Korɛntə dɔlɔɔ 3:7 - Yálá laawoo hɛɓɛ (dc)

⁷ Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Yálá laawoo hɛɓɛ

⁷ Yili ɓa, nui ɉin hvo a hɛn da, nui nwɔ̨nɔ̨ ɲá pu mą, hvo a hɛn da, Yálá yaa tanɔ̨n lɔ ɓə naa kaa mą, yai gɛ, yɛ kɛnɛ̨.

Bible

⁷ Mɛni ma, ǹúui a sí-sɛŋ sii, kpaa máŋ, ǹúui a yá pù mai, ve a sɛŋ da, fɛ̂ɛ nɔ́ Ɣâla nyíi a gɛ̀ e ƃɔlɔ̂i.

Korɛntə dɔlɔɔ 3:7 Iomraidhean Croise

Mąątɛ̨nɛ̨ 115:1

Kuɔ hvəi, Yai-Laa, kuɔ hvəi mąąnɛ̨ɛ̨ ku mąąwiɛ hɔlɔɓo; kpələ́! Kuɔ hvəi, kɛlaa yili mąąnɛ̨ɛ̨i ə kɛ Ə́ laa mąąhəɠɛɛ ɓa, ə́ wɔ wɛlikɛmąąlaa, da ə́ wɔ tɛ̨ą mąą mɛ̨nį ɓa.

Mąątɛ̨nɛ̨ 90:17

Nwɔ́ mɛ̨nį Nąmu ku wɔ Yálá, ku hon a liinɛ̨ɛ̨ gwəilaa! Ku kɛ kolóɠaa dɔlɔ kɛ mą ku yəi! Nɛ̨ɛ̨ yɛ́ ną́n! Ku kɛ kolóɠaa dɔlɔ kɛ mą, yɛ pɛli lamui ku yəi.

Azaya 40:17

Lɔi kəlee kaa ɲɛ̨i mu a kpɛli-kpɛli, gaa lɔ yɛ da wala kɛ yɛnɛ̨ɛ̨.

Azaya 41:29

Kɛlaa, di kəlee di kɛ pələ ka: Di kaa lɔ a mɛ̨nį ɲɔ̨n dee dee di kɛ kóló hvo a hɛn da, di mąąnįnįn gaa lɔ a hvaŋą kpɛli kpɛli.

Ɉaan 15:5

«Ɲą́ą́ ɓə gáá a nwulu, kaa ɓo a nwonwoɠaa. Nui a kanąn mą́ą́, ɲą́ą́ gbɛli ŋą kanąn mą, a ɓa a damąą. Mąąhɔlɔɓo, ka wala kanąn mą́ą́, ka hva pɛli mɛ̨nį lɔpee ta kɛi.

Korɛntə dɔlɔɔ 13:2

Ə mą kɛ ŋą́ pɛli Yálá-taa mɛ̨nįɠaa kəlee hu kulɔi, gɛ́ ɓo a mɛ̨nį looɔɠaa kəlee kɔ́lɔnŋąa, da kili mɛ̨nį kəlee, ə mą kɛ laa na laa kaa ɲɛ̨́i gɛ́ yeeɠaa həɠə la dɔɔi, akɛ wɛlikɛmąąlaa awala kɛ ɲə́i, gáá a kpɛli-kpɛli.

Korɛntə dɔlɔɔ 3:6

Ɲą́ą́ ɓə ɉin, Apɔlɔsə ə yá pu mą, kɛlaa, Yálá ɓə gɛ yɛ kɛnɛ̨.

Korɛntə dɔlɔɔ 3:8

Nui ɉin da nui yá pu mą, di kaa tanɔ̨n, nu kɛlee a gɛ kolo hvɛla hɔlɔɓo yɛ bələi ə tí la.

Korɛntə veelɛ 12:11

Ɲą́ą́ ka kani, ŋą́ą́ kɛ a ɓowo mun, káá ɓə gbáán gɛ́ kɛ la. Káá ɓə kɛ mąąnɛ̨ɛ̨ kɛ ká mą́ą́liɛwoo kɛ. Gbala ə tɔɔ, və́ a hɛn da hɔlɔɓo li a diikpɛɛ, ə tɛɛ la gɛla kpɛa-kpɛaa tii diɛ, bələi mąn və́ la a hɛn dai.

Korɛntə veelɛ 12:9

Kɛlaa, ə nwóó ŋąą pənə yɛ mą́ą́: «Nwɔ́ mɛ̨inɛ̨ɛ̨ tii ə́ yəi, a pɛli; mąąhɔlɔɓo, nwɔ́ huwalawalalaa a too pono ŋą, ə́ wɔɔ hvįikpɛɛlaa tii hu.» Yili ɓa tii, nwɔ́ hvįikpɛɛlaa hu ɓə ŋą́ gbɔ́wɔ́ ɲąą kɛnɛ̨ la, ə gɛ, Kristə nwɔ huwalawalaa ə hee mɛ̨́i.

Galatə 6:3

Mąąhɔlɔɓo, akɛ nu ta a gbɔwɔ kaa yɛ nu walawala, ya pa, yaan hvo a hɛn da, gaa gbɔwɔ ɓowoi.