Zɔ̂ŋ Maa-ŋuŋ 1:7 - Yálá laawoo hɛɓɛ (dc)

⁷ Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Yálá laawoo hɛɓɛ

⁷ Kɛlaa, a kɛ gwa kɛi hiɛ kɛɛ pono hu, yɛ bələi Yaa kpinii gaa la a kɛɛ pono, akɛ tii gu kəlee gu kaa ɉu tanɔn, Non Jesus ɲąmą a gu mąąhəɠə nɛ̨ŋɛ̨n ɲəi.

Bible

⁷ Kɛ́lɛ, à kɛ̀ kwa sìa gwaa-ponoɔi su yɛ̂ɛ berei gáa la a gwaa-ponoɔi, gɛ̀ ní kwa dai-ni kúlii káa tɔnɔ, gɛ̀ ní Nòŋ-nuui Zîsɛ Kôrai ŋɔŋãai a kúsɔnyɔ̂ŋ kélee wáa kûa.

Zɔ̂ŋ Maa-ŋuŋ 1:7 Iomraidhean Croise

Mąątɛ̨nɛ̨ 104:2

Ə́ kwaną həɠə kaa a kɛɛpono, yá yələkɔlɔn ɉu lɛan, yɛ həɠə múmu.

Mąątɛ̨nɛ̨ 51:2

Ɓɛlɔwai Yálá kwəi mɛ̨nį hu kulɔ mun Natan ə li ɉɔn moi la mą, yɛ hvilɛn na Bɛtsabe mąą mɛ̨nį ɓa.

Mąątɛ̨nɛ̨ 56:13

Yálá, mɛ̨nįɠaai ŋį́ di laakwɛlanmo, gbáán ŋąąi di yəi, gáá ə́ mąątɛ̨nɛ̨ halááɠaa kulɔi.

Mąątɛ̨nɛ̨ 89:15

Ə́ wɔ tɔɔkpəlin hvilɛn ŋąą tələnmolaa da tɛ̨ą di mɛ̨i; wɛlikɛmąąlaa da tɛ̨ą mɛ̨nį diɛ hiɛ ə́ ɲɛ̨i ɓa.

Mąątɛ̨nɛ̨ 97:11

Kɛɛ pono aa lən, a Tələnmolon nwɔɔ, ɛlɛɛ, kwəinɛ̨ɛ̨ li, kwəi kwələ nuą diɛ.

Azaya 2:5

Kaai ɓaa a Ɉakɔbə nwɔ pɛ́lɛ́i, 'ka tɛɛ ka gwə li, ka gu bɛlɛ gee ɓa, gu hiɛ Yai-Laa nwɔ kɛɛ pɔ̨nɔ̨i hu.

Azaya 33:24

Nɔi lon da hva kɛa kɛ diɛ: «Ɲɔn gaa mą́ą́.» Nuąi di kaa heeni Ɉerusalɛmə, di kɛ nɛ̨ŋɛ̨n gaa pai waai diɛ.

Azaya 6:7

ə ɉee nááləi ɓa, yɛ mą́ą́: «Ɓɛlɔwai ə tunwɔ̨n na ə́ laawulun mą, ə́ kɛ hɔn aa kulɔ yɛ́, ə́ wɔ nɛ̨ŋɛ̨n aa waa yɛ́.»

Amɔsə 3:3

Akɛti, nu hveelɛ da pɛli di pələ kpɔn yii di woo hvo laa li mą?

Zakari 13:1

Mąą yələi tii, yá nwun gulɔi ta a kulɔ, Davidə nwɔ pɛlɛ́i mąą mɛ̨nį ɓa, da Ɉerusalɛmə nuą; yɛ kɛ a di wɔ nɛ̨ŋɛ̨nŋaai, da di mąąliɓi mɛ̨nį kəlee hali.

Maafîu 6:12

Ku kɛ nɛ̨ŋɛ̨nŋąą mąąhvaalɛɛ, yɛ bələi yiiɠaai da ɓaɠa ɓo kuɔ kwa di mąąhvaalɛɛ la.

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 5:4

Mąąhɔlɔɓo, nąąlɔwai a ɉəli mą, Yálá nwɔ malaka ə kɛi yɛɛ ɲai, yɛ ɲa tumo. Nu tɔlɔɔ a too ɲái, ɲá tumoɔ pulu, ɲɔ̨n kpɔ gaa mą, a kpɛɛ.

Lomaŋ 13:12

Kwiihɛ̨ą aa tɛɛ, yələ ɓɔi lɔwai aa lɛɠɛ. 'Ká gu lənə kpinį hu mɛ̨nįɠaa diɛ, ká guɔ kɛɛpono nwɔ kúláá hɛnŋaa kɛ guɔ.

Korɛntə dɔlɔɔ 6:11

Bələ ɓə tɔlɔɔ ká taɠaa di kɛ la. Kɛlaa, ka mąą aa waa, ká mąą aa həɠə, káá kɛ kɛa a tələnmo nuą gu Ną́mu Jesus Kristə laa hu da gu wɔ Yálái nwɔ Kilii háálai.

Ifisiɛŋ 1:7

Non tii ɲąmą háálai ɓə, gu nwun mąą ə ɓo la, ɉáálai lɔ ɓə, di gu wɔ túwɔ́ pələ ɲɔ̨nŋaa mąą hvaa lɛɛ la, lɔ yɛ bələi ŋą nɛ̨ɛ̨laa hu kɛnɛ̨ɛ̨ la, gu pɔ pələ.

