Zɔ̂ŋ Maa-ŋuŋ 1:6 - Yálá laawoo hɛɓɛ (dc)

⁶ Gwa kɛ diɛ gwa Yálá ni gu kaa ɉu tɔnɔ, guɔn, guɔ hiɛ kpini hu, a kɛ ti gu kaa lɛɛ kɛi, ɛlɛɛ, gu hvo tɛ̨ą ɓoi.

Yálá laawoo hɛɓɛ

⁶ Gwa kɛ diɛ gwa Yálá ni gu kaa ɉu tɔnɔ, guɔn, guɔ hiɛ kpini hu, a kɛ ti gu kaa lɛɛ kɛi, ɛlɛɛ, gu hvo tɛ̨ą ɓoi.

Bible

⁶ A kɛ̀ kwa mò a gɛɛ kwa dîa-ni kúlii káa tɔnɔ, kɛ́lɛ, kúkɛ sia kpinii, gɛ̀ ní kwa lɛ́ɛ kɛ̂i, kútûa-pere fé a tɔ̃yâ-pere.

Zɔ̂ŋ Maa-ŋuŋ 1:6 Iomraidhean Croise

Mąątɛ̨nɛ̨ 82:5

Kɛlaa, di hvo mɛ̨nį ta kɔ́lɔn, mɛ̨nį kpaɠala hvo diɛ, di kaa kpinį hu, lɔi kɔwɔ hvilɛn ɉɛn kəlee daa kɛ yɛɠɛ yɛɠɛ a di laa pɔɔ.

Mąątɛ̨nɛ̨ 94:20

Yá pɛli mɔ̨ɔ̨ tɔɔi hvulu kiti tee nuą pulu, diɛi da hee mɛ̨i laa kɛ di wɔ tɔn naa hu?

Hanwon 2:13

ɛlɛɛ, nuąi da pələ haŋąą lɛɛ laa, diɛ hiɛ kpinį hu, hva hvilɛn too di pɔ.

Maafîu 7:22

Volói tii, nu tamąą kaa pai kɛi mą́ą́: ‹Ną́mu, Ną́mu. Kɛlɛi, ku kɛi Yálá mąą mɛ̨nį ɓo nuą diɛ, ə́ laa hu? Ku kɛi ɲį́nɛ̨nŋąą kpɛ nuą pulu ə́ laa hu? Kuɔ kpalo mɛ̨nį tamąą kɛ ə́ laa hu?›

Ɉaan 11:10

Kɛlaa, nu a kɛi hiɛ kpinįi, a gɔwɔ tuwɔ, mąąhɔlɔɓo, kɛɛ pono hvo ɲəi.»

Ɉaan 12:35

Jesus yɛ diɛ: «Kɛɛ pono kaa ni ka pɔ a lɔwai ta wolo. Ɓɛlɔwai kɛɛ ponoɔi la, ka hiɛ, ə gɛ, kpinį hvo pa ka hon, mąąhɔlɔɓo, nui a hiɛ kpinįi hvo dɔwɔ kɔ́lɔn.

Ɉaan 12:46

Ɲą́ą́i a kɛɛ pono, ŋą́ pa yɛnɛ̨ɛ̨, ə gɛ, nui lɔpee a laa ná, hvo lɛɛ kpinį hu.

Ɉaan 8:12

Jesus ə pənə ə mo nuą tii kɛ laa diɛ, yɛ diɛ: «Gáá a yɛnɛ̨ɛ̨ kɛɛ pono. Nui a hvilɛn búlú, hva hiɛ kpinį hu. Kɛɛ ponoi a yɛnɛ̨ɛ̨ hva kpɛɛ nu pɔ a ɉɔlɔɓo.»

Ɉaan 8:55

Ka hvo gɔlɔn, kɛlaa, nwɛ́i ŋą́ gɔlɔn. Akɛ ŋą́ kɛ diɛ: ‹Və́ Ną́n gɔlɔn›, ŋą́ kɛ a lɛɛ mun yɛ bələi ka káá la. Kɛlaa, ŋą́ gɔlɔn, ɛlɛɛ, ŋą́ nwoo hon.

Timote dɔlɔɔ 4:2

a nɛɛi di pai moi laa, huhveelɛ nuą da lɛɛ nuą, diɛ lan, a diɛi, daa di pɔɔ kɛ di kili ɓa a kwɛli kpɔlu.

Zĩi 2:14

Ną́n nonnii, nu a kɛ diɛ: «Laa na laa kaa ɲə́i», a wala kɛ bɔ túwɔ́ ɓoi, yili dɔlɔ ɓaa a lə? Akɛti, naa na laa yili a pɛli nu nwun mąąɓoi?

Zĩi 2:16

ɛlɛɛ, ká ta, yɛ kɛ mąą nuąi tii diɛ: «'Ká li, 'ká ká mąą yili a nɛlɛɛ, 'ká pilɛ», akɛ yii mąą kpaan kaa diɛ, di ɲɛnɛ̨ɛ̨ kɛ la hvo di yəi, ká hvo dɛɛ li di pɔ, yili nwun mąą a lə?

Zĩi 2:18

Kɛlaa, nu ta a kɛ yɛ: «Laa na laa kaa ɲəi. Ɛlɛɛ, ɲą́ą́, bɔ túwɔ́ ə ɓo ɲə́i. Ŋą́ kɛ mą: Ə́ wɔɔ laa na laai bɔ túwɔ́ hvo mą, nɛ mą́ą́, ɛlɛɛ, ɲą́ą́ gbɛlimąn, ŋą́ nwɔ́ɔ́ laa na laa lɛ a bɔ túwɔ́.»

Zɔ̂ŋ Maa-ŋuŋ 1:10

Akɛ gwa kɛ diɛ, gu hvo a nɛ̨ŋɛ̨n ɉəɠə nuą, akɛ tii gu kaa Yálá kɛi a lɛɛmun, ɛlɛɛ, nwoo hvo gu hu.

Zɔ̂ŋ Maa-ŋuŋ 1:3

yii ku gaa, ku mɛ̨n, ya ɓə ku kaa naa həlii káá, káá kpɛlimąn, əgɛ, káá mąn, gwa kááni gu kɛ tanɔ̨n. Guɔ kɛ la tanɔ̨n gwa Nąn, ɛlɛɛ gwa Lon Jesus Kristə.

Zɔ̂ŋ Maa-ŋuŋ 1:8

Gwa kɛ nwɔ̨nɔ̨ diɛ, gu hvo a nɛ̨ŋɛ̨n ɉəɠə nuą, akɛ tii gu kaa gu kpɔwɔ lan ɉi, ɛlɛɛ, tɛ̨ą hvo gu hu.

Zɔ̂ŋ Maa-ŋuŋ 2:4

Nui a kɛ mą: ŋą́ gɔlɔn, kɛlaa, hva Yálá nwɔ tíɓoɠaai pɔ mɛ̨nį kɛ, lɛɛmun ni, ɛlɛɛ, tɛ̨ą heei hvo ɉu.

Zɔ̂ŋ Maa-ŋuŋ 4:20

Nu a kɛ diɛ: «Yálá wɛli kaa mą́ą́», ɛlɛɛ, nąn non nwɛli hvo mą, lɛɛmun ni. Yaan, ə́ nąn non ŋɛ̨i ə́ ɲɛ̨i kaa mą, yá wala nwɛli la kɛi, hva pɛli, Yálái ə́ ɲɛ̨i hvo gaai, nwɛlila kɛi!