwi kala hvo mą, a Yálá hvulúmąą laa wooi gaa laa a yələ kəlee.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:6

Nui lɔpee a kɛ ɉu, hva kɛa nɛ̨ŋɛ̨n ɉəɠə. Nui a nɛ̨ŋɛ̨n ɉəɠə, hva gaa, ɛlɛɛ hva gɔlɔn.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.

Zɔ̂ŋ Maa-ŋuŋ 5:1

Nui lɔpee a laa na, yɛ: Jesus ɓə a Kristə, mąą nu kaa a Yálá lon; ɛlɛɛ, nui a Yálá wɛlila kɛ, yai a non gaamun a non tii Yálá ə gaa, nwɛlila kɛ.

Zɔ̂ŋ Maa-ŋuŋ 5:18

Gbaɠala kaa guɔ, nui a Yálá lon, hva kɛa nɛ̨ŋɛ̨n ɉəɠə, kɛlaa Yálá ŋą Lon ə gaa, a ɲee kɛ mąą nu ɓa, ɛlɛɛ, Mɛ̨nį-ɲɔ̨n ɲee hva kɛa pɛli mą.

Zɔ̂ŋ Maa-ŋuŋ 5:4

hvó gaai, nui a Yálá lon, ɲee aa tɛɛ yɛnɛ̨ɛ̨ ɓa. Ɛlɛɛ, yeetɛɛmąą laai yɛnɛ̨ɛ̨ hon, ya ɓə a gu wɔɔ laa na laa.

Zɔ̂ŋ Zaaƃai 1:11

Nwɛ́likɛmąąmun, 'hvó mɛ̨nį ɲɔ̨n pɔɔ kɔɔn, kɛlaa, mɛ̨nį lɛlɛɛ pɔɔ kɔɔn. Nui a mɛ̨nį lɛlɛɛ kɛ, Yálá nwɛi ta li; nui a mɛ̨nį ɲɔ̨n kɛ, hvo Yálá kɔlɔn.