Korɛntə dɔlɔɔ 4:10 - Yálá laawoo hɛɓɛ (dc)

¹⁰ Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Yálá laawoo hɛɓɛ

¹⁰ Ku kaa a ɓowo nuą Kristə mąą mɛ̨nį ɓa, kaa ɓo a kilimąą nuą Kristə hu. Ku hvįikpɛɛi, ká huwalawalai, da ká mąąwiɛ, diɛ ku ɓɛlɛ too.

Bible

¹⁰ Kúkaa a ƃoo-ƃela Kôrai mɛni ma, kɛ́lɛ, kákaa a táre-ƃela Kôrai kponôi. Kúfii kpɛɛ̂i, kɛ́lɛ, kasu kpanaŋɔɔi. Da ƃâa kɛ̀ kâa, kɛ́lɛ, da díŋɛi naɣîŋ kúmɛi.

Korɛntə dɔlɔɔ 4:10 Iomraidhean Croise

Tɔɔɓɛlaa veelɛ 9:11

Ɉehu ə kulɔ ə li tɔɔmun nwɔ tínuąi pɔ, yiliɠaa diɛ mą: «Gu mɛ̨n nąą bələ! Lə mɛ̨nį ɓə mowomun ə paa la ə́ pɔ?» Ɉehu yɛ diɛ: «Kaa kpinįi ka nui kɔ́lɔn, da nwoo tɔ̨nɔ̨i lɔ gaa na!»

Hanwon 11:12

Kili a kpɔmąą tɛɛ ə́ pɔ, hva mɛ̨nį ɲɔ̨n gɛ. A ɲee kɛ yɛ́ ka lɛɛ ka lɔwai, ə lɛɛ,

Azaya 53:3

Mɛlɛkpɛɛ kɛ mą, nuą daa di ɲɛgilɛn dɔɔ mą, ə ɓo a mɔ̨nɔ̨ laa looo, laa nɔ̨nwɔ̨ hvilɛn ŋąą bulu, ə ɓo a nui da di ɲɛ̨i loo dɔwɔ, a tɛ̨ą, ə kɛ ku ɲɛ̨i ɓa a nui mɛlɛkpɛɛ mą.

Osia 9:7

Ɉu tɔɔ yələ aa həli, di woo hu kulɔ yələ aa həli: Israɛlə kaa pai yili kaai! Yálá kwəi mɛ̨nį hu kulɔmun aa ɓowo, gili nąmui kili aa kpɛɛ ɲəi, yɛ́ túwɔ́ pələ ɲɔ̨n ɉu kɛnɛ̨ pələ ɓa, da nwɛli kpɛɛmąą di gulɔ a yɛ́, ɉu kɛnɛ̨ pələ ɓa.

Maafîu 24:9

«Yili pulu, nuą kaa pai kɛi ka hon ɉi diɛ ka kɛlɛ, diɛ ka taɠaa paa. Ka wɛli kaa pai kpɛɛi nu kəlee ɓa, ɲą́ą́ náá mąą mɛ̨nį ɓa.

Maafîu 5:11

«Nwun na nɛ̨ɛ̨ nuą ɓaa a kaa, akɛ nuą da kɛi ɓɛlɛkpɛɛ mąą woo ɓo kaa, diɛ mɛ̨nį ɲɔ̨n nɔpee gəlee ɓo a ka laa, ɲą́ą́ mą́ą́ mɛ̨nį ɓa.

Lukə 10:16

Jesus ə mo nwɔ̨nɔ̨ nwɔ kalan nɛai diɛ, yɛ diɛ: «Akɛ nu ta a nwəli tɔɔ kaa, a kɛ tii, aa nwəli tɔɔ mą́ą́. Nui a lənə kaai, a kɛ tii, aa lənə mą́ą́. Yaan, nui a lənə mą́ą́, a kɛ tii, aa lənə nui dɛ́ɛ́ ma.»

