Zɔ̂ŋ Maa-ŋuŋ 3:12 - Yálá laawoo hɛɓɛ (dc)

¹² Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Yálá laawoo hɛɓɛ

¹² Gu hvo gɛ yɛ Kain, yai kɛ a mɛ̨nį ɲɔ̨n nwɔɔ, ə nəɠə nwun dee. Ə nwun dee lə mɛ̨nį ɓa? Gbala ə tɔɔ, ɲee pɔ mɛ̨nįɠaa ɲɔ̨nwɔ̨ɔ̨i kɛ, ya pa nəɠə nwɛiɠaai haŋąą.

Bible

¹² Kúfe kɛ̀ yɛ̂ɛ Kîŋ nyíi kɛ̀ a ŋ̀wana-lɔ̂ɔ-nuui pɔ́ɔi. È ǹêɣe pàa. Le-mɛni ƃe è bàa lai? Kpɛ́ni fêi, gbîŋ-tua-perei è kɛ̀ a ŋwana-lɔ̂ɔ-tua. Ǹêɣe ŋɔi kɛ́ ƃo a tûa sãa.

Zɔ̂ŋ Maa-ŋuŋ 3:12 Iomraidhean Croise

Zɛnɛse 4:25

Adamə da nɛ̨ą di pənə di lon ɉulɔnu takpɛli hɔlɔɓo, di naa hee a Sɛtə. Ɛvə yɛ diɛ: «Yálá aa hvaa mą, Abɛlə ŋɛ̨i Kain ə baai, aa bɔɔi tɛɛ bɔ́.»

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Mąątɛ̨nɛ̨ 37:12

Nui hva Yálá mąąwiɛ, a lɔgilii kɛ a tələnmomun, yɛ naa hvaną a mąą mɛ̨nį.

Mąątɛ̨nɛ̨ 38:20

Ɲówóɠaa di wɔ yɛnɛ̨ɛ̨ kaa di yəi, di hvaŋą kɛnɛ̨, nuąi nwɛ́likpɛɛ diɛ, diɛ ɓaɠaɓo mąą, di tamąąi.

Hanwon 27:4

Líiholi kaa a kili ɲɔ̨nwɔ̨ɔ̨ ɛlɛɛ, líi kələn gwəi walawalaa, Kɛlaa, gbɛɛ ɓə a pɛli tɔɔi tolo mɛ̨nį la?

Hanwon 29:10

Nuąi ɲąmą pu wɛli kaa diɛ, kwəi kwɛləmun nwɛli hvo diɛ, Kɛlaa, nu haŋąąɠaa di wɛi, kwəi kwələmun mə da gwɛli.

Hanwon 29:27

Bələi lɔ nu ɲɔ̨nwɔ̨ɔ̨ wɛli kpɛɛ la tələnmo nuą diɛ, bələ lɔ ɓə tələnmomun nwɛli kpɛɛ la nwąnąlɔ nuą diɛ.

Maafîu 13:19

Mɔ̨nun gɔw yiiɠaai too bələ kwɛlɛ nwɛ̨nįɠaa diɛ ɲɛɠɛ; mukulaa ɓa, nuąi da Yálá-taa tɔɔlaa mąą wəlɛɛ lɛlɛɛ mɛ̨n di hva ŋąą kaa, ɓilihi a pa ə gulɔ di lii hu.

Maafîu 13:38

Díi ɓaa yɛnɛ̨ɛ̨. Ɉihɛn mąą nuąi a Yálá-taa tɔɔlaa hu nuą. Gala kɔ́w ɲɔ̨nwɔ̨ɔ̨ ɓaa a yiiɠaai di kaa a gbąną-gbąną mun nwɔ nuą.

Maafîu 23:35

Ya ɓə a gɛ, nu haŋąąɠaai daa di ɲąmą pu ɓɛ nɔi ŋɛ̨i ɓa, ə həɠə nu tɔlɔɔ Abɛlə ɓa ə həli la Barasi lon ɉulɔnu Zakari ɓa yai kɛ a nu gbɛli, yii ka baa ɉaláá kulɔ kəhi da Yálá hee pɛlɛ́ di lɔwai, di ɲąmą wulu a lɛɛ ka nwuɔ̨.

Maafîu 27:23

Pilatə yɛ diɛ: «Mɛ̨nį ɲɔ̨n nə kɛ ɓə ə gɛ?» Nuą tii kəlee di tómą kpɔ a di woo kɛnɛ̨, diɛ mą: «Gbanwo! Gbanwo kolɔwa ɓa! Ə haa.»

Maafîu 5:37

Mąąnɛ̨ɛ̨ ka wɔ ‹Ee!› Ə kɛ a ‹Ee›; ka wɔ ‹Kpaa!› Ə kɛ a ‹Kpaa›. Yii kɛa a ɓo mɛ̨nį hveelɛi tii pulu, a kɛ tii yili ə həɠə gbąną mun bɔ.»

Lukə 11:51

Ə həɠə Abɛlə ɓa, ə həli la Zakari ɓa, yai di baa Yálá hee pɛlɛ́ mu, ɉaláá kulɔi da gɛɛnąą mąąhəɠɛɛ di lɔwai. A tɛ̨ą kpɔ-kpɔ gáá moi kaa, gəlee wulu kaa lɛɛi háákələi nuą nwuɔ̨.

Ɉaan 10:32

Jesus ə pənə ə mo diɛ, yɛ diɛ: «Ŋą́ą́ mɛ̨nį lɛlɛɛ tamąą kɛ kaa, yii ŋį́ həɠə la ną́n bɔ; mɛ̨nįɠaa tii, nɛlɛ ɓə ka káá bɔ ka Ɉɔ́ɔ́ mąą mɛ̨nį ɓa?»

Ɉaan 8:40

Kɛlaa, pələi mąn ŋą́ą́ tɛ̨ą ɓo la kaa, yii ŋą́ mɛ̨n Yálá la; ka hvilɛn ŋąąi lɔ búlú kaa ka báá. Abrahamə hvo kɛ túwɔ́ li tii.

Ɉaan 8:41

Kɛlaa, ka wɛi, ka nąn dúwɔ́ pələ ka ŋɛ̨i ka káá gɛi.» Di nwoo pulu pənə diɛ mą: «Ku hvo ɓaa a wɛli lonnii, ku nąn gaa lɔ tɔ̨nɔ̨, ya ɓaa a Yálá.»

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Tɛsalonikə dɔlɔɔ 2:14

Yili ɓa tii, ną́n nonnii, Yálá ŋą kpɔnŋaai di kaa Ɉude, Jesus Kristə hu, káá di pɔɔ kɔɔn; hva gaai, káá kpɛlimąn, káá mɔ̨nɔ̨ mįi ká kaayɔwɔɠaa yəi, yɛ bələi diɛi tii di mįi la Ɉuifəɠaa yəi;

Hebreu 11:4

Laa na laa háálai ɓə gɛ, Abɛlə yɛ haláá lɛlɛɛ kulɔ la Yálá ɓa, ə tɛɛ la Kain nwɛi ɓa. Laa na laa háálai, di mąą kɛla hvaa lɛlɛɛ ɓo, diɛ mą: Dələnmoɔi kɛ. Mąąhɔlɔɓo, Yálá kpinįi ə ɲee hee nwɔ haláá hɛn mu. Abɛlə nwɔ laa na laa mąą mɛ̨nį ɓa, bələi mąn, aa haa la, a kɛ lɔ nii hvaai.

Hebreu 12:24

Káá ká mąąlɛɠɛ Jesus ɓa, yai, gwa Yálá ni gu lɔwai pɛli, əgɛ gu mįnɛ̨ nįnɛ̨ hɔlɔɓo, da ɲąmąi pu, yai viɛlaɓoɔ nwɔ̨nɔ̨, ə tɛɛ Abɛlə nwɛi ɓa.

Piɛrə dɔlɔɔ 4:4

Yili aa kɛ diɛ a kwəi pilimąą, a gaai daa mo, ká diɛni ká hvo kɛa duwɔ pələ ɲɔ̨nŋaa tii mąą gilɛ həɠəi, ɛlɛɛ, diɛ ká laa kala.

Zɔ̂ŋ Maa-ŋuŋ 3:8

Nui a kɛi nɛ̨ŋɛ̨n ɉəɠəi nąnį nwɛi ta li, mąąhɔlɔɓo, ə həɠə kpɔ gɔwɔ tɔɔ yələ ɓa, nąnį kaa lɔ nɛ̨ŋɛ̨n ɉu. Yili mąą mɛ̨nį ɓə, Yálá Lon ə paa la, ə pa, ə nąnį yee pɔɔɠaa hukala.

Zûu 1:11

Kpalo ɓɛlaai diɛ. Mąąhɔlɔɓo, daa hvilɛn Kain túwɔ́ pələ pulu. Daa di kpɔwɔ hvilɛn lan bələ mɛ̨i wali mąą mɛ̨nį ɓa, yɛ bələi Balaamə ə gɛ la. Di nwun na aa pili yɛ Kore.

M̀ɛni-lɛɛi 17:6

Ŋą́ nɛ̨ɛ̨nui tii kaa, mąąhəɠə nuą da Jesus ŋą kɛlaɠaa di ɲąmą aa ɉon yɛ lɔɔ. Gaai ŋį́ mo, gwə́i ə pili kpɔ mą́ą́ kɛnɛ̨.