Zɔ̂ŋ Maa-ŋuŋ 3:5 - Yálá laawoo hɛɓɛ (dc)

⁵ Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Yálá laawoo hɛɓɛ

⁵ Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Bible

⁵ Ká gɔ̀lɔŋ è pà a gɛɛ é sɔnyɔ̂ŋ siɣe, ǹyaŋ sɔnyɔ̂ŋ fé gbonôi.

Zɔ̂ŋ Maa-ŋuŋ 3:5 Iomraidhean Croise

Osia 14:2

Israɛlə! Pənə ə́ pa wɛ, Yai-Laa ə́ wɔ Yálái pɔ, mąąhɔlɔɓo, ə́ kɛ nɛ̨ŋɛ̨n aa ə́ too.

Maafîu 1:21

Gaa pai lon ɉulɔnu hɔlɔɓoi, ə́ naa hee a: Jesus. Mąąhɔlɔɓo, ya ɓə pai nwɔ nuąi kulɔi di kɛ nɛ̨ŋɛ̨n ɲəi.»

Lukə 23:41

mɔ̨nɔ̨i ŋɛ̨i gu kaa mįi gu nu hveelɛ, gu kaa mįi, guɔ túwɔ́ pələ ɲɔ̨n vɛla li, kɛlaa, nwɛi, hvo kɛ mɛ̨nį ɲɔ̨n nɔpee ta kɛ li.»

Lukə 23:47

Mɛ̨nįi tii gɔ́kulaa nwun nąmui tii ə gaa, ə nɛɛ ŋąąɓa ə mąąwiɛ tɛɛ Yálá pɔ, yɛ diɛ: «A tɛ̨ą, hɔn və kɛ ɉulɔnui ŋɛ̨i ɓa.»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:31

Ɲą́ą́ ŋɛ̨i və́ kpɛli kɛ gɔlɔn, kɛlaa ŋą pa tɔwɔ ŋį́ mąąwaa yai, ə gɛ, ŋą yaai tii nɛ Israɛlə nwɔ nu huwui ɓa.»

Ɉaan 14:30

Və́ kɛa pai mɛ̨nį tamąą ɓoi kaa, mąąhɔlɔɓo, ɲɛnɛ̨ɛ̨ ŋɛ̨i hu tɔɔ mun gaa pai. A tɛ̨ą, ɲee hvo tɛɛ li mą́ą́.

Ɉaan 8:46

Gbɛɛ ɓə a ta ɉón gɛ́ nɛ̨ŋɛ̨n ɉəɠə? Akɛti, lə mɛ̨nį ɓa ŋą́ą́ kɛi tɛ̨ą ɓo kaa, ka hva laa ná?

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Timote dɔlɔɔ 1:15

Nwoo ŋɛ̨i kaa a tɛ̨ą woo, mąąnɛ̨ɛ̨ nu kəlee ə ɲee hee mu, ya ɓaa: Jesus Kristə ə pa lɔi mɛ̨i, nɛ̨ŋɛ̨n ɉəɠə nuą nwun mąąɓo mɛ̨nį ɓa, yai ɲą́ą́ ŋɛ̨i, gáá a dɔlɔɔ.

Timote dɔlɔɔ 3:16

A tɛ̨ą mɛ̨nį loɔi Yálá mɛ̨nį hu, gɛnɛ̨i. Mɛ̨nį loɔi tii ɓaa: Yálá ə gbɔwɔ lɛ nu kɔlɔ hu, Kili-Mąąhəɠɛɛ ə mąą mɛ̨ni too pono ɲą, malakaɠaa di gaa, mąą mɛ̨nį laa ə həli huwu takpɛliɠaa diɛ, yɛnɛ̨ɛ̨ kəlee ə laa na, Ə tɛ yələkɔlɔn ɉu mąąwiɛlaa kɛnɛ̨ɛ̨ hu.

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 1:3

Non ti ɓə a Yaa kpinįi ŋą mąąwiɛlaa too pono ŋą, bələi lɔ gaa la, bələ lɔ ɓə Non gaa la, ɛlɛɛ Naa woo ŋą hvaŋą ɓə ɉeɛ yɛnɛ̨ɛ̨ kəlee mu. Yii kɛa, ə nuą kəlee di wɔɔ nɛ̨ŋɛ̨nŋaa waa diɛ, ə tɛ ə hee Hééɓolaa ɓa-mįi-yee hu.

