Zɔ̂ŋ Maa-ŋuŋ 3:18 - Yálá laawoo hɛɓɛ (dc)

¹⁸ Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Yálá laawoo hɛɓɛ

¹⁸ Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Bible

¹⁸ Nîa-pɛlɛɛ, kúfe wɛli-kɛ-maa kɛ̀ nɔ́ a wóo-folo da kúlono-pere. Kɛ́lɛ, fɛ̂ɛ kú gɛ́ kútûa-pere su da tɔ̃yâ-laa.

Zɔ̂ŋ Maa-ŋuŋ 3:18 Iomraidhean Croise

Lɛɛ gbɔwɔ ɓa 33:21

Yai-Laa yɛ mą: «Kɛɛnąą ta kaa ɓɛ gwɛ́lɛ, tɔɔ laa kwɛnin mɛ̨i.

Izikiɛ 33:31

Di kaa pai pai ə́ pɔ, yɛ a kɛ a nuą ɲąąkpɔn ɲələ; Di kaa pai heei ə́ hu, diɛi tii a nwɔ́ nuą, di kaa pai ə́ woo mɛ̨n ɉii, kɛlaa di hva bɔ mɛ̨nį kɛ. Mąąhɔlɔɓo, di laahvɛɛi a kiliŋąhiɛ ɲɔ̨nwɔ̨ɔ̨, ɛlɛɛ di kaa bɔ di yili pɔ túwɔ ɓo, di wɔ kiliŋąhiɛ hvilɛn ŋaai hɛn gɔw ɓa.

Lukə 7:5

Mąąhɔlɔɓo, gu huwu wɛli kaa mą. Ə lɛɛ, gu wɔ Yálá hvɛli pɛlɛ́i ŋɛ̨i gaa ɓɛ, ya ɓə dɔɔ.»

Ɉaan 17:19

Di mąą mɛ̨nį ɓa, ŋą́ą́ gbɔ́wɔ́ mąąhəɠə, əgɛ, diɛ kpɛli di mąą ə həɠə tɛ̨ą hu.

Lomaŋ 12:9

Ka wɛlikɛmąąlaa kɛ a tɛ̨ą, ka ɲɔw mɛ̨nį ma, ká pu dɔwɔ; 'ká mɛ̨nį lɛlɛɛ wɛlilakɛ.

Galatə 5:13

Ka wɛi, ną́n nonnii, ká lɛɛ mɛ̨nį ka kpɔwɔ yee kɔnma mɛ̨nį ɓə, Kristə ə ka təli la, kɛlaa, ká hvo nɛɛ gbɔwɔ yee kɔnma laai ti kaa yɛ, mɛ̨nį ká laa ɉu, káá kɔ́lɔ liiɓa kɛ. Kɛlaa wɛlikɛmąą laa hu, 'ká kɛ a ká keeni di wɔɔ tínuą

Ifisiɛŋ 4:15

Kɛlaa, gwa kɛli tɛ̨ą ɓo wɛlikɛmąąlaa hu, gu kaa pai kɛi kɛnɛ̨i a pələ huwui lɔpee, guɔ li la Kristə pɔ pələ, yai a gu nwun nąmu.

Tɛsalonikə dɔlɔɔ 1:3

bələi ká wɔ laa na laa pɔ túwɔ́ pələ kaa la, ká wɔ wɛlikɛmąą laa, ɛlɛɛ, bələi ká wɔ kilitɔɔmąą laa walawalaai la, diɛi da həɠə gu Nąmu Jesus Kristə pɔ, Yálá ɲɛ̨i ɓa, yiliɠaa kili kaa ku ɲą;

Piɛrə dɔlɔɔ 1:22

Káá ká nįį mąąhəɠə, a lɛɛi ká mo tɛ̨ą woo pulu, əgɛ, ká wɛlikɛmąą laa kɛ, hva kɛ a tɛ ɲɛ̨i mɛ̨nį. 'Ká ká keeni wɛli la kɛ kani, a kwəi kwələ laa, 'ká hvįi hvo kpɛɛ,

Zɔ̂ŋ Maa-ŋuŋ 2:1

Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Zɔ̂ŋ Veerɛi 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Bɛlɛ́-lee-nɛ̨ą tii di ɉəɠə ɉu mą, da nonnii, a yai nwɛli kaa mą́ą́ tɛ̨ą kɛɛ pono hu, ɲą́ą́ danɔ̨n nɔ hvəə, nwɛli kaa mą́ą́, kɛlaa yiiɠaai kpɔ tɛ̨ą kɔlɔnŋąą kaa di yəi diɛ kpɛlimąn;

Zɔ̂ŋ Zaaƃai 1:1

Ɲą́ą́i a nu pɔlɔ-pɔlɔ, ɲą́ą́ ɓə ɉɛɓɛ́i ŋɛ̨i tɛɛi Gaiusə ɓa, yai nwɛli kaa mą́ą́ tɛ̨ą ŋą kɛɛ pono hu.