Korɛntə dɔlɔɔ 9:12 - Yálá laawoo hɛɓɛ (dc)

¹² Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Yálá laawoo hɛɓɛ

¹² Akɛ nu taɠaa da kɛ ɉɛnŋąą tii hɔlɔɓoi ka yəi, gu hvo mun kɛ kuɔ? Kɛlaa yaamun, ku hvo gɛ li tii, ku ku liikpələ, ku mɔ̨nɔ̨ mįi, ə gɛ, mɛ̨nį ta hvo pa kpɛ̨ąn Kristə mąą wɛlɛɛ lɛlɛɛ hu.

Bible

¹² À kɛ̀ gáa a sɛŋ a gɛ́ɛ núu da kpɛni-ŋa dí mɛni-ŋai ŋí dámaa sɔlɔ ƃó káyêei, gɛ̀ ní kúa máŋ ve a sɛŋ a gɛ́ɛ ku dámaa sɔlɔ ƃó e tɛɛ díwɔ̂i ma? É máŋ kɛ́ ti, kúfe niî zãâi sɔlɔ ƃo ni nyíi-ŋai gáa a sɛŋ fɛ̂ɛ ku dísɔlɔ ƃôi, kɛ́lɛ, kwa kúlii kpèle mɛni kélee su kúfa Kôrai ŋɔtuŋ lɛ́lɛɛi perêi kpaaŋ.

Korɛntə dɔlɔɔ 9:12 Iomraidhean Croise

Zɛnɛse 24:56

Abrahamə nwɔ luwɔi ə pənə yɛ diɛ: «Ka hvo gɛ tii a ɲą́ą́, Yai-Laa aa gbɛa hvaa mą, aa nwɔ́ hiɛi nɛ̨ɛ̨, ka nɛɛ laa, ku pənə kwəli nwɔ́ mɛ̨nį nąmu pɔ.»

Nehemi 4:8

Di mąąkpɛɛi ŋį́ mo, ŋą muhəɠə, gɛ́ galanɉonŋąą, daa ɲąąwooɓo nuą da nuą kpɔ kɛ laa, gɛ diɛ: «'Ka hvo ɲɔw diɛ! 'Ka ka kiliŋąhiɛ kaa Hɛn-Gəlee-Namu kɛnɛ̨i, mąą ɲɔwɔ. Ka gɔ́ kɔ́ ka kaayɔwɔɠaa mąą mɛ̨nį ɓa, ka lonnii ka nɛ̨ąni da ka wɔ pɛlɛ́ɠaai mąą mɛ̨nį ɓa.»

Lukə 11:52

«Kpalo ɓɛlaai kaa! Ɉɛɓɛ́ kɛ nuą! Mąąhɔlɔɓo, kaa kpɛ̨ąn Yálá liiɓa kɔ́lɔn bələ hu, kaa kpinįi ka hvo lɔi, ɛlɛɛ, nuą nwɔ̨nɔ̨ nąą wɛli kaa diɛ, kaa kpɛ̨ąn di tɔwɔ, ka hvo di lɛɛi laa di hvo lɔ.»

Gɛlaɠaa 18:3

Ɛlɛɛ, da Polə ni di kɛ kóló ə kɛ tanɔ̨n, di kɛ a həɠə-pɛlɛ́ pala nuą. Polə ə lɛɛ yiliɠaai pɔɔli da yaa diɛ kólo kɛ gee ɓa.

Lomaŋ 15:22

Mɛ̨nįɠaa aa gɛ və́ pai la ka pɔɔli yaa li.

Korɛntə dɔlɔɔ 13:7

Wɛlikɛmąąlaa a hɔn kəlee mąąhvaalɛɛ, a laa mɛ̨nį kəlee la, a gilitɔɔ mɛ̨nį kəlee ɓa, a niikpələ mɛ̨nį kəlee mu.

