Zɔ̂ŋ Maa-ŋuŋ 2:16 - Yálá laawoo hɛɓɛ (dc)

¹⁶ Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Yálá laawoo hɛɓɛ

¹⁶ Gbala ə tɔɔ, mɛ̨nįɠaai ɲɛnɛ̨ɛ̨ ŋɛ̨i hu diɛ ɓaa: kɔlɔ liiɓa mɛ̨nįɠaa, ɲɛ̨i kɔw nwɛiɠaa ɛlɛɛ, da nu kilitɔɔ mɛ̨nį, ɲəi hɛnŋaa diɛ, a kpɔwɔ ɲąąkɛnɛ̨, di hva həɠə Nąn Yálá pɔ pələ, yɛnɛ̨ɛ̨ ɓɛ mɛ̨nįɠaa li.

Bible

¹⁶ Kpɛ́ni fêi, sɛŋ kélee gáa ŋ̀éniɛi sui, núu kpono ŋɔsɛŋ-wɛliɛ, núu ŋ́ɛi ŋɔsɛŋ-wɛliɛ da fulu-laa maa-yoŋka-teɛɛ dífe kula ni Nàŋ-nuui yêei, kɛ́lɛ, díkaa a ŋ̀éniɛi su-sãa.

Zɔ̂ŋ Maa-ŋuŋ 2:16 Iomraidhean Croise

Zɛnɛse 3:6

Nɛ̨ɛ̨nu ə nwului tii ma kaa, ə mąąkpɛɛ, nɛlɛɛ, ɛlɛɛ, ə mį́i wɛli too mą, ə gaa, yɛ kɛ, yii, a pɛli ə nu kili too ɲəi. Nɛ̨ɛ̨nu ə nɛɛ mą, ə nwulu ɓai tii ta kulɔ, ə mį́i; yili pulu, ɉilɛ yɛ ɓo tɔɔni gwɛlɛ, ə da tɛɛ yili pɔ, yili yaan, ə nwɛi mį́i.

Zɛnɛse 6:2

Yálá lon ɉinąą di lɔi mɛ̨i nɛ̨ąą lɛlɛi kaa, diɛ daɠaa həɠə a di nɛ̨ąni.

Zôo 31:1

Kwa ɲɛ̨́i kɔ́w ku mįnɛ̨ həɠə, hvo halakpɛla kaa hįį.

Mąątɛ̨nɛ̨ 73:6

Yili mąą mɛ̨nį ɓa, kpɔwɔŋaa kɛnɛ̨ ɓə a di kwąną həɠə, nwąnąlɔ mɛ̨nį ə ɓo di yee pɔ.

Mąątɛ̨nɛ̨ 78:18

Di gili, diɛ gɛ, diɛ Yálá woo kwɛli, diɛ kɔ̨nɔ̨n ɉu hvɛli mą, diɛ mįi a di liiɓa pələ.

Mąątɛ̨nɛ̨ 78:30

Kɛlaa mɛ̨nįi kpɔ nwɛli ə kɛ diɛ, gəlee hvo ni kɛ di yəi; di laa hvɛɛi lɔ ni kɛ.

Hanwon 27:20

Ɲąmuątaa da kámą di hva pilɛ, bələ lɔ ɓə nu ɲɛ̨ikɔw hva pilɛ la.

Hanwon 6:25

Nɛ̨ɛ̨nu taaləi tii ə mą kɛ a nɛlɛɛ, ə́ ɲɛ̨i hvo kulɔ bɔ 'hvó nɛɛ laa, ɲɛ̨ilai hvo ə́ yala.

Danîa 4:30

Nąąlɔwai tii hu kpɔlɔ, nwoo tii laa ə hvɛɛ Nabukodonosorə ɓa. Yálá ə gulɔ nuą lɔwai, yɛ kala nwunu mįi yɛ Nįŋɛ̨, luwuluwu tulɔ ə lɛɛ pui ma, nwun nəɠa ə kwɛa yɛ kuwɔ ləɠa, gɔwɔ ɲąnįnŋaa di kɛ yɛ nwɛ̨nį nwɛi.

Lonon mo 11:34

Di gɛɛnąąi tii laa hee a Kivrotə-Taawa; mąąhɔlɔɓo, nąą ɓə nuąi kpɔ nii pɔ tee mɛ̨nį kɛ di di powa loo laa.

Lonon mo 11:4

Israɛlə lonnii lɔwai, nwɛ̨ą ɲɛ̨i tamąą di kɛ laa. Ɲɛikulɔ ɓɔ ə lɔ di hu, da Israɛlə lonnii, diɛ kɛa di woolaa, diɛ kɛ mą: «Gbɛɛ ɓə pai hvɛnɛ̨ hɛn dɛɛi ku pɔ, ku mįi!

Maafîu 4:8

Nąnį ə ɉəɠə laa ə li la nwɔ̨nɔ̨ yee kɛnɛ̨ ta tona; ə yɛnɛ̨ɛ̨ tɔɔlaaɠaa kəlee da ɉu mąąwiɛ lɛ mą.

Maafîu 5:28

Kɛlaa, nwɛ́i gáá moi kaa, nui lɔpee a nɛ̨ɛ̨nu ta kaa, ɲɛ̨i a kulɔ bɔ nwɔ kiliŋąhiɛ hu, a kɛti a gbɛa láá a mąąnɛ̨ɛ̨nu.

Lukə 4:5

Nąnį ə ɉəɠə ə li la yee kwɛa ta tonna ə yɛnɛ̨ɛ̨ tɔɔlaaɠaa kəlee lɛ mą kpɔlɔ ŋąąɓa.

