Zɔ̂ŋ Maa-ŋuŋ 3:4 - Yálá laawoo hɛɓɛ (dc)

⁴ Nui lɔpee a nɛ̨ŋɛ̨n ɉəɠə, aa tuwɔ pələ ɲɔ̨n gulɔ, gbala ə tɔɔ, nɛ̨ŋɛ̨n maa a, tuwɔ pələ ɲɔ̨n gulaa.

Yálá laawoo hɛɓɛ

⁴ Nui lɔpee a nɛ̨ŋɛ̨n ɉəɠə, aa tuwɔ pələ ɲɔ̨n gulɔ, gbala ə tɔɔ, nɛ̨ŋɛ̨n maa a, tuwɔ pələ ɲɔ̨n gulaa.

Bible

⁴ Ǹúui kélee a sɔnyɔ̂ŋ kɛ̀i, a dɔ̂ŋ kara. Sɔnyɔ̂ŋ káa a tɔ̂ŋ-karaa.

Zɔ̂ŋ Maa-ŋuŋ 3:4 Iomraidhean Croise

Tɔɔɓɛlaa dɔlɔɔ 8:47

nɔi da kɛ ɉu luwɔlaa hu, da lɛɛ laa, da di kiliŋąhiɛ, da di túwɔ́ pələ mąąhvalin, da nɛ̨ɛ̨mąą hvə yɛ́, ɓɛi tii di kaa laa nuwɔlaa hu, diɛ kɛ mą: ‹Nɛ̨ŋɛ̨n ɉəɠə nuą ɓaa kuɔ, kwaa ku ɉon gɛ, kwaa nɛ̨ŋɛ̨n ɉəɠə›.

Kɔlɔnikɔ Maa-ŋuŋ 10:13

Saulə ə haa mąąhɔlɔɓo, nwooi da Yai-Laa di mo, hvo kɛ lɛɛ li bulu, mɛ̨nįi Yai-Laa ə mo mą, hvo bɔ mɛ̨nį kɛ li; ə lɛɛ, gɛ mɛ̨nį ə li tɔɔi, yɛ nwun dɔɔ a ɲąmuątaa tɔlikpɛ mun da,

Kɔlɔnikɔ Veerɛi 24:20

Nąąlɔwai, Yálá nwɔ Kilii ə too Yehoyada lon Zakaria hu, ə haŋan nɔi lonnii diɛ, yɛ diɛ: «'Ka ká wəli tɔɔ Yálá woo ɓa, yɛ diɛ: Lə mɛ̨nį ɓa, ka káá Yai-Laa ŋą tɔ́n nwooɠaai mąą kalai? Ka nwun na hvo pai nɛ̨ɛ̨i. Yii kaa ka kili kulɔ Yai-Laa hui, yaa kpɛli, aa gili kulɔ ka hu.»

Azaya 53:8

Di ɉon a wea, di giti tee a hvulu nuąi da diɛni di di muhəɠə gee pɔ, di nɛlɛ ɓə mąą liihɛlɛn ɉee? A tɛ̨ą, di gulɔ yɛnɛ̨ɛ̨ nuą lɔwai, nwɔ nuąi di wɔ kwɛli tee laa ɓə gɛ kɛlɛɓo yɛ həli mą.

Danîa 9:11

Israɛlə lɔi hu nuą kəlee daa ə́ wɔ tɔ́n kala, daa di pulu tɔɔ yɛ́, ə gɛ, di hvo pa ə́ wɔ liɛwooɠaai mɛ̨n. Yili ɓa, ku wɔ kulɔ nwoo mu laai tii ma mɛ̨nį ɓa, nɛ̨ŋɛ̨n naai ŋɛ̨i bɛ̨ɛ̨ Moisə nwɔ hɛɓɛ́i hu, aa too ku mɛ̨i.

Lonon mo 15:31

Mąąhɔlɔɓo, mąą nu a tɛɠɛɓo Yai-Laa woo hu, aa nwɔ tɔ́n gala; gɛ nɛ̨ŋɛ̨n tii wulu a lɛɛ gbɔwɔ nwuɔ̨. Mąąnɛ̨ɛ̨ di nɛɛ dɔ̨nɔ̨ kon ɉu.»

Maafîu 5:19

Yili ɓə gaa mą, nui a dɔ́n ŋɛ̨i nogolo kpɛli kala, əlɛɛ, yɛ nu takpɛliɠaa kalan a tɔ́n gala mɛ̨nį yɛ yaa, mąą nui tii ɓə di kaa pai kɛi mą: lokolo Yálá-taa tɔɔlaa hu. Kɛlaa, nui a dɔ́n ɉɔn, əlɛɛ, ya nu takpɛliɠaa kalan a dɔ́n ɉɔn mɛ̨nį yɛ yaa, ya ɓə di kaa pai kɛi mą: nu kɛnɛ̨ Yálá-taa tɔɔlaa hu.

Gɛlaɠaa 23:3

Nąąlɔwai, Polə yɛ mą: «Yálá ɓə pai ə kɛlɛi! Gaa ləi ŋɛ̨i yɛ, da wee tɛ a pɛlɛ́. Ə́ kaa heeni yɛ́ kiti tee yɛ bələi dɔ́n ə mo la, kɛlaa, yɛ́ dɔ́n mɛlɛkpɛɛmą; yɛ́ kɛ diɛ: di gɛ́lɛ?»

Lomaŋ 3:20

Mąąhɔlɔɓo, yɛnɛ̨ɛ̨ mun dai lɔpee hvo tələnmo li ə́ ɲɛ̨i ɓa, nui lɔpee ta hvo pai tələnmolaa hɔlɔɓoi tɔ́n bɔ yíi ɓoɔ hu. Tɔ́n mə a gɛ, guɔ nɛ̨ŋɛ̨n gɔlɔn.

Lomaŋ 4:15

Mąąhɔlɔɓo lííholi a kulɔ dɔ́n ɉu. Ɓɛi tɔ́n və laa, mɛ̨nį kalaa hvo laa.

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Zĩi 5:15

Laa na laa hvɛli woo a ɲɔ̨n gɛ mun gɔlɔi pono; ɛlɛɛ, gu Nąmu a ɉaŋąn ə ɉee, ə mą kɛ aa nɛ̨ŋɛ̨n ɉəɠə, a nwɔ nɛ̨ŋɛ̨n mąą hvaalɛɛ.

Zɔ̂ŋ Maa-ŋuŋ 5:17

Túwɔ́ pələ ɲɔn gəlee kaa a nɛ̨ŋɛ̨n, kɛlaa, nɛ̨ŋɛ̨n gəlee hvəə a nu lɔ haa hu.

Samuɛlə dɔlɔɔ 15:24

Saulə yɛ Samuɛlə ɓa: «Ŋą́ą́ nɛ̨ŋɛ̨n ɉəɠə, ŋą́ą́ kulɔ Yai-Laa woo mu, ŋą́ą́ ə́ woo pili. Ɲɔw ɓə ŋą́ kɛi mo nuą diɛ, gɛ́ hvaa di woo ɓa.