Lukə 18:9

Nu taɠaa di kɛ laa, diɛ di nwun dɛ, diɛ di kpɔɔ kaa a tələnmo nuą, diɛ nu takpɛliɠaa hviiɓo, Jesus ə ɉanwon ŋɛ̨i hɔɔ, di mąą mɛ̨nį ɓa.

Lukə 6:22

«Nwun na nɛ̨ɛ̨ nuą ɓaa a kaa, akɛ nuą da ka wɛli kpɛɛ diɛ, di lənə kaa, diɛ ka lalan, ə lɛɛ, diɛ ka ɓɛlɛkpɛɛ kaa, a ɲɔ̨nwɔ̨ɔ̨ ɲą́ą́ ŋɛ̨i a Nu Lon náá mąą mɛ̨nį ɓa.

Gɛlaɠaa 17:18

Mɛ̨nį kɔlɔn nuą di kɛ laa, diɛ ɓaa: Epikuri da Stoisi di wɔ kalan nɛa da Polə ni di kɛli lono kɛ, daɠaa di kɛli, kɛ diɛ: Ɛ̨i, naanɛ̨ɛ̨mąąmun ŋɛ̨i, yɛ lə? Daɠaa diɛ kɛ: Gaa kpɔ kiɛ yɛ yálá takpɛliɠaa mąą mɛ̨nį laa həli mun. Hvo gaai, Jesus mąą mɛ̨nį da nwun mɛ̨nį ɓə Polə ə kɛi naa həli.

Gɛlaɠaa 17:32

Yii lɔ Polə ə nu nwun mɛ̨nį yɛ kulɔ haaɓɛlaa lɔwai mɛ̨nį ɓo, di taɠaa di kɛli yɛlɛ mą; daɠaa diɛ kɛ: «Ku kaa pai ku wəli tɔɔi ə́ woo ɓa a yələ takpɛli.»

Gɛlaɠaa 26:24

Polə ə lɛɛ lɔ nwoo hukulɔi, Fɛstusə ə bələ hon na, ə tomą kpɔ a nwoo kɛnɛ̨, yɛ mą: «Polə, ɓowo ɓə yáá mo? Nakwəli kɛnɛ̨i ŋɛ̨i ə́ gɛi, yɛ ə ə́ ɓowo?»

Gɛlaɠaa 9:16

Mɔ̨nɔ̨i gaa pai mįi náá mą́ą́ mɛ̨nį hu, ɲą́ą́ gbínįlee gáá pai yili kəlee lɛi mą.»

Korɛntə dɔlɔɔ 1:21

Gbala ə tɔɔ, yɛnɛ̨ɛ̨ ŋą kilikɛɲəi laa hu, hvo kɛ Yálá kɔlɔn ni, Yálá ŋą kilikɛɲəi hu. Hvo gaai, mɛ̨nįi ŋɛ̨i ku kaa naa həli, yɛ ɓo a ɓowo mɛ̨nį nu kanŋaa ɲɛ̨i ɓa, ya ɓə Yálá ə gaa a mɛ̨nį haŋąą, yɛ laa na nuą nwun mąąɓo la.

Korɛntə dɔlɔɔ 1:23

kɛlaa ku wɛi, Ɓalomun di gbanwo kolɔwa ɓa, ya ɓə ku kaa mąą mɛ̨nį laa həlii, yai a nu kɔwɔ tuwɔ kwɛnį Ɉuifəɠaa diɛ, yɛ ɓo a ɓowo mɛ̨nį huwu takpɛliɠaa ɲɛ̨i ɓa.

Korɛntə dɔlɔɔ 1:25

Mąąhɔlɔɓo, yii Yálá ɲɛ̨i ɓa a ɓowo mɛ̨nį, gaa a kilikɛɲəi laa kɛnɛ̨ɛ̨, dɛɛ nu kan ma; ɛlɛɛ, yii Yálá ɲɛ̨i ɓa a hvįikpɛɛlaa, vaŋą kɛnɛ̨ɛ̨ dɛɛ nu kan ma.

Korɛntə dɔlɔɔ 10:12

Yili ɓa, nui a giliŋąhiɛ yɛ gaa tɔɔni, ə gɛ a nɛlɛɛ, hvo pa too.