Hebreu 4:15

Ɉaláá laa həli mun gɛnɛ̨mun gaa ka gu yəi, vįi hvo kpɛɛ li. A pɛli kpɔnmąą tɛɛi gu pɔ, gu wɔɔ hvįikpɛɛ laa hu. Yaa tii, ɲąąhɛn mɛ̨nį huwu kəlee ə həli mą, yɛ guɔ, kɛlaa, hvo nɛ̨ŋɛ̨n ɉəɠə da hu.

Hebreu 7:26

Ɉaláá laa həli mun gɛnɛ̨ɛ̨i bɛliɛi gu mąą mɛ̨nį ɓa, yaa li, yai mąąhəɠɛɛ, hɔn və mą, mąąkwɛaa nɛ̨ŋɛ̨n ma, yɛ ɓo heeni yələkɔlɔn mɛ̨i pələ.

Hebreu 9:26

Akɛ yili ɉuwu ɓə kɛ, Kristə ə li gbɔwɔ kulɔ a haláá geemɛ̨i tamąą, ə həɠə kpɔ yɛnɛ̨ɛ̨ kɔwɔ tɔɔ yələ ɓa. Kɛlaa, a tɛ̨ą. Ə gɛ lɔ taanɔ̨n gbən, a vóló ɲąąkpɛɛi yələi ŋɛ̨i, ə too la pono ɲą, ə nɛ̨ŋɛ̨nŋaa waa, a gbɔwɔ kulɔi ə mo a haláá.

Hebreu 9:28

Pələ lɔ ɓə ə kɛ la, Kristə yaa kpɛlimąn, ə gbɔwɔ kulɔ a haláá taanɔ̨n gbən, ə nu tamąą di wɔɔ nɛ̨ŋɛ̨nŋaa kulɔ diɛ; ɛlɛɛ, gaa lɔ nwɔ̨nɔ̨ pənəi ə pa tii taanɔ̨n a veelɛnąą, yili hvo hvilɛn ni nɛ̨ŋɛ̨n mąą mɛ̨nį ɓa, kɛlaa, gaa pai, nuąi di kaa mąąkpɔn ɉii, di nwun mąąɓo mɛ̨nį ɓa.

Piɛrə dɔlɔɔ 1:18

ká kili ə pu tii ɉu káá, di hvo kɛ ká nwun mąąɓo li, diɛ ká kulɔ ká nąnni yíi pələ ɲɔ̨nwɔ̨ɔ̨ tii yəi, a hɛn kala kaa mą, a wali, awala kɛ tii, a hɛni,

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 2:24

yaa tii ɓə gu wɔɔ nɛ̨ŋɛ̨nŋaa həɠə gbɔwɔ kɔlɔ hu, ə haa la wulu ɓa, əgɛ, gu haai gu mo wɔɔ nɛ̨ŋɛ̨nŋaa diɛ, gu yɛnɛ̨ɛ̨ kɛ tələnmolaa yee kɔnma; yaa tii, mąą nwąnąi di mo, yili ɓə a gu ɓalo.

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 1:2

gbala ə tɔɔ yɛnɛ̨ɛ̨ ə too pono ɲą, ɛlɛɛ, ku gaa, ɛlɛɛ, kuɔ mąą kɛla hvaaɓo, ɛlɛɛ, kuɔ yɛnɛ̨ɛ̨ hva kpɛɛ laa həli káá, a yai kɛ ɲɛ̨i tínɛ̨nŋąą Nąn bɔ pələ ɛlɛɛ, ə gbɔwɔ lɛ kuɔ,

Zɔ̂ŋ Maa-ŋuŋ 1:7

Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Zɔ̂ŋ Maa-ŋuŋ 2:2

Mąąhɔlɔɓo, yaa tii ɓə gbɔwɔ kulɔ a haláá, ə gu wɔ nɛ̨ŋɛ̨nŋaa waa, ɛlɛɛ, gu wɛiɠaa lɔ hvəə, kɛlaa, ə mą kɛ, yɛnɛ̨ɛ̨ nuą kəlee di wɛi.

Zɔ̂ŋ Maa-ŋuŋ 2:29

Yii kani ká gbaɠala kɔlɔn káá ɉaŋąąi, ká kili ə pu kani ɉu káá, nui a mɛ̨nį haŋąą kɛ, yaa kpɛli, a tɛ̨ą lon.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,