Korɛntə dɔlɔɔ 5:1 - Yálá laawoo hɛɓɛ (dc)

¹ Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Yálá laawoo hɛɓɛ

¹ Pə́lə́ ta kaa ɓoi kɛɛnąą kəlee ɓa, diɛ kɛ: Wɛli mɛ̨nį huwu ta aa kulɔ ká lɔwai, a wɛli mɛ̨nį huwu yii di hvo ta ɲɔ̨nwɔ̨ɔ̨mąn gaa li, hali pulu nuą yíi pələ hu. Ya ɓaa, ká tɔ̨nɔ̨ da nąn nɛ̨ą di kaa yíi ɓa.

Bible

¹ Tɔ̃yâ ma ku mɛni a gɛ́ɛ wulu-wulu kɛ́ɛ káa kásama, ŋwulu-wului nyíi ve Ɣâla kpolowa-ŋa sama máŋ; kpɛ́ni fêi, núu tɔnɔ káa kásama ǹâŋ ŋɔnɛnii káa ǹyêei.

Korɛntə dɔlɔɔ 5:1 Iomraidhean Croise

Zɛnɛse 35:22

Ɓɛlɔwai di kɛ la laa, Rubɛn ə laa a nąn nɛ̨ą Bilha. Israɛlə kili ə pu ɉu. Israɛlə lonnii di kɛ a nu pow kɔ́w hveelɛ.

Zɛnɛse 37:2

Ɉakɔbə lonnii mąą mɛ̨nį hukulaa ka: Ɉosɛfə ə kɛ a hulɔnon, gaa kwɛlan yɛ ɓo pow kɔ́w mɛ̨ihveelɛ, da niɛni di ɓo mɛlaɠaa da moluɠaa pulu lɔi pun ɉu, niɛni tii, di kɛ a nąn nɛ̨ąni veelɛ Bilha da Zilpa di lonnii. Yii kpɔ kɛ niɛni da gɛ a ɲɔ̨nwɔ̨ɔ̨, a pa, ə ɉukulɔ di nąn ma.

Zɛnɛse 49:4

Ə́ kaa yɛ ya-ɠilin. Kɛlaa, ə mą kɛ tii, nupɔlɔlaa hva lɛɛ ə́ yəi. Mąąhɔlɔɓo, yáá ə́ nąn mɛlɛkpɛɛ mą; ə́ laa mɛ̨nį ɓa a nɛ̨́ą ɲə́i gbin ŋą.

Samia Veerɛi 16:22

Di nɛɛ mą di həɠə ɓɛla kələ tɔɔ ɲələi pɛlɛ ɲiman mu, naa ɓə Absalɔn ə laa laa a nąn nwɔ wɛli nɛ̨ąąi kəlee, Israɛlə nuą kəlee ɲɛ̨i ɓa.

Samia Veerɛi 20:3

Davidə ə pənə ə pa bɔ taai Ɉerusalɛmə, nwɔ wɛli nɛ̨ąą powi tii ə di lɛɛ bɛlɛ́ laaləi, diɛ di ɲɛ̨i kɛ bɛlɛ ɓa, ə di həɠə, ə di lɔ pɛlɛ ta mu, nuą diɛ di ɲɛ̨i kɛ diɛ a nɛlɛɛ, yɛ di kɔ̨nɔ̨n gɛ. Hvo kɛa da kɛ a nɛ̨ą, di lɛɛ tii yɛ kalaninŋaa, ə lɛɛ la ɉu di yii hvóló ə kpɛɛ.

Kɔlɔnikɔ Maa-ŋuŋ 5:1

Israɛlə, yai naa ɓa a Ɉakɔbə, non dɔlɔɔ Rubɛn, lonnii laa ka; Rubɛn tii ɓə kɛ a nąn non ɉulɔnu tɔlɔɔ, kɛlaa, ə nąn naa gbin ɓɛlɛtoo. Yili ɓə gɛ, nu pɔlɔ laa ŋɛ̨i kɛ mąąnɛ̨ɛ̨ ə kɛ ɲəi, ə lɛɛ Israɛlə lon Ɉosɛfə nonnii yəi. Ə kɛ kɛa a nui nu pɔlɔ laa aa kulɔ ɲəi nąn ɲəi bɛlɛ́n.

Ɉeremi 2:33

A tɛ̨ą, ə́ wɛli hon bələ mąą kpaɠala kɔ́lɔn. Mɛ̨nį ɲɔ̨n gəlee kɛ yɛlɛ kaa kɛa ə́ ɲɛ̨i ɓa.

