Zɔ̂ŋ Maa-ŋuŋ 2:7 - Yálá laawoo hɛɓɛ (dc)

⁷ Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Yálá laawoo hɛɓɛ

⁷ Nwɛ́likɛmąą nuą, tíɓo nįnɛ̨ hvo gáá dɛɛi káá, kɛlaa, bɔlɔ-pɔlɔ tii lɔ ɓə, yai ká yee kaa mą, ə həɠə gbala tɔɔ yələ ɓa, díɓo pɔlɔi ti ɓaa a, nwoo ká mɛ̨n.

Bible

⁷ Ŋáwɛli-kɛ maa-ƃelai, fé tɔ̂ŋ nina pɔ̃yɛɛ̂i kápɔ naa, kɛ́lɛ, dɔ̂ŋ pɔlɔi nyíi kɛ̀ káyêei é kúla gɔ́ɔ pîlanii mai ƃê. Dɔ̂ŋ pɔlɔi ƃa ŋ̀óoi nyíi ka m̀ɛnii.

Zɔ̂ŋ Maa-ŋuŋ 2:7 Iomraidhean Croise

Levetekɔ 19:18

'Hvó ə́ nwąną kulɔ, 'hvo ka wɔ lɔi hu nuą hɔn ɉee ə́ kwəi. Ə́ ɓɛlan gaalon nwɛli la kɛ yɛ ə́ kpinį. Ɲą́ą́ ɓə gáá a Yai-Laa.

Levetekɔ 19:34

Mąąnɛ̨ɛ̨ ka nwɛ̨ą hon yɛ nɔi lon da, yɛ ka ta. Nwɛli la kɛ yɛ ə́ kpinį, mąąhɔlɔɓo, kaa kpɛli ka kɛ a nwɛ̨ą Eziptə lɔi hu. Ɲą́ą́ ɓə gáá a Yai-Laa ka wɔ Yálá.

Maafîu 5:43

«Ka mɛ̨n di mo ka kąlą pɔlɔni diɛ: ‹Ə́ ɓɛlan gaa lon nwɛli la kɛ, ə́ ə́ yowo wɛli kpɛɛ yɛ́.›

Ɉaan 13:34

Gáá nwɔ̨nɔ̨ tíɓo nįnɛ̨ tɛɛi ka pɔ, ya ɓaa: Ka ka kee ni wɛli la kɛ yɛ bələi ŋą́ ka wɛli la kɛ la.

Gɛlaɠaa 17:19

Di Polə hon də li la nɔi ɲąąwooɓo nuą liila diɛ mą: «Galan nįnɛ̨i ŋɛ̨i ə́ kaa gɛi, yá pɛli ɉukulaa lɛi kuɔ, ku gaai?

Dutɛrɔnome 6:5

Ka Yai-Laa ka wɔ Yálái wɛlilakɛ a ka kwəi tɔ̨nɔ̨, a ka kpinįi kəlee, da ka wɔ huwalawala kəlee.

Hebreu 6:9

Yii ɓaa ká wɛi, nwɛ́likɛmąą nuą, ku mą kɛ mɛ̨nįɠaa ti ɓoi, ku laai na kuɔ: Ká káá bələ haŋąa mɛ̨i, yai a ɓalo pələ.

Zɔ̂ŋ Maa-ŋuŋ 2:24

Ká wɛi, nwɛlɛɛi ká mɛ̨n a gɔwɔ tɔɔ yələ ə ɉeei kulɔ ká hu. Akɛ, ɉeei kulɔ ká hui, nwɛlɛɛ ŋɛ̨i ká mɛ̨n a gɔwɔ tɔɔ yələ, káá kpɛlimąn, ká káá pai, ká heei hɔlɔɓoi Non da Nąn di hu;

Zɔ̂ŋ Maa-ŋuŋ 3:11

Mąąhɔlɔɓo, nwɛlɛɛi tii ká mɛ̨n a gɔɔ tɔɔ yələ, ya ɓaa: Gu gu keeni wɛlila kɛ.

Zɔ̂ŋ Maa-ŋuŋ 3:2

Nwɛ́likɛmąą nuą, yiihu kɛa, gu kaa a Yálá lonnii, kɛlaa, bələi tínąą gwa kɛ la, hvo ni too li pono ɲą. Gu kili kaa ɉu, ɲələi gaa pai tooi la pono ɲą, gu kɛ pələ kaa pai kɛi yɛ, yaa, hvó gaai, gu ɲɛ̨i a tɔɔ mą, yɛ bələi gaa la.

Zɔ̂ŋ Maa-ŋuŋ 3:21

Nwɛ́likɛmąą nuą, a kɛ gu lii a wala gu hɔnmoi, gwa pɛli gu gu woo tɛ Yálá pɔ pələ a kilitɔɔmąą laa;

Zɔ̂ŋ Maa-ŋuŋ 3:23

Ɛlɛɛ, nwɔ tíɓoi ka: 'Ká kąnąn Non Jesus Kristə ɓa a laa na laa, ɛlɛɛ, gu gu keeni wɛlila kɛ; yɛ bələi Yaa tii a Jesus ə gu tí la.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zɔ̂ŋ Maa-ŋuŋ 4:11

Nwɛ́likɛmąą nuą, akɛ Yálá aa gu wɛlila kɛ pələ kɛ ti, guɔ kpɛlimąn, mąąnɛ̨ɛ̨ gu gu keeni wɛlila kɛ.

Zɔ̂ŋ Maa-ŋuŋ 4:21

Ɛlɛɛ, díɓoi ku ɉɔlɔɓo ɲəi, ya ka: Nui Yálá wɛli kaa mą, 'ə nąn non nwɛlila kɛ.

Zɔ̂ŋ Maa-ŋuŋ 4:7

Nwɛ́likɛmąą nuą, 'ká gu gu keeni wɛlilakɛ, mąąhɔlɔɓo, wɛlikɛmąąlaa a həɠə Yálá pɔ, nui wɛlikɛmąąlaa kaa ɉu, Yálá lon ni, ɛlɛɛ, a pɛli həlii Yálá kɔlɔnŋąą ɓa.