Korɛntə dɔlɔɔ 5:11 - Yálá laawoo hɛɓɛ (dc)

¹¹ Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Yálá laawoo hɛɓɛ

¹¹ Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Bible

¹¹ Kɛ́lɛ, ŋá kɔlɔ pɔ̃yɛ kápɔ naa a gɛ́ɛ ka nûa káfè kɛ̀ kákîe-ni pôlu nyíi-ŋai láa káa dîa a gɛ́ɛ díkaa a káƃarâa, kɛ́lɛ, díkɛ wulu-wulu kɛ̀, sɛŋ-wɛli kɛ́ ƃo dîa, ɣâla-pɔɔkɔŋ fɛli-ƃela, ǹûai da lono núu mai, lɔɔ-kpele-ƃela, kpaa máŋ ŋúma-ƃela-ka maa-ƃelai káfe kálaa mii máŋ gîe ma.

Korɛntə dɔlɔɔ 5:11 Iomraidhean Croise

Mąątɛ̨nɛ̨ 10:3

Nu ɲɔ̨nwɔ̨ɔ̨, a gbɔwɔ ɲąąkɛnɛ̨, a gwəi kiliɠaa hvulu hɛn gwɛlimun, a vulu hɛn tii ɉɔlɔɓo, yɛ tɛɠɛɓoɉulaa kulɔ a Yai-Laa, yɛ gonon dɔɔ mą.

Mąątɛ̨nɛ̨ 101:5

Nui a mɛlaa laa kala loo pələi, gáá pai nwumɛ̨i, tɛɠɛɓoɉu kɛɛ kaa, ɲɛ̨i kulɔbɔ kili, vá pɛli niilaai di pɔ.

Izikiɛ 22:12

Da mɛ̨inɛ̨ɛ̨ hon ə́ pɔɔli, ɲąmą pu mɛ̨nį ɓa; yá kɛ hɛnŋaa hɔ̨nwɔ̨ kɛnɛ̨i ə́ pɔɔli, yɛ́ dɛɛ ɲɛn ɉu. Yɛ́ ə́ yee pənə ə́ hee yɔwɔ hu a wea mɛ̨nį; ɛlɛɛ nwɛi, yɛ́ lɛ̨ą mą́ą́. Mɛ̨nį kəlee ŋą Hééɓomun Yálá woo li.

Maafîu 18:17

Akɛ a wala nwəli tɔɔ nuą tii woo ɓa, doo Yálá nwɔ nu kpului ɓa. Akɛ a wala nwəli tɔɔ di woo ɓa, yá gwɛdɛn yɛ nui hvo Yálá kɔ́lɔn, a wala kɛ tii, yɛ nįįhɔ̨nwɔ̨ kulɔ mun.»

Maafîu 23:25

«Tɔ́n galamɔ̨ɔ̨ɠaa ka Farisiɛ̨ɠaa, kpalo ɓɛlaai kaa! Mąąhɔlɔɓo, ka kpələ kɔ́wɔ da gəgənŋąa pulu pələ waa, kɛlaa, ɉu pələ laa hveelɛ a nwuɔ̨ hɛnŋąa da ka wɔ túwɔ́ pələ ɲɔ̨n giliŋąhiɛɠaa.

Lukə 18:11

Farisiɛ̨ tii ə tɔɔ a dee, yɛ Yálá hvɛli, yɛ kɛ diɛ: ‹Oo Yálá! Gáá ə́ mąmąɓoi, mąąhɔlɔɓo, və́ yɛ nu takpɛliɠaa; diɛi di kaa a nwuɔ̨ nuą, mɛ̨nį ɲɔ̨n gɛ nuą, da wɛli hon nuą. Gáá ə́ mąmąɓoi, mąąhɔlɔɓo, və́ kpɛli yɛ nįįhɔ̨nwɔ̨ kulɔ mun ŋɛ̨i.

Lukə 21:34

«Ka ka kpɔɔ mɛ̨i kaa. Ka hvo ka nii lɔ yɛnɛ̨ɛ̨liiɓa hu, ka hvo kɛ a lɔɔ honŋąa. Ə lɛɛ, ka hvo ka liihɛlɛn a ka wɔ yɛnɛ̨ɛ̨ kɛ hɛn mɛ̨nį. Ə kulɔ yili pulu, volói tii kaa pai kulɔi ka kəlee ka tɛɠii.