Korɛntə dɔlɔɔ 6:7

Ə kɛ a pələ lɔpee gəlee, nwumɛ̨ mɛ̨nį ɓaa, kiti yɛ ɓo ká lɔwai. Lə mɛ̨nį ɓa ka hva pɛli ka liikpələi ka ɓɛlan da hɔn mu? Lə mɛ̨nį ɓa, ka hva nɛɛ laa di hvo ká mąąkpoloon?

Korɛntə dɔlɔɔ 9:14

Bələ lɔ ɓə gu Ną́mu ə niɛwoo kɛ la yɛ diɛ: Nwɛlɛɛ lɛlɛɛ laa həli nuą kɔ̨nɔ̨n a kulɔ nwɛlɛɛ lɛlɛɛ hu.

Korɛntə dɔlɔɔ 9:15

Kɛlaa nwɛ́i, bələi mąn mąą laa ə kɛ la ɲə́i, və́ yili ta kɛ li, və́ nwɔ̨nɔ̨ ɉɛɓɛ́i ŋɛ̨i pɛ̨ɛ̨i, gɛ́ di huhvɛli la káá. Ŋą́ mą haa! Nu ta hva pɛli dɔ́ɔ́i ti həɠəi!

Korɛntə dɔlɔɔ 9:16

Mąąhɔlɔɓo, nwɛlɛɛ lɛlɛɛ laa həliɛ hvo ɲə́i a gbɔwɔ ɲąąkɛnɛ̨, gaa a mɛ̨nįi hvo kɛli ŋą́ gɛ, ŋą́ wala nwɛlɛɛ lɛlɛɛ laa həli, gaa mą́ą́ a mɛ̨nį.

Korɛntə dɔlɔɔ 9:18

Və́la ɓaa kan a lə? Və́la ɓaa, nwɛlɛɛ lɛlɛɛi gáá naa həli, ŋį́ gɛ a mɛ̨inɛ̨ɛ̨, ə mą kɛ yii mąąnɛ̨ɛ̨ kɛ ŋą́ ɉɔlɔɓo nwɛlɛɛ lɛlɛɛ laa həliɛ hu, və́ Ɉɔlɔɓo li.

Korɛntə dɔlɔɔ 9:2

Akɛ nu takpɛliɠaa da wala gáá a kɛla, ka wɛi, mąąnɛ̨ɛ̨ kɛ ka gɔ́lɔ́n. Gbala ə tɔɔ, káá ɓə a nwɔ́ kɛla laa kɔlɔn ɉɛn gu Nąmu hu.

Korɛntə veelɛ 11:12

Ɛlɛɛ, bələi ŋɛ̨i gáá gɛi la, bələ lɔ ɓə nwɔ̨nɔ̨ gáá pai gɛi, əgɛ, nuąi di kpɔwɔ mąątɛ̨nɛ̨ wɛlikaa diɛ, ŋą́ yili giliŋąhiɛ kulɔ di yəi, a diɛi da di kpɔwɔ kaa, yɛ kuɔ.

Korɛntə veelɛ 11:20

Ká kɛ hvaai mą, diɛ ká kɛ a luwɔɠaa, diɛ ká mįi, diɛ ká mąąkpoloon, diɛ tɛɠɛɓo ká hu, diɛ ká laa lowa;

Korɛntə veelɛ 2:12

Líi ŋą́ mo Troasə, Kristə mąą wɛlɛɛ lɛlɛɛ laa həli mɛ̨nį ɓa, ɛlɛɛ, gu Ną́mu ə pələ laa ɓo dúwɔ́ kpɔ kɛnɛ̨,

Korɛntə veelɛ 6:3

Ku hvo kpɛli bɔ kpɔ tiikpə, ku hvo kɛ a nu kɔ́wɔ tuwɔ kwɛni nui lɔpee ta ɓa, ə gɛ, ku wɔ kólói mąą kulɔi hvo pa kɛ mą.