Korɛntə dɔlɔɔ 2:14

Nui nu kan gili lɔ ɓə mą, mɛ̨nįi a həɠə Yálá nwɔ Kilii pɔ pələ, hva pɛli ɲee heei mu. Gbala ə tɔɔ, gaa ɲɛ̨i mu a ɓowo mɛ̨nį, hva pɛli gbaɠala kaai; mąąhɔlɔɓo, Yálá ŋą kilii hu ɓə da pɛli di mɛ̨nįɠaa ti hutɔɔ la.

Korɛntə dɔlɔɔ 2:3

Yili ɓə gɛ, ŋą́ kɛ ka lɔwai yɛ nu hvįikpɛɛ, gɛ́ ɲɔw, mąą yɛ kpɛlin.

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.

Korɛntə dɔlɔɔ 3:2

Ɲįnįyá ɓə ŋą́ dɔɔ ka la, və́ kɔ̨nɔ̨n nwalawala lɔ li ka la, mąąhɔlɔɓo, ka hvəli pɛli mįi. Ká hvo li pa nwɔ̨nɔ̨ kɛ pɛli mą háákələi.

Korɛntə dɔlɔɔ 4:8

Káá gbɛa pilɛ! Káá gbɛa kɛ a hɛn gɔw nąmįną! Ə kulɔ ku pulu, ká kaa kɛ a tɔɔɓɛlaa! Kɛlaa, ku wɛi, ku hvo la! Ə li kɛ, ka kaa kɛ la a neeleei, kuɔ kpɛli ku li kɛ tɔɔlaa hu gwa gaa ni.

Korɛntə veelɛ 10:10

gbala ə tɔɔ, daɠaa da kɛ diɛ: Nwɔ hɛɓɛ́ɠaai hu woo walawalaai, dɛɛ, gbinį lee ɓa, a kɛ ku lɔwai, nwoo vaŋą hvo ɉu.

Korɛntə veelɛ 11:19

Káámun a kilimąą nuą, ká naa ká kwəi, káá ká yee hee hupumąą nuą mu;

Korɛntə veelɛ 11:29

Nui a kɛ yɛ vįikpɛɛi, ɲą́ą́ gbɛlimąn vį́ikpɛɛi, nu ta a too nɛ̨ŋɛ̨n ɉu, ɲą́ą́mun mə niikələn gwəi a həli mą́ą́.

Korɛntə veelɛ 13:9

A neelee, kwa kɛ kwəinɛ̨ɛ̨ kulɔi, ɓɛlɔwai ku hvįi a kɛ la a gbɛɛ, ká hvaŋą yɛ kɛnɛ̨. Ku wɔɔ hvɛli woo nwun ga, ya ɓaa, ká mąą mɛ̨nį ə pɛli ɉu.

Korɛntə veelɛ 4:12

Bələ lɔ ɓə, haa a gɛ kolo kɛ la ku hu, kɛlaa, yɛnɛ̨ɛ̨ yɛ nwɛi kɛ ká hu.

Korɛntə veelɛ 6:8

mąąwiɛlaa hu da ɓɛlɛkpɛɛ gwəi laa hu, laa kala hu da nu laa lɛlɛɛ ɓoɔ hu, diɛ ku kaa a lɛɛ nuą, yá pa kuɔ tɛ̨ą ɓo,

Tɛsalonikə dɔlɔɔ 4:8

Yili ɓa, nui a ɲee kulɔ niɛwoo ŋɛ̨i mui, hvo ɲee kulɔ li nu ta mu, Yálá ɓə aa ɲee kulɔ mu, yai ŋą Kili-Mąąhəɠɛɛ tɛɛ ká pɔi.

Piɛrə dɔlɔɔ 4:14

Ká nwun na nɛ̨ɛ̨i, da kɛli ká laa kala Kristə laa mąą mɛ̨nį ɓa, mąąhɔlɔɓo, mąąwiɛ Kili, a Yálá nwɔ Kilii, gaa ka pɔ.