Zɔ̂ŋ Maa-ŋuŋ 2:1 - Yálá laawoo hɛɓɛ (dc)

¹ Nónii pɛlɛɛɠaa, gáá ɉɛɓɛ́ ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Yálá laawoo hɛɓɛ

¹ Nónii pɛlɛɛɠaa, gáá ɉɛɓɛi ŋɛ̨i tɛɛ kaa, ə gɛ, ká hvo nɛ̨ŋɛ̨n ɉəɠə. Kɛlaa, ká ta a nɛ̨ŋɛ̨n ɉəɠəi, gu mąą nɛ̨ɛ̨mąą hvə mun gaa Ną́n Yálá kwɛlɛ, ya ɓaa a Jesus Kristə yai dəlimoɔ.

Bible

¹ Nónîi, ŋa mɛnii ŋí pɔ̃yɛɛ̂i kápɔ naa a gɛɛ káfe sɔnyɔ̂ŋ kɛ̀. Kɛ́lɛ, à kɛ̀ núu da à sɔnyɔ̂ŋ kɛ̀, kúmɛi-woo ƃo-nuu káa naa Nàŋ-nuui pɔ́ naa, ǹyaa ƃa dɔ̃yâ-nuui Zîsɛ Kôrai.

Zɔ̂ŋ Maa-ŋuŋ 2:1 Iomraidhean Croise

Mąątɛ̨nɛ̨ 4:4

Ka kili ə kɛ ɉu, káá, Yai-Laa aa bílɛ a nwɔ mɛ̨inɛ̨ɛ̨ níiɓamun mąą mɛ̨nį ɓa. Ŋą́ Yai-Laa təli, aa nwóó mu hon.

Izikiɛ 3:21

Kɛlɛɛ, ya tələnmomun gili ɲą pɔ̨nɔ̨, dələnmomun ti hvo pa nəi nɛ̨ŋɛ̨n ɉəɠə; ɛlɛɛ yaan hva nɛ̨ŋɛ̨n ɉəɠə, gaa pai lɛɛi yɛnɛ̨ɛ̨; mąąhɔlɔɓo di gili ɲą pɔ̨nɔ̨, yɛ́ kpɛlimąn, yá kulɔ ɉu nɛ̨ŋɛ̨kpɛlɛɛ.»

Zakari 9:9

'Pili yələi a kwəinɛ̨ɛ̨, Siɔn nɛ̨ɛ̨gbɛla! 'Tómą a kwəinɛ̨ɛ̨, Ɉerusalɛmə nɛ̨ɛ̨gbɛla! Ə́ wɔ tɔɔmun gaa pai ə́ pɔ, dələnmoɔ, ɛlɛɛ, gɔ́ aa nɛ̨ɛ̨ mą, hva nwun dɛ, gaa heeni hvoohvaalən mɛ̨i, hvoohvaalən non mɛ̨i.

Lukə 10:22

«Nán Yálá aa huwalawala kəlee tɛɛ bɔ́; nu ta hvo Non gɔ́lɔn, hvo kɛ li lɔ Nąn; nu ta hvo Nąn gɔlɔn, hvo kɛ li lɔ Non, da nui Non a kɛ bɔ ə Nąn nɛ mą.»

Ɉaan 10:15

Yɛ bələi ną́n ə gɔ́lɔn na, pələ lɔ ɓə ɲą́ą́ gbɛli ŋį́ ną́n gɔlɔn na, ŋį́ gbɔ́ɔ́ kwɛlɛ nwɔ́ ɓɛlaaɠaai mąą mɛ̨nį ɓa.

Ɉaan 13:33

Nónni, və́ kɛa pai lamui ka pɔ, ka káá pai kɛi gwɛ́li; kɛlaa, yɛ pələi ŋą́ mo la Ɉuifəɠaa diɛ gɛ́ diɛ: ‹Ɓɛi gáá lii laa ka hva pɛli lii laa›, bələ lɔ ɓə nwɔ̨nɔ̨ gáá moi la kaa.

Ɉaan 14:16

Ə lɛɛ, ŋą mo Ną́n Yálá ɓa ə ka mąąkɔ̨nwɔ̨ mun dɛɛ, yii ka diɛni ka lɛɛ ka kee ɓa a yələ kəlee.

Ɉaan 14:6

Jesus yɛ mą: «Ɲą́ą́ ɓə gáá a bələ gɛ́ ɓo a tɛ̨ą, gɛ́ ɓo a yɛnɛ̨ɛ̨ kpɛɛ hvo mą. Nu ta hva pɛli lii Ną́n Yálá pɔɔli akɛ hvo tɛɛ li ɲą́ą́ bɔ pələ.

Ɉaan 21:5

Jesus yɛ diɛ: «Lɛapɛlɛɛ! Kaa hɔ̨nwɔ̨lee hon?» Diɛ mą: «Kpaa-o!»