Izikiɛ 16:47

Hvo di pɔɔ kɔ́ɔn ni a yola, yɛ́ ə́ yee too di wɔ ɓowo mɛ̨nįɠaai tii hu; ə́ ɲɔ̨nwɔ̨ɔ̨ ə́ yee tɛɛ diɛ pələ kəlee hu.

Izikiɛ 22:10

Nu taɠaa diɛ laa a di kaa nąn nɛ̨ą, ə́ pɔɔli nuą, di laa a nɛ̨ɛ̨nui ɲəi waai.

Levetekɔ 18:8

«Hvó kɛ ə́ kaa laai a ə́ nąn nɛ̨ą ta, yá gɛ tii, yáá ə́ nąn mɛlɛkpɛɛ mą.

Levetekɔ 20:11

«Nui a laa a nąn nɛ̨ą ta, aa nąn gbuwulu kaa, da di nu hveelɛi di paa, di ɲąmą wulu a lɛɛ di nwuɔ̨.

Amɔsə 2:7

Da kɛ kiti kɛ pɛlɛ mu, mąąwɛli nuą ɓə da too di mɛ̨i, diɛ di nwun giin. Hulɔnu ta luwɔ nɛ̨ɛ̨nu ə kɛ ɲəi, ɉulɔnui tii da nąn diɛ la a nuwɔi tii. Yaan, yili kaa a náá ɓɛlɛkpɛɛ mąą.

Gɛlaɠaa 15:20

Ká gu hɛɓɛ́ tɛɛ lɔ diɛ, di di yee kulɔ hali kɔ́ mɛ̨nįɠaa hu, wɛli mɛ̨nįɠaa, huwɔi di hvo nwun dee li, di hvo da mįi; ɛlɛɛ, di hvo huwɔ ɲąmą mįi.

Gɛlaɠaa 15:29

'Ká hvo túnwɔ̨n hálaa huwɔ ɓa, 'ká hvo ɲąmą mįi, huwɔi di hvo nwun dee li, ka hvo mįi, ɛlɛɛ, da wɛli mɛ̨nį. 'Ká tɔɔ a ká nwąnąi, ka mɛ̨nįɠaai ti mąą laa, akɛti, káá mɛ̨nį lɛlɛɛ kɛ. Ká yələwala.»

Korɛntə dɔlɔɔ 1:11

Mąąhɔlɔɓo, ną́n nonnii, Kloe yəi bɛlɛ́n nuą di mo mąą diɛ: Woo taɠa kaa ka lɔwai.

Korɛntə dɔlɔɔ 5:11

Kpələ! Ŋą́ mo ɉɛɓɛ́ hu, gɛ́i: Nui gu Nąn naa kaa mą, mąą nu a kɛ a wɛlikɛnmun, awala kɛ tii, a kɛ a hɛn nwɛlimun, a nui a kwɛli hvilɛn hali ɓa, a wala kɛ tii, a laa kalamun, a lɔɔ-hon, a nwuɔ̨mun; ká nu taaləi ti ká mąą mɛ̨nį ta hvo pɛlɛ gee ɓa, 'ká hvo mąn kɔ̨nɔ̨n mįi gee ɓa.

Korɛntə dɔlɔɔ 6:13

«Kɔ̨nɔ̨n gaa a koo lon nwɔɔ, koo lon yaan, kɔ̨nɔ̨n mɛ̨nį ɓə gaa la nu ɓa.» Tɛ̨ą li, kɛlaa, koo lon da kɔ̨nɔ̨n, gəlee kaa a kala hɛn Yálá ɲɛ̨i ɓa. Kɛlaa, nu kpįnį nwɛi, hvo a túwɔ́ pələ ɲɔ̨n gulɔ nwɔɔ, nu kpįnį kaa a gu Nąmu nwɔɔ, gu Ną́mu yɛ ɓo a nu kpįnį nwɔɔ.

Korɛntə dɔlɔɔ 6:18

Ka pu ka həɠə túwɔ́ pələ ɲɔ̨n dɔwɔ, nɛ̨ŋɛ̨n da kpɛliɠaa kaa laa, nu a ɉəɠə hva gɔlɔ mąą liɓi. Kɛlaa, túwɔ́ pələ ɲɔ̨n gulɔmun a nɛ̨ŋɛ̨n ɉəɠə gbɔwɔ kɔ́lɔ ɓa.