Lomaŋ 13:14

Kɛlaa, ka gu, gu Ną́mu Jesus Kristə kɛ a gu kwąną həɠə, 'ká hvo ká kpɔwɔ lɛɛ kɔlɔ yeekɔnma, ɲɛ̨ikulɔ bɔ laa yɛ hee la ká mɛ̨i.

Korɛntə dɔlɔɔ 10:6

Mɛ̨nįɠaai tii di kɛ tii, ə gɛ, ə kɛ háákələi gu yəi a mɛ̨nį kɔ́ɔn mąą, ə gɛ, gu ɲɛ̨i hvo pa kulɔ mɛ̨nį ɲɔ̨n bɔ, yɛ bələi di ɲɛ̨i ə kula bɔ.

Galatə 5:17

Gbala ə tɔɔ, kɔlɔ a tɔɔ Kili la, Kili yɛ tɔɔ kɔlɔ la, kɔ heɛi di lɔwai, yili ɓa, 'ká hvo mɛ̨nį ta kɛ lɔ a ká liiɓa.

Galatə 5:24

Nuąi a Kristə nwɛiɠaa, daa kɔlɔ da ɲee pɔ mɛ̨nįɠaa da niiɓa mɛ̨nįɠaa kəlee kpanwo kolɔwa ɓa.

Ifisiɛŋ 2:3

Gu kəlee gu kɛ a di ta, gu kəlee gu kɛi gu kpɔwɔ tɛɛ gu kɔlɔ liiɓa mɛ̨nįɠaa pɔ, guɔ niiɓa mɛ̨nįɠaa kɛ, gu hvilɛnŋąą kɔlɔ liiɓa mɛ̨ni pulu; ɛlɛɛ, gu kaa pələ hu, gu kɛ a nuąi Yálá ŋą liiholui hvilɛnŋąą di pulu, lɔ yɛ nu takpɛliɠaa.

Taitɔ 2:12

Mɛ̨inɛ̨ɛ̨i tii a gu mąąkwɛli a gu yee kulɔ mɛ̨nį túwɔ́ pələ ɲɔ̨nŋaa hu da yɛ̨nɛ̨ɛ̨ liiɓa mɛ̨nįɠaa, əgɛ, gu yɛnɛ̨ɛ̨ kɛ yiihu, a ɉaŋąą, a Yálá liiɓa,

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Zĩi 3:15

Gili yili hva həɠə yələi pələ, gaa a lɔi mɛ̨i kili, a huwɔ kili, a ɓilihi kili.

Zĩi 4:16

Kɛlaa, yiihu, ká ká kpɔɔ ɲąą kɛnɛ̨ kaa ka hunɛɛ, gbɔwɔ ɲąą kɛnɛ̨ huwui ti ɲɔ̨nwɔ̨ɔ̨i.

Zasua 7:21

Gɔ pulu hɛnŋąąi tii lɔwai, ŋį́ lɔ́həɠə lɛlɛɛ ta kaa laa, yii da həɠə la Sinearə; wali kwələ nwun veelɛ, da hɛni kpuwulu kɛnɛ̨ yii kɛ mu wia kpɔ kɛnɛ̨. Ɲɛ̨́i ə kulɔ bɔ, ŋį́ ɉəɠə, ŋį́ li la, ŋą́ di loo nwɔ́ həɠə pɛ́lɛ́i ɉąąi, nwɔ̨n dinįi; nwali tii kaa laani ɉɛnəŋąą mu nɔi mu.»

Piɛrə dɔlɔɔ 1:14

Ká gɛ yɛ woo mɛ̨n nɛapɛlɛɛ, ɲɛ̨i kulɔ bɔ laa tɔlɔɔi ká kɛ ɉu ká tɛɠii, 'ká hvo kɛa ká kɔɔn mą;

Piɛrə dɔlɔɔ 2:11

Nwɛ́likɛmąą nuą, gáá ká hvaŋąlɔ, káái yɛ tɛɛ nuą da nwɛ̨ąą, 'ka hvo ká ɲɛ̨i kulɔ yɛnɛ̨ɛ̨ hɛn da pɔ, yai a kɔ́ pɛlɛ nu nįį ɓa.

Piɛrə veelɛ 2:10

Nuąi Yálá kaa pai di tooi gaho ŋą, diɛ ɓaa: Nuąi di hvilɛn ŋąą i di kpɔɔ liiɓa pili diɛ gɛ, diɛ Yálá nwɔ kɛnɛ̨ laa ɓɛlɛkpɛɛ ma. Nɛɛ kalan gɛ nuą ŋɛ̨i ŋį́ di mąą mɛ̨nį ɓo kaa, di laai di kpɔɔ la, di hva ɲɔw Yálá nwɔ pɛli hɛnŋąa mąąwiaɠaai di kaa yələkɔlɔn ɉu diɛ, diɛ nwɔ̨nɔ̨ di lalan.

Piɛrə veelɛ 2:18

Da kpɔɔ ɲąą kɛnɛ̨ wooɠaa ɓo da kili kpɛɛ yəi woo. Nuąi daa gɛ pələ kwɛli mą daa kulɔ mɛ̨nį ɲɔ̨n gɛ nuą yee mu, nɛɛ kalan gɛ nuą ti, da gɛ pələ kwɛli mą, di pənə nwɔ̨nɔ̨ diɛ di hon bələ kwɛli a mɛ̨nį ɲɔ̨n giliŋąhiɛi gaa diɛ.