Gɛlaɠaa 1:15

Laa na nuąi kɛ di ŋąąkpɔnŋąą laa, di kɛ a nu nwun dɔ̨nɔ̨ nu pow hveelɛ. Ɲələi ti, Piɛrə ə muhəɠə ə tɔɔ di lɔwai yɛ diɛ:

Gɛlaɠaa 9:17

Ananiasə ə li, ə lɔ bɛlɛ́n, ə ɲee pɛlɛ mɛ̨i, yɛ mą: «Ną́n non Solə, gu Ną́mu Jesus ɓə dɔ́ɔ́, yai gbɔwɔ lɛ yɛ́ bələ pɔi, ə gə, ə́ kɛɛ kaa, ɛlɛɛ, ə́ Kili-Mąąhəɠɛɛ hɔlɔɓo.»

Lomaŋ 13:13

Ká gu kaa kɛɛpono hu, 'ká gu túwɔ́ a tələnmolaa. Gu hvo ɓowo pələ kɛ, gu hvo too lɔɔ kpələ kpun ɉu, gu hvo gu laai lɛɛ, gu hvo kɛ lɔ a wɛli hon nuą. Ɛlɛɛ, gu hvo hvaa kɛ, gu hvo tolo kulɔ.

Lomaŋ 16:17

Ną́n nonnii, gáá ka liɛwoo ɓoi, gɛ́: nuąi di kaa a kɔ́wɔ tuwo kwɛni, diɛ ɓɛlaɓo too ka lɔwai, dɛ̨ąwooi di ka mąąkwɛlima daa nɛɛ laa, ka ka kpɔɔ mɛ̨i kaa di mąą mɛ̨nį ɓa; 'ká ka mąą kwɛa diɛ.

Korɛntə dɔlɔɔ 10:14

Yili ɓə gaa mą, nwɛ́likɛmąą nuą, 'ká kpɛla kwɛli hvilɛn ɉii hali ɓa.

Korɛntə dɔlɔɔ 11:21

Mąąhɔlɔɓo, nu tɛitɛi a mąąhulɔ, gɔ̨nɔ̨n ə paa la, ə ɉəɠə, a kɛ kɛa tii, pulu yɛ nu taɠaa kpɔlɔɔn, lɔɔ a daɠaa hon.

Korɛntə dɔlɔɔ 5:13

Nuąi di hvo gu pɔ, Yálá ɓə pai di kiti teei. «'Ká mɛ̨nį ɲɔ̨n gɛmun kulɔ ká lɔwai.»

Korɛntə dɔlɔɔ 6:10

ə kɛ a nwuɔ̨ nuą, ə kɛ a wɛa hɛn ɉəɠə nuą, ə kɛ a lɔɔ honŋaa, ə kɛ a nu laa kala nuą, ə kɛa gbąną-gbąną hɛn ɉəɠə nuą; di tai lɔpee heei hvo Yálá nwɔ tɔɔlaai hu.

Korɛntə dɔlɔɔ 6:6

Kɛlaa, mɛ̨nį ta a kɛ nąn nonnii hveelɛ lɔwai, yili ɓo mɛ̨nį ɓa lə yɛnɛ̨ɛ̨ nuą ɲɛ̨i ɓa?

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Korɛntə dɔlɔɔ 7:12

Yii ŋɛ̨i nwɔ̨nɔ̨ gáá moi, gbɔ́ɔ́ kpįnįi woo li, və́ ɉəɠə li gu Ną́mu la, akɛ kalan non da, nɛ̨ą a wala kɛ a laa na mun, nɛ̨ɛ̨nu a gaa yɛ da ɉulɔnu di kaa lɛɛi di kee ɓa, mąą hvo nɛ̨ɛ̨li ɉulɔnu hvo nɛ̨ą kpɛ.

Korɛntə dɔlɔɔ 7:15

Akɛ nui hvo a laa na mun, a kɛ yɛ ə mɛlan nɛɛ, 'ə nɛɛ; yili a kɛ tii, galan non mąą aa holoon. Yálá ə ka təli, ə gɛ, ka ká wɔ yɛnɛ̨ɛ̨ kɛ liilaa hu.

Korɛntə dɔlɔɔ 8:11

A kɛ tii, ə́ wɔɔ mɛ̨nį kɔlɔn bələi tii kaa pai gɛi, nui ŋɛ̨i Kristə ə haa mąą mɛ̨nį ɓa, nwun na ə pili.

