Zɔ̂ŋ Maa-ŋuŋ 2:18 - Yálá laawoo hɛɓɛ (dc)

¹⁸ Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Yálá laawoo hɛɓɛ

¹⁸ Nónnii pɛlɛɛɠaa, vóló gbɛlamąą ka. 'Ká mɛ̨n, diɛ kɛ diɛ: Kristə ɲowo kaa pai; Yaan, Yiihu kɛa Kristə ɲowoɠaa tamąą kaa ɓɛ, yili ɓə gwa gbaɠala kɔlɔn na guɔ, vóló gbɛlamąą aa həli.

Bible

¹⁸ Nîa-pɛlɛɛ, tãi gbɛɛ ŋái ká yɛ̂ɛ berei ka mɛni la a gɛɛ Kôrai ŋɔtɔɔ-maa-nuu a pâi, ŋɔtɔɔ-maa-ƃela támaa da nâa pá. Maa-mɛni ma kwa gɔ́lɔŋ a gɛɛ gáa a tãi gbɛɛ ŋái.

Zɔ̂ŋ Maa-ŋuŋ 2:18 Iomraidhean Croise

Maafîu 24:11

Lɛɛ kɛla tamąą kaa pai di muhəɠəi diɛ nu tamąą ɓowo.

Maafîu 24:24

Mąąhɔlɔɓo, lɛɛ kɛla tamąą kaa pai pai, da lɛɛ nuą tamąą diɛ kɛ diɛ: Nwun mąąɓomun mąą a ɲą́ą́. Ɛlɛɛ diɛ kpalo mɛ̨nį tamąą kɛ, da kwəi pili mąą mɛ̨nįɠaa, ə gɛ, di nuą ɓowo, a kɛ kɛ di yee a pɛli, dəli kɛ Yálá nwɔ nu mąąhəɠɛɛɠaai diɛ kpɛli di ɓowo.

Maafîu 24:5

Mąąhɔlɔɓo, nu tamąą kaa pai pai náá hu diɛ kɛ mą: ‹Ɲą́ą́ ɓə gaa a Nwun mąąɓomun Yálá ə naakwɛlanmo.› Di kaa pai kɛi nu tamąą ɓowo, diɛ di nwun ɉu lan.

Markə 13:6

Nu tamąą kaa pai pai ɲą́ą́ náá hu, diɛ kɛ diɛ: ‹Nwun mąąɓomun Yálá ə naakwɛlanmo, ya ɓaa a ɲą́ą́.› Di ka pai nu tamąą ɓowoi.

Ɉaan 21:5

Jesus yɛ diɛ: «Lɛapɛlɛɛ! Kaa hɔ̨nwɔ̨lee hon?» Diɛ mą: «Kpaa-o!»

Lomaŋ 13:11

'Ka ka keeni wɛli la kɛ, mąąhɔlɔɓo, nɔwai ŋɛ̨i gu kaa ɉu ka gɔlɔn. Ká ɲįnąąɓoi lɔwai ka. Hvó gaai, nwun mąąɓo mąą aa kpuɔ guɔ yiihu, ə tɛɛ la ɲələi gu laa la Kristə la, ɲələ ɓa.

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Hebreu 1:2

ya ka, yiihui ŋɛ̨i, gu kaa kɛa la vóló gbɛlamąąɠaa hu, aa pələ ɓo guɔ, Non ɉu pələ, yai ə ɉee a gwɛlin gəlee həɠəmun, a yai ə yɛnɛ̨ɛ̨ kəlee pɛli la.

Piɛrə dɔlɔɔ 1:20

yai di gbɛa ɉəɠə ɉu gɛɛ yɛnɛ̨ɛ̨ kɔwɔ hvo tɔɔ, ə too pono ɲą a ɲąąkpɛɛi lɔwai, ká mąą mɛ̨ni ɓa.

Piɛrə dɔlɔɔ 1:5

a káái Yálá ŋą hvaŋą yee kaa káá, laa na laa háálai, ɓalo mɛ̨nįi ɉɛ̨ą yiliɛi, doo mɛ̨nį ɓa pono ɲą, ɲąąkpɛɛi lɔwai.

Piɛrə dɔlɔɔ 4:7

Hɛn gəlee ɲąąkpɛɛi lɔwai aa lɛɠɛ. 'Ká kili mɛ̨nį kɛ, 'ká yee ə pɛli ká koolon ma, káá pɛli Yálá hvɛlii.

Piɛrə veelɛ 2:1

Tɔlɔɔ tɔlɔɔ, lɛɛ loloɓo nuą di kɛ Yálá nwɔ nuą lɔwai; kaa kpɛli, lɛɛ kalan gɛ nuą kaa pai kɛi ka lɔwai. Di kaa pai lɛɛ kalan bələ tamąą lɔi ka lɔwai, ə lɛɛ, diɛ lənə di Nwun Nąmu Jesus ɓa, yii di nwun mąąɓo, yili pulu, diɛ nwun napili mąą kpuɔ di kpɔɔ ɓa.

Piɛrə veelɛ 3:3

Ka ka kili lɛɛ ɉu kaa diɛ: Yɛnɛ̨ɛ̨ ɲąąkpɛɛi lɔwai, nu tamąą kaa pai kɛi túwɔ́i yɛ pələi di kpɔɔ kiliŋąhiɛ kaa la. Ə lɛɛ, diɛ yɛlɛ kulɔ ka hu.

Zɔ̂ŋ Maa-ŋuŋ 2:22

Gbɛɛ ɓə gaa a lɛɛmun akɛ nui a lənə Jesus ŋą Kristə laa ɓa, ya hvəə? Ɓɛ kaa, Kristə ɲowo ɓaa, nui a lənə Ną́n Yálá da Nón diɛ.

Zɔ̂ŋ Maa-ŋuŋ 4:1

Nwɛ́likɛmąą nuą, 'ká hvo laa mąąkwɛli kɛ nuą kəlee woo la, kɛlaa, 'ká di mąąkpɛɛ, ə gɛ, ká gaa, akɛ ə həɠə Yálá pɔ; mąąhɔlɔɓo, lɛɛ nuą tamąą daa di kpɔwɔ kɛ a Yálá kwəi mɛ̨nį hukulɔ nuą daa taɠa-taɠa yɛnɛ̨ɛ̨ nąą kəlee.

Zɔ̂ŋ Maa-ŋuŋ 4:3

ɛlɛɛ, nuą mąąkwɛli kilii a Jesus ɓɛlaɓo Yálá nwɛi hvə li, Kristə ɲowo li, yai ká bələ mɛ̨n, diɛ kɛ, gaa pai, ɛlɛɛ, gaamun hɔlɔɔ kɛa yɛnɛ̨ɛ̨.

Zɔ̂ŋ Veerɛi 1:7

Mąąhɔlɔɓo, nu ɲąąhɛn nuą tamąą daa taɠa-taɠa yɛnɛ̨ɛ̨, Di hvo laa li Jesus Kristə kɛ mɛ̨nį a nu, na. Ya ka tii, a ɲąąhɛn kɛmun tii, a Kristə ɲowoi tii!

Zûu 1:18

Di mo kaa diɛ: yɛnɛ̨ɛ̨ ɲąąkpɛɛi lɔwai, nuą kaa pai kɛi yɛ́lɛ́i kaa, di hvilɛn ŋąą di kpɔwɔ liiɓa pulu diɛ gɛ.