Korɛntə dɔlɔɔ 6:9

Ka hvo gɔlɔn káá, hulu kɛ nuą, di wɔɔ naa hvo Yálá nwɔ tɔɔlaai hu? Ká hvo ka kpɔwɔ ɓowo yili hu! Ə kɛ a wɛli hon nuą, ə kɛ a nuąi da kwɛli hvilɛn hali ɓa, ə kɛ a wɛlikɛ nuą, ə kɛa nɛ̨ąąi da laa a di kee, ə kɛ a hinąąi da laa a di kee,

Korɛntə veelɛ 12:21

Ɲɔw kaa ɉú, ŋą́ pənə ŋą́ pa, nwɔ́ Yálá hvo pa nwúmɛ̨ ká ɲɛ̨i ɓa, gɛ́ wɔlɔ nu tamąą mąą mɛ̨ni ɓa, a diɛi tii daa nɛ̨ŋɛ̨n ɉəɠə, ɛlɛɛ, di hvo di hɔn mąą hvalin ni, di wɔɔ wɛli mɛ̨nį, di wɔɔ túwɔ́ pələ ɲɔ̨n, da di mąąliɓi mɛ̨nįɠaa hu.

Korɛntə veelɛ 2:5

Akɛ di nu ta lííholi, ɲą́ą́ hvə di nííholi, kɛlaa, gwa gaa kpɔ tii, 'gu hvo nąą mąą walawala hvo tɛɛ ɲɛ̨n ɉu.

Korɛntə veelɛ 7:12

Ká gaa kani gɛ́ ɉɛɓɛ́i ŋɛ̨i tɛɛ káá, nui ɉɔn gɛ mąą mɛ̨nį hvəə, nui di di hɔn gɛ la mąą mɛ̨nį hvəə, kɛlaa ə gɛ, káá kpinįi káá pɛli gaai Yálá ɲɛ̨i ɓa, káá kɛ ku mąą mɛ̨nį nwąnąąi káá.

Galatə 5:19

Kɔlɔ liiɓa mɛ̨nįɠaa di wɛi, gu di kɔlɔn, diɛ ɓaa: Wɛli kɛɛ, mąąliɓi túwɔ́ ɓoɔ, túwɔ́ pələ ɲɔ̨n gulaa,

Ifisiɛŋ 5:3

Túwɔ́ pələ ɲɔ̨n, mąąliɓi mɛ̨nį huwui lɔpee, hɛn nwɛli laa, di mąą hvo kpɛli nɛ̨ɛ̨li ká lɔwai, ka ka yee kulɔ yiliɠaai hu, ya ɓə a mąąhəɠə nuą mąą hon.

Dutɛrɔnome 27:20

«‹Nui a laa a nąn nɛ̨ą ta, yɛ nąn vulu pələ kɛ tii, Yálá! Nɛ̨ŋɛ̨n ə laa!› Nɔi lonnii kəlee di mu hon diɛ mą: ‹Mįįną!›

Kolosə 3:5

Yili ɓə, mɛ̨nįɠaai ká hu, a yɛnɛ̨ɛ̨ nwɔɔ, 'ká yiliɠaa paa kani, diɛ ɓaa: Wɛlikɛɛ, mąąliɓi túwɔ́, nwumɛ̨ mɛ̨nįɠaa kɛɛ, ɛlɛɛ, da hɛn nwɛli laa, yili yaa kpɛli, gaa a hali kɔ́ɔ.

Tɛsalonikə dɔlɔɔ 4:7

Yálá hvo kɛ gu təli li gu yee lɔ mɛ̨nį ɓa mąąliɓi túwɔ́ hu, kɛlaa, Ə gu təli mąąhəɠə laa ɓa.

M̀ɛni-lɛɛi 2:21

Ŋą́ą́ kuu tɛɛ bɔ, əgɛ, ə duwɔ pələ mąąhvalin, kɛlaa, hvo bɔ hvo ɲee kulɔ mąąliɓi yíi tii hu.

M̀ɛni-lɛɛi 21:8

Yii ɓaa ɲɔw nuą, diɛi di hvo kulɔ di woo ɓa, diɛi a tuwɔ pələ ɲɔ̨n gulɔ nuą, a nu paa nuą, a hiɛnɔwai kɛ nuą, a kaahɛn ɉəɠə nuą, a hali kɔ nuą, ɛlɛɛ, da lɛɛ nuą; di wɛi nąą ɓaa nwɔ̨n máɠa hu; yili ɓə a haa veelɛnąą.»

Samuɛlə dɔlɔɔ 2:24

Ka kpɛla mą nónnii, mɛ̨nįi Yai-Laa nwɔ nu huwui kaa Lɛa mo a ka laa hvo kpɔ lɛlɛ li.