Ɉaan 5:14

Nąąta wolo gɛɛ, Jesus ə gaa Yálá hee pɛlɛ́ mu, yɛ mą: «Yii kɛa ə́ kɔ́lɔi aa pono, hvó kɛa nɛ̨ŋɛ̨n ɉəɠə, əgɛ, mɛ̨nį nwąnąą ta hvo pa laa yɛ́, hvo tɛɛ yili ɓa.»

Ɉaan 5:36

Kɛlaa, nwɛ́i, nwɔ́ kɛla hvaai kɛnɛ̨i dɛɛ Ɉaan ɓa. Golóɠaai Ną́n ə dɔ́ɔ́ yɛ ŋį́ gɛ, yai gáá di kɛi, diɛ ɓə mą́ą́ tɛ̨ą ɓoi, diɛ Ną́n mə dɔ́ɔ́.

Ɉaan 6:27

Kɔ̨nɔ̨n ɲii a kalai, ka hvo kóló kɛ lɔ yili mąą mɛ̨nį ɓa, kɛlaa, kɔ̨nɔ̨n a yɛnɛ̨ɛ̨ hva kpɛɛ tɛɛ nu pɔ, ka yili mąą kóló ɓo. Nu Lon a pɛli ə yili tɛɛ ka pɔ. Mąąhɔlɔɓo, Ną́n Yálá aa mɛ̨nį kəlee nwɔ heeɓolaa tɛɛ bɔ.»

Ɉaan 8:11

Nɛ̨ɛ̨nui tii ə Jesus woo pulu pənə yɛ mą: «Ną́mu, nuą tii kəlee daa li.» Jesus yɛ mą: «Ɲą́ą́ gbɛli, və́ ə́ kiti teei. 'Li, kɛlaa, hvo kɛa nɛ̨ŋɛ̨n ɉəɠə.»

Gɛlaɠaa 7:52

Yálá kwəi mɛ̨nį hukulɔ nuą nɛlɛ kpɔ ɓə ka nąnni di hvo mɔ̨nɔ̨ɓo? Nuąi kɛli dələnmomun ti pa mɛ̨nį laa həli, 'ka nąnni, di gəlee paa. Dələnmomun ti, ká lɔ mąąkilii, ká baa.

Lomaŋ 5:10

Akɛ, ɓɛlɔwai gu kɛ la a Yálá ɲowoɠaa Yálá Lon ə haa ə gu lɔwai pɔnnaa kulɔ gwa Yálá ni, yiihui ŋɛ̨i kɛa, gwa Yálá ni gwaa nɛɛ, gu nwun mąą aa ɓo Non ɉaalai.

Lomaŋ 6:15

Akɛti mąąnɛ̨ɛ̨ kɛa guɔ nɛ̨ŋɛ̨n ɉəɠə mun mąąhɔlɔɓo, gu hvo kɛa tɔ́n mu gu kaa Yálá nwɔ mɛ̨inɛ̨ɛ̨ mu? Gɛ́ diɛ: Kpaa!

Lomaŋ 8:34

Gbɛɛ ɓə a pɛli di nwun na pili? Yaan, Jesus Kristə ə haa, ə pənə kpɔ nwɔ̨nɔ̨ ə nwun, gaa heeni Yálá ɓámįiyee hu pələ, yɛ Yálá hvɛli guɔ.

Korɛntə dɔlɔɔ 15:34

'Ká pənə ká hvilɛn tɛ̨ą pələ mɛ̨i, 'ká hvo nɛ̨ŋɛ̨n ɉəɠɛɛ. Gbala ə tɔɔ, ká taɠaa di hvo Yálá kɔlɔn, gáá yili ɓoi a ká nwumɛ̨ mɛ̨nį.

Korɛntə veelɛ 5:21

Nɛŋɛ̨n nɔpee hvo Kristə ɓa, kɛlaa, Yálá ə gu wɔɔ nɛ̨ŋɛ̨n diɲɛ̨ɠaa hee nwuɔ̨. Yiihu kɛa, Kristə pɔ pələ, Yálá aa gu kɛ la a tələnmo nuą.

Galatə 4:19

Nónnii, gáá mɔ̨nɔ̨ mįi ká mąą mɛ̨nį hu yɛ nɛ̨ɛ̨nu nwɔ mɔ̨nɔ̨i a mįi kwəinwąną lɔwai, ə lɛɛ ɉu, ká Kristə mąą mɛ̨nį huponoɔ kaa ká lɔwai.

Ifisiɛŋ 2:18

Ɛlɛɛ, Kristə háálai ɓə, guɔ mąn, diɛi tii mąn, gwa pɛli lɛɠɛi la gu Nąn Yálá ɓa, Kili-Mąąhəɠɛɛ tanɔ̨n ti hu.

Ifisiɛŋ 4:26

Ká líí a holi, 'ká hvo nɛ̨ŋɛ̨n ɉəɠə; hvóló hvo laa kpɔlɔ ɲą, ká wɔ lííholi ə ɓo ni ɉu.