Galatə 2:12

Hvo gaai, gɛɛ kɛ nuąi Ɉakə ə di tɔɔ, di hvo pa, Sefasə da huwu takpɛliɠaa di kɛli kɔ̨nɔ̨n mįi gee ɓa, kɛlaa, yii kɛa Ɉuifəɠaai ti di pa, ə mąą kwɛa ɉuwu takpɛliɠaa ti diɛ, ə tɔɔ a dee, yɛ ɲɔw Ɉuifəɠaa diɛ,

Ifisiɛŋ 5:18

'Ká hvo kɛ a lɔɔ hon, a nu nwun na pili, kɛlaa, 'ká pilɛ a Yálá nwɔ Kilii.

Ifisiɛŋ 5:5

Mąąhɔlɔɓo, ká kili ə́ pu ɉu, yáámun, káá, wɛlikɛ nuą, mąąliɓi túwɔ́ ɓo nuą, hɛn nwɛlilaa yai gaa a kwɛli hvilɛŋąą hali ɓa; mąą nuą di wɔɔ nąą hvo Kristə da Yálá di wɔ tɔɔlaai hu.

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Tɛsalonikə veelɛ 3:14

Akɛ mɛ̨nįi ku kaa moi ɉɛɓɛ́i ŋɛ̨i hu, nui awala lɛɛ nwoo mu, ká ká kili ɲą laa mą, ɛlɛɛ, ká diɛni ká hvo bɛlɛ gee ɓa mɛ̨nį kɛ, ə gɛ, ə nwumɛ̨;

Tɛsalonikə veelɛ 3:6

Ną́n nonnii, ku kaa ká tíi gu Nąmu Jesus Kristə laa hu, kuɔ, kristalɛai di hvo di wɔɔ yɛnɛ̨ɛ̨ laa honmoi, di túwɔ́ pələ hvo yɛ bələi ku ká liɛwoo kɛ la, 'ká ká mąąkwɛa diɛ.

Timote dɔlɔɔ 3:3

hvo kɛ a lɔɔ kpələmun, hvo kɛ a kpilɛn gɔmun, kɛlaa, nwɔ mɛ̨nį lɛlɛɛ, hvo kɛ a hvaa kɛmun, hvo kɛ a hɛn nwɛlimun.

Timote dɔlɔɔ 6:5

yəliháá tɔɔ gbɛlai hvo mą, nuąi di kili ɲɔ̨nwɔ̨ɔ̨ di lɔwai, di hvɛɠɛɛ a tɛ̨ą, diɛ kɛ, Yálá mɛ̨nį kaa a hɛn gwɛli hɛn.

Zɔ̂ŋ Veerɛi 1:10

Nu ta a pa ká pɔ, hvo pa li a laa na pələ yili, 'ká hvo ká yee hee mu, ɛlɛɛ, 'ká hvo kpɛli balúwɔ́ɲɛ̨n.

M̀ɛni-lɛɛi 2:14

Kɛlaa, ə mą kɛ tii, ə́ hɔn da wolaa kaa laa, gɛ́ ŋį́ nɛ yɛ́, ya ɓaa: nu taɠaa kaa ə́ pɔɔli, di yee kąnąnŋąą Balaamə ŋą kalan bələi ɓa, yai Balakə liɛwoo kɛ, yili ə hɛlɛn dɛ Israɛlə lonnii tɔwɔ, diɛ haláá huwɔ mįi, ɛlɛɛ, diɛ di kpɔwɔ mąąliɓi la di wɔɔ Yálái ɲɛ̨i ɓa.

M̀ɛni-lɛɛi 2:20

Kɛlaa, ə́ hɔn da kaa laa, ya ɓaa, yá kɛ Ɉezabɛlə mąąwɛli kaai, a nɛ̨ɛ̨nui tii a kɛ gbɔwɔ kɛi a Yálá kwəi mɛ̨nį hukulɔ mun, ɛlɛɛ, yɛ nwɔ́ tínuą nwun ɉu lan, yɛ di mąąkwɛli a wɛlikɛɛ, ɛlɛɛ, da haláá huwu mįi.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

M̀ɛni-lɛɛi 22:15

'Ká kulɔ ɲɛnɛ̨ɛ̨ pələ, yilɛɠaa, ɛlɛɛ, kaahɛn ɉəɠə nuą, tuwɔ pələ ɲɔ̨n gulɔ nuą, ɛlɛɛ, da nu paa nuą, hali kɔ nuą, ɛlɛɛ, da nuąi lɛɛ wɛli kaa diɛ, ɛlɛɛ, diɛ lɛɛ kɛ!