Korɛntə dɔlɔɔ 5:7 - Yálá laawoo hɛɓɛ (dc)

⁷ 'Ká nɛɠɛ tɛ hɛn bɔlɔ pɔlɔi tii kulɔ kani káá, káá pɛli kɛi a lɛɠɛ yɔwɔɔ nįnɛ̨; hvo gaai, ká tɛ hɛn və ká hu, mąąhɔlɔɓo, Kristə ŋɛ̨i a guɔ tɛɛ nwun mɛ̨i haláá hɛn, daa baa.

Yálá laawoo hɛɓɛ

⁷ 'Ká nɛɠɛ tɛ hɛn bɔlɔ pɔlɔi tii kulɔ kani káá, káá pɛli kɛi a lɛɠɛ yɔwɔɔ nįnɛ̨; hvo gaai, ká tɛ hɛn və ká hu, mąąhɔlɔɓo, Kristə ŋɛ̨i a guɔ tɛɛ nwun mɛ̨i haláá hɛn, daa baa.

Bible

⁷ Ka gbólo-tɛ-sɛŋ pɔlɔi kúla naa a gɛ́ɛ ká kɛ́ a kpólo-kane nina, kpɛ́ni fêi, kákaa a tɛ́-sɛŋ fé-kpolo a tɔ̃yâ. Kpɛ́ni fêi, Kôrai nyíi gáa a kútɛɛ-mɛi-ƃála-loŋ, da wɔlɔ gula a sâla.

Korɛntə dɔlɔɔ 5:7 Iomraidhean Croise

Lɛɛ gbɔwɔ ɓa 12:15

«Hvóló mɛ̨ihveelɛ yee mu, lɛɠɛi dɛ hɛn və ɉu, ya ɓə ka kɛ mįi. Ə gɔwɔ tɔɔ vóló dɔlɔɔ ɓa, lɛɠɛ tɛ hɛn da hvo lɛɛ bɛlɛ́n, ka gəlee kulɔ laa. Vóló mɛ̨ihveelɛi tii yee mu, nui lɔpee a lɛɠɛ tɛɛ mįi, da naa kulɔ Israɛlə lonnii laa pɔ.

Maafîu 13:33

Jesus ə hanwon dɔ̨nɔ̨ hɔɔ nwɔnɔ̨ diɛ yɛ diɛ: «Yálá-taa tɔɔlaa kaa yɛ lɛɠɛ tɛ hɛn yii nɛ̨ɛ̨nu ə bu nwɔ lɛɠɛ kpɔlɔ tea tɔ̨nɔ̨ hu. Ə tɛ ə dea laa hvɛɛ.»

Markə 14:12

Pakə hɛli voló tɔlɔɔ yələ, volói ŋɛ̨i da mɛlaa paa la kɛ; Jesus nwɔ kalan nɛai di mąąni kɛ diɛ mą: «Mįnɛ̨ ɓə ə́ kaa bɔ ku pakə hɛli kɔ̨nɔ̨n bɛli laa?»

Ɉaan 1:29

Mąą yələ laa ɓoɔ, Ɉaan ə Jesus kaa yɛ pa bɔ. Ə mo yɛ diɛ: «Yálá nwɔ ɓɛlaa Lon ga, yii a yɛnɛ̨ɛ̨ nuą kəlee kɛ nɛ̨ŋɛ̨n gulɔ diɛ.

Ɉaan 1:36

Nąąlɔwai Ɉaan ə ɲɛ̨i hee Jesus ɓa yɛ tɛɛ ə mo yɛ diɛ: «Yálá nwɔ ɓɛlaa lon ga!»

Ɉaan 19:14

Vóloi tii di kɛi mɛ̨nį kɛ la, ə kɛ a pakə hɛli mąąyii. Hvoló tɛɛ nwun ma kɛa, Pilatə yɛ Ɉuifəɠaa diɛ: «Ka wɔ tɔɔmun ka!»

Lomaŋ 3:25

Yaa ti ɓə Yálá ə ɲąmą kɛ a nuąi kɛi pa laai na di wɔɔ nɛ̨ŋɛ̨nŋaa waa haláá hɛn; yaa kpinįilee ə nwɔ tələnmolaa lɛ tii diɛ; gbala ə tɔɔ, ə niilaa, nɛ̨ŋɛ̨nŋaa wɔlɔ di ɉəɠə, ə nɛɛ diɛ a kpɛli.

Korɛntə dɔlɔɔ 10:17

Yɛ bələi nɛɠɛ kaa la tanɔ̨n, gu kaa lɔ ti a kɔlɔ tɔ̨nɔ̨; hvo gaai, gu kəlee nɛɠɛ tɔ̨nɔ̨i ti ɓə gwa ɉɔlɔɓo.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Ifisiɛŋ 4:22

Hvo kɛli, ká ká yee kulɔ ká yíi pələ pɔlɔ-pɔlɔ hu, ɲíi pɔlɔ-pɔlɔ kɔlɔi tii kɛ káá, 'ká gulɔ káá, a yai ɉu a kala; a ɓowo ɲɛ̨i kulɔ bɔ, laa pɔɔ;

M̀ɛni-lɛɛi 5:12

Di kɛli mo kpɔ a di woo kɛnɛ̨ɛ̨ diɛ kɛ mą: «Mɛlaa Lon di gulɔ a haláá, yaa lɔ ɓə mąąlaa kaa ɲəi, yɛ pɛli huwalawalalaa, hɛn nąmu laa, kilikɛɲəi laa hvaŋą, mąąwiɛlaa da mąątɛ̨nɛ̨ɛ̨ hɔlɔɓoi.»