Korɛntə dɔlɔɔ 3:17 - Yálá laawoo hɛɓɛ (dc)

¹⁷ Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Yálá laawoo hɛɓɛ

¹⁷ Nui a Yálá hee pɛlɛ́ kala, Yálá yaa kpɛli a mąą nu kala. Mąąhɔlɔɓo, Yálá hee pɛlɛ́ mąąhəɠɛɛi, ɛlɛɛ, Yálá hee pɛlɛ́ tii, káá ɓə.

Bible

¹⁷ À kɛ̀ núu da à Ɣâla ŋɔpɛ́rɛi su kàra, Ɣâla a pâi zu karâi. Kpɛ́ni fêi, Ɣâla ŋɔpɛ́rɛi maa waâi, ǹyaŋ maa-pɛrɛi ti ƃe kákaa la.

Korɛntə dɔlɔɔ 3:17 Iomraidhean Croise

Zɛnɛse 28:17

Ə ɲɔw kpɔ kɛnɛ̨, yɛ diɛ: «Gɛɛnąąi ŋɛ̨i mąą ɲɔwuɔi, Yálá nwɔ pɛlɛ́ kpɔkpɔɔ ka, ɓɛ kaa a yələkɔlɔn ɉu pɛlɛ laaləi.»

Kɔlɔnikɔ Maa-ŋuŋ 29:3

Yili pulu, yii kpɔ Ną́mu Yálá nwɔ pɛlɛ́i mąą mɛ̨nį kaa a gwə́inɛ̨ɛ̨ mɛ̨nį, hɛni da walii ɲə́i a gbɔ́wɔ́ nwɔɔ, ŋį́ dɛɛ Ną́mu Yálá nwɔ pɛlɛ́i tɔɔ mɛ̨nį ɓa, ə pɛlɛ la bɛlɛ́ tɔɔ hɛnŋąąi kpɔ ŋį́ ŋąąkpɔn mą.

Mąątɛ̨nɛ̨ 74:3

Daa kpoloonŋaa ŋɛ̨i lii vɛ-vɛ, 'pa, ə́ ə́ ɲɛ̨i pili di mɛ̨i; ə́ yowo aa bɛlɛ́ mąąhəɠɛɛ mu hɛn gəlee kala.

Mąątɛ̨nɛ̨ 79:1

Asafə nwɔ wələ woo. Ee Yálá! Hįi takpɛliɠaa daa lɔ ə́ kwɛlin nɔi hu, daa ə́ wɔ pɛ́lɛ́i mąąliɓi; daa Ɉerusalɛmə lɛɛ a taa kpoloon.

Mąątɛ̨nɛ̨ 93:5

Ə́ wɔ tɔ́n nwooɠaai kaa a tɛ̨ą, hva ɉəɠə mą, mąą hva hvalin, Yai-Laa! Mąąhəɠəlaa kaa a yɛ́ bɛlɛ́i mąą hon ɉɛn, a yələ kəlee mɛ̨nį.

Mąątɛ̨nɛ̨ 99:9

'Ka Yai-Laai gu wɔ Yálái laa tɛ. 'Ka kwɛli hvilɛn nwɔ yee mąąhəɠɛɛi pɔ pələ, mąąhɔlɔɓo, Yai-Laa, gu wɔ Yálái Mąąhəɠɛɛi!

Lɛɛ gbɔwɔ ɓa 3:5

Yálá yɛ mą: «'Hvó kɛ ə́ kaa lɛɠɛi ɓɛ. 'Gɔlɔ kulɔ ə́ kɔ́wɔ ŋą. Mąąhɔlɔɓo, ɓɛi tii ə́ kaa laa, lɔi mąąhəɠɛɛ li.

Azaya 64:11

Yá kɛli mɛ̨nįɠaai tii kəlee kaa, Yai-Laa, Yá pɛli mɔ̨ɔ̨ ə́ kpɔwɔ hu hon ɉi? Yɛ́ tɔɔ lɔ kpɛli kpɛli? Yɛ́ ku nwumɛ̨ la tii a gɔn bulu pələ?