Timote dɔlɔɔ 2:5

Mąąhɔlɔɓo, Yálá kaa tanɔ̨n gbən, ɛlɛɛ, Yálá da nu kanŋaa di lɔwai pɛlimun, ə ɓo lɔ tanɔ̨n gbən, a nu tanɔ̨n, ya ɓaa: Jesus Kristə;

Timote dɔlɔɔ 3:14

Gáá ɉɛɓɛ́i ŋɛ̨i tɛɛi yɛ́, náái na, gɛ́ gáá pai ə́ pɔɔli, ɉu hvo kwɛa li.

Hebreu 9:24

Ɉəɠə pɛlɛ́i nu ə dɔɔ a ɲee ɓɛ lɔi mɛ̨i, yai gaa a neelee mąą nįnįn, mu hvəə Kristə ə lɔ laa, kɛlaa, ə lɔ kpɔ yələkɔlɔn ɉu leelee, əgɛ, yɛ pɛli tɔɔi Yálá liila gu mąą mɛ̨nį ɓa.

Zĩi 1:27

Yálá kɔ́lɔn bələi mąąhəɠɛɛ, ɉaŋąa gu Ną́n Yálá ɲɛ̨i ɓa, ya ɓaa: Nu yɛ kpɔnmąą tɛɛ təlilɛaa da galaninŋaa pɔ di wɔ mɔ̨nɔ̨ hu; yɛ gbɔwɔ huhon yɛnɛ̨ɛ̨ hu, hvo pa kɔhɔɓo.

Zĩi 3:9

Gu nɛn danɔ̨n tii lɔ ɓə, gwa gu Ną́mu da gu Nąn mąąwiɛ la, yaa lɔ ɓə nwɔ̨nɔ̨ gwa nuą nɛ̨ŋɛ̨n naa la, a diɛi di kaa a Yálá mąąnįnįn.

Piɛrə dɔlɔɔ 2:22

Yaa tii hvo nɛ̨ŋɛ̨n ɉəɠə li, nu ɓowo woo hvo kulɔ li na,

Piɛrə dɔlɔɔ 3:18

Hvó gaai, Kristə kpinįi, yaa tii a tələnmomun, ə mɔ̨nɔ̨ mįi nɛ̨ŋɛ̨nŋaa mąą mɛ̨nį ɓa, lɔ tanɔ̨n gbən, nuąi di hvo tələnmo li, di mąą mɛ̨nį ɓa, ə gɛ, ə ká mąą lɛɠɛ Yálá ɓa, yai di gɔlɔ paa, kɛlaa, Kili-Mąąhəɠɛɛ ə gɛ a vulú.

Zɔ̂ŋ Maa-ŋuŋ 3:18

Nónnii pɛlɛɛɠaa, 'ká gu hvo wɛlikɛmąą laa kɛ lɔ a gu hvaa woo da gu nɛ̨n, kɛlaa, 'gu gɛ a gu tuwɔ pələ tɛ̨ą hu.

Zɔ̂ŋ Maa-ŋuŋ 3:5

Kɛlaa, ká gbaɠala kɔlɔn káá, yaa tii a Jesus, ə pa, ə nɛ̨ŋɛ̨n gbɛɛ, ɛlɛɛ, nɛ̨ŋɛ̨n və yaa tii ɉu.

Zɔ̂ŋ Maa-ŋuŋ 3:7

Nónnii pɛlɛɛɠaa, nui lɔpee ta hvo ká lan. Nui a tələnmo tuwɔ ɓo, dələnmoɔi, yɛ bələi yaa tii a Jesus dələnmoɔi la.

Zɔ̂ŋ Maa-ŋuŋ 4:4

Ká wɛi, nónnii pɛlɛɛɠaa, ká káá a Yálá nwɛiɠaa, káá yeetɛɛmąą laa kɛ nɛɛ-nuą tii mɛ̨i, mąąhɔlɔɓo, nui gaa ká lɔwai, gɛnɛ̨i dɛɛ yii gaa yɛnɛ̨ɛ̨ hu mą.

Zɔ̂ŋ Maa-ŋuŋ 5:17

Túwɔ́ pələ ɲɔn gəlee kaa a nɛ̨ŋɛ̨n, kɛlaa, nɛ̨ŋɛ̨n gəlee hvəə a nu lɔ haa hu.

Zɔ̂ŋ Maa-ŋuŋ 5:21

Nónnii pɛlɛɛɠaa, 'ká ká kpɔwɔ mɛ̨i kaa haliɠaa mąą mɛ̨nį ɓa.

Zɔ̂ŋ Zaaƃai 1:4

Yii kpɔ gwə́inɛ̨ɛ̨ kɛnɛ̨ɛ̨, ya ɓaa, nónnii kaa hiɛi tɛ̨ą kɛɛ pono hu.