Ifisiɛŋ 5:8

Tɔlɔɔ yələ, ká kɛ a kpinį, kɛlaa, yiihu, káá kɛ a kɛɛ pono gu Nąmu hu. 'Ká ɲɛnɛ̨ɛ̨ kɛ kɛa, a kɛɛ pono lonnii di wɔɔ yɛnɛ̨ɛ̨ kɛ pələ.

Timote dɔlɔɔ 6:16

a Yaa tanɔ̨n gbən yɛnɛ̨ɛ̨ kaa ɲəii, Yai heeni kɛɛponoi nu kan hva pɛli lɔi ɉu, a yai nu kan hvo ta gaa li, hva nwɔ̨nɔ̨ pɛli gaai; Yaa ɓə, mąąwiɛlaa, da hvaŋąlaa kaa ɲəi. Amįįną!

Taitɔ 2:14

Yai gbɔwɔ kulɔ a haláá, gu mąą mɛ̨nį ɓa, əgɛ, ə gu nwun mąąɓo mɛ̨nį ɲɔ̨n gəlee yəi, ə ŋą nu huwui mąąhəɠə a nwɔɔ, di hąą yiliɛ mɛ̨nį lɛlɛɛɠaa kɛ mɛ̨nį ɓa.

Hebreu 9:14

gu hvomun kɛ, Kristə ɲąmą, yai viɛlaɓoɔi kpɔ kɛnɛ̨ dɛɛ yili ɓa; hvo gaai Kili-Mąąhəɠɛɛi gaa lɔ laa ɉáálai, Kristə ə gbɔwɔ kulɔ Yálá ɓa a haláá, kiliin ɉii ɲɔ̨nwɔ̨ɔ̨ ta hvo mą, mąąhəɠɛɛ, hvo mɔ̨ɔ̨ pai haa nɛ̨ŋɛ̨n nwaai guɔ, gu tí mɛ̨nį ɓa Yálá hvulúmąą ɓa,

Zĩi 1:17

Mɛ̨inɛ̨ɛ̨ kəlee, da nukpɔɔlaa hɛn nɛlɛɛɠaa kəlee, da həɠə yələi pələ, kɛɛpono Nąn bɔ, yai, gɛ pələ mąą hva hvalin, nįnįn nɔpee hvo nąą ta.

Piɛrə dɔlɔɔ 1:19

kɛlaa, ə kɛ a ɲąmąi mąą mɛ̨nį nwąnąą, yɛ ɓɛlaa lon kiliin ɉii ɲɔ̨nwɔ̨ɔ̨ hvo mą, da pɔɔ lɔpee ta, ya ɓaa a Kristə ɲąmą,

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Zɔ̂ŋ Maa-ŋuŋ 1:5

Nwɛlɛɛ lɛlɛɛi ku mɛ̨n Jesus Kristə la, kuɔ naa həli káá ya ka: Yálá kaa a kɛɛ pono, nįnįn danɔ̨n kpɛli hvə ɉu.

Zɔ̂ŋ Maa-ŋuŋ 5:6

Yaa Jesus Kristə ɓə pa a yá da ɲąmą, hvo kɛ lɔ a yá yaa tanɔ̨n, kɛlaa, a yá da ɲąmą; ɛlɛɛ, Kili-Mąąhəɠɛɛ ɓə yili mąą kɛla hvaa ɓoi, mąąhɔlɔɓo, Kili kaa a tɛ̨ą.

Zɔ̂ŋ Maa-ŋuŋ 5:8

Kili-Mąąhəɠɛɛ, yá, da ɲąmą, ɛlɛɛ, gəlee haaɓai, di woo tɔɔi kaa tanɔ̨n, gɛla hvaa tanɔ̨n tii hu.

Zɔ̂ŋ Veerɛi 1:4

Ə́ lonnii taɠaa kaai ŋį́ mo, diɛ hiɛ tɛ̨ą kpaalə mɛ̨i, yɛ bələi gu díɓo hɔlɔɓo la Nąn ɲəi, yili ə gwəinɛ̨ɛ̨ kpɔ kɛnɛ̨ɛ̨.

Zɔ̂ŋ Zaaƃai 1:4

Yii kpɔ gwə́inɛ̨ɛ̨ kɛnɛ̨ɛ̨, ya ɓaa, nónnii kaa hiɛi tɛ̨ą kɛɛ pono hu.

M̀ɛni-lɛɛi 1:5

ɛlɛɛ, yɛ həɠə Jesus Kristə yəi, yai a kɛlai a kulɔ nwoo ɓa, yai a nu dɔlɔɔi nwun yɛ kulɔ haa nuą lɔwai, ɛlɛɛ, lɔi mɛ̨i hééɓolaa kəlee di wɔɔ Hééɓomun. A nui gu wɛli kaa mą, yai gu kulɔ gu wɔ nɛ̨ŋɛ̨nŋaa yəi a ɲąmą,

M̀ɛni-lɛɛi 12:11

Kɛlaa, di wɛi, di yee aa tɛɛmą mɛlaa lon ɲąmą haalai, ɛlɛɛ, da nwoo tii di kɛli mąą kɛla hvaa ɓoi. Di hvo kɛ di di wɔɔ yɛnɛ̨ɛ̨ wɛlilakɛ li, ə lɛɛ ɉu di haa.

M̀ɛni-lɛɛi 7:14

Ŋą́ nwoo ŋąąpənə, gɛ́ mą: «Ną́mu, yɛ́ lɔ ɓə gbaɠala kɔ́lɔn!» Yɛ mą́ą́: «Di kulɔ mɔ̨nɔ̨ kɛnɛ̨i tii hu. Daa di wɔ həɠəɠaai waa Mɛlaa lon ɲąmą hu, daa gwələ.