Izikiɛ 43:12

Bɛlɛ́ mąą tɔ́n ga: Ɲee ton na, da nɔi kpɔ tii gwɛlɛ nąą kəlee, ə mąątínɛ̨n ə doo gee hu, mąąhəɠɛɛ kpɔ kɛnɛ̨. Bɛlɛ́ mąą tɔ́n ga tii.

Izikiɛ 5:11

Yai-Laa gu wɔ Yálái woo ka, yɛ: A kɛ kpɔ gáá a vúlúmaa, yii kpɔ ə́ ŋą́ pɛlɛ́ mąąhəɠɛɛi mąąluwu a yɛ́ kɛɛ kala mɛ̨nįɠaai, da yɛ́ tuwɔ pələ ɲɔ̨nŋąąi ti, ɲą́ą́n gbɛlimąn gáá pai kpəŋą həɠəi; və́ pai nu ɲɛ̨imąąwɛli kaai; və́ pai nu mąąhvaalɛɛi.

Izikiɛ 7:22

Gáá pai búlu tinɛ̨n ɉii diɛ, diɛ nwɔ́ hɛn gɔwi hukala. Nwuɔ̨ nuą di kaa pai pai laa, diɛ ɉu kala.

Levetekɔ 15:31

«'Ka mo Israɛlə lonnii diɛ, kaa diɛ: tɔ́n a kɛ nu ta ɓa, ə lɛɛ dɔ̨nɔ̨ kon ɉu, hvo kɛ gaa pai gee kaa kələ laaləi,, hvo pa nəi haa a nwɔ́ pɛ́lɛ́i mąąliɓi a mo.»

Levetekɔ 20:3

Ɲą́ą́n, ŋą́ ɲɛ̨i ɲɔ̨nwɔ̨ɔ̨ hee mąą nu ɓa, ŋį́ gulɔ nɔi nuą lɔwai; mąąhɔlɔɓo, aa non da tɛɛ Molɛkə pɔ, yɛ nwɔ́ pɛ́lɛ́i mąąliɓi la tii, ɛlɛɛ yɛ náá ɓɛlɛkpɛɛ mą.

Sofoni 3:4

Nuąi laa, diɛ Yálá kwəi mɛ̨nį hukulɔ, di kaa a kpɔwɔ ɲąąkɛnɛ̨ nuą, di kwəi hvo kwələ li. Nwɔ haláá laa həli nuą, daa ɉɛn mąąhəɠɛɛ mɛlɛ kpɛɛ mą, daa dɔ́n mąą kala.

Lonon mo 19:20

«Kɛlɛɛ nui a tɔ́n bɛlɛ gbɔwɔ ɓa hva mąąhəɠə kóló kɛ, nu taaləi tii, mąąnɛ̨ɛ̨ di nɛɛ dɔ̨nɔ̨ kon ɉu. Hvo pa nee Yai-Laa nwɔ kɛɛnąą mąąhəɠɛɛi mąą liɓi. Mąąhɔlɔɓo di hvo ɲá mąąhəɠɛɛ taɠa li mą, tɔ́n gaa mą.

Korɛntə dɔlɔɔ 3:16

Ká hvo gɔlɔn kaa diɛ Yálá hee pɛlɛ́ ɓaa a káá? Ɛlɛɛ, Yálá-Nįi kaa heeni ka hu?

Korɛntə dɔlɔɔ 3:18

Nu ta hvo gbɔwɔ ɓowo, nu ta a kɛ ka lɔwai yɛ gbɔwɔ kaa yɛ ɲɛ̨nɛ̨ɛ̨ ŋą kilimąą mun, ə gbɔwɔ kɛ a ɓowomun, ə gɛ, ə kɛ a kilimąą mun neelee.