Zɔ̂ŋ Maa-ŋuŋ 2:11 - Yálá laawoo hɛɓɛ (dc)

¹¹ Kɛlaa, nui nąn non nwɛli kpɛɛ mą, gaa kpini hu, yɛ hiɛ kpini mu, hvo nií pələ kɔlɔn; mąąhɔlɔɓo, kpini aa ɲɛ̨i pu.

Yálá laawoo hɛɓɛ

¹¹ Kɛlaa, nui nąn non nwɛli kpɛɛ mą, gaa kpini hu, yɛ hiɛ kpini mu, hvo nií pələ kɔlɔn; mąąhɔlɔɓo, kpini aa ɲɛ̨i pu.

Bible

¹¹ Kɛ́lɛ, ǹúui a m̀arâŋ-nuu kpɔ̀arai, gáa gbínii su, gɛ sia gbínii su, vé ƃɛ́i kɔ́lɔŋ a liî naai, kpɛ́ni fêi, gbínii a ŋ̀ɛi pú.

Zɔ̂ŋ Maa-ŋuŋ 2:11 Iomraidhean Croise

Samia Veerɛi 13:22

Absalɔn hvo mɛ̨nį lɔpee ta ɓo Amnɔn laa mɛ̨i a ɲɔ̨nwɔ̨ɔ̨ ə mą kɛ a nɛlɛɛ. Kɛlaa, nwɛli ə kpɛɛ mą, mąąhɔlɔɓo, aa too mąąhala Tamarə mɛ̨i.

Hanwon 4:19

Nwąnąlɔ nuą di wɔ pələi hu kpinįɛ, hɛn a di too, di hva gaa.

Ikilisiati 2:14

Mąąhɔlɔɓo, kilimąą mun ə ɉiɛ pələ kɔ́lɔn, Kɛlaa, kilikpɛɛgwəi mun a kɛ hiɛi yɛ ɲɛ̨ipumun yɛ ɲee pɛlɛ ɓɛ-ɓɛ. Ŋą́ mɛ̨nį tɔ̨nɔ̨ kɔlɔn, ya ɓaa; nu hveelɛi tii, mɛ̨nį tɔ̨nɔ̨ ɓə di mąąkpɔn ɉi.

Levetekɔ 19:17

«Yowolaa hvo kɛ ə́ kwəi yɛ hvilɛn na ə́ kaayɔwɔ ta ɓa. Ə́ ɓɛlan gaalon ɉutɔɔ, ə gɛ nɛ̨ŋɛ̨n da wulu hvo pa lɛɛ ə́ nwuɔ̨.

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 12:40

«Ə di ɲɛ̨i pu, ə di kili walawala, əgɛ, di ɲɛ̨i hvo pa kɛɛ kaa, ɛlɛɛ, di kili hvo pa mɛ̨nį hukpɛ; diɛ pɛli di hɔn mɛ̨ɛ̨ pənəi. Və́ pa di mąą ɲɔ̨nŋąą kpɛɛ.»

Korɛntə veelɛ 3:14

Kɛlaa, di kili hu ə kpinį, ə mą kɛ yiihu ɓə, da kɛli mįnɛ̨ həɠɛɛ tɔlɔɔ hu woo ɓo, ɉəɠə ɓɛlai tii kaa lɔ ni laa, hvo ni həɠə li laa; mąąhɔlɔɓo, Kristə hu ɓə a həɠə la laa.

Korɛntə veelɛ 4:4

A diɛi tii di hvo laai nwɛlɛɛ lɛlɛɛ la, diɛi, ɲɛnɛ̨ɛ̨ ŋɛ̨i hu yálá aa di kili ɲɛ̨i wolo, ə gɛ, di hvo pa nəi Kristə ŋą mąąwiɛlaa mąą wɛlɛɛ lɛlɛɛ kaa, a Kristə yai gaa a Yálá mąąnįnįn.

Taitɔ 3:3

Mąąhɔlɔɓo, guɔ kpɛlimąn, gu wɔlɔ kɛ yɛ diɛ, gu hvo kɛli mɛ̨nį ta kpaɠala kaa, gu kwɛli teɛ, gu lanŋąą, guɔ ɓo nu kan niiɓa mɛ̨nį kəlee yee kɔnma, gu tolɔɔ, guɔ wɛlikpɛɛmąą laa kulɔ a gu keeni.

Piɛrə veelɛ 1:9

Yaan, nui mɛ̨nįɠaa ti hvo ɲəi, mąą nu kaa yɛ ɲɛ̨ipumun, yɛ ɲee pɛlɛ ɓɛ-ɓɛ, hvo kpɛli gɔlɔn akɛ daa wɔlɔ gɛ nɛ̨ŋɛ̨nŋąa mąąhvaalɛɛ.

Zɔ̂ŋ Maa-ŋuŋ 1:6

Gwa kɛ diɛ gwa Yálá ni gu kaa ɉu tɔnɔ, guɔn, guɔ hiɛ kpini hu, a kɛ ti gu kaa lɛɛ kɛi, ɛlɛɛ, gu hvo tɛ̨ą ɓoi.

Zɔ̂ŋ Maa-ŋuŋ 2:10

Nui nąn non nwɛli kaa mą, gaa kɛɛ pono hu, ɛlɛɛ, hɔn da hvo mą, yɛ pɛli dooi.

Zɔ̂ŋ Maa-ŋuŋ 2:9

Nui a kɛ diɛ, gaa kɛɛ pono hu, kɛlaa, nąn non nwɛli kpɛɛ mą, akɛ tii, mąą nu kaa lɔ ni kpini hu.

Zɔ̂ŋ Maa-ŋuŋ 3:15

Nui nąn non nwɛli hvo mą, nu paamun ni. Ɛlɛɛ, káá kpinįi ká kili kaa ɉu, yíipoo hvo nu paamun ɉu.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!

M̀ɛni-lɛɛi 3:17

Gbala ə tɔɔ, yá kɛ kɛi diɛ: ‹Hɛn gɔw kaa ɲə́i, mą́ą́ kpaan və hɛn da ɓa›, ɛlɛɛ, ə́ kili hvo ɉu, yɛ́ kɛ, ə́ hvɛɠɛɛi, ə́ mąąwɛliɛ, ə́ yee ɲą kpɛɛ, ə́ ɲɛ̨i puɔ, ɛlɛɛ, yɛ́ ɓo a ə́ kpuwulu,