Korɛntə dɔlɔɔ 9:1 - Yálá laawoo hɛɓɛ (dc)

¹ Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Yálá laawoo hɛɓɛ

¹ Akɛti, lɛɛ gbɔwɔ ɓa laa hvo mɔ̨ɔ̨ ɲə́i? Və́ mɔ̨ɔ̨ a gɛlaɠaa ta? Akɛti, və́ mɔ̨ɔ̨ gu Ną́mu Jesus kaa? Ka hvo mɔ̨ɔ̨ a gɛ́ kólo, gu Ną́mu hu?

Bible

¹ Ŋuŋ ma fé ƃó ni? Sia-nûu fa ńyãa? Fe niî Kúnuu-namui Zîsɛ káa ni? Káfe a ŋátii m̀aa sêre-faa Kúnuu-namui sârai?

Korɛntə dɔlɔɔ 9:1 Iomraidhean Croise

Gɛlaɠaa 13:2

Yələ ta, ɓɛlɔwai di kɛi kwɛli hvilɛn na Yálá ɓa, diɛ hin nɔ, Kili-Mąąhəɠɛɛ ə di kilaa pono yɛ diɛ: «'Ká Barnabasə da Solə di tɛɛ bɔ́, gáá di tɔɔi kólo ta ɓa.»

Gɛlaɠaa 14:14

Nąą kaai gɛlaɠaa Barnabasə da Polə di mo, di di kwąną həɠəɠaa ɓɛla, di kpuluun də li nu kpulu hu, diɛ tomą, diɛ kɛ diɛ:

Gɛlaɠaa 14:4

Daa ə mɛlaɓo ɉu hveelɛ, bələ tɔ̨nɔ̨ tɔɔ Ɉuifəɠaa pulu, bələ tɔ̨nɔ̨ tɔɔ gɛlaɠaa pulu.

Gɛlaɠaa 23:11

Bulu ɓa kpini pɛlɛɛ kɛa, gu Ną́mu gbɔwɔ lɛ Polə ɓa, yɛ mą: «'Ə́ liikpələ, yaa mą́ą́ kɛla hvaa ɓo ɓɛ Ɉerusalɛmə, hvo kɛli ə́ da ɓo Romə daai.»

Gɛlaɠaa 9:15

Kɛlaa, gu Ną́mu yɛ mą: «'Li, mąąhɔlɔɓo, ŋą́ą́ ɉəɠə ɉu a níiɓa, a nwɔ́ kóló kɛ hɛn, yɛ pɛli náá mąą kɛla hvaaɓoi huwu takpɛliɠaa da tɔɔɓɛlaa diɛ, ə mą kɛ, Israɛlə lonnii.

Gɛlaɠaa 9:17

Ananiasə ə li, ə lɔ bɛlɛ́n, ə ɲee pɛlɛ mɛ̨i, yɛ mą: «Ną́n non Solə, gu Ną́mu Jesus ɓə dɔ́ɔ́, yai gbɔwɔ lɛ yɛ́ bələ pɔi, ə gə, ə́ kɛɛ kaa, ɛlɛɛ, ə́ Kili-Mąąhəɠɛɛ hɔlɔɓo.»

Gɛlaɠaa 9:3

Gɛɛ bələ pɔ yɛ li, nɛɠɛɛ kɛa Damasə daa ɓa, ɲąąɓa, kɛɛ pono ta ə kulɔ yələi pələ lɔ wúlú, ə mąą tinɛ̨n.

Gɛlaɠaa 9:5

Solə yɛ mą: «Gbɛɛ ɓaa yɛ́ Ną́mu?» Yili yɛ mą: «Ɲą́ą́ ɓə a Jesus, ɲą́ą́ ka tii ə́ kaa mɔ̨nɔ̨ɓoi.

Lomaŋ 1:1

Ɲą́ą́ Polə, gáá a Jesus Kristə ŋą tímun, yai Yálá ə dəli ə gɛ a nwɛlɛɛ lɛlɛɛ mąą kɛla.

Lomaŋ 1:5

Yaa ɉaalai ɓə ŋį́ kɛ la nwɔ kɛla ə gɛ, huwu kəlee di kɛ nwoo mu laa na laa háálai.

Lomaŋ 11:13

Káái ká hvo a Ɉuifəɠaa, káá ɓə gáá mɛ̨nį ŋɛ̨i ɓoi káá: Ɲą́ą́ ŋɛ̨i Yálá ə dɔɔ huwu takpɛliɠaa mąą mɛ̨nį ɓa, gáá a nwɔ́ kólói tii mąąɲįnɛ̨n,

Korɛntə dɔlɔɔ 1:1

Ɲą́ą́ Polə, ə laa a Yálá lii, ə də́li, əgɛ, ŋą́ kɛ a Jesus Kristə ŋą tímun. Kwa gu nąn non Sostɛnə ɓə ɉɛɓɛ́i ŋɛ̨i tɛɛi,

Korɛntə dɔlɔɔ 10:29

Ká kwəi kili hvə gáá nwɛi ɓoi, kɛlaa, nu takpɛli nwɛi ɓə. Yili ɓa, lə mɛ̨nį ɓa ŋą́ nwɔ́ lɛɛ gbɔwɔlaa lɛɛ laa nu takpɛli yɛ ɉutɔɔ?

Korɛntə dɔlɔɔ 10:30

Akɛ ŋą́ Yálá hɛɠɛɛɓo kɔ̨nɔ̨n ma, gɛ́ mįi, lə mɛ̨nį ɓa ɉɛn gáá mįi, gɛ́ Yálá hɛɠɛɛɓo, ká haŋą mą́ą́ mąą mɛ̨nį ɓa?

Korɛntə dɔlɔɔ 11:16

Nu ta a tɔɔ yɛ gaa yili mąą hɛatooi, ku hvo ku muhəɠə li a yili, ə mą kɛ Yálá nwɔ kpɔn ɓə.

Korɛntə dɔlɔɔ 3:6

Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Korɛntə dɔlɔɔ 9:19

Və́ nu ta yee mu, lɛɛ gbɔwɔ ɓa laa kaa ɲə́i, kɛlaa, ŋą́ gbɔ́wɔ́ kɛ a nu kəlee nwɔ luwɔ, ə gɛ, ŋą́ nu tamąą hɔlɔɓo.

Korɛntə veelɛ 10:7

Ká ká ɲɛ̨i hee tai ká kpɔwɔ mɛ̨nįɠaa hu, akɛ gaa nu ta kwəi, yɛ kɛ gaa a Kristə ŋą nu, ə kɛ lɔ nwɔ̨nɔ̨ tii gwəi, yɛ kɛ, kuɔ kpɛli ku kaa a Kristə ŋą nuą.

Korɛntə veelɛ 11:5

Ɲą́ą́ gwə́i pələ, və́ tíkpə li, və́ tɛɛ, gɛla kpɛa-kpɛaɠaa tii diɛ, a diɛi ká kili kaa diɛ.

Korɛntə veelɛ 6:1

Yii kani, ku kaa Yálá ŋą kóló ɓa, ku kaa ká liɛwoo kɛi, kuɔ; Yálá ŋą mɛ̨inɛ̨ɛ̨ ŋɛ̨i ka ɉɔlɔɓo, ka hvo hee ɉu kpɛli-kpɛli.

Galatə 1:1

Ɲą́ą́ Polə, Jesus Kristə ŋą tímun; nu ta hvei gɛ́ la, ɛlɛɛ, və́ mąą laa hɔlɔɓo li nu ta yəi. Kɛlaa, ŋį́ ɉɔlɔɓo Jesus Kristə kpinįi kpɔ ɓə ɲəi, da gu Nąn Yálái gulɔ haa yəi, ə gɛ a vulú;

Galatə 5:1

Gu lɛɛ mɛ̨nį gu kpɔwɔ yee kɔnma mɛ̨nį ɓə, Kristə ə gu nwun mąąɓo la. 'Ká tɔɔ kani a ká nwąnąi, ká hvo ká kpɔwɔ lɛɛ laa, di hvo ká too luwɔlaa ŋą kpɔnɔ̨ nįnɛ̨ ɲą.

Tɛsalonikə dɔlɔɔ 2:6

Ɛlɛɛ, ku hvo ku mąątɛ̨nɛ̨i kwɛlii, ə kɛ ká yəi, ə kɛ a nu takpɛli yəi.

Timote dɔlɔɔ 2:7

ɛlɛɛ, yili mąą mɛ̨nį ɓə, di gɛ́ la, ɲą́ą́, a kúláá da kɛla; gáá tɛ̨ą ɓoi, və́ lɛɛ kɛi, gáá a huwu takpɛliɠaa mąąkwɛlimun, laa na laa hu da tɛ̨ą.

Timote veelɛ 1:11

Ɛlɛɛ, yili mąą mɛ̨nį ɓə, ɲą́ą́ ŋɛ̨i di gɛ́ la, a kúláá, a kɛla, da mąąkwɛli kɛmun.