Zɔ̂ŋ Maa-ŋuŋ 2:8 - Yálá laawoo hɛɓɛ (dc)

⁸ Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.

Yálá laawoo hɛɓɛ

⁸ Ə mą kɛ tii, gaa a tíɓo nįnɛ̨, yii gaa bɛ̨ɛ̨ gɛ dɛɛ káá, yili kaa a tɛ̨ą, yaa tii ɉu, ə mą kɛ ká hu, mąąhɔlɔɓo, kpini aa tɛɛ, ɛlɛɛ, kɛɛ pono leelee kaa hvələi.

Bible

⁸ É máŋ kɛ́ tí, ŋa tɔ̂ŋ nina pɔ̃yɛɛ̂i kápɔ naa nyíi gáa a tɔ̃yâ gbonôi da kákponôi, kpɛ́ni fêi, gbínii káa tɛ̂ɛ, dɔ̃yâ-kwaa-ponoɔi kɛ́ nâa fólo.

Zɔ̂ŋ Maa-ŋuŋ 2:8 Iomraidhean Croise

Mąątɛ̨nɛ̨ 27:1

Davidə nwɔ wələ woo. Yai-Laa ɓə a nwɔ́ kɛɛ pɔ̨nɔ̨, da málomun. Gbɛɛ ɓə ŋą́ pɛli ɲɔwi mą? Yai-Laa ɓə a mą́ą́ kɔ̨nwɔ̨ hį́i. Gbɛɛ ɓə mą́ą́ a kpɛlin ɲɛ̨i ɓa?

Mąątɛ̨nɛ̨ 36:9

Diɛ pilɛ ə́ yəi bɛlɛ́n gɔ̨nɔ̨n nɛ̨ɛ̨ɠaa hu; ɲái yá dɔɔ di la, gaa a yɛnɛ̨ɛ̨ ɲąąnɛ̨ɛ̨ yá.

Mąątɛ̨nɛ̨ 84:11

Hvo gaai, yíikuu tanɔ̨n gbən gɛɛ Ə́ yəi bɛlɛ́n, viɛlaɓoɔi kwɛlan nwaa tɔ̨nɔ̨ ɓa, yili mąą mɛ̨nį ɓa, yii ŋą́ ɉəɠə ɉu a níiɓa, ya ɓaa, viɛlaɓoɔi ŋą́ gɛ nwɔ́ Yálái yəi bɛlɛ́ hvaŋąn mu, ə tɛɛ, nu kɛɛ, nuąi da di woo kala, di yəi bɛlɛ́n ma.

Azaya 9:2

Yáá di wɔ kwəinɛ̨ɛ̨ hu kɛnɛ̨, yáá ɓələn doo di ɉu, di kaa pilii yələi a kwəinɛ̨ɛ̨ ə́ lííla, yɛ bələi da kwəinɛ̨ɛ̨ kulɔ la a mɔ̨nun deei yələ, diɛ tómą a kwəinɛ̨ɛ̨, yɛ bələi da kɛ kɔ́ hon ɲąąkwɛlɛi la.

Maafîu 4:16

Nu huwuɠaai tii di kaa hiɛi kpinį hu, daa kɛɛpono kɛnɛ̨ɛ̨ kaa. Diɛi tii di kaa haa nįnįn mu, kɛɛpono kɛnɛ̨ɛ̨ aa kulɔ di mɛ̨i.»

Lukə 1:79

Ə gɛ, nuą yiiɠaai di kaa kpinį hu, di ɓo haa nįnįn mu, ə di mąą pono; ə lɛɛ, ə tɔɔ ku tɔwɔ liilaa pələ mɛ̨i.»

Ɉaan 1:9

Nwoo tii, ə kɛ a kɛɛ pono kpɔ-kpɔɔ, yii pa yɛnɛ̨ɛ̨, ə gɛ, ə nu kəlee mąą pono.

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 12:46

Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Gɛlaɠaa 17:30

Kɛlaa, ɓɛlɔwai ti nuą kiliŋą hvo kɛ pono li la, Yálá hvo gili lɛɛ li yili hu, yiihu kɛa, gaa moi nu kanŋaa diɛ, yɛ nu kəlee, ɓɛi lɔpee nąą kəlee, di di hɔn mąą pənə.

Gɛlaɠaa 26:18

Yɛ́ di ɲɛ̨i hvoloon, yɛ́ di kulɔ kpinį hu, yɛ́ pa a diɛ kɛɛ pono hu, yɛ́ di kulɔ ɓilihi nwɔ huwalawala yəi, yɛ́ pa a diɛ Yálá pɔ, akɛ tii, da mą́ą́ mɛ̨nį kaa a tɛ̨ą, di nwɔ nɛ̨ŋɛ̨nŋaa mąąhvaa ə lɛɛ; ɛlɛɛ, diɛ di wɔɔ hɔlɔɓo mąąhəɠə nuą kwɛlin ɉu.›»

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Korɛntə veelɛ 8:9

Bələi gu Ną́mu Jesus Kristə ə mɛ̨inɛ̨ɛ̨ kɛ la káá, gbaɠala kaa káá, yaa ti kɛ a hɛn nąmu, ə gbɔwɔ kɛ a yeehvowolomun, ə gɛ, ká kɛ a hɛn nąmįną.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Timote veelɛ 1:10

ya ka, aa too pono ɲą yiihu, gu ɓalomun Jesus Kristə háálai. Ya ɓə haa hukala, ɛlɛɛ, ə ɓalo hva kpɛɛ yɛnɛ̨ɛ̨ lən gu mɛ̨i, nwɛlɛɛ lɛlɛɛ háálai,

Piɛrə dɔlɔɔ 1:21

Yaa ɉáálai, káá laa Yálá la, yai nwun, ə gulɔ haa yəi, ə gɔ a mąąwiɛlaa, gɛ pələi tii, ká wɔɔ laa na laa, da wɔɔ kilitɔɔmąą laa kɔwɔ hvilɛnŋąąi la Yálá ɓa.

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 4:11

Nwɛ́likɛmąą nuą, akɛ Yálá aa gu wɛlila kɛ pələ kɛ ti, guɔ kpɛlimąn, mąąnɛ̨ɛ̨ gu gu keeni wɛlila